مدرب غانا: السودان كان الافضل في الثاني وهدفنا الفوز في الاياب..كوادو اساموا: السودان لعب مباراة قوية
تحدث مدربا المنتخبين عقب نهاية المباراة حيث ارجع مدرب المنتخب الوطني محمد عبد الله مازدا سبب الخسارة الثقيلة امام المنتخب الغاني باربعة اهداف دون مقابل الي الاعداد الضعيف الذي سبق المباراة حيث ادي المنتخب ثلاثة تدريبات فقط لهذا اللقاء دون خوض تجربة ودية ومن جانب آخر فقد اشاد مازدا باداء اللاعبين في المباراة وقال بانهم لم يقصروا وقدموا اداء جيدا واهدروا عددا من
الفرص.
وقال مدرب المنتخب الغاني الوطني جيمس كويسي ابياه بان المنتخب السوداني قدم مباراة كبيرة وقوية وكان الافضل في الشوط الثاني وعابه ختام الهجمات وابان بانه يفكر في اللقاء القادم واهمية الانتصار فيه حتي يرتفع برصيده الي تسع نقاط ويقترب من الصدارة واشاد بالنتيجة التي خرج بها المنتخب الغاني والفوز الكبير الذي حققه.
اشاد نجم المنتخب الغاني والظهير الايسر لفريق يوفنتوس الايطالي كوادو اساموا بمنتخب السودان وقال بان لاعبيه قدموا مباراة قوية خاصة في الشوط الثاني وذكر بان منتخب السودان افتقد الخبرة في هذا اللقاء كذلك كان يعاني في ختام الهجمات وامتدح زملاءه اللاعبين بالمنتخب الغاني وكشف بان هدفهم اللعب في المونديال واكد كوادو بانهم لم يلعبوا بصورة ممتازة.
بعثة المنتخب تصل فجر الثلاثاء
تغادر بعثة المنتخب الوطني غانا اليوم الاثنين عبر الخطوط المصرية وتصل للبلاد فجر الثلاثاء وذلك بعد ان خسر المنتخب مباراته الثالثة في التصفيات الافريقية المؤهلة لمونديال البرازيل 2014 باربعة اهداف نظيفة.
قوون
مبررات واهية يا كوتش انت المسئول لماذا لم تطلب خوض تجارب ودية مع فرق محليه ولا بس فالح تصرح في نهاية الكوره لك الله ياسودان
ياخ والله منتخبنا ده بى تعريفة ما نافع لا لعيبة ولا مدرب
المفروض اللعيبه الموجودة الان دى كلها تتشطب ويعملو مراحل
سنية ياخ ماممكن نحنا طوالى هزيمة هزيمة ليه ما ناس
نحنا ……. حسوا حسوا بالله بلا مازدا بلا لعيبه بلا خرا
مشكلة مازدا انه طموحه مجدود هو الاستمرار مع المنتخب
ب لاانه ما عنده بديل وحيستقيل وتاني يرجع مه ز وم باربعة تقول قدمناعرض وبعدين ضعف الاعداد مسئول منه منو في كل دول العالم الدوريات شغالة والمنتخبات في حالة استعداد بتمرين اسبوعي او كل اسبوعين ودي ما عايزه امكانيات أكثر من معسكرات اديس واسمرا المثيرة للجدل
قراءة الفاتحة علي روح الكرة السودانية وانا لله وانا اليه راجعون.
البركة في الدعاء الخلاها تكون أربعة بس
يعني لو كنتوا استعديتوا كنتوا حتاخدوا كم
يا عالم أليس بالسودان مدرب وطني سوي مازدا ؟ ؟ فقد فعلها من قبل و عدنا بفضيحة من غانا و تمت اقالته .. ثم نعود لنفرش له الورود و نتعاقد معه !! ليكرر بالامس مأساة غانا مرة اخري .
