هروب متهم من حارسه بعربة (برادو)

غايتو…

الشرطي ده…عملها ظااااهرة…

قال شنو: أطلق ثلاث طلقات…

تلقاه أسه…يمزمز في المنقة…

وده متهم شنو البيجيبوه بسيارة برادو . المليادير ترامب ولاشنو .. وين الكومر وين البكاسي .

الطلقات دي بمسدس لعبة ولا شنو و بعدين مجمع المحاكم دا قاعد قي خلا لمن يختفي بالسرعة دي و المصيبة المتهم مش مفترض يكون مكلبش و الاهبل العسكري دا يخليهو يسوق العربية و لا المتهم بطل في الجمباز قدر ينط في كرسي السواق و بعدين العسكري ينزل قدام المتهم و العربية خلوها مدورة ليه. ووووو … اخحترمو عقولنا ياخي دي في فلم هندي ما بتحصل

أذكر مرة في نيابة الأراضي هرب مطلوب بطريقة دراماتيكية قريبة الشبه من القصة دي ، فغضب وكيل النيابة غضبا شديدا وجمع العساكر وقال ليهم شوفوا يا تجيبوا الراجل ده يا …. وما هي ساعات حتى جابوا الراجل مكلبش في الأمجاد !!

سبحان الله العالم والأستاذ/ فاروق أبو عيسى وأمين مكي مدنى يتم إحضارهم بالبكاسي وبني كوز بالبرادو !!!!!!

هذه هي مسئولية شرطة المحاكم وهي تأمين السيارة حتى تسليم المحكوم عليه للجهة الاخرى ومن الطبيعي أن تكون حراسة بأكثر من شخصين ومن الطبيعي أن يكون المحكوم مراقبا ان لم يكن مقيدا ومن غير المألوف أن يتم نقل المحكومين بعربة برادو وشوفوا الأفرم المصرية كيف يكون وضع المحكوم عليه في عربة بكس بصندوق وبقفل ثم يجلس في الخلف عساكر بأسلحتهم .. يجب أن يتم وضع الشرطي الذي كان برفقته في زنزانة انفرادية لا يرى النور حتى يفصح بكل شيء ولا تقولوا باركوها وخلاص ..

عمرنا ما سمعنا بعسكري يركب مع متهم في عربيتو الخاصة عشان يرحلو , وين عربات المحاكم والسجون

البرادو ال فى الصورة دى اعتقد ما فيها لوحات هذا لعب فارغ لا يصدقه العقل