إيقاف المذيع (أمجد) بقرار صادر من المدير
اصدر مدير قناة النيل الازرق الاستاذ حسن فضل المولى قرارا بإيقاف المذيع (أمجد) مقدم برنامج مساء جديد وذلك بعد ان رأت الادارة ذلك.
القرار جاء بعد ان قام السيد حسن فضل المولى بمراجعة الحلقة الاخيرة التى ظهر فيها المذيع امجد من خلال برنامج مساء جديد حيث لاحظ مدير القناة بعض الاخفاقات من قبل المذيع فى العمل مما ادى الى اصدار القرار بايقاف المذيع لأجل غير مسمى ولحين ان تنظر الادارة فى امره.
كما ان من الاسباب التى ادت الى هذا القرار هى استخفاف المذيع امجد بالاعلاميين.
الدار.
هو قايل نفسو عمر الجزلى
احسن حاجة دة ياخى كرهنا قناة النيل الازرق دة عراضة كبيييرة ياخى
الكلام ده مفروض تكون لاي زول مقصر في الواجب حقه
احسن امكانياته ضعيفه
من هو الاعلامي ، وكل من أطل على الشاشة البلورية يقال عليه اعلامي حتى ولو كان مقدم النشرة الجوية ، الاعلامي يطلق على الشخص ذو الخبرة ويكون صاحب أفكار وبرامج اعلامية وحوارات سياسية أو اقتصادية أو اجتماعية وأن يكون مثقفا يجيد عدة لغات وله اصدارات وكتب ومشاركات داخليا ودوليا .. أمجد انسان رائع ومقبول ودمه خفيف على المشاهد وعليه أن يتجه لاحدى الفضائيات الاخرى أما حسن فضل المولى فمنصبه هذا سياسي وشرفي فقط وليس لثقافته أو ارثه الاعلامي ..
هو الود ده راسو فاااااااااااااضي والله وما ناقش ابو النووووم اظن واسطتو قوية شديد وهسي بياخد ليو كم يوم وبرجع تاني ياخ ده لمن محمود عبد العزيز جاء راجع مشو يصوروا معاو امجد ده غمت ليك محمود في السلام انا قلته انتهى منو خلاص
البدله صغيرة ياباشا .
أمجد ده فاكهة قناة النيل الأزرق!!
يعنى شنو معظمهم راسهم فاضي ساي لكن اللون والوجاهه وده المعيار ولا شنو
يا جوكات نسيتو أفراح أفراح؟! المفروض يرجعوه ليها ويستمرلحدي المعاش خاصة وأن فيها ميتات كتيرة تنفع معاهو.إنتو وين الخاساوي بتاع الكلام الكتير داك الذي تحول للشروق (نقلوه ولا شنو)؟
عن بكرة ابيهم راسهم فاضي والدليل على كده القنوات كلها هشك بشك لأنها اسهل حاجة أما اعداد البرامج القوية المفيدة والراقية يتحاج لعقول واسعة وفاهمة العالم كله … فاقد تربويييييييي
اضحت قناه النيل الازرق قبله للاسلاميين الذين اضحوا يعوسن الفساد فيها من فصل لكثير من المذيعات ثم هروب العدد منهم الى الفضائيات الاخرى …
لا ادري اذا كنا كما هو الحال للسودان نسعى الى انهيار هذه القناة أم نسعى الى تصفية حسابات اخرى ؟؟
أها وموضوع الغلا الحصل فيهو شنو
امجد مقدم جيد ومقنع أحسن من كثيرين
قال ومن اسباب الايقاف استخفاف المذيع بلاعلاميين يعني شنووو؟ وما الاعلاميين طول عمرهم بعملوا علي الاستخفاف بالمذعيين الوقفهم وطردهم من الصحافه شنووووو؟وهل الاعلامي جبان وخواف؟
يستاهل راسو فاضى وبتراشق رشاقه مرة, وما عندو اى حضور عقبال الباقيين
لا ياخ زعلنا ليك خالص ….
