يوسف السندي
بعد الاجابة في المقال السابق عن سؤال: لماذا لا تدعمون الجيش في الحرب؟ ندلف لثاني اكثر الأسئلة الموجهة من البلابسة لانصار لا للحرب وهو: لماذا تساوون بين الجيش والدعم السريع في الانتهاكات وانتم ترون اكثرها في مناطق سيطرة الدعم السريع؟!
الاجابة على هذا السؤال تتمحور حول التعريف الصحيح لماهية قوات الدعم السريع؟ ومن أين جاءت؟ ومن قام بتدريبها؟ واين مارست هذا الاسلوب الحربي سابقا؟. والتعريف ظاهر وجلي كالقمر في ليلة تمامه لو ان البلابسة يبصرون ويقرأون التاريخ السياسي القريب.
الدعم السريع خرج من رحم الجيش بشهادة قادة الجيش، وتم تقنين وجوده القانوني بتشريعات برلمان الكيزان، لذلك اذا سألت نفسك من اين جاء الدعم السريع بهذا الأسلوب في الحرب؟ فالاجابة الطبيعية هي: من تدريبه وتنشئته القانونية. ومن المسؤل عن تدريبه وتنشئته؟ هما الجيش والكيزان.
تاريخيا مارس الجيش والكيزان والجنجويد (سلف الدعم السريع) نفس هذه الافعال التي يشاهدها الناس وما هو أفظع منها في حرب دارفور في الفترة من ٢٠٠٣ الى ٢٠١٨، والاحصائيات تقول ان التحالف الثلاثي المشترك (الجيش، الكيزان، الجنجويد) قتلوا ٣٠٠،٠٠٠ مواطن بريء في دارفور، نهبوا وسلبوا واحرقوا ١٦٠٠ قرية بالكامل، اغتصبوا عددا كبيرا من النساء، بل في قرية واحدة تسمى (تابت) اغتصبوا ٢٠٠ طالبة وفتاة، يمكن ان يبحث المشككون عن قصة تابت وطويلة في الميديا وفي تقارير منظمات الامم المتحدة.
بل يمكنهم ان يستمعوا لتصريحات شيخ الكيزان الترابي عن طاغيتهم عمر البشير وما قاله عن شرف اغتصاب الجعلي للغرابية!! بضغطة ذر في قوقل يمكن للباحث عن الحقيقة ان يصل لهذا الفيديو الذي يحمل ارفع شهادة متاحة عن جرائم الكيزان وجيشهم في اغتصاب حرائر السودان.
ونسأل البلابسة هل تظنون ان امريكا تبذل اموالها اعتباطا في سبيل القبض على احمد هارون أحد المتهمين بجرائم حرب دارفور؟؟!!
الدعم السريع قوات مصنوعة، وما تفعله في الحرب مدربة عليه، والشيطان الذي صنعها ودربها يعلم انها ستفعل هذا، لذلك أطلق ضدها هذه الحرب، ويرفض كل المبادرات لايقافها، لكي يعطيها الفرصة الكاملة لتؤدب له هذا الشعب الذي ثار عليه واسقطه من الحكم، وتجعل الشعب يجثو خانعا ذليلا تحت قدميه، وهو ما رأينا له دليلا قول البعض هذه الايام ( ليتنا لم نثر ضد الكيزان في ثورة ديسمبر).
انصار لا للحرب يعلمون التعريف الحقيقي لهذه الحرب ولاطرافها، ويستهدفون الشيطان الاكبر الذي يقف خلفهم اجمعين، وهذا الشيطان الان ينتج في مليشيات متطرفة جديدة مثل كتائب البراء وهيئة العمليات وقوات العمل الخاص وغيرها، ويقدمها للشعب في ثوب المنقذ، لكن المفاجاة ان هذه المليشيات الان تقوم بانتهاكات حرب وجرائم ضد الانسانية في المناطق التي سيطرت عليها، وقد ألقى تقرير المنظمة الافريقية الاوربية الذي تم تقديمه امام جلسة مجلس حقوق الانسان للامم المتحدة في الايام الماضية الضوء على هذه الانتهاكات، ويمكن للباحث عن الحقيقة ان يبحث عن هذا التقرير في محرك البحث.
شعب عيي أرهق (بضم الهمزة ) صعودا.. عناد يورث دمار.. الإدراك مفردة طارت إلى السماء، فليمدد بحبل إلى السماء هل يذهبن كيده ما يغيظ!! أوقفوا الحرب ……. فأنتم و نحن و هم عقليات تعيش في القاع لا تمت بصلة لمجتمعات الكوكب في العصر الحاضر
اسئلة ساذجة
الجنجويد كانوا جزءا من الجيش بل واحد فصائله المتقدمة، ولكنه ببساطة شديدة طمع في السلطة وتمرد على الدولة..
هل هذا يعني ان نقول دعوه يفعل ما يشاء لأنه كان يوما ما جزءا من الجيش وان كل من كان ينتمي للجيش له الحق الخروج عليه وان يقتل ويسلب وينهب ويغتصب لأنه كان جزءا من الجيش؟
في كل جيوش العالم هناك من يكون جزءا منها ثم ينقلب عليها فهل يترك له الحبل على القارب لانه كان جزءا من الجيش
ياخي بطل هذه السذاجة والغباء والحجج الباهتة التي يطرحها عليكم عرابكم عرمان دون ان تشغلوا طايوقكم شوية!
انت قلت (الجنجويد كانوا جزءا من الجيش بل واحد فصائله المتقدمة، ولكنه ببساطة شديدة طمع في السلطة وتمرد على الدولة..) سنفترض ان كلامك الذي بين الهلالين صحيح مية في المية
و بناءا على ذلك هل يجوز ان نقول عن الدعم السريع : انهم مرتزقة و أجانب
هل ترضى ان يكون نائب رئيس المجلس السيادي أجنبيا ؟ في هذا الحال , هل هذا مجلس سيادي أم مجلس عصابات متفلتة ؟؟
الواحد العاقل لو كان سكرا طينة و العياذ بالله ما بيقول كلام زي كلامكم دا
و بعدين الا تخجلون حينما تقولون ان هؤلاء مرتزقة و أجانب ؟؟ لأن هذا يعني بكل بساطة ان الجيش السوداني البطل لا يستطيع ان يدافع عن ارضه امام عصابات من المرتزقة الاجاننب و الذين قطعوا الحدود من اقصى الغرب الى وسط العاصمة في وسط البلاد
اخس عليك
يا أبو طايوق، الفكرة الاساسية ان جميع الاطراف، الجيش ومن خلفه الحركة الاسلامية والدعم السريع، تمارس نفس السلوك والممارسات من اغتصاب وقتل ونهب، في الماضي مارس هذه الافعال الدعم السريع وقوات موسى هلال وقوات على كوشيب باشراف ودعم من قادة الحركة الاسلامية، كان الجيش يلقي البراميل الحارقة ويقصف المناطق بالطائرات، ثم ياتي الدعم السريع ليكمل على الارض ما بدأه الجيش.
الان الخلاف بين الحركة الاسلامية وقيادة الجيش من جهة والدعم السريع من جهة اخرى ليس بسبب الممارسات والافعال، فجميعهم يمارسون نفس السلوك، الخلاف الان على السلطة ومن يتمكن منها، هذا الثلاثي المكون من الحركة الاسلامية والجيش والدعم السريع عندما كانوا كتلة واحدة مارسوا القتل والنهب والاغتصاب في دارفور وفي مجزرة القيادة والجيش اغلق الابواب في وجه المعتصمين، وخرج البرهان عقب المجزرة فرض واقع جديد تكون فيه السلطة لثلاثي الشر المكون من الحركة الاسلامية والجيش والدعم السريع لحين عمل انتخابات صورية تاتي من جديد بالحركة الاسلامية على شريعة انتخابات كذوبة.
عرفت يا ابو طايوق ان ثلاثي الشر لا يختلفون عن بعضهم في السلوك والممارسة، لكنه الخلاف حول السلطة.
نهدى الدكتور بتاع الشهادة الضاربة من شهادات سوق الله اكبر الكانت على قفى من يشيل من جامعات الكيزان المهببة حجة الناشط احمد كسلا و هو انسان بسيييييييييط و لا يضع امام اسمه اى حرف لكن كلامه ملئ بالمعانى و المنطق خلافا لامثال دكاترة و مستشارى و سقواط عهد الكيزان الاغبر الذين ابتلى الله بهم المجتمع السودانى هذا دكتور و ذاك استاذ و الاخر مستشار!!!!
يقول احمد كسلا: “فى زول لئيم و شايف نفسه كان مربى ليهو كلب و الكلب دا مكره ناس الحلة الشوارع, و سيد البيت ذاتو بتعمد يحرش كلبه دا على الناس البركبوا رأس ويجوا لافين بالشوارع القريبة للبيت!!!
كلب اخونا دا يوم سعر و قبل على صاحبه ذاتو عض و نبيح لدرجة عايز يقتل سيده !!!
يناءا على ذلك, اخونا شال عكازو و بدأ خبط فى كلبو عشان يكتلو و يتخلص منه (خلاص بقى ما نافع لصاحبه) !!!
انتوا يا ناس الحلة (القحاتة) تشيلوا عكاكيزكم و تمشوا تخبطوا مع سيدو عشان تتخلصوا منو ولا تمشوا تمسكوا سيد الكلب و تمنعو ما يكتلوا؟؟؟؟؟؟؟؟؟؟؟؟؟؟؟؟؟”
اى منطق بخلى واحد من ناس الحلة (القحاتة) ديل يقول لسيد الكلب ما تقتله لانك خسرت فى الكلب دا و ربيتو و الكلب اسى ثميييييين و نبيحه عالى, و الكلب ما انت زمان ربيته اسى ماممكن تتخلص منه و لازم تخلي حى ؟؟؟
دا منطق شنو يا ناس الحلة؟؟؟
ماهو الكلب دا زمان كان مصيبة موجهة ضدك بواسطة صاحبو و فيكم ناس اضرروا من الكلب وصاحبه و كرهكم الحلة, لكن لو الكلب دا انتهى اى واحد من ناس الحلة زمان الكلب عضاه او سبب له ضرر نفسى ممكن يخلص حقة من سيد الكلب, لانه لو الكلب مات سيدو ما بقدر يسترجل على اى واحد من ناس الحلة تانى !!!
ادى دايرة درس عصر ولا دكتوراة حتى لو مصروبة ؟؟؟؟؟
:لو انتوا ما مستعدين تشاركوا مع الزول فى قتل كلبه السعران او خافين من الكلب يعض فيكم واحد اثناء قتله, طيب خلوا سيدو يكتلو و بعدين قبلوا على صاحب الكلب عشان تخلصوا حققكم الزمااااااااان منه!!!!!!!!!
المنطق يقول: خلى الزول يقتل كلبه لو ما قادرين تعينو, لو كلبه عضاه هو بسعر و بموت مع كلبه و تكونوا ارتحتوا من الكلب وسيدو بالمرة.
و الغير منطقى: تلوك ليل نهار فى حجة خسارة صاحب الكلب فى تربيته له بنفسه و رعايته لمتنعه من التخلص منه!!!!!!!!!
لكن المصيبة سيد الكلب رمة وماقادر يتحكم في كلبو ، والكلب عضاهو وكجمو لامن رمى عصايتو وفك البيرك ..والكلب بقى سعران يلاقي أي زول من ناس الحلة يكجمو ….. الله يكجم اقول ليك شنو ..؟؟؟