إحالة “ميكانيكي” مرتد بالكلاكلة لمستشفى الأمراض النفسية
الخرطوم ? سماح عثمان
أحالت محكمة جنايات الكلاكلة برئاسة مولانا عمر أبوبكر أمس الأربعاء الميكانيكي المتهم بالردة لمستشفى الأمراض النفسية والعقلية للكشف عن قواه العقلية، بناءً على طلب من محامي دفاعه التمس فيه من المحكمة عرض موكله على لجنة طبية، على خلفية بلاغ تقدمت به لجنة مسجد ذي النورين بمنطقة الكلاكلة للشرطة عن قيام المتهم بوضع ملصقات يسب فيها الرسول (صلى الله عليه وسلم) وتسيئ للعقيدة، ويقوم بالتبشير للمسيحية داخل المسجد في كل جمعة على ثلاث مرات، كما حاول تنصير شاب وجده يقوم بتلاوة القرآن في المسجد، وأنهم أي لجنة المسجد تحفظوا على المنشورات بيد أنه واصل في وضع الملصقات مستغلاً أوقات خلو المسجد ما دفعهم لتدوين بلاغ في مواجهته تحت طائلة المادة (126) من القانون الجنائي في المرة الأخيرة، وكشف الشاكي سكرتير اللجنة بأنه يعرف أسرة المتهم المنحدرة من منطقة وادي حلفا والتي عرفت بالتقوى والصلاح، وكان ابنهم المتهم يقيم بالولايات المتحدة وحاصل على الجنسية الأمريكية، ولديه ورشة ميكانيكا، لكنهم شكّوا في إصابته باضطراب عقلي، وكشف محامي الدفاع في طلبه أن المتهم يبلغ من العمر (46) عاماً وغير متزوج، وكان من المداومين على الصلاة ويؤدي فرائضه عند حضوره للسودان قبل (5) سنوات، ولكن عند عودته في المرة الأخيرة كانت حالته النفسية غير عادية ولا يدرك ما يفعله من تصرفات، وبسؤال المحكمة للمتهم عن ديانته أجاب بأنه مسيحي ولاضطراب إجابته، قررت المحكمة إحالته للكشف بواسطة لجنة طبية نفسية.
اليوم التالي
البلد ضربها فيروس الردة!! نسال الله الستر.
نسأل اله له الشفاء اذا كان مريضا.. والله ياجماعة الانسان ما بضمن نفسه الا بعد ما يدخل القبر,, نسأل الله العفو والعافية للجميع وحسن الخاتمة.. وارجو ان لا يستعجل القضاء الحكم في مثل هذه القضايا ذات الابعاد الدينية والقانونية الدقيقة..
**** الايام الفاتت تحللات….والايام دي كور مرتدة… نسأل الله السلامة,,,,
تاني بعد مريم!!!!! بس أوع يكون إسمو عيسي.
الراجل امريكي والجماعة يخافوا يطبقوا عليه الحد يروحوا مع امات طه لازم يعملوا للدروب(
( فورة الف)امراض نفسية وشوية كدة يرجعوه امريكا ويا دار ما دخلك شر
********** دا كمان ابو مريم ولا شنو ؟؟؟ ***********
كبروا مستشفيات الصحة النفسية لانه بعد شوية بتلقوا الشعب السوداني كله ارتدا من عمايلكم والله المستعان ..
كبروا مستشفيات الصحة النفسية لانو بعد شوية حاتلقوا الشعب السوداني كله ارتدا من عمايلكم والله المستعان ..
ابو الزفت !!!!!! واحد الله…. أحسبوا معاي عدد الناس التي سوف ترتد الايام القادمة …… تري ما السبب؟
آخر الزمن الرجل يصبح مؤمن ويمسي كافر
ياجماعه الزول دا انا بعرفو ماارتد بس ناس المحليه الكيزان ديل كرهو بالضرايب والزكاه والدمغه والتبرعات لفلسطين قال افضل يرتد بس عشان يدفع الجزيه وبس بدل مايدفع الحاجات ال٤ حاجات ديك الزول دا مفلس بعد مده السودان تندلع فيه الثوره المسحيه
اشمعنى دا رجِل و ديك كراع فلماذا لم تعرض المتهمة بالردة على طبيب نفسي و تم إقامة حد الردة عليها بالرغم من ان كل القرائن تدل انها تعاني من مشكلة نفسية اذا لم تكن اجتماعية.
مكنيكي — ّعشان مهنتو شريفة وحصل معاهو شي ماء على طول مستشفى المجانيين
لكن الوالي وووكيل العدل ووزير العدل السابق وزمرتهم ارتدو على الشريعة والشعب وياهم ديل على عينك ياتاجر وبلا خجل يطلعو في المنابر الاعلامية .
لا خير في لا تاخذ الحق لضعيفها
ابحثو عن اسباب الردة لم نسمع من قبل هذه الحكومة ان سودانيا واحدا فكر مجرد تفكير فى الارتداد فلاحول ولاقوة الاباالله العلى العظيم
زمان الجاهلية عاد في زمن الكيزان
زمن الاندايات ما شفنا الحاصل ده،،عمايل الكيزان كرهت الناس الدين
فى السودان وفى راكوبتنا دى اول مرة نسمع
زول كتل امو
بى زول كتل ابوه
زول كتل شقيقه
زول كتل عمو
زول كتل مرتو
زول كتل صاحبو
زول كتل جناهو
طيب الاسلام وين هنا؟
المجتمع كلو مرتدين!
اللهم امتنا مسلمين
يادفاع الهلال اعمل حسابك من المرتدات دى اخطر حاجه اليومين ديل
* الحمدلله. المره دى وعوا الدرس و قالوا “امراض عصبيه”. كان حصلوه الطبيبه مريم، و “زادوا الطين بله”!!
* يلا..فتشوا على حاجات زى دى على طول، لأنه”الشئ” ده ماشى زايد كل يوم. يعنى قبال ما تشوفوا حل لى مريم الاتورطوا فيها دى، اقوم انط ليكم “ميكانيكى”، و بعده تاجر، و بعده مزارع، و بعده مهندس..و دخلت نمله و اخذت حبه و خرجت… الى ان ينط ليكم حسب الرسول دفع الله ذاتو، لأنه انا شايف هترشته من الصره و لى تحت زادت. و البفوت حده بتقلب ضده. ده كان هو ما “اتقلب” من زمان.
و لا شنو يا جماعه؟
و الله قصة الحيكومة جننت الناس عديل كده …. الواحد من العليه أخير يعمل مجنون و غائب و المشكلة حتى الجنون في زمنهم اتغير زمان المجنون بعرفوه من شكله تلقاه وسخان و منكوش و بتكلم براه لكن في الزمن ده المجنون بكون نضيف و معطر و لابس كرفته … اللهم الطف بكل مريض و اشفيه .. و يا مثبت العقل و الدين.