هي النيل الازرق دي النافع فيها منو ؟ كلهم كرور وراسهم فاضي اللهم الا سعد الدين وماعارفينو غتس وين والباقي كلو مرض مرض
كلامك صحيح اخي نبلابي هولا لا يعرفون الاستاذ حسن فضل المولي وهو من الرعيل الاول في الاعلام زمن الناس كانو يدرسون الاعلام وهم غلائل
الحمد لله ياما انت كريم يارب … ريحتونا منو الله يريحكم
و عقبال ليك انت كمان يا امجد و بقول للعريس بيت مال و عيال و اسلم علي اخواتي في الرياض و اخوي في هولاندا
والله مذيع مقنع وعمل حلقة في العيد عن ثناي الجزية في مدي وكانت حلقة رائعة
خسارة علي القناة
ما رضيناها ليك يا امجد
دا مش الزول هشك بشك بتاع بيوت العرس داك ولا دا يكون شبيهو زي شبيه أحمد الصادق؟
قناة النيل الازرق فارغة من يومها معيار الكفاءة معدوم تماما جمال ووجاهة فقط فغالبية العامليين في القناة فارغيين لا خبرة لادراية المخرج عايز كدا كان الله في عون البلد
والله ده احسن خبر قريته في الراكوبة والله امجد ده اكره ابن ادم ربنا يخلصنا منو
يا أخونا طن الاسمنت بقي بي كم …اخوكم مغترب ومفكر يبني …
كلامك صحيح اخي نبلابي هولا لا يعرفون الاستاذ حسن فضل المولي وهو من الرعيل الاول في الاعلام زمن الناس كانو يدرسون الاعلام وهم غلائل …
اعلاه ده تعليق الاسمو كتيابي ده …يا كتيابي كلمة قلائل بحرف (القاف) وليس (الغين)دي ملاحظة ..بس ما تكون انت كتيابي بتاع شركة تساهيل …للمواسير بالاحجام المختلفة ههههههههه
فل يذهب امجد ومن معاهو الي مزيلة التاريخ
nothing nothing
هنالك مزيع شهير فى bbc يقدم heard talk هذا المزيع ياتى الى التلفزويون راكب عجله ولابس فانيلا كت>
. انظروا الى العنجهه اعلاه وكيف متدخل يدينو فى البنطلون بالمناسبه ادخال اليدين فى البنطلون تعد من الثزاجه والود عامل فيها روبرت موردوخ … غناة نيل ازرق شنو وسجم رماد شنو نحن فى البدايه والنهايه ما ذلنا بدائيين وجاريين نحاكى الناس
ولا الله هذا لايستحق اي تعليق مع مشاكل البلاد الثيرة ده انتو الموتمر الوطني اختاروا منو امين عام الحركة الاسلامية اي واحد شارب بنقو يجي يقول انا امين عام الحركة الاسلامية
بس بصراحة بنات القناة حلواااااااااااااااااات شديده وثياب اسكتو ساى ولكن الود ده ماسورة والبدلة تلمع كده مشتريها من المرحوم كان قدرك وبصراحة الغنى والبهجة مسخة القناة حبه وخاصة أفراح طلاق
والله احسن حاجة عملوها ياخ ده مش راسو فاضي ده حتي ماعندو راس وعقبال بقية اشباه الاعلاميين اللذين فقط يتم تعينهم بسبب اللون الباهت.
يا جماعه الغلط فى الحروف عادى يعنى (غ )تكتب (ع) ( ق )تكتب (ف )مابتستاهل طاله مامفهومه ولآ البلد الصحيح فيها بقطع فى بعضوا
وانت يا حسن فضل المولى البشيلك منو …. اصلا ً هذه القناة ما فيها اى مادة ممكن يستفيد منها المشاهد كل ما فيها … عبارة عن عروض أزياء … الله يهديكم …………………………..
