رئيس البرلمان يسخر من اشتراط المعارضة ويقول : المعارضة تسعى لتفكيك البلاد
الجريدة: الخرطوم: سعاد الخضر
اتهم المؤتمر الوطني المعارضة بالسعي لتفكيك النظام دون مراعاة للظروف الحرجة وحالة الاحتراب التي تعيشها البلاد والمنطقة لمطالبتها بتشكيل حكومة انتقالية وأكد في الوقت ذاته استعداده للحوار وفتح السقف للجميع وسخر رئيس البرلمان والقيادي بالمؤتمر الوطني د. الفاتح عز الدين المنصور من اشتراط المعارضة قيام حكومة انتقالية للمشاركة فى كتابة الدستور، وقطع المنصور بعدم قيام حكومة انتقالية في البلاد، واتهم المنصور المعارضة بالسعي للتفكيك النظام دون مراعاة للظروف الاستثنايئة التي تمر بها البلاد وحالة الاحتراب والاقتتال التي تشهدها المنطقة من حول السودان، وقال المنصور في تصريحات صحفية بالمركز العام للمؤتمر الوطني عقب لقاء الهيئة التشريعية القومية بنائب رئيس المؤتمر الوطني لشؤون الحزب إبراهيم غندور أمس (الثلاثاء): لا يمكن أن نخضع البلاد إلى فراغ حقيقي في هذا التوقيت الحرج بالذات، واعتبر أن اشتراط المعارضة ينطوي تحت رفض مسبق لفكرة الحوار، مجدداً دعوة حزبه للقوى السياسية للحوار وصولاً الى اتفاق حول الأهداف المشتركة، مؤكداً استعداد حزبه للتعامل بشكل أكثر مرونة في عملية الحوار وفتح السفق للجميع، لافتاً إلى أن المؤتمر الوطني يسعى لتوحيد أهل السودان من خلال الاتفاق حول قضيتين الدستور وقانون الانتخابات.
الجريدة
حسبنا الله ونعم الوكيل فيكم ايها المنافقون الفاسدون الكاذبون هو السودان فضل فيهو شنو انتم من مزق ومازال يريد ان يمزق باقى السودان المعارضة تريد حكومة انتقالية يتوافق عليها اهل السودان وهذا هو الحل للملمة السودان انتم لاتهتمون للسودان تهتمون لمصالحكم الضيقة لم ولن تتعلمو من اجرامكم وفسادكم كفي ظلم كفي فساد تذكرو اننا شركاء فى هذا الوطن وهو يسع الجميع الى متى ادمان الفشل الى متى نتمزق تذكرو لن يكون هناك منتصر الكل خاسر فعودو الى عقولكم وبلدنا تسعنا جميعا وتذكرو ان الله يمهل ولايهمل
فعلا المعارضه حاكمه 25 سنه والنتيجه فصلت الجنوب وح تفصل دارفور والشرق وج كردفان والنيل الازرق …..المعارضه دى ما عندها اخلاق
مشي احمد ابراهيم الطاهر وجابوا واحد اسواء واضل منه . شنو الكلام الفرغ التقول
فيه ان المعارض تريد تفكيك النظام حاجه غريبه انتو اصلكم مفككين بدون مفكات
وبعدين ياراجل تطلب من المنعارضه مراعاة الظروف الاستثنائية التي تمر بها البلاد
منو الورط البلد غي الظروف دى ؟ هل كانت السودان بها مشاكل زي الآن قبل 1989
كذاب ومليون كذاب دارفور وجبال النوبه والنيل الازرق والدولاار قيمته 8000 جنيه
وانهيار التعليم وانهيار الصحة وانهيار الاخلاق حتي اليوم قرات ان بنت طفشت من
بيتهم لان والدها يتحرش بها ؟ الناس اللي كانوا تحت الارض اليوم اصبحوا بالسماء
قروش الناس زي وداااااااااااااد وجمال الوالي وعبد الله البشير وهلمجر 0 وفضائح
شركة الاقطان والخطوط البحرية والسودنية ومشروع الجزيرة الذي كان يعيش السودان
وانجلترا وعفن وزارة الحج والاوقاف و و و و و كل هذه المشاكل جات من تحت راسكم
اتحداك يارئيس البرلمان تتطلع لينا شخص واحد كان بكل الاحزاب او الحكومات
السابقه اتمسك حرامي / حسن عوض الله كان وزير داخليه وعربيته كانت فيات الباب
بتاعها بيقتح من قدام / ازهري وعبد الله خليل والمحجوب والصادق المهدي ديل كلهم
