نضوب النيل الأبيض بالخرطوم!!
الخرطوم ? خاص الراكوبة
لأول مرة فى تاريخ السودان يتمكن مواطنون بأم درمان من عبور مجري النيل الأبيض سيراً على الأقدام فى طريقهم للخرطوم.
حدث هذا مؤخراً بالسودان إذ تفاجأ سكان مدينة أم درمان أن النيل الأبيض الذي كان فى السابق يعبرونه بواسطة كبري الفتيحاب أو الكبري العتيق المعروف باسم كبري النيل الأبيض قد انحسرت مياهه بصورة كبيرة ويمكنهم منذ اليوم عبوره بأرجلهم متى شاءوا.
وقد تسبب هذا الحدث فى هلع كبير وسط المواطنين مما جعل الحكومة السودانية تتكتم على الأمر بقية البحث عن وسيلة لمعالجته.
وكشف مختص ?طلب عدم ذكر أسمه- أن نضوب مياه النيل بالصورة التي حدثت الآن فى بداية الشتاء ينذر بنضوب مساحات واسعة منه خاصة فى فترة الصيف وأوضح أن معالجة الأمر تحتاج لإمكانيات كبيرة لن ولم تتوفر للحكومة السودانية فى الوقت الحالي لأن الموضوع يحتاج لنظافة مجري النيل بطرق علمية ولمسافات طويلة.
السودان كله أصبح كارثة بيئية, من تلوث رهيب فى كل مرافق الحياة, و العصابة الحاكمة مشغولة فى اللغف و اللهط و الحروب و القتل للمسحوقين , السودان الذى عهدناه قبل هذه الشرزمة أنتهى Finito, Kapute
حتى النيل اضرب عن الانسياب لاول مرة فى تاريخه حزنا لحال بلادى
too much blood has been shed is sudan ,too much innocents people have been killed .
الكيزان ديل لو قاعدين بعد شوية السفر الى السعودية يكون بالبصات و التهريب الى السعودية يكون بالجمال , ههههه ههههههه ههههههه ههههههه .
طالما الاخوان المسلمين حاكمين… النيل الازرق ذاته حاينشف! الصبر شوية… شوفوا لو ما بقيتوا تشحدوا موية الشراب من السعودية… الغريق قدام
نستغفرك يا الله ونتوب اليك
الكارثة ليست فى نضوب النيل الأبيض ولكن الكارثة الإكبر فى وزير الرى الذى لم يصدر الى الآن اى بيان يوضح فيه الأسباب التى أدت الى هـذا الموقـف . والكارثة الثانية البرلمان والتى تظهر صورة مبانية خلف النيل لم يصدر من نواب الغفلة الذين بداخله اى سؤال أو اى حاجة توضح بأنهم مسؤلين .والكارثة الثالثة : لم يصدر من الرى المصرى أو السفارة المصرية اى شئ الى الآن ؟ أوعة يكون هـذا النظام باع مياه النيل الأبيض كمان ؟ وارجو من الجمهور الذى يحصى الدمار الذى تسبب فيه هـذا النظام فى السودان أن يضيف نضوب المياه فى النيل الأبيض الى كشف الفساد والدمار الذى تسبب فيه هـذا النظام ولا ندرى كيف يكون الحال عـندما يقام ” سد النهضة الأثيوبى ” لأنه ايضا سوف يجفف النيل الأزرق . لطفك يارب .
I think they the water to Egypt or or Uganda built new dam but our stupid government does not know about it. However the Parliament should ask what is going on .we as people know the government does not care to much about the future.