ضعف الامكانيات ، اربعة ذاتها شوية
الفاتحة دي قبل الأربعة ولا بعدها؟؟؟
اجمل شي امتدح مازدا اداء الاعبين ياراجل دي هزيمة نكراء وتمتدح ياناس مازدا دة انتم
ما عندكم غيرة ليدير الفريق القومي من زمن ونحن ننهزم في عهد مازدا ولا زال مازدا مدرب
الفريق القومي وهو لم يصلح لتدريب فريق ولكن العبرة لست في مازدا العبرة في الاتحاد
الكورة الذي لا يعرف بجلب مدرب مقتدر لادارة الفريق القومي ياحليل كورتنا من هلال مريخي
للفريق القومي
يعني إشمعني كورتنا تكون كويسة !!!؟؟؟؟يالله ،، الحال من بعضه!!
البركه فيكم
خلينا نحن انتو مازدا ده ما بزهج من الهزائم الكثيرة دي و يظهر انو الكنكشة في السودان مافي كرسي السلطة بس دي حتى في التدريب و مافي داعي نطالب الوزراء بالاستقالة اذا فشلوا اذا كان حتى المدربين لا يفعلون ذلك.
الفاتحة على روح المنتخب …. الله يرحمه من مازدا ومن الاتحاد
4 صفر و اللاعبين ما قصروا. وطيب لو كان قصرواكان بيحصل شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولازال مسلسل الهزائم مستمرا وسيستمر طالما معتصم جعفر ومجدي شمش الدين علي قمة الهرم الاداري الكروي في السودان ومازدا مدربا للمنتخب حرام عليكم ارحمونا ارحمونا ياعالم يابلد
ماعارف اعلق اقول شنو … لكن هل السودان جادين في موضوع الكورة دي ولا مضيعة وقت ومال … لو فعلا جادين انسو قصة مشاركات المنتخب الاول دي نهائيا … ياناس الكلية .. كرهتونا حاجة اسمها كلية ومنعول ابو يوم الكلية … الماقادرة تخرج ليها 11 لاعب بيعرفو يثبتو الكورة في الواطة … كلية شنو دي ..لاعبين في الكلية الي الان مابعرفو الباص ببطن الرجل ولا ببوذ الجزمة … خافو الله فينا ياماذدا وانت محاضر في الاتحاد الافريقي الفاشل … اتحاد حياتو …نصيحة من واحد الضغط عندو مرتفع … العودة الي
المدارس …. الروابط …. الاشبال ….الدافوري ….والحجلة … ونط الحبل … وسك سك …. وسكج بكج … والخ … احسن من كليتكم الكرهتونا بيها … في الكلية في الكلية في الكلية …. الله يحرق الكلية .. بتاعت بله جوز … وهيثم الفاظ … وعلاء شلوت … وبشة الماسورة….
الحمد لله انهم انهزموا وبلاش وجع قلب
الفاتحة……؟؟!.. يا جماعة المات منو…..؟؟!..
البشير ولا الكورة….؟؟
الناس ديل مشو يلعبو كورة، ولا مشو تعزية….؟؟!
فعلا الفاتحة في محلها علي روح الكرة السودانية ,,
وما زالت الساقية لسه مدوره ,, ( 4 __ 2 ___ 4 ) هل فهمتوا هذا المقصد ؟؟ يا ناس الراكوبة ,, طبعا انتم ازكياء
ملاحظة طريفة — الصحف العربية الرئيسية -الشرق الاوسط والحياة اللندنية والاهرام و أهم صحف الخليج – وفى أعدادها الصادرة صباح اليوم الاثنين – كلها أوردت نتائج كل المباريات لتصفيات أفريقيا المؤهلة لكأس العالم 2012 فى البرازيل – كل الصحف ذكرت نتائج المباريات العشرة التى جرت مساء الأمس الاحد للعشرة مجموعات – ماعدا نتيجة مباراة السودان و غانا !!!!! يعنى العالم حتى ما اعتبرنا ناس و مامدخلنا فى حساباتو و متجاهلنا بالكامل – و يمكن ما عارفايننا لعبنا أم لم نلعب – بالله فى دولة فى العالم مسخرة و ملطشة زينا كدة !!!! – أثقل نتيجة فى مباريات الامس كانت فى مباراة تنزانيا مع المغرب و أنتهت 3-1 لصالح تنزانيا – و نحن كان نصيبنا رباعية صافية ماركة مازدا العظيييييييم .