كانوا كبار هل سمعت بنسوانهم كل يوم مع سفير بل اتحداك اذا شفت صــــورة
واحده منهن الصحف او واحد بيعرف اسم اي منهن ؟ شفت المهاجرين كانوا كم واليوم
اي طبيب ولا مهندس ولا استاذ جامعي كلهم طلعوا ويجي مهدي ابراهيم يقول نحنا
دلعنا الشعب السوداني كثير جدا , آآآآآه ياابلسه الشيطان يحتار فيكم
من قاد البلاد للتفكيك من فصل الجنوب من أقام الدوله البوليسيه بدعوي الدين من أشعل الحروب في كل من دارفور وجنوب كردفان والنيل الازرق والآن تريدون إشعالها في شمال كردفان من سلح الجنجويد هذا الكلب المدعو الفاتح يظن أن الناس بلا ذاكره من سرق البلاد وباع كل مؤسساتها من اشاع سياسة التمكين من شرد العاملين بالخدمه المدنيه من أقال 3000 فني في السكك الحديديه في ليله واحده من مكن السراق من أموال البلاد من ومن أتظن أن الشعب غافل عما تصنعون ؟؟؟ نعم إنها جرائم الانقاذ يا غبي وغدا ستنصب المشانق في الطرقات ونعلق عليها كل إنقاذي نتن وكل إنقاذي سارق وكل إنقاذي قاتل . وبرغم ما إرتكبوه من جرائم ضد البلاد والعباد ما زالوا يكابرون وما زالوا يظنون أن الشعب بلا ذاكره. ولكن نقول لهم ماقاله الشاعر مظرف النّواب
حتي قلامة أُظفر كسرت ستجرح قلب ظالمها فما تنسي قلامه
الجيش بس اي سياسي سوقوهوا الدروه فسده ومجرمين يريدون تدمير الشعب الجيش فقط من له الشرعيه وماتقولوا لي مافي جيش حتي لو شواطيين حامله للسلاح اي بلد من غير جيش خلاص ببح
حالة البلاد دى من الذى فعلها الشعب السودانى ام الحكومه
كل الشعب يتمني ان تتقسم البلاد الي خمس دول ما في داعي للاكاذيب وضياع الوقت والارواح بفضل البشير اصبح الشمالي مشرد والبلاد اصبح اهلها الاحباش والتشاديين وجماعة غرب افريقيا ماذا يستفيد الشمالي منهم لا شئ انهم لخدمة النظام امنيا وارهاق المواطن ذهنيا اذا نظرنا الي دارفور مثلا نجدها هى الاقرب الى تشاد من كل النواحي وكذلك النيل الازرق مغ الجنوب والنوبة كذلك هل جنوب السودان اقرب الي الشمال من يوغندا
تفكيك تاني
ماكفاية ضاع ثلث المساحة وربع السكان والبترول وثلاثة حروب اهلية في دارفور وجنوب كردفان والنيل الازرق .. تاني تفكيك زيادة
بالله انظر الى خريطة السودان بعد انفصال الجنوب واضح جدا ان الوطن مزق بغباء وبلاهة لا بعدها شئ في منتهى القبح حقيقة ينم عن عشوائية وبلادة متناهية
ورغما عن ذلك ثلاثة بروتوكولات كل منها العن من المشئومة نيفاشا
وقد حصل كل ذلك بسبب قرار مجلس الامن 1593 والذي اعطى المحكمة الجنائية الاختصاص القانوني الذي استخدم للابتزاز لفصل جنوب السودان وسرقة ثروته البترولية التي تدور المعارك حولها الان بدولة جنوب السودان وقد برزت يوغندا كمحتل على عينك ياتاجر
لقد كان غباءا وبلاهة متناهية لا شك في ذلك
لذلك فان السيد رئيس البرلمان على حق تماما تاني كمان دايرين تفككوا السودان ماكفاية ومازال الجرح ينزف بغزارة ومازالت النفوس تكتوي بفقدان الجنوب والبترول
ويجب ان تفهم الحكومة والمعارضة ليس هنالك مال للنزاع حوله وليس السودان ذاك السودان الذي يحتمل الصراعات والمهاترات .. انه وطن يحتضر من اللانهيار الاقتصادي والفساد وخراب الذمم.. ارجو من المعارضة ان تمارس معارضة رشيدة .. كما ارجو من الحكومة الاعتراف بالفشل التام واتاحة فرصة للمخلصين لانقاذ ما يمكن انقاذه .. وكفى
والله من وراء القصد
يا تو خير المنتظرنه من حكومتك يا الفاتح عز الدين وهي تبيح البلد لأمثالك ..