لا نضوب ولا شي … الحاصل انو الطمي اتتردم وبقت المويه تمشي بالجهه التانيه
لو نضب معناها شنو؟؟؟؟ حكومات فاشله بحق
التقول يشربوا من النيل
لا يوجد حكومه عملت علي سقيا شعبها الساكنين جنب النيل من سقياهم من الماء العذب حيث امنيه كل العالمين من شراب النيل الأجاج
لن يتحرك احد ساكنا لحد المصرين يتدخلوا في القصه
حيث لا وجيع غيرهم
وبعد سد النهضة ماحاتحتاجو كباري ابدا وده بيحل مشكلة المواصلات ومامحتاجين تزرعوا بس تستوردوا طماطم بصل كلوا من اديس وناس الشمالية يتحولوا كلهاري
ويكون إنقادكم للبلد تم
سمعتو ليكم دولة حكمها الغجر نجحت؟
******** انا قلت ليكم الكيزان ديل ناس (ياجوج و ماجوج) ذااااااتهم انتو ما مصدقين ******** كويس ناس امدرمان يختصروا الزمن بدل زحمة الكبري ***************** ياخ ديل نشفوا ريق الشعب السوداني ما ينشفوا النيل الابيض ؟؟؟ ***********
لا حول ولا قوة الا بالله …الكيزان حتى مياه النيل الابيض سرقو.
التبرير جاهز.. طالما ان هنالك .. هيئه علماء للافتاء تحت
تصرف الحكومه … اتوقع ان يصدروا بيان
فحواه هذا ليس نضوب وجفاف انما هو هبه ربانيه للعباد
و زياده للاراضي الزراعيه غير متوقعه سخرها
الله لهذه الحكومه
الرشيده عوضا عن فقدانها نفض الجنوب …
وعسي ان تكرهوا شيئا …
النيل الابيض في ظل هذه المشاكل في السودان وجنوب السودان ومصر مامعروف امكن دول حوض النيل غيرت مجراه او باعت مياهه ونحن هنا ماجايبين خبر
ما مشكله المصريين بيتصرفوا
يأخوانا الصورة دى حقيقه
المشكلة قد تكون من النيل الازرق على الارجح لان جريان النيل الابيض بطئ مما يجعل مياه النيل الازرق تقف حاجزا مائيا امام النيل الابيض في الظروف العادية ونقص مياه النيل الازرق يمكنه تقليل مياه الابيض في منطقة المقرن تحديدا ومع ذلك يجب البحث في اسباب هيدروليكية اخرى والله اعلم
لا حول ولا قوة الا بالله الكيزان نشفوا حتى الموية من النيل !!!!!!! حادثة لم تحصل منذ بداية الخلق الا فى عهد هؤلاء الفاسقين . ربنا يستر لو حكموا البلد خمس سنوات اخرى سوف فلن يبقى فى السودان الا هؤلاء الخنازير . جف الماء وضمر الضرع ومات الزرع فماذا تبقى؟؟؟؟
حلو الخبر ده رب ضارٍة نافعة خلي اولاد الكلب ديلاك يعرفوا حاجة نضوب من هنا وسد القرن من هناك
استعينوا بالله ثم جمهورية مصر العربية في حل المشكلة لأنّ مصر هي المستفيدة من مياه النيل وثلث حصتنا من المياه تذهب لمصر دون مقابل . الداير الموية يجي يعالج المشكلة نحن ما دايرين موية ولا عندنا زراعة نصف الشعب هاجر والنصف الآخر قاااااااعد جنب ستات الشاي لا شغل لا مشغلة .
يا أخوانا إحترموا عقولنا شوية .. كيف يعبروا النيل الأبيض سيرا على ألاقدام إلى الخرطوم .. نحن كل يوم مارين بهناك .. ما حدث هو أن أحد الأفرع المكونة للنهر جفّ تماما ودا فعلا حصل .. لكن مجرى النهر الأساسي موجود ..