تستاهل عشان تانى تطلع تقود مظاهرات التائيد للبشير ابو حلقوم مسرطن
انطروا للقنوات المصرية وفن الحوار والمعلومات المتدفقة صحى لايوجد ابداع مع الكبت الابداع قرين الحرية لذا تذهب قناة النيل الازرق لبيوت الافراح واسئلة مكررة وليس هناك موضوع وبض مقدمى البرامج يتحدثون اكثر من الضيف نحن صفر فى الاعلام بسبب الكبت السياسى هذه هى العلة الله يكون فى العون واذكر جيدا الاعلامى الطيب هو الان يعمل لتلفزيون عربى هذا الولد عمل حلقة مع الشيخ البرعى رحمة الله فليس له ادنى علم بالتصوف شئ مخجل بحق واخرى علمت حلقة مع الاديب الطيب صالح رحمه الله هذه ليس مخها فاضى وبس بل الذى سمح لها اساء لنا فليس لها ادنى فكرة عن الادب والنقد مهازل فى مهازل ارحمونا يرحمكم الله
قناه النيل الازرق دي قناه فارغه يعني لو عندك دكان امشي اتفق معاهم وبكره بيعملوا حلقه عن دكانك وكلوا بحسابوا وامجد دا واحد جاهل كان كل ما يستضيف واحد من امدرمان يسالوا ياخي ما بتعرفوا حبوبتي ؟ وانا من كلاموا عن نفسوا عرفت انوا من الجموعيه طبعا هو مذيع متفرد لازم يعرفك بقبيلتوا واهله وحبوبته ياخي غور انت والمذيعات الفاشلات المعاك من تسابيح لحد رشا
الناس بتدى القضاية التافه اكثر من حقها يغور امجد وتغور قناة النيل دا كلوا اعلام كيزان والعمل فيه بعتمد على الولاء بكرة ببوس يد كوز نافذ وبرجع تانى يورمنا
يجب اجتثاث المرض من اصلو حسن فضل المولى كوز تافه وامجد حلبى متملق كلو عفن فى عفن والقناه زاته ليها يوم قرب ان شاء الله
احسن حاجة و افضل خبر ، يا اخوانا الود ده ما عندو اي حاجة غير انو ابيض بس كده سقيل و بايخ و عامل فيها دمو خيفيف و ظريف مع انو دمو اتقل من دم البقر ، يلا بلا لمة
والله دا أحسن قرار تتخذه قناة النيل الأزرق إيقاف هذا الولد من القناة ياأخى دا بيستخف بالضيوف و بيخرج خارج الموضوع و يطلق نكات سخيفة و يضحك بعدها ضحكة عجيبة و غريبة تجعل الضيف مرات كثيرة يستغرب ما عنده أتكيت كله كله أتذكر مرة عمل مقابلة مع وزير الصناعة اللبنانى و كان لابس تى شيرت برتقالى مخطط بأسود ممكن القناة أن ترجع لذلك التسجيل بعدين شىء ثانى مهم هل أنتم متأكدون مائة بالمائة أنه الولد دا سودانى مش مصرى؟؟؟؟ بعدين هو قرأ إعلام وين؟؟؟ ما باين عليه شكله إعلامى يا مدير قناة النيل الأزرق أكنس القناة دى من الأولاد الغير مؤهلين ديل صراحة مستوى القناة نزل كثير جدا.
افضل قرار…. وعقبال لباقى المامؤهلين .. ولكن فلان بيخليكم.. ما قالو واسطتو قوية
ده زمن الواسطات
بالتعليق السالب دا ح اترقي وابقي مدير برامج واصحح مقولة الطيارة طافية انواره
مذيع نعبان مثل سعدالدين السمج وكلاهما يضحكون بلا مبرر وسمجين الي أبعد حد. هي أصلا القناة دي فارغة وبلا موضوعية وكل المذيعين والمذيعات الذين يعملون بهت ضعيفين وهايفين يعني كلهم كرور في كرور.
