أزمة مواصلات طاحنة .. وازدحام مروري خانق بالخرطوم

رد الوالى بخصوص الباصات ؛؛؛؛؛؛

ماخلاص نهب وانتهى تانى اوصلكم ليه
جاى تسأل بصى وين

تانى داير تركب خبارك انت قايل بصى لسه
مانهبت قروشى منك انت اهبل ولا اطرش
دى الباصات قولتوله لا لا لا لا
اسى جاى تركب انته لما شالو الدعم منك
اسى جاى تسال انته لما ما حصلته هايس
يلا امشى بصنا الراجنو هسه تانى مابرجع وحاتك
والكلام القلتو بدرى تانى مانسمع مثيلو
انت فاهم يا مغفل يا مبهدل يا …..

فعلا امر محير قلة مواصلات مع زحمة عربات في الشارع,,,,ارجو تفسيراً من السادة المسئولين

يا جماعة الخير الباصات دي اشتغلت في الامارات لمن قلبها وقف واسبيراتها مافي الا من كوريا والحكومة ماعندها دولار عشان مافي صادرات ناس اللمبي وابو ريالة وابوعفين والطفل المعجزة وحتالة الاتراك والخال العنصري بفكروا في طرق النجاة زي بن علي وزي بتاع اليمن اسموا منوا

عجبت لمن لا يملك قوته ولا يحمل سلاحه -الابالسة خلقوا ازمة المواصلات مخصوص – عشان الناس تدفع فلوس زيادة في المواصلات – وبالتالي زيادة البنزين والجاز تمر بسلام – لكن هيهات هيهات – من المواطن الذي له كرامة ويسكت على الذل والهوان مع حكومة السجم والفساد –

فعلاً كما ذكر بعض الأخوة المعلقين أزمة المواصلات خدعة من الكيزان -الذين دائماً يفترضون انهم أذكى من الآخرين- يعملوا أزمة مواصلات خانقة وينشغل الناس بالبحث عن وسيلة لفك ضائقة الاختناق وتزيد أسعار التذاكر وتمر زيادة أسعار المحروقات دون أن يلاحظ الناس لأنهم سيكونون فرحانين بحل مشكلة المواصلات.
شفتوا الاستعباط وصل لحد وين؟!
مثل الذي يسرق منك شيء ثم يأخذ منك أتاوة لرده لك ثم يشاركك الفرحة باستعادة المسروقات!!

الموضوع ماهو موضوع مواصلات وبس الموضوع اكبر من كدة كثير
في الحقيقة مشكلتنا اكبر من مشاكل الوطن العربي بحجمه وبلاويه وثوراته
نحن نعيش ونكاد نكون وصلنا مرحة القوي ياكل الضعيف ولكن الاعلان لم يعطي هذه المشكلة 1% من الحقائق
والوضع المتردي يوم بعد يوم
فمشكلة المواصلات هذه تعتبر لاشي مقارنة مع المشاكل المفتعلة من قبل المؤتمر الوطني
فقط ان المواصلات مرئية بالعين ومحسوسة
فنحن نمر بمنعطف في غاية الخطورة
مستوى حياة اسوا منالصومال
إلا اننا نختلف من الصومال لان امن المؤتمر الوطني (الدكتاتورى ) منظم ومصيطر على كل كبيرة وصغيرة
فربنا يحفظنا من كل متجبر وظالم