كوبّس خالص .. بعد ده ميزانية الدفاع عن العصابة حتزيد بنشر قوات النهب المُصلّحة وكلاب الأمن وشرطة أبوطيرة علي طول شاطئ النيل من جبل أولياء للسقاي بعد ما كان الأمر محصوراً في مراقبة مداخل ومخارج الكباري خوفاً من إجتياح الثوّار لقلب كرش الفيل .. شكلها موية النيل بقت عميلة للـ cia والموساد الإسرائيلي ولو لم تصبح عميلة لما تيخرت في هذا التوقيت الحساس .. و .. يا إيد علي إيد أخوي علي إيدي أنا .. علي إيد وإيد .. نجدع بعيد من لُجة من رأس ميضنة حيكومة الفقر الدمار من ها الرصيف الماقدر قدّام “تريعة” الموج يقيف الما إنستر .. الأرزقية وناسو يا .. نسقيها كأس أسقتنا يا .. نوريها كيف عشق الحياة .. سنّانا فوق حجر القصاص .. سوّانا ناس .. جوانا أحرّ من الرصاص!!.
يكون الكابوى الافريقى ده (موسفينى)عمل سد اوسدود عند المصب او ربما لانحسار كميات الامطار فى الخريف المنصرم
والله يا جماعة الكلام دا لو بفى صاح والله دي كارثة ودي علام من علامات الساعة جفاف الانهار . اتوقع ان يحدث شيء الا جفاف نهر النيل . يا ناس ام درما افتنا هل الكلام دا صاح . حسبنا الله ونعم الوكيل . زمان كان بقولوا ان بعض روافد النيل الابيض في اقصى الجنوب يمكن عبورها بالارجل في فصل الجفاف وكنت غير مصدق لكن ان يحدث هذا في المقرن فهي الكاية بعينها.
ونسأل اخينا صاحب التعليق الذي يقول ان السبب هو مياه النيل الازرق التي تحجب مياه النيل الابيض من الجريان نساله لماذا لم يحدث هذا منذ بدا النيل جريانه؟
هذا يعني ان روافد النيل الابيض لم تعد تغذيه بالمياه الكافية لجريانه
نتمنى ان يفيدنا خبيرنا المائي البروفسور سلمان احمد سلمان عن هذا الحاصل
انا لا اصدق الراكوبة ، لانها تهتم بالاخبار السيئة عن البلد
اخوانا الكيزان فرضوا 100 جنيه سنوى لعبور الكبارى اه ربنا نشفو وبقينا نمشى بى كرعينا
يلا يا نافع شوف مورد تانى تجيب منو راتبك
النيل معروف عنه تغيير مجراه عبر العصور
هام ذاك النهر يستلهم حسنا
فإذا عبر بلادي وجد الكيزان يتحكمون فينا
حزن النيل لديها… وجفّ عنا
(مع الاعتذار لوردي، والشاعر مرسي صالح سراج)
يا اخوانا أرجو أن تكون تعليقاتكم موضوعية ولا تنهشوا كنهش الذئاب للفريسة ، الآن توجد تقنية سريعة جداً يمكن لأحد المتداخلين في أم درمان ان يصوّر لنا النيل الأبيض مباشرة عن طريق الواتس أب ويرسله للراكوبة مباشرة بدون تحليل أو تحاليل ومُكسرات وبهارات . ونحن عندنا في النيل الأزرق أفرع تنضب في فترة الصيف وتمتليء في الخريف وذلك منذ عهد الاستقلال وحتى لآن.
يجب أن لا نفرح بالشينة ولا نزجّ بكل شيء في منعطف السياسة ولا جدوي من الكلام الغير مفيد.
أقترح على الكثير من المتداخلين وأنا منهم أن يقرأوا ولا يعلِّقووووووا ..
يا جماعة استهدوا بالله النيل الابيض قبل الوصول للكبري القديم الحديدي كان يصل في شكل فرعين اما الان صار فرع واحد والنضوب حدث في الاخري وده من المفترض يتم معالجته بواسطة هئية توفير المياه بازالة الطمي من المجري …..عذا هو الواقع الان ولم تتحرك اية جهة للمعالجة.
البلد كلها كباري النشوف ثاني بعملو شنو
——————————————————————————–
ربنا يورينا فيكم يوم يا الكيزان نشفتو مويتنا ودمنا
الاشاعة دى قاصدين بيها شنو ؟ !!!.