البدء في محاسبة مستخدمي الموبايل اعتباراً من مطلع نوفمبر..مدير الإدارة العامة للمرور عابدين: نسعى لتجهيز رجل مرور مبتسم.. لا يكون هَمُّه تحصيل الجبايات ونصب الكمائن !!
الخرطوم :سلمى آدم:
حددت الادارة العامة للمرور الاول من نوفمبر القادم بداية لمحاسبة المخالفين للقواعد المرورية المتعلقة باستخدام الهاتف النقال اثناء القيادة وعدم الالتزام بربط حزام الامان تنفيذاً لاسترتيجيتها لتحقيق السلامة المرورية لمستخدمى الطريق
وأكد مدير الادارة العامة للمرور اللواء عابدين الطاهر فى مؤتمر صحفى أمس ،أن الخطة التي بدأ تنفيذها اعتباراً من أمس وتستمر لمدة عشرين يوماً ،تهدف إلى نشر الوعي المروري من خلال تذكير وارشاد مستخدمي الطريق بمسببات الحوادث المرورية الخمس المتمثلة في عدم ربط حزام الأمان ،والتحدث بالجوال أثناء قيادة المركبة، والتخطي الخاطئ، والعبور الخاطئ للطريق والسرعة غير القانونية
وقال ، ان الاسترتيجية تهدف الى تغيير سلوك مستخدمى الطريق وتلزمهم بتطبيق القواعد المرورية بعد انتهاء مدة التذكير والنصح
وشدد اللواء عابدين على ان الاستراتيجية تهدف ايضاً الى توفير رجل مرور متفهم وغير متسلط يجيد التعامل مع مستخدمى الطريق ويحفظ لهم حقوقهم ويغير النظرة التجريمية المعروفة لرجل المرور، كاشفاً عن خطة لادارة المرور تستهدف تنظيم سير الركشات ومنعها من استخدام الشوارع الرئيسية فى زمن محدد ، داعياً الاجهزة الاعلامية للمشاركة فى انجاح حملة التوعية المرورية
من ناحيته كشف اللواء محمد طاهر مدير ادارة المرورالسريع عن بداية العمل التجريبى لمشروع الرقابة الالكترونية فى طرق المرور السريع خلال الايام القادمة بعد توفير الاجهزة بجانب الاستمرار فى مشروع التتبع الجغرافى مع اتحاد غرف النقل
واكد اللواء حسن ادم مدير ادارة المرور بولاية الخرطوم استمرار حملات التوعية المرورية بالمراكز الخدمية ،واعلن عن خطة اسعافية لحل مشكلة الازدحام المرورى فى وسط الخرطوم تتضمن انشاء كبارى طائرة لفك الاختناق فى منطقة كبرى الحرية ومنطقة ود البشير كما كشف عن إنشاء مضمار حديث فى منطقة بحرى بأجهزة تقنية حديثة لامتحان منح رخص القيادة يتم افتتاحه فى الأيام القادمة
الصحافة
[COLOR=blue]عابدين: نسعى لتجهيز رجل مرور مبتسم[/COLOR]أكد اللواء عابدين الطاهر مدير الإدارة العامة للمرور، تجهيز إدارته لما سَماه برجل مرور مبتسم، لا يكون هَمُّه تحصيل الجبايات والتسويات، ونصب كمائن في طرق غير واضحة المعالم، وأضاف في مؤتمر صحفي أمس أن الطرق لا يتم ضبطها بالقانون ورجل المرور المتسلط، وإنما بالسلوك القويم واحترام القانون. وأمهل عابدين، سائقي المركبات كافة حتى الأول من نوفمبر المقبل للالتزام بضوابط المرور، وهدّد باتخاذ إجراءات صارمة في حق المخالفين. مؤكداً عدم الترخيص لأيّة مركبة عليها مخالفات إلاّ بعد إزالتها حتى وإن اضطرت إدارة المرور إلى بيع المركبة لإزالة المخالفات.
الرأي العام
ها ها ها ها ها ها ها
رجل مرور مبتسم لا يكون همه تحصيل الجبايات
دا وين دا ؟ في مسلسل ولا بتتكلم عن دولة اخرى
يا خي هنا في الامارات الشرطي محترم وبتاع المرور كذلك
ولا يقبلو الرشاوي ابدا
لانها عدم ضمير وهي سبب للعنة الله
اما في السودان حدث ولا حرج
نقول بس ربنا يعينك لكن الا تفصل ديل كلهم وتاتى بقوم جديد لايكونوا امثالهم
" أكد اللواء عابدين الطاهر مدير الإدارة العامة للمرور، تجهيز إدارته لما سَماه برجل مرور مبتسم، لا يكون هَمُّه تحصيل الجبايات والتسويات، ونصب كمائن في طرق غير واضحة المعالم، "
يعني الجماعة عارفين الحاصل … و قاصدينه
عمرو زيل الكلب ما ينعدل
لوووووووووووووووووووووووول(؟) (؟)
رجل مرور ومبتسم.
ههههههههههههههههههههههههههههههههههههههههههههههههههههههههههههه
مافي لانو ديل الفاقد التربوي حقد ساكت ماحيبتسمو لزول.
يا ربى السيد المدير داير يستورد لينا رجال مرور من ياتو دولة؟ و لا يمكن داير يجيب لينا ملأئكة؟ و حايدفع ليهم مرتب كم عشان يبقو مبتسمين و يطلعوا يدهم من جيوب الخلق؟
ولا يمكن داير يكب الموجودين ديل كلهم فى برميل النفايات ويجيب لينا ناس المؤتمر لانهم خلاص شبعوا و تانى ما ح…………………..!:lool: ;) :lool: ;) :lool: ;)
السلام عليكم
الافضل لشرطة المرور و وزارة الطرق و الجسور الاهتمام باعادة تاهيل الطرق اولا ثم بعد ذلك ممكن تتم المحاسبة على اسباب الحوادث.
السيد / مدير شرطة المرور
السبب الاساسي للحوادث هو الطرق ثم بعد ذلك الاستهتار من قبل سائقي المركبات العامة و البصات.
الطرق السريعة لا تصلح لأن تكون سريعة اساسا.
الطرق الداخلية لاتصلح لان تطون طرق.. لا يمكن بان يكون تصميم الشوارع خطأ و تكونوا عايزين المواطن يمشي صاح و بدون حواث.
* لا يمكن ان تحاسب شخص لا يستعمل حزام الامان ولا تحاسب شخص اخر يركب في صندوق بوكس من الخلف.
* كيف يا اخي المدير تحاسب على حزام الامان و يكون في نفس الطريق ( ركشة ) و كيف لسائق الركشة ان ياتي بحزام امان.
* ازدحام السوق العربي ووسط الخرطوم سببه الاساسي اختلاط العربات بالمشاه و مواقف العربات.. يعني لازم اولا يكون في منطقة للمشاه في الشارع ثم بعد ذلك مكان لمواقف العربات ثم طريق العربات الماره على الطرق. لكن اكيد ما ممكن يكونوا كلهم مع بعض !!!
احمد عبد الله
الخرطوم
هذه دولة الجبايات فكيف يا سعادة المدير تأتينا برجل مرور لا يقوم بالجبايات وبعدين الكلام دا لو بقى جد حاتلقى نفسك ودوك الصالح العام اعمل حسابك يارجل الانسان الطيب مثلك ما يستمر مع هؤلاء اللئام مشى امورك يا سعادة المدير يجيك الان كوز صغير يوديك فى داهية 0
اقترح ان يوزع رجل المرور سبحات لمرتكبى المخالفات بدلآ عن تحصيل الجبايات. وان يكون مبتسم وهو يقدم السبحة لسائق المركبة وان يقول له اتق الله فى الناس وفى اولادك
بسم الله الرحمن الرحيم
السيد اللواء / عابدين الطاهر المحترم
تحية طيبة وبعد ،،،
نحيط سيادتكم علما بأن كل افراد الشرطة بمن فيهم شرطة المرور لا يصلحو ان يكونو شرطيين وذلك للاسباب التالية :-
1- الفاقد التربوى .. كل من هب ودب وكل من تخرج من دار المايقوما وبتاعين الاورنيش اصبحو شرطيين
2- الواعظ الدينى .. كل افراد الشرطة لا يعرفون الدين ولا يعرفون الله ولا يخافونه
3- ضعف الراتب الذى لا يكفى ليوم 3 فى الشهر .. مع علمكم بذلك
4- اطلاق يدكم وتسليطهم على المواطن .. الجبايات والرشاوى و مسح الشنب
5- الفساد وسط كبار الظباط .. مما يجبر العسكرى على الفساد
الحلول
1- فصل جميع من بالشرطة من عساكر وظباط انتم تعلمون بفسادهم و ادخال اخرين محلهم
2- ان يكون الدخول للشرطة بمؤهل ..لنتجنب العطاله فى الخريجين
3- زيادة الرواتب
4- وضع قوانين صارمة لكى لا يرتشى ويفسد رجل الشرطة وينزل عليه اشد العقاب ليكون عبرة لغيره
وشاكرين لكم حسن تعاونكم معنا ،،،
وتفضلوا بقبول فائق الشكر والتقدير ،،،
مقدمه
ابـــــــــــــــــوعـــــــــــــمـــــــــــر
مبتسم ذي ده:D ولا ذي ده:cool: ولاذي ده( ) ولا ذي ده ;)
ربنا يكون في عون المواطن السوداني
ياخ اعملو السجل المدني وريحو بالكم … والله مريح في كل التعاملات الحكومية .. عشان الدفع ما يكون فوري لانه الواحد بكون شايل معاه حق الغداء مرات بقطعه ايصال ولا يلم في غداء ولا يقدر يكمل مشى . … ولا العسكري المتخرج من المايقوما يقدر يسرق جنيه واحد . اتمنى ان يحدث هذا في اقرب وقت.
الحل الوحيد توسعوا الشوارع وتسفلتوا العاصمة 21 سنة كيزان ماقادرين يسفلتو ليهم عاصمة أو حتى جزء من العاصمة ؟؟؟ وبعد داك تجيبوا لينا ناس من برة يعني من أوروبا ويجيبوا ليهم سيارات فخمة ويشوفوا شغلهم !!! أو تسلموا المرور زي هنا في السعودية (صالح كامل مستثمر فلوسو في المرور ) يعني شركة تتولى المهام !!!