سيبونا من النتيجة دى حاجة متوقعة لكن اشرحوا لينا قصة العلم المقلوب فوق تحت و قصة علم دولة الجنوب المطبوع على تذاكر الدخول للمباراة!!!!!!!!!!!!!!!!
اى أنسان عاقل يتوقع خلاف ذلك فهو ام جاهل أو غافل أو مازدا ووووووووووو
الله يدمركم زي مادمرتو الكورة قرف وبلا يخمكم
والله انتو مغفلين لو راجين نتيجه احسن من كدا .من غير تمرين التجمع الصباح كبايه شاي وونسه (معاويه فداسي زعلان هيثم ما سلم عليه)التمرين انتهي وتم ترقية الرقيب مازدا الي رتبه الرقيب اول ههههههههههههههههههههههههههه مازداااااااااا
كورة كان زمان اقتصاد ؟ سياسة ؟علاقات خارجية ؟كورة ؟ زراعة؟ تنمية؟ صناعة ؟تعليم ؟ صحة ؟ وين الضمير
يا خوانا بلد رئيسها مخنوق وما قادر يمشي اي حتى ويأتمر بأمر امير قطر ومرشد الاخوان ونجاد
حكومة (عصابة ) خزينتها فضت لحدي ما فكرت تصدر بنات البلد للدعارة
حكومة دمرت اي شي كيف تنجح الرياضة ؟
وروني بس
طالما فى فساد فى كل البلد وهو السوسة التى تنخر فى كل المرافق والانشطة وطالما نحن مع هذة العقليات التعبانة فلن تصلوا الى شى باللة ماهو اخر جيل راى كرة قدم فى السودان .. باللة منوا لاعب الكرة فى السودان .. منوا البيفهم فى الكورة .. لاعب يدفعوا فية ملايين .. مش احق بها مدرسة او روضة او مستشفى .. او حتى سجن لهؤلاء الفاسدين وحتى مازدا ..ماهو تاريخة وماقدمة للسودان ؟؟ ياجماعة استفيقوا واقول للمدمنين لمشاهدة الدورى السودانى .. وفروا ماتدفعوة لاكل عيالكم ..
ملاحظة بسيطة .. اي واحد يتفرج في تمرين العصر في اي ميدان من ميادين السودان.. سوف لا يجد فرق بين مستوي الكورة وطريقة اللعب والاداء بينها والاندية السودانية وهذا مربط الفرس نحن نلعب كورة شوارع لذا فمكاننا الشارع وحقو ما نتطاول اكثر
يامازدا اخجل علي دمك شويه واستقيل لأنك بصراحه ناحس المنتخب وسبب كل البلاوى
وبصراحه انت ماقادر تقدم شىء لا للمنتخب ولا لأى فرق من فرق الروابط لأنو كورتك قديمه خالس والناس مشت بعيد
اسمع تصريحاتك قبل المباراه اصدقك وبعدين اشوف خيبتك وخيبة المنتخب استغرب واندهش لأنك مصر تكون مدربا للمنتخب
رغم انو مدرب المنتخب المفروض يكون مستواه بحجم البلد .. وبصراحه يامازدا انت مستواك تعبان خالس خالس
ماتزعل من كلام اختك الكبيره وشوف ليك شغله تانيه والا شوف ليك وظيفه تناسب امكاناتك وسنك وربنا يوفق.
قال مازدا قال….
قال المنتخب السوداني قال.