مشاجرة تتسبب في تأخّر طائرة قادمة من القاهرة

يعني خلاص اعتذروا و القضية انتهت طيب الناس الأتأخروا ذنبهم شنو مفروض يكون في تحقيق و عقوبة واكيد ديل كيزان ركبوا في مقاعد الدرجة الاولى بدون وجه حق وانتهت المشكلة بالتحلل كالعادة

كايسين الشباك .ديل ناس سف. مابلع.

والله المروض مايخلوهم يسافروا في الرحله , لانهم عطلوها وكمان غلطانيين وعاملين مشكله ,, الله لابارك فيكم يا هبل ياكرور

الاخ صادميم

اولا ديل ما كيزان ولكن هذه شخصية الراكب السودانى التى تتغير 1500 درجه مجرد ما خت صلبه فى مقعد الطائره.
يا عزيزى أنا إلتحقت بالعمل بسودانير مطار الخرطوم فى منتصف السبعينات وشاهدت نفس السيناريو فى اليوم الواحد 10 مرات.

ثانيا هم ماجلسوا فى مقاعد الدرجه الاولى ولكنهم جلسوا فى مقاعد غير المسجله لهم فى كرت الصعود للطائره وهذه طبيعة الراكب السودانى لايطلع على المعلومات المدونه فى الكرت بمعنى يجيك بكل بساطه يقول الطياره قايمه من ياتوا بوابه.

ماعارف السبب ليه الراكب السودانى بتحنفش فقط مع طاقم الطائره وبالتحديد المضيفات منهم..ولا يضع فى الاعتبار بأن هذا الطاقم يقوم بخدمة كل الركاب ولا يخصون راكب على حساب الاخر.

قبل شهرين وأنا جاى للخرطوم عن طريق جده بالسعوديه كان هناك شاب سودانى يجلس فى الصف اللى قدام منى بالقرب من مخرج الطوارئ وكانت معه حقيبه اكبر من تابوت موسى عليه السلام وضعها على ارضية الطائره فى الممر (عشان مايدفع زيادة وزن)…طلب منه رئيس المضيفين {سعودى} بأبعاد الحقيبه من هنا..ولكن صاحبنا الجن ركبوا بدون مقدمات وهاك يا شتيمه لأنه تقريبا أحس بأنه طعن فى كرامته اللى اساسا هى مهانه فى بلده السودان…على طول رديت عليهو ياأخى لما تشخصن الامور وهذا الرجل يؤدى عمله فقط ثم كان مهذبا جدا معاك…بعدين ياأخى إنت قفلت الممر وبالتالى هذا يعيق الحركه فى حالة حدوث اى طارئ لاسمح الله.

وأخيرا سؤالى هل الشخصيه السودانيه تعانى إنفصام…لأنه داخل البلد تدخل الاجاويد باركوها يا اخوانا وخارج البلد متلقيين حجج.

فوضي في كل شيء وسياسة باركوها وفصاحة في الفاضي والمليان خاصة في هذا الزمان الحاضر.. والعالم من حولنا يتطور ويتقدم ونحن العكس.. وربنا يكون في العون.

ي جماعة الطيارة فاضية،،، خلوا الناس تاخد راحتها…يقعد جنب الشباك عشان يعاين للمناظر،، عالم متخلفة بالجد

مرة حصلت لي في رحلة مصر للطيران جايين من القاهرة…زول قعد في كرسي ما حقو و شايل ليهو هاند باق حجمو كبير جدا ،قافل بيهو الممر المضيف جاهو عشان يرجعو مكانو و يشوفو حل للمصيبة السادة الممر دي…الزول قعد يرفع صوتو و عمل فضايح تخجل.
الراكب السوداني في الغالب راكب متعب و ثقافة السفر عندو متدنية شديد ،خصوصا من ناحية السلامة ، تلقاهو ما مركز مع توجيهات السلامة و شرح الفيديو أو الشرح الحي ، قبل ما الطائرة تستقر في الجو و السماح بفك الأحزمة تلقاهو حايم في الممرات ، و أكتر راكب بيدخل (الله يكرمكم) الحمام…دائما وزنو زايد و بيحنس ناس الخطوط في الكاونتر… الطائرة تصل مطار الخرطوم قبل المحركات تقيف او الطائرة ذاتها تقيف تلقي فتح الدرج فوق بينزل شنطو.

يا أخوان انتو دايرين الجد ولا الجمبو ؟
نحن شعب متخلف وهمجي وعندنا مركب نقص وبنحس بالدونية أمام الآخرين … ليه ؟
مع أنو نحن اكتر شعب مثقف وفينا حاجات حلوة ما بتلقاها في الشعوب الأخرى ..

وااا أسفاي

“الملاحظ ان معظم الرحلات الخاصة بالسودانيين تحدث بها مشاكل. تجد بعض المغتربين مهذبين جدا خارج السودان وبمجرد ركوبهم الطائرة يرجعون الى طبيعتهم”.