نسبة للحالة الصحية للمدرب ..الوالى طلب من البدرى عدم الإشراف على لقاء القمة
الخرطوم / نصرالدين الجيلانى
كشف اللواء مدنى الحارث مدير الكرة بنادى المريخ معلومات جديدة حول سفر الكابتن حسام البدرى المدير الفنى السابق حيث أكد بان البدرى غادر بطلب من رئيس المريخ جمال الوالى نسبة للحالة الصحية للمدرب بعد لقاء الأهلى فى نهاية الدورى الممتاز وخوفا من أى تأثير سلبى عليه فى ديربى امدرمان خاصة بعد تتويج الفريق باللقب واشاد الحارث بالمدرب المصرى والذى بذل مجهودا كبيرا لفوز المريخ ببطولة الممتاز وظل حريصا على ذلك بجانب رفاقه بالجهاز الفنى فاروق جبرة وويلى الالمانى وطارق سليمان مدرب الحراس والذى نجح فى اعداد الحارس الشاب يس بصورة جيدة فى وقت وجيز بعد مواصلة الحارس عصام الحضرى هوايته فى الهروب فى الأوقات الحرجة وظل يس دوما جاهزا لأداء الضريبة وحده لإصابة زميله محمد كمال بشندى
الراي العام
لالا الحقيقة انو جمال الوالي قال للبدري امشي لانو الهلال دا فريق جعان وماقدر المستوى والمريخ كمان كان داير يلعب بي فريق الدرجة التانية لولا اصرار الجمهور
يا حنينة ياختي…..يا عنايات
;) |× الرلالاااال×| :cool: :rolleyes: ;( :D :confused:
,واللة خاف علي صحتو بعدين يقوم يتلحس بزبحة ولا حاجة مع انو لسة ما عرفنا قروش الوالي دي من وين امكن من اغتراب التسعينات ولا كيف
ها ها ها ها ها ها ها ها هااااااااااااااااااي
مكنة جديدة لنج …
بالله ده كلام !!! اول مرة في حياتي اسمع بمدرب بخافوا عليه ,,
والله المريخاب ديل مساكين خلاص ، ما عارفين يدارو على فضيحة الحضري ولا البدري ولا فاروق جبره ولا المواسير البايظة دي واخيرا كمان الحارث..
غايتو شيلو شيلتكم مع شوربجي وكمال الهدي …
براكم عملتوها في روحكم …
هسه في داعي يالحارث للكلام ده ؟ ما الزيطة انتهت خلاص والموضوع عدى على خير وفرحتوا بالتعادل مع سيد البلد وشلتو الكاس تاني الكلام ده لزومو شنو ؟
غايتو اداره غريبة وعجيبة !!!
مجنون ليلى والهلال