أمشوا .. كتر خيركم..!!
عبد الباقى الظافر
٭ وقاضي المحكمة العليا يصدر التعليمات بصوت هادٍ ووقور «أنا عبدالمجيد إمام قاضي المحكمة العليا بهذا أمرك بالانصراف بجنودك فوراً «..الملازم قرشي فارس يرفع يده ملقياً التحية العسكرية مردداً بكل احترام كلمتي»حاضر سعادتك»..ثم بصوت بطولي يصرخ في جنوده «إلى الخلف دور»..ذاك المشهد المملوء بطولة وشجاعة حدث في يوميات ثورة أكتوبر التي احتفلنا أمس بذكرى يوبيلها الفضي.. عاد الجيش إلى ثكناته ومارس الشعب حقه في اختيار حكامه.. بكل إحترام غادر الفريق عبود القصر ليسكن في منزله الذي كان مازال يدفع أقساطه.
٭ قبل أيام كان الدكتور مصطفى عثمان إسماعيل رئيس القطاع السياسي بالحزب الحاكم يتحدث بصراحة في ندوة نظمتها جمعية العلوم السياسية.. مصطفى عثمان قدم إعترافاً نادراً حينما أكد أن أزمة بلادنا تكمن في غياب الحكم الراشد.. صحيح أن اعتراف الرجل النافذ جاء في إطار دفاعه عن شرعية الأنظمة العسكرية.. رغم ذلك نجد أن الرجل وضع يده على مكمن الداء المتمثل في غياب الحكم الراشد.
٭ قبلها كان الشيخ حسن الترابي يتحدث في فاتحة الحوار الوطني عن امكانية انسحاب الإنقاذ من المشهد السياسي.. ولأن كلام الشيخ كان حمال أوجه يجمع بين التحليل والتوقع لم يتم أخذه على محمل الجد .. الآن الشيخ يوسف الكودة تحدث أمس الأول في برنامج الميدان الشرقي عن رحيل الإنقاذ بصورة واضحة، حينما أكد أن النائب الأول لرئيس الجمهورية أبلغهم باستعدادهم لتسليم السلطة حال التوافق على ذلك .. لغة الفريق بكري كانت واضحة «لو قلتو أمشو نمشي».
بعد مرور أكثر من ربع قرن على قيام حكومة الإنقاذ حري بنا أن نجرد الحساب لنتبين إن كان أوان الرحيل قد أصبح لازماً .. الحساب الصحيح يعطي الإنقاذ تميزاً في الملف الاقتصادي .. حيث أنجزت مشاريع تنموية تتمدد مابين الطرق والسدود والجسور حتى تبلغ منتهاها في مشروع النفط السوداني الذي جعل بلدنا تطرق أبواب منظمة أوبك .. لكن نهاية الإنجاز الاقتصادي تنتهي هذا العام بانخفاض في قيمة الصادرات بلغ نحو خمسين بالمائة حسب إحصاءات النصف الاول من العام الجاري.
٭ حينما نقلب كتاب الإنقاذ نجد أنها مسؤولة عن هروب خمس سكان السودان الذين اختاروا وطناً جديداً .. بينما ملايين أخرى اختارت الهجرة واللجوء إلى أوطان بديلة ريثما ينصلح الحال .. الحرب الأهلية تمددت على أطراف السودان من دارفور غرباً إلى جنوب كردفان، ثم شرقاً إلى النيل الأزرق.. بلدنا تعيش في عزلة سياسية واقتصادية وتتنقل مثل الفراش الحائر من محور سياسي إلى آخر مما يؤكد غياب الرؤية الاستراتيجية .
٭ في تقديري أن الوقت مناسب لأن يمارس الإنقاذيون جلد الذات وجرد الحساب.. الانقاذ دائماً رحلة استثنائية قصيرة تنتهي بوصول المريض إلى رعاية طبية متكاملة .. وها نحن نحتفي بمرور خمسين عاماً على تجربة السودانيين في التغيير السلمي يصبح الوقت مناسباً لنقول لحكامنا «أمشو .. كتر خيركم».