والله مره عمل حوار مع الممثله نشوى مصطفى المصريه
كان للقاء غريب وعجيب وبضحك مع الممثله وهظار ونكات عجيبه لا تترتقى بان يكون مقدم للقاءات
حيث كانت تنقصه المهنيه والخبره وفن الالقاء
وهو كثير الكلام وبفرض نفسه وبتكم اكثر من الضيف
فهو ربما يكون كبش فداء واكيد هنالك اشياء اخرى لانوا يا اخوانا الاعلام فيه دسايس وضرب تحت الحزام
وهنالك فيه رشاوى واكراميات وهنالك اعلانات او رساله اعلانيه من المفترض تكون عبر القسم التجارى وكثيرآ من مقدمى البرنامج بيعطوها زخم لشئ فى نفس يعقوب
لكن اكرر عالم الاعلام والصحافه فيه الكثير من الابتزاز والمنفعه الشخصيه
واقول فى مره من المرات كنت عاوز اطرح موضوع كبير فيها ملاحظات عن اشياء سلبيه وهجوم على وزارة الشئون الهندسيه وبالمستندات فكان عندى احد الاصدقاء وهى صحفى فاخذنى الى صحفى واعلامى فى قسم التحقيقات بصحيفه مشهوره بينما انا اجلس مع الصحفى واتناول معه سير التحقيق والافصاح رد على طالبآ حسب قوله ان موضوعى هذا سوف يهز الدنيا وقال سوف يتناوله بعدد من الحلقات واخذ راى الطرف الاخر لكن بالله عليك ما تنسانا بالاكراميه طبعآ انا عندى مبدأ فى حياتى فرضت هذه الطريقه فما كان منه الا ان ادفع او مش ممكن ينشر الموضوع وقال معه اخرون
فعندما رجعت الى صديقى الصحفى الرياض قال الى هذا حال الكثير من الاعلاميين والصحفيين فالحكايه اصبحت كلها تجاره وربح لذالك ترك الكثيرون الصحافه
فربما يكون هنالك بعض الاعلاميين والصحفيين ابرياء لكن لا ننكر ان هنالك فساد واحيانآ هنالك فساد اخلاقى من تحرش وووووووووووووووو
ولدى بعض الزميلات كنا يعملن بالتلفزيون بدون ان ازكر اسم التلفزيون
وجدتهم يومآ يعملن موظفات فى احد الوزارات فقلت لهن لماذا تركتم التلفزيون فردوا على تخيل فلان الفلانى تحرش بنا واصبح يعاكس وسبب لينا ازعاج ما بعده ازعاج قلتم لهم طيب لماذا لا تقوما بالتبليغ عنه الى الجهات القانونيه فردوا وقالوا الحمد لله ان هنالك الله وزى ما بقولوا الشكيه لغير الله مزله ونحن نعلم ان وظيفته كبيره لكن ان الله اكبر فحسيبه الله وسوف ينال جزاءه
هكذا الاعلام واذا لم يكت هنالك ردع قوى ومدوى له صدى سوف تنهار قيم الامانه
مع تقديرى الى الاعلاميين والصحفيين اصحاب النفوس االخلوقه والايادى النظيفه البيضاء وهم كثر
نقطة نظام,,,
تسعين في المائه من أصحاب الردود لم يستمعوا لأمجد كثيرا,, فقط ركبوا الموجه,,
قناة النيل الازرق تعكس وجه جميل للسودان,, وبرامجها مبتكره,, قد لاتكون مرضيه للكل لكنها
ترضي شريحه كبيره من المشاهدين,,رغم الامكانيات المتواضعه,,
ليس دفاعا لأمجد أو القناة,, لكن لابد من ضبط الخطاب النقدي ..ماهذه الهرطقات والشتم,, انها لاتصدر من شخص واع,, للنقد سبل لكن دون تقريح,,
تغلبابالمال وتغلبك بالعيال !!!!!!