الفاتح عز الدين تاجر المعدات الطبية المضروبة ومستهلكة ولا واحد تاني …
من شباب الوطن للإتحاد العام للطلاب السودانيين لرئيس البرلمان شوف المفارقات دي كيف ..
يا ها الدكتوراة بتاعة الخج البتطلعها ليكم أمدرمان الإسلامية والقرآن الكريم ولا واحدة تانية ..
آخر من يتحدث عن مصالح البلاد والعباد انت ومن هم علي شاكلتك من طفيليات المؤتمر الوطني والتي نمت وتنامت وترممت علي عاتق الوطن ..
سألتك بالله ما الذي يميزك عن ابناء جيلك حتي تكون رئيس للبرلمان مرة واااحدة كدا فقط هي لله ..تطلع منو إنت ؟ ما هو تعليمك ؟ وسؤالكم المحبب من أولاد منو طه ولا نافع ؟
فلتذكر أن لكل ليل صباح وما فعلتم في البلد من تنكيل وتشتيت وفساد وإفساد لن يمر مرور الكرام …
الحكومه الانتقاليه هى الحل لمشاكل السودان بمجرد تشكيلها ستتوقف طلقات الرصاص وسيجلس الكل لمائدة حوار لاغالب ولا مغلوب فيها ستخضع كل القضايا محل الخلاف الى حل جزرى وستفتح ابواب الحلريه كامله والصحافه وتعم الديمقراطيه ارجاء الوطن وليس لاحد الحق فى حمل السلاح ضد الدوله السلاح المرفوع حاليا هو ضد المؤتمر الوطنى الذى يمارس السياسات الخاطئه ضد اهل السودان ,,,,,و لاحل سوى تشكيل حكومه انتقاليه عى قرار ماحدث بعد مايو فان استجابو اهلا وان لم يستجيبوا ستظل فوهات البنادق هى الحل رقم المرارات لكن لايجبرك على المر الا الامر منه …………………………………….
الحل هو ان ينخرط جميع اهل السودان والمعارضة سلمية او مسلحة فى المؤتمر الوطنى لان الانقاذ او المؤتمر الوطنى هم الوحدوا السودان وعملوا استقرار سياسى ودستورى مما ادى الى النهوض بالسودان سياسيا واقتصاديا واجتماعيا وعسكريا ما هم خلاص عملوا المؤتمرات السياسية والاقتصادية وهلم جرا مما جو وعملوا تداول سلمى للسلطة هسع فى اكثر من 24 سنة حكم السودان كم رئيس جكم مش اكتر من واحد ؟؟ وكل رئيس بيقضى فترته اذا ما انتخب بيغادر القصر ليحل محله الرئيس المنتخب!!!
كلام الفاتح عز الدين صاح اذا تفككت الانقاذ سيتفكك السودان وسينفصل الجنوب وتشتعل الحروب فى الشمال ويتدهور الاقتصاد ويمكن نفقد حلايب والفشقة وهلم جرا!!!
انتو بس انخرطوا مع المؤتمر الوطنى واكان ما هزمتوا اسرائيل واحتليتوا كاليفورنيا ومعاها فلوريدا تعالوا قولوا لى انت كضاب !!!!!!!
كسرة:
يا جماعة عليكم الله شوفوا جنس الناس المتولين امر السودان؟؟ ما عايزين حكومة قومية ومؤتمر قومى دستورى لا يستثنى احد عشان الانقاذ ما تتفكك ويتفكك السودان؟؟ هو هسع فى سودان ذاته غير مفكك وضعيف وحالته بالبلا؟؟؟دى مصيبة شنو دى الابتلا بيها السودان؟؟؟ اللهم انا نسالك اللطف وقوموا الى ثورتكم يرحمكم الله!!!!!