٭ بصراحة.. أهل مكة أدرى بشعابها ورجال الإنقاذ رموا الكرة في ملعبنا .. إنه الوقت المناسب لنسأل أنفسنا عن حالنا الآن مقارنة بربع قرن مضى.
أمشوا .. كتر خيركم..!!
اخر لحظة
الشوارع والكباري لو بنيت للذهاب لمناطق الإنتاج والمصانع لكان لها جدوي اقتصادية علي الأقل تسدد الديون التي صرفت علي ظهرنا ؟؟؟ إنها فقط تسهل الوصول الى بيوت البكيات وصالات الأفراح المنتشرة بكثرة ومباريات كرة القدم ؟؟؟ وياريتها كانت توصل إلى المشاريع الاصلا كانت موجودة وللأسف دمرت؟؟؟ صالات افراح مصروف عليها ببذخ أكثر من الصرف علي المستشفيات والمدارس كل ذلك من أجل حفنة ضئيلة من اللصوص ؟ أرض مسطحة وخصبة وأطول نهر في العالم ومياه جوفية وأمطار وذهب بالاطنان ينهب من عهد الفراعنة وبترول وغاز ومعادن متنوعة وثروة حيوانية مهولة ودولة فاسدة لا تسطيع حتي إطعام سكانها الذين لا يتعدون سكان 10 عمارات بالصين او سكان قرية صغيرة بها ؟؟؟ أليست هذه ظاهرة تستحق الدراسة والبحث؟؟؟
كتر خيركم!!!!!!!!
بالله عليكم ماتمشوا حتسيبونا لمين للصادق المهدي الكذاب حفيد الكذاب أم الميرغني حمار جون قرنق أم لي ناس كاودا بتاعين الإندايات والمريسة والعرقي وأم فتفت بالشطة والليمون
ذكرتنى بالممثل الطيب شعراوى الله يطراه بالخير ، فى حلقه متاعب بتاعة البيت المسكون لامن قعد يقول للجن يلا امشوا خلاص امشوا خلونى حرام عليكم انا مسكين عندى شفع يلا انت شيل ده معاك يلا مع السلامه ، ايوه وشيل الشافع ده كمان يلا مع السلامه ، ماشين يعنى خلاص ماكان تقعدوا حبه ، وياهو حالنا مع الجماعه نفسنا والله نقول ليهم يلا امشوا كتر خيركم مع السلامه .
جبتها من الآخر ياستاذ الظافر ، كتر خيرك !
بس ناسك ديل يمشوا وين . الطرق جميعها مغلقة وغير سالكة وغير آمنة . وتكتظ بالمترصدين . المشى غير آمن ولا اظنه وارد فى مخيلة جماعتك حقيقة – سيبك من كلام بكرى والكودة وبعض النظريين
خليتك بعافية
على حمد ابراهيم
Game is over , it is time to quit
إذا كان مصطفى عثمان إسماعيل، أو بكري والترابي، جادين، ويعنون مايقولون، لماذا لا يقولوا هذا الكلام للبشير، ويستقيلوا من الحكومة!! هذا الكلام لا يعني أي شيئ، طالما الذين يتشدقون به، هم أساسا من ساهموا، وما زالوا يساهموا في أزمة السودان.
Every demonstration had been harshly confronted by killing young youth may be if allowed to live one of them will lead this country to prosperity! Whom does this Bakri waiting for to tell him and his Tyrant Regime to step down and leave?? Is he waiting for ElMahdi or ElMirgani or ElTurabi, or who exactly?? The Sudanese people did not elected ElBashir and the fake results proved that all the people said a Big No for being a president for the coming next five years. We repeated more than 100 times ElBashir go to Hell can you tell him that?
ها ها عادة الجرزان عندما توشك السفينة علي الغرق..
لن ينقذك جوازك الأمريكي من البطش بك يا ظافر عندما نظفر بك..
الشي المحيرني الشعب السوداني ب فقرو دا كلو تشعر انو في وجهه الوقار …انتو الناس ديل حصل ليهم شنو سبحان الله ..اللهم لا شماته …
يمشوا ساكت كده بكل بساطه ياعبد الباقي يابوق ؟
وبعدين مالك مختصر بلاوى الارهابيين في السطرين ديل فقط؟
ولماذا لم تذكر جريمتهم الكبرى التي لاتغتفر ابدا وهي فصل جنوب الوطن عن شماله؟
يمشوا ساكت كده زول بقولا في السودان مافي .!!! لازم نتحاسب ..لازم نتحاسب…
نعلم ان اعز أمانيهم الان ان نقول لهم أمشوا وهم يعلمون ان أعز أمانينا أن يغوروا في ستين داهيه…في كل الاحوال لازم نتحاسب …لازم نتحاسب …لازم نتحاسب
والا شنو ياخوانا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياربي مصطفي عثمان عايز يكون الرئيس ؟
الظافر كلامك واضح وصريح وفي المرمي دون زبادي اوعدس،،،امشوا كفاية ال٢٦ سنة من الالام والدماء وكباريكم ام جقور شيلوها معاكم ،،كفاية ثقالة ولف ودوران ضيعتو زمنا في تجاربكم الفاشلة وديتو البلد في ستين داهية ،،
داير تقارن البلد بقبل ربع قرن مضي وفي النهاية تقول أمشو كتر خيركم؟؟ يا راجل إتقي الله البلد قبل 25 سنة كانت جفاف وأمراض وجهل وأمية وتخلف في كل شئ.. مقارنة شنو الداير تقارنها بطريقتك دي؟ أنا شخصيا قبل ربع قرن يومي كان بيبدأ كالآتي:
1) أصحي الفجر 4 صباحا عشان أملاً باقات الموية وأشفطها بالفم لأنو مافي كهرباء.
2) أمشي الفجر 5 صباحا وأقيف في صف العيش ومعاي القفة وكرت المعونة.
3) أرجع البيت ألقي الحجة عملت الشاي ونقعد نشربه بالبلح لأنو مافي سكر.
4) أثناء شراب الشاي نسمع الاخبار بالراديو أبوحجاة والاغاني الوطنية.
5) أمشي الصبح أقيف في صفوف الدكاكين لصرف كوتات الشاي والسكر حق المعونة.
6) في الدكان أسمع زغاريد نسوان الحلة وأعرف أنو الكهرباء جات بعد قطعة أسبوع!!
7) أرجع البيت شغل موتور الموية عشان أملاً باقة موية سريع قبل تقطع تاني.
8) أطلع من البيت أمشي أركب العجلة أو الكارو أو التاكسي التعاوني للوصول للخرطوم.
دي كانت حياتنا قبل ربع قرن.. ده الروتين اليومي للحياة.. مقارنة شنو الجايين تتكلموا عنها أنتو يا جيل الإنقاذ المروق ومرتاح.. نحن كنا بنتعالج من الملاريا بالقرض والمكمدات وموية الزير وأنتو هسع بتتعالجوا منها بأدوية صناعة ثورة الإنقاذ.. أنتو جيل ما شايلين هم الكهرباء والموية والشاي والكوتات والبطاقات وسهر الليل وعكاكيز الظلام.. نحن جيل (كل واحد يحمي روحو بعكازو) وأنتو جيل بسط الأمن الشامل ونجدة 999.. جيلكم ده جيل الفارهات والبصات المكندشة والكهرباء الما بتقطع غير ساعة واحدة في الاسبوع!! جيل إنقرضت فيه الصفوف والطوابير والضرب والرفس.. أنتو جيل الجاتوهات والشوكلاتات والبيتزا والايسكريم والجكس الحنين والبليستيشن والهواتف الذكية جداً.. وواحد عجوز سألوهو عن الزمن ده فقال: الزمن ده الهواتف بقت ذكية جداً لكن الناس بقت غبية جداً!!!!
وذي ما قال عمكم البشير: ده جيل الهوت دوق والكلب الحار.
مقارنة شنو ياخي قول يا لطيف.
انقلعوا قطر ود عجيب يودي ما يجيب … اتخارجوا وخارجونا يا انقاذِِ. نقولا الف نعم للرحيل .. اما ان للسودان ان ينعتق من الشموليه وينتقل الي الديمقراطية والشوري المطلقه .. لا شوري حزب محدد او جماعة بعينها بل باصوات متساويه لكل فرد متعلم او امي ذكر او انثى فقط سوداني بلغ الحلم98
لا تصدقوا اقوال هؤلاء الابالسة ؟ غياب الحكم الراشد يعرفه الشعب السوداني منذ عام ١٩٩٨ يظهر هذا تكتيك منهم ليغروا به الممانعين لمؤتمر الحوار الوطني لكي للانخراط في الحوار و يوهموا المجتمع الدولي بمشاركة جميع القوي السياسية والحركات المسلحة والباقي معروف .. تزوير مخرجات المؤتمر بان الجميع اجمع علي انجازات الانقاذ وقرروا استمرار الانقاذ ولا بديل لهم .. طبعا هم خبراء في التزوير والكذب والنفاق و التقية … لا تصدقوا الكذابين..
امشوا فى ستين داهية وﻻ كتر خيركم … ياتو خير غير الشر زرعتموه ؟!!
وانت يا عبد الباقى بوق اﻻنقاذ التانى — ياتو اقتصاد العملتوا اﻻنقاذ وهى اكبر مدمر للتنمية وللانسان ؟!! طرق وكبارى كلها قروض ربوية سيدفع فواتيرها الشعب مدى الحياة .. وبترول منهوب كله والشعب ماﻻقى منه وﻻ شئ وعضوية مؤتمركم بعد النهب دة بتعتمد على الجبايات عشان تعيش زى الباعوض من دم الغلابة .. وجالون الجاز اغلى من اى بلد فى العالم .
لو جابوا مقاول خراب وقالوا ليهو اخرب البلد دى ما يعمل زى العملتو حكومة السجم الرماد
اما حكاية قلتوا لينا امشوا وانحنا ماشين فى تسليم السلطة والخزعبلات المترامية اﻻطراف دى ما بتنفع معانا .. انتو ايدكم فى راسكم حتمشوا ﻻن لساتك اﻻنقاذ اتطرشقت كلها والمكنة اتقدت وما عندكم ميكانيكى واحد يقدر يصلحها ومحاصرين جوة وبرة يا اوﻻد الكلب .
ي زول يمشوا وين ؟ مافي اي مشي مش قالوا انقاذ ينقذونا بس
تصدق يا عبدالباقي الظافر الناس ديل بصلو!!!!!!
رايك شنو في موضوع الصلاة دا؟؟؟؟؟؟
معقول صدقت الكلام دا، هو يوسف الكودة نفسه قدم طلب لجوء الي سويسرا، المهم ان لا تسمع المعارضة بهذا فتصدق الجماعة ماشين.
امشي يا ارزقي في ستين داهية اين التميز وحال الوطن والمواطن يرثي لها واين المشاريع التنموية مسحد النور وفلل ال البشير في كافوري وعمارات ال كوز ومدارس امين حسن عمر الخاصة الطرق والكبار لم تشيد لتربط مناطق الانتاح بمواني التصدير واين هي الطرق والكبار وعاصمة السودان تغرق سنويا في مياة الامطار كحال البلد يغرق يوميا في مستنقع المتاسلمين وخير دلليل التحاق طلاب الطب بداعش والسودان يرزح شعبة تحت رحمة امراض التخلف من كلازار وإيدز وسؤ التغذية بعد ان دمرت انقاذ الشؤم كل امكانياتة المادية والبشرية في سبيل الوهم ؟؟
لا يخدعكم هذا الكلام من مصطفى عثمان واقاويل بكري حسن صالح وغيرهم ، هذه الاحاديث فقط للاستهلاك السياسي لا أكثر ، لا يوجد دكتاتور سلم السلطة من طوع نفسه هذا من ضروب الخيال على الشعب السوداني كافة ان يبحث عن اي طريقة للتخلص من هذا الداء العضال الذي نخر في جسده واقعده عن ركب التقدم والحضارة والانسانية ، أذا الشعب يوما اراد الحياة ……………………
ده كلام وين ده ؟.ما الذي يربط بين القاضي عبد المجيد احد ابطال وقادة انتفاضة الشعب في اكتوبر 1964 والتعساء (مصطفي عثمان وبكري والكودة)هل تسربت هذه المقالة من باب (الراي والراي الاخر)؟ الجيل الجديد لا يعلم كثيرا عن تلك الفترة والايام المجيدة الثمانية (21/10 و28/10 1964) ولا علم لهم بما صوره هاشم صديق في 1968(كان في الخطوة بنلقي شهيد —- بدمو بيرسم فجر العيد ) تلك الايام الثلاثة المجيدة لا تنمحي من الذاكرة (26 و27 و28 اكتوبر 1964)ابدا رغم مرور 51 عاما حيث كان الفرد يكتب اسمه وعنوان اهله في ورثة ويضعها في جيبه قبل الخروج في المظاهرات الدامية صباحا ومساءا . اخشي ان يعتقد احدهم ان مصطفي هذا احد ثوار اكتوبر 1964 وكان طفلا انذاك قبل ان يصبح طفل الخارجية وهذه هي بوابة جماعة الاخوان في تزوير تاريخ البلاد الذين ورثوا تزوير التاريخ من اجدادهم الذين سودوا الصفحات بالمعارك الوهمبة بشان سقوط (سوبا) في 1375م . ويكفي حسن مكي لم يخجل ابدا في تنصيب الترابي بطلا ومفجرا لثورة اكتوبر ولم يسكت الا بعد حين وثبات كذبه . وهم ان اختطفوا كل السودان فهم يختطفون ايضا تاريخه دون اي تردد .
لاتصدقوا أي مسؤول بالنظام القائم إنهم مخادعون للبقاء أكثر مدة ممكنة البشير وبشار صورتين لعملة واحدة وخلفهم العسكر يسقط يسقط حكم العسكر ولو تركوا الحكم أتركوا الجمل بما حمل حتى القصر الجهوري أتركوهله حتى يموت إن رغب وأي إتفاق أو قرار مالم تشرف عليه جهات خارجية لن ينفذ لأن الشياطين تكمن بالتنفيذ والتفاصيل وشياطين نظام البشير أكثر من شياطين الأسد والقذافي
امشي انت اول واخد يا منافق
في تقديري أن الوقت مناسب لأن يمارس الإنقاذيون جلد الذات
لا يا اسناذ ديل سوف يسحلوا علي كباريهم
مافي كتر خيركم وبس
و هل دخول الحمام مثل الخروج منه يا سيادة الكاتب ؟؟
هذه العصابة الحاكمة (التى تريد لها الذهاب) قد إرتكبت جرائم كبيرة بحق مواطنى السودان و بحق بلده و يجب ان يتم القصاص و المسآئلة قبل ان يذهبو لمزبلة التاريخ يا فيلسوف زمانك ,
قال أمشو قال ..
ثم ثانياً ماهذه المقارنة العرجاء التى بدأت بها مقالك هذا ؟؟
إنك تقارن تعامل رجال شرفاء وطنيين اثناء أحداث ثورة اكتوبر تقارنهم مع مجموعة صعاليك لا أخلاق لها سرقو السلطة فى ليل بهيم فى غفلة من الزمن !!! إحترم نفسك و إحترم المواطن الذى يقرأ هذه اللغاويث التى تكتبها , إختشى على الأقل .
((الحساب الصحيح يعطي الإنقاذ تميزاً في الملف الاقتصادي .. حيث
أنجزت مشاريع تنموية تتمدد مابين الطرق والسدود والجسور)) .
إنت فعلاً زول يُرثى لك , نظام قاعد 26 متواصلة توفرت له مئآت ألمليارات من الدولارات قام بسرقتها و عمل باباقى كم كبرى و كم شارع ذهب ظلطه مع أول خريف و سيادتك تقول أنجزو !!
فى 26 سنة كان المفروض الإنجازات تكون مضاعفة بكثير من هذا !!
لو كان أعطو هذه الكمية الكبيرة من الأموال لمجموعة من القرود و الشامبانزى و تركوهم لمدة 26 سنة لأنجزو أكثر مما أنجزه كيزان الشيطان ..
فى نهاية الثمانينيات كانت تشاد و النيجر من أفقر دول الأرض , جاء ترتيبهم فى نهاية قائمة دول العالم من حيث الإقتصاد .. اليوم هذه الدول تطورت كثيرا فى البنية التحتية و اصبحت النيجر بها أكثر من كم وعشرين شركة إتصالات مما جعل الاسعار رخيصة لمواطنيها , وكذلك الحال بالنسبة لتشاد ..
كيف يكون حكم راشد بدون حرية ؟
كيف يكون النظام الغير دستوري الحالي له سلطة فيما فعل بينما رئيس الوزراء في الشارع؟
كلمة حكم راشد تدل على جهل محكم لانها كلمة استخدمها الله سبحانه وتعالى وليست مجازية لغيره لانه الله اذا اراد امر بالرشد اين ما اراد؟
اقول للكاتب اذا لم تستحي فافعل ماشئت ؟
يفوتو بدون محاسبه او محاكمه في الشوارع يفوتو بعد كل الجرائم التي ارتكبوها في حق الشعب السوداني من تعزيب وقهر وسحل وقتل وتهجير قسري لخارج الحدود السودانيه لا نعرف تجربة جنوب افريقيا وعلينا بالتجربه السودانيه وماسيها المره والذي اكتوي منه كل بيت سوداني نظيف الملايين اكتوي بنيران هذه السلطه الغاشمه لن نسكت علي حقوق ضحليا هذا النظام
انجزت مشاريع تنموية طرق وكبارى!!!!!!….دا كلو بالدين على ضهرنا وضهر الاجيال القادمة….وماتم تدميره فى مشروع الجزيرة وسودانير والخطوط البحرية يعمل طرق من الخرطوم لجنوب افريقيا..ومن الخرطوم لشمال اروبا
تعليق بسيط جدا وما عندى غيره:
الف مليون تفوووووووووووووووووووووووووووووووووووووووووووووووو على اى انقلاب عسكرى او عقائدى قذر واطى سافل عاهر داعر غبى جاهل غوغائى عطل التطور الديمقراطى في السودان انظر الى الهند الوضعها قريب مننا والتي لم يحكمها انقلاب عسكرى او عقائدى واطى وحقير والى حالنا وحال الدول العربية التي حكمت بانقلابات عسكرية او عقائدية الهند نجم ودول الانقلابات قذارة وزبالة وحثالة والله على ما أقول شهيد!!!
كسرة:نشيد من أيام حكم مايو او النميرى انشده أبو عبيدة حسن:
الشعب يبنى والأمة تبنيها شعوبها
يا مايو عمل حققنا امل
والرقم وصل مليون طوبة!!!!!
اتخيل بدل ما يبنوا بناء سياسى ودستورى مثل الثورات العظيمة والشخصيات العملاقة يقعدوا ينوا في الكبارى والطرق والسدود ويعملوا الطوب وما فضل ليهم الا يعملوا اللقيمات والكسرة ويقعدوا يغنوا ليها!!!!!
كسرة تانية:المؤتمر الدستورى في فيلادلفيا بعد انتصار الثورة الامريكية على البريطانيين ونيل الاستقلال والماقناكارثا الإنجليزية قبل 800 سنة ومبادئ الثورة الفرنسية وفلاسفة التنوير في أوروبا وانقلابيينا هنا يعملوا في الطوب ويبنوا الكبارى والطرق والمصانع الخ الخ(مع أهميتها طبعا لكن الأهم منها هو البناء السياسى والدستورى وبناء مؤسسات الدولة والحكم)!!!
قال ايه الضباط الاحرار ومجلس قيادة الثورة والحزب الرائد والقائد والجامع الف مليون تفووووووووووووووووووووووووووووووووو على العهر والدعارة السياسية والغوغائية والجهل المركب اخ تفووووووووووووووووووووووووووووووووووووو!!!
لا اله الا الله
لو قلتو لينا نمش عجيبة !مصطفى بضحك عليكم انتو مين ونحن مين ؟ نحن اصحاب بلد والشعب معانا والله معانا وما همانا مهما الغاشم يتحدانا