البشير يتوعد المتظاهرين بمجاهدين ويصفهم بشذاذ آفاق

الكلمة جديدة فى القاموس السودانى(شذاذ افاق) وقد سبقه بها أخوه المعتوه القذافى ولكنه قال (جرزان)والان أخوه بالرضاعة بشار يقول دعم خارجى ومرتزقة وكذلك رفيق دربهم السابق على عبدالله طالح قال القاعدة والحوثيين، هل تلاحظون شئ، نعم كل الطغاة متفقون لايرون فى الثورات الشعبية الوطنية الا شذاذ افاق وجرزان ودعم خارجى ومرتزقة وقاعدة..والقاعدة واحدة والمصير انشاءالله الطرد والخلع والموت يا من أمتتم أمتكم بالقهر والظلم والجبروت وأنتم تحسبون أنفسكم ملائكة مصلحين…وأنت يا عمر البشير ألا ترى أن شعبك ضاق زرعا وجاع وتعرى وسافر شبابه للخارج الى دول الخليج وغيرها والزمرة الحاكمة التى تترأسها تعيش فى بحبوحة ورغد عيش على الأسرة هم متكئون وفى حدائق قصورهم يتنزهون هم وأبنائهم وذراريهم ويقودون الفارهات من البرادوهات وماشابهها من غاليات العربات، وشعبك يقف الساعات الطوال ولايجد من الباصات حتى أقبحها وأوسخها وأنتنها، كيف لاترى هذا يا بشير يامن تدعى زورا وبهتانا انك أتيت للعدل ولتطبيق شرع الله ألا ترى هذا فان كنت من قبل أعمى وحاشيتك لاتعطيك الخبر اليقين فقد ان لك أن ترى اليوم بأم عينيك الشارع ينتفض وينتفض وينتفض ألا تفهم يارجل!!!

ايوه قلتي لي

دحين ياعمر ياود امي قبل حولين تلاته
قدر السنين القعتوها دي وانا عمتك كبيره ما بخبر عددن هن كم
لكن بدور اذكرك زمان لمن كنا صغار وننلعب مع بعض لمن نقول للمعانا فوت نحن محاربنك وفوت من بيتنا نحن مادايرين نلعب معاك
بنمش وبنتوعد انو تاني اته ذاتك ماتجي بيتنا
مسختو روحكم دي
اته ياولدي قايله بدوم
كان بدوم كان دام الزييق في الهدوم
امشوا خلو يجونا ناس سيدي الصادق وسيدي ود المرغني ومثلي القعده الترابي
خلو ليهم حاجه ينظروا فيها حبه
امكن يلقو ليهم طريقه يبيعوا
بس ياود المهدي انا عندي ليك شوره كان جيتوا الحيكومه الجايانا
انا لقيت مخطوطات كتيره في متحف اللوفر البقولوا ده بتأكد اننا كلنا بلا استثناء عبيد وجواري ملك لجدك المهدي
بس عليك تعمل لينا زريبة كبيره ودخلنا فيها
ولك ما ملكت يمين اجدادك ( ياسليل الاعراق )
واسمع هنا ياسيدي ود اسيادي الميرغنيه الفي كسلا بينين
عايزنك تشفع لينا في البلد دي كان نلقي لينا معاكم هين تمر
نصوم بيهن رمضان قالوا السنه دي في تقشف
انت ومن معك من جواري مابتقدروا علي الكلام ده امشوا مصر هناك بتقدروا تصوم
وانتي يا الترابي معروف انك شاذ فكريا
شوف ليناطريقه ترجعنا الجنه تاني

ذي ما طلعتنا منها ايام ماطلعوك الجنيات ديل
بالمناسبه كتيرين مننا ماتوا ايام جهادكم ودخلتوهم الجنه
وطلعوكم وطلعتوهم من الجنه
دايرين نعرف الجماعه ديل وديتوهم وين
دايرين نحول ليهم مصاريف
لهسع بكون الجوع كتلهم
وذي ما قالوا زمان
راكوبة ابوك كان خربت شيل ليك فيها شليه
ياخي نحن من الجوع ماقادرين نشيل نفسنا
خليناكم ل الله
يخلسا لينا حقنا منكم
يوم العرق يسيل والميزان يكيل
عمتك مسره