حسن فضل المولى دا مفتكر نفسه ايه كل مره تشيل وتفصل وكأنو القناة بها ملائكة – ياخ القناة كلها دعايات وازياء وموضه وكريمات وغناء .. من تصبح الدنيا اغاني في اغاني ولمن يكون في برنامج مهم ومباشر يقدونا قد بالدعايات .. صراحة كدا الناس مدحوكم وكبروا ليكم رسيانكم دي بقيتوا تفتروا وشايفين نفسكم .. انشاءالله كدا يا حسن فضل المولى يوم تلقى نفسك لافي براك جوه القناة
بسبب تغليب اللون على الكفاءات داخل وسائل الاعلام الرسمية وباسلوب الجزلي الشبيه باساليب خال الرئيس فقدت الساحة الاعلامية اميز الصحفيين نذكر على سبيل المثال لا الحصر عادل فارس وهيثم عويث وعوض ابراهيم عوض وغيرهم ؟؟؟؟
افراح افراح ..الومرحبا..نحوم الغد..اغاني واغاني..,وووووووو كلها برامج استعراض للبنات والمكياج والثياب واحمر الشفاه والاهم في البرامج انو لازم بتاع الكاميرا يوجهها علي مقدمه البرنامج اثناء تقديم الاغنيه وهي تتمايل وتتبسم لاثاره المشاهدين وهي قايلة نفسها يا دنيا ما فيك الا انا اما هذا الامجد فهو من اعبطهم في التقديم والعجب لما يكون قاعد في الكرسي وفارق رجليه عشان كرشو كبيره حاجه مضحكة وانا بصراحه كدا راي انو القناة دي يقفلو ابوابا وخلونا في قناة الشروق فيها المفيد والحميل بالمقارنه مع النيل الاسود
اصبحنا كثيري كلام وقليلي أفعال ولنا في جارتنا الشمالية اسوة حسنة ياتاس اتجهوا للاهم سيبو الصمت وتحهوا لقول الحق
المهم هو تصحيح معايير اختيار المذيعين ومقدمي البرامج بدلاً عن الكوسة والواسطة فالطريقة التي أتى بها أمجد ستاتينا بمن هو على شاكلته .. الحضور والقبول هما افضل مايفتقده المذيع وصاحبنا ده يفتقد للقبول وحضوره جيد .. غالب من سالتهم أجابوا بأنه دمه ثقيل وبايخ ..
الناس دخلها شنو بجنسه..البقول جموعى والبقول حلبى أو مصرى.إنتوا ناس فارغين..حاولو تقدموا حاجة مفيدة للمجتمع كنقد بناء أو ما تكتبوا. عالم فعلاً ما بتتقدم.نعم جموعى ونعتز به وهو معتز بقبيلته المشكلة شنو؟
اخشى ان يكون تم توظيف حسن فضل المولى بالشهادة السودانية – وهل مستوى حسن فضل المولى افضل من مستوى امجد خان؟
الصحفى عبدالرجمن جبر كاتب الصفحة الفنية فى جريدة اخرلحظه وهوابن عم الصحفى كسارالتلج مصطفى ابوالعزايم
عبدالرحمن جبر دائما بيكتب عن المذيع امجد والفنانه افراح عصام يكيل لهم سخرية وترهات تحت ستار النقد
الخقيقه لم اكن اعرف هذا الامجد الابعد ان قرات كتابات عبدالرحمن جبر المكررة والسخيفه ومطالبته لادارة القناه بفصله
ترسخت لدى قناعه ان هنالك اشياء شخصية احيانا يدخلها بعض صخافيي الغفله لتصفيه حسابات مع اخرين سواء اعلاميين او مذيعين او حتى فنانات
تخيل صحافي يكتب (منتقدا )غنانه كما يدعى ويتوهم – يا افراح تعالي اعلمك الكلام ويافلانه تعالي اوريك مابعرف تعملي شنو
ياخي جاتكم نيله وخيبة في روسينكم المليانه قرف وقلوبكم السزده زي الدك