خبير اسرائيلي : ما الفائدة من وضع كاميرا على نسر لا يمكنك التحكم به؟ إنه ليس طائرة بدون طيار يمكن التحكم بها.. ما هي الفائدة من تصوير نسر يأكل جثة جمل نافق؟
دبي، الإمارات العربية المتحدة (CNN) — قالت صحيفة سودانية مقربة من الحكومة، إن السلطات السودانية أمسكت بسرب من النسور، تتجسس لصالح الاستخبارات الإسرائيلية، في مهمة استطلاع سرية.
ونسبت صحيفة “الانتباهة” السودانية الأسبوع الماضي، إلى مصادر حكومية قولها إن النسور التي وجدت في غرب السودان، مجهزة بكاميرا تعمل بتقنية تحديد المواقع “جي بي أس،” ومعدة لالتقاط وإرسال الصور إلى إسرائيل.
وأشارت الصحيفة إلى أن أرجل الطيور الجارحة تلك كانت مزودة ببطاقات كتب عليها “الجامعة العبرية بالقدس،” و”إدارة الطبيعة الإسرائيلية،” وتفاصيل الاتصال بعالم بيئة وطيور إسرائيلي.
ورفض عالم البيئة أوهاد هاتزوفي من سلطة الطبيعة والمتنزهات الإسرائيلية، مزاعم الحكومة السودانية، قائلا إن النسور، والتي يمكن أن تطير مسافة 600 كيلومتر في اليوم، كانت مجهزة بمعدات لدراسة نمط الهجرة.
وأضاف هاتزوفي لشبكة CNN إن “هذه الاتهامات السودانية غير صحيحة.. المعدات المثبتة على هذه النسور تخبرنا أنها فقط طيور، ولا شيء آخر.”
وتابع قائلا: “أنا لست خبيرا بأعمال المخابرات، ولكن ما الفائدة من وضع كاميرا على نسر لا يمكنك التحكم به؟ إنه ليس طائرة بدون طيار يمكن التحكم بها.. ما هي الفائدة من تصوير نسر يأكل جثة جمل نافق؟”
ونسر غريفون هو من الأنواع المهددة بالانقراض في الشرق الأوسط، وفقا لأستاذ جامعة القدس العبرية ران ناثان.
ورفضت الحكومة الإسرائيلية التعليق على المزاعم السودانية، بينما لم يجب المسؤولون السودانيون على استفسارات CNN.
ورفضت الحكومه الاسرائيليه علي التعليق علي المزاعم السودانيه ” ليهم حق والله احرجتونا مع مصر الشقيقه .
ودى كانت مطفيه النور ولا مسكوها بالنهار
ديل ادمنو الكذب حتي أصبحنا لانصدقهم ولو استدلو بأية من القرأن
هاهاهاها يا ناس فضحتونا – ان بليتم فاسترووا – مافي داعي تنشروا الفضائح والهبالة بتاعة الحكومة
هسي حكومتنا دي عليكم الله ما بتخجل في داعي للهباله دي فضايحنا بقت حول العالم ….. هي اسرائيل محتاجه لي صقر … ياها بتجي عينك عينك
ديل بيكونوا طيور بدون طيار !!!
يا جماعة انتو ما عارفين حاجة ساكت!!!
صحيفة الانتباهة او الحكومة ما بتكضب!!!!
اسرائيل اكتشفت ان حكومة الانقاذ بتتطور فى سلاح سرى بيتخت فى الحيوانات النافقة وطبعا الصقور بتمشى لهذا الهدف على طول وبتصوره!!!!!!!
عشان كده مافى انسب من الصقور البتحب الجيف لاكتشاف هذا السلاح السرى الرهيب!!!!!!
شفتوا صحيفة الانتباهة وحكومتنا صاحين كيف وبيعرفوا شغل استخبارات كيف؟؟؟؟؟
خلاص اسرائيل موضوعها انكشف واصبحت اجهزتنا البيطرية(اسف اقصد اجهزتنا الاستخباراتية) عندها القدرة على اكتشاف الاساليب الاسرائيلية الخبيثة!!!
هسع اى حيوان نافق تلقى ناس الامن قاعدين يراقبوه يمكن يجى صقر اسرائيلى ويتجسس على السودان!!!!!
