خال فاطنه:- مشروع ألجزيرة وعلي عثمان!ا
خال فاطنه:- مشروع ألجزيرة وعلي عثمان!
عبدالله عبدالوهاب
[email protected]
يبدو لي أن علي عثمان طه يلعب علي {ألدقون} إذ كل ما أتجول بالريـموت قاصدا ألفضائية ألسودانية أجده يتحدث عن مشروع ألجزيرة ولكأنـما هذا الـمشروع في جزر {ألواق واق} وليس بالسودان!!
فيا سعادة النائب مشروع ألجزيرة كائن بالسودان ودرسنا زمان إنه كان ينتج القطن طويل ألتيله ألـمصدر ألأساسي للعملات الصعبة لجميع بني السودان وأنه كان مصدر دخل لسبعة مليون سوداني من مزارعين مقيمين وعمال موسميين هذا إلي جانب أنه يغذي حيوانات ودجاج هؤلاء ألقوم فتدر عليهم حليبا ولحما طريا!
ولكن!! والعياز بالله من لاكن!!
إنقلب الحال ففقد ألسبعة ملايين رزقهم وفقدت خزينة الدولة سبعماية مليون دولار وفقد مشروع الجزيرة ألآتي:-
1- 1300 كيلو متر من خطوط ألسكة ألحديد
2- محالج مارنجان
3- ورش الهندسة الـمدنية
4- محالج الحصاحيصا
5- محالج الباقير
6- مباني بورتسودان
7- مباني بريطانيا
إلي جانب ذلك توقفت الصناعات ألـمصاحبة لـمنتجات هذا ألـمشروع وأعني بها صناعات ألنسيج وألزيوت والصابون وألألبان
فيا علي عثمان لو قلنا ليك دايرين نعيد بناء كل ذلكم ألذي تهدم! فهل لديك مليارات ألدولارات لإعادة بنائه? وهل لديكم صداقه دولية مع ألـمؤسسات الدولية الـمانحة لكي تـمنحكم قروض لإعادة بناء ذلكم الدمار??
فيا علي عثمان عليكم جنس { لـماضه}!! دايرين تـمدوا ليكم خط سكة حديد في ألصحراء التشاديه!! وشغالين تخدير في ألشعب ألسوداني بالنهضة ألزراعية!
غايتو تستاهلوا سوط عنج إنشاء يكون سوط {حماده بت} ويقع فيكم{ خال فاطنه} جلد تحت الحزام
ياحليل مشروع الجزيرة وياحليل اهل الجزيرة الذين فعلت بهم الانقاذ ما فعلت وهم حتى الان غارقون في بحر التسويف والامال التي ابعد ماتكون الي التحقق.ان اول شخص سعى لتدمير مشروع الجزيرة هو الاستاذ المريض بدنيا (بالسرطان حماكم الله) ونفسيا (بالحقد والعياذ بالله) علي عثمان محمد طه حتي يمحي الحقيقة المرة التي يعلمها كثير من الناس وهي ان والده كان يعمل خفيرا في مشروع الجزيرة ولعدة سنوات.هذه الصورة القاتمه مازالت تلاحق الاستاذ وتطارده حتى في منامه لذلك كان لابد من واد مشروع الجزيرة ووضعه في سلة المهملات بالرغم مما كان يقدمه للسودان اجمع.ولكننا نعدك يانذير الشؤم ان الفتنه المقبله سوف تكون من الجزيرة ومن اهل الجزيرة ولن نقف عند صرف مستحقات العمال والمزارعين التي تربو علي مرتبات 180 شهرا بل ستتعداه الي مطالب لا قبل لكم بها ياخناذير الانقاذ.
ندعو من الله العلى القدير نشوف فى على عثمان وصحبه مصير كل النخاسة واالظلم المصريين
علي عثمان يعتقد ان ذكي وبمكر وخبث يتعمل مع الشعب ويكذب ويتحرى الكذب
عن اي مشروع تتحدث يا هذا
الم تبيعوا مباني مكاتبه وعقاراته وحتى السكة حديد بيعت خردة
ان ظن علي عثمان ان اهل الجزيرة هم ناس كجلار او سد مروي فهو واهم
ابو الحصين كل وعوده كذب ونفاق ولعب على الدقون والدمار الذى الحقته عصابة الكيزان بمشروع الجزيره الذى كان عملاقا يحتاج الى سنوات وسنوات حتى يتم اصلاحه فالعصابة كان هدفها الاول هو تدميرهذا المشروع وقد نجحت فى ذلك نجاحا كبيرا وشردت كل المزارعين وعندما تاتى سيرة مشروع الجزيره عند العصابة يقولون نحن نسعى لاعادة الهيبة لهذا المشروع فبالله عليكم ايها اللصوص انتم الذين اذهبتم هذه الهيبة فكيف تتكلمون عن استعادتها يا منافقين
غايتو تستاهلوا سوط عنج إنشاء يكون سوط {حماده بت} ويقع فيكم{ خال فاطنه} جلد تحت الحزام ;)
قدو قدو نسيتو ولا شنو؟ عايزنو يجلد معاهم ويغنى ده اليوم الدايرنو ليك…:crazy:
مشروع الجزيرة..من المؤسسات المستهدفة التى كانت تثمل مراكز قوة ومتاريس صلبة لمقومة اى نظام جائر ..كسكة حديد والاتصالات السلكية ولا سليكية وجامعة الخرطوم وكل الداخليات والمدارس كحنتوب وادى سيدنا خور طقت..واستهداف مدن كمدنى وعطبرة وكادقلى وبورسودان والفاشر ..واماكن كالمحطة الوسطى وزنك الخضار..وميدان ابو جنزير..كل تكتل يخيف الحرامى ازاله..الشعب السودانى البطل إلتفوا حوله بحبال خبيثة اردته شهيدا..قتيلا ..ومزقوا جزء عزيزيز وقالوا لبعضهم هذا جزء خبيث لابد من بتره ..صدقوهم قوم وكذبوهم قوم ..وتركونا نتجادل وهم يقدلوا؟؟اصحى يازول