تبرئة أربعة متهمين بالدعارة بعد ثبوت زواجهم
أعلنت محكمة النظام العام بالكلاكلة براءة أربعة متهمين بالدعارة بعد ثبوت زواج المتهمين وذلك بعد سماع أقوال الشاكي الذي ذكر أنه توفرت لديهم معلومة تفيد بأن المنزل الذي ألقي القبض على المتهمين تمارس فيه الدعارة وبعد المراقبة تمت مداهمة المنزل والقبض على أربعة متهمين في غرفتين أثنان منهم في حالة سكر وبعد إحالة أوراق البلاغ إلى المحكمة واستجوابهم أنكر المتهمون التهمة المنسوبة إليهم وذكر المتهمان الثالث والأول بأن المتهمتين اللتين تم القبض عليهما معهما هما زوجتاهما واستمعت المحكمة لأقوال شاهد الدفاع الذي ذكر أن عاداتهم وتقاليدهم مبنية على دفع مال والزواج بالفتاة ، ولأن المال المحدد عادة ما يكون مبلغا كبيرا لا يتم الدفع في عام أو عامين ـ ويأخذ الرجل زوجته ويدفع المال لأهلها وتظل هي معه في المنزل . وبعد ذلك أعلنت المحكمة براءة المتهمين وإخلاء سبيلهم ما لم تكن هناك إجراءات أخرى.
المجهر
يعني زواج مدغمس وكده !!!!!
دعارة المشروع الضلالي الكيزاني..
ههههههههههه عشنا وياما حنشوف الواحد والله ما عارف يبكي ولا يضحك ولا ينفجر من الغيظ
معقولة الكلام البحصل لينا دا يا ناس ..
وبرضو نافخ والمسرطن والخبيث على عثمات يتبجحوا بالشريعة المفترى عليها ..
ياخي انعل د … واحد وراء التاني
اذا الفاتورة بتاعة الزوجة موجوده قبل الحادث فمافى مشكلة.
المفروض يعاقب الشاكي لعدم تثبته قبل الاتهام ورميه للناس بالباطل وتهمة التجسس على الازواج في منازلهم
ههه دا في ياتوا شريعه الزول يشيل المره وبدفع القروش بالقسط
سجمنا شديد
سجمنا خالص
دا كلام شنو دا
الدغمسة حصلت الحاجات دي كمان
زواج شنو البتقسيط دا
يكون زواج ربوي يا ربي
يا ناس خليكم واعين شوية … في قبائل زي جنوب السودان الزواج بيكون تم لكن لسه العريس بكون عليه باقي مهر حسب عاداتهو وتقاليدهم …. يعني حسب اعرافهم وتقاليدهم الزواج شرعي … فهمتو ولا دي ديراليها فهامة …. مع العلم انا ما بدافع عن نظام ولا غيره … لكن دي مجرد حقائق عشان الواحد لما يعلق يكون عنده معلومة
هو الناس ديل مالُم بقوا يقابضوا ساكت في الناس هم قايلين الشريعة كدة قبل كدة برضو مسكو واحد في الفتيحاب وفي الآخر طلعت زوجتوا واعتذر ليه عبد الرحمن الخضر بنفسه
انتزدو الظاهر طايرة ليكم [كديسة] اقصد شريعة في راسكم
هي هي هي قال شريعة قال
ليش بهاجموا الناس في البيوت؟ وهل الشريعة قالت كدي؟ وهل هناك مجتمعات يتم فيها مهاجمة التاس داخل بيوتهم غير المجتمعات المتخلفة دي؟ عالم تافهه ومنحطة !!!!!!!!!!!!!!!!! ياجماعة الله ما قال هاجموا الناس في بيوتهم
ياايها الذين امنو اذجاكم فاسق بنبا فتبينو قبل ان تصيبو قوم بجهالة
فتصبحو علي مافعلتم نادمين
يا وطنى ىا غيور كلام سما عين العقل لان الموضوع دغمسة وضحك على الدقون ..يعنى الشراء كان بالتقسيط ولم تسجل زوجاتهم فى اسمائم لحين تكملة الاقساط يعنى القسائم بطرف المأذون … فهمونا كان فهمتوا حاجة
طيب ما دام الناس ديل اصلاً ما مسلمين كيف يجوز ظبطهم و تعريضهم لمحاكمة وفق قوانين اسلامية ؟؟ انتهاك صارخ لحقوق الانسان.
لكن ما غريبة اذا كان الشعب كله مضهد ومظلوم ومغلوب على امره.
عصابة مجرمة اتسلطت وتجبرت وعاثت فساداً. داهية تاخدهم كلهم
كان رسولنا الكريم عليه سلام الله يدعو سيدنا بلال بالاذان عند الاراحة
بارك الله فيكم يا اهل الراكوبة ارحتمونا بما آل عليه ابناء دوسه من هترفات الحكم
ولله في خلقه شؤون
طيب علي الاقل ناقل الخبر يوضح للناس دي اي قبيله ولا هو ذي بتاع البوليس ادوهو خ……..اء.خطفو وجري.
ما قلتو لقيتوهم في حالة سكر تام واللا لقيتوهم اولاد وزراء
زواج قدر ظروفك؟
ربنا سبحانه وتعالي ذكر في القرأن الكريم قال ولاتجسسوولايغتب بعضكم بعضا يعني الزول المستور مافي داعي تتجسس عليهو ارجعوللقرأن الكريم ياجهله