يا جماعة معقول انحنا عندنا جرايد وحكومة زى ديل وقاعدين يحكمونا؟؟؟؟
معقول انحنا وصلنا لهذه الدرجة من الجهل والتخلف وبقينا ضان ساكت ومضحكة للامم والشعوب الاخرى؟؟؟؟
غايتو الانقاذ فاقت العالم اجمع فى هذا الشأن!!!!!
النسر ده بنسمي أم قدمين في كردفان وهو مشهور بأكل الجيف بما فيها جثث البشر
ياربي الصقور الاسرائيلية بتكون عملت شنو في …… وم…. الكيزان ديل ؟ انشاءالله تكون خلت رحيحتهم طير طير.صقور اسرائيلية وكيزان شي عجيب .
كويس ما قالو الطير كان جاي يضرب مصنع ولا حاجةهههههههههههههه
شىء متوقع من نظام وزير دفاعه عبدالرحيم محمد حسين!!! الا يشاهد هولاء قناة ناشيونال جيوغرافيك؟؟؟؟ لو شاهدوها لما كلفونا هذه الصدمة من جهلهم وتخلفهم المريع هذا!
من ضاق لدغة الدبيب يخاف من جر الحبل !!!
أصلو الكيزان ديل من زمان عندهم مشكلة مع الصقور
حصلو ما يكون دا الطير الماشى لى اهلنا يوصل رسائلنا ..
مش برضو العلم اتطور وكدة…..وعلماء البيطرة السودانين أكتشفوا انجاز يسجل فى موسوعة جينس للارقام القياسية والحمد لله الموسوعة فى حد ذاتها بقت حقتنا فى الكياشة والحماقة…..ياخ نحن شبعنا من بلاهتكم من الحاج ساطور لغاية اللمبى وكمان جابت ليها صقور وبكرة جداد ما معروف.
(صقور تتجسس لصالح الاستخبارات الإسرائيلية)،وهل اسرائيل لما قصفت بورسودان واليرموك رسلوا صقور؟ ده شنو التخلف دا؟؟ نحن فى زمن تستطيع فيه الاقمار الصناعية كشف النملة فى كيلومتر مربع, مرة واحد جاهل يقول نراقب الطائرات والصواريخ بالنظر وواحد اجهل يقول نحاربهم بالساطور طبعا انتو ما فاضين عشان تعرفوا حاجة عن الابحاث العلمية واجهزة المتابعه البربطوها فى الطيور ولا اى حيوان اخر عشان يتابعوا المسار.
حلوة دي
وبعدين الجمل النافق دي يكون ميين يعني ….. ؟
يا شباب الحكاية دي فيها نوع من اللغز اجتهدوا شوية ……….. !
والله نحنا مع الطيور المابتعرف ليها خارطه ولا في ايده جواز سفر ههههه
جابت ليها صقور كمان يا ستاااار
ولسة تقولو الصقر فيهو بوري
دخول خليل امدرمان هو السبب في كل هذه الغارات الاسرائيلية لانة اثبت للعالم ان دولتنا عبارة عن زريبة كل حيوان يستطيع دخولها بسهولة كل الدول حتي الافريقية الاسوأ مننا محروسة لا تستطيع بعوضة اختراق اراضيها وأجوائها، الفاتحة علي روح السودان لا إقتصاد لا عدة لا عتاد
مثل هذه النسور المزودة باجهزة عثر عليها هنا في المملكة العربية السعودية ونشرت بعض الصحف ان بها اجهزة تصنط ووووالخ في نهاية الامر وضح ان الاجهزة المربوطة في هذه النسور فقط لتتبع حركها ومعرفة مكانها وان الكتابة الموجودة في النسورة سواء اسم مدينة او منطقة ومعها رقم توضح ملكيتها ولها ارقام مثل لوحات السيارات وهي نسور يملكها هواة الصيد والترحال من رجال الاعمال الخليجيين والاوروبين …يعني الموضوع برمته ليس له علاقة بالسياسة ولا بالاستخبارات ..واذا كانت الحكومة السودانية جادة عليها ان تعرف كيف استخبرت اسرائيل عن مصنع اليرموك وكيف ضربوه بدلا من القبض على نسور الصيد ونشر الاكاذيب والفضائح على العالم ..فما حديثهم هذا عن النسور الا ضربا من ضروب البلاهة والغباء والسