(العليا) تدين (5) متهمين أشانوا سمعة الفنان إسماعيل حسب الدائم
أم درمان – الشفاء أبو القاسم
أيدت المحكمة العليا للمرة الثانية قراراً بإدانة (5) متهمين – من مواطني منطقة أم بدة – بإشانة سمعة الفنان “إسماعيل حسب الدائم” بعد اتهامهم إياه بالحصول على قطع أراضي منحها إياه رئيس اللجنة الشعبية بقرية المعمورة بأم بدة بسبب مشاركته في الحملة الانتخابية الماضية.
وكان مستشار الفنان “إسماعيل حسب الدائم” الأستاذ “محمد النور الحلا” قد رفع دعوى جنائية في مواجهة المتهمين، وشطبت محكمة الموضوع الدعوى، وتم الاستئناف لدى المحكمة العليا التي أصدرت قرارها بإدانتهم، وأمرت بإحالة الملف لمحكمة الموضوع للنظر في القضية لأن مقدم الدعوى يعتبر شخصية عامة ومعروفة لدى الجميع وهذا يؤثر في سمعته.
المجهر
اقسم بالله ثلاث وانا مسؤول عن هذا القسم امام الله وبحكم معرفتي التامة بالاستاذ اسماعيل حسب الدائم وكل افراد اسرته الصغيرة والكبيرة ان هذا الرجل هو اطهر وانقي من عرفت علي وجه هذه البرية بل احسبه من عباد الله الصالحين فهو صوفي متعبد حفيد الشيخ الامين ود ام حقين
شعب غريب بقي عندكم كل متدين وعامل دقن كوز ياخ أنتو وهم ساي في كوز بسكن أو بيرضي ليكم بأراض في امبدة كان هو كوز كان وقع الخرطوم ومناطقها المشهورة أو كافوري إسماعيل ده بغني من سنة دو ومن زمن حفرو البحر كان عايز زمان وزعو العاصمة دي وهو مشهور وعلم ماطلع بشي اسع وقت بقي كبير مستكثرين فيه امبدة وقرية خلف امبدة وعلي ما اعتقد طالما أنها خلف امبدة ياريت لو فكر في ارض في الأبيض كانت اقرب له علي الأقل يجد من يحترمه
كل من شارك فى حملة المؤتمر الوطنى كان لة نضيب لية انتم اخترتم اسماعيل حسب الدائم
دا اسمو حق انتم عمركم ملاقوكم ناس الشرطة وقالو ليكم ادونا حقنا
يا الصادق كلامك ده كله ما مشكلة بس كلمة احسبو دي بتاع الجماعة من اين لك بها وانت صاحب الشرفاء والاطهار ياريت المرة الجاية تنتقي الكلمات حتي لاتحسب منهم تكبير تهليل يا الصادق
هذه الاسماعيل لا طال فنان ولا مداح هويته مطموسه ولا سمسار لحزب المؤتمر وهو يفتخر بذلك لا حرج علية ومن حقة يجب أن يجرد من لقب فنان لانعدام انتاجة بالمره حتي الأجهزة الإعلامية نسته واصبح من المنسيين في الذاكره وصاحب مائة بال كضاب
كلمة احسبو ليست حكرا ع الكيزان انما الرسول من قال بها والدين ليس حكرا على طائفة او فئة والزول دا لو كان اكل ما كان ساكن امبدة لغاية اسي والحاجة الغريبة كل الناس بقت تهاجم الكيزان حتى الناس الكانو دبابين ومجاهدين بقو يقولوا ليك الكيزان والحكومة وتلقاهو شغال في احسن محلات وكرشه زي البرميل ما عارفين الكيزان ديل علي عثمان ونافع بس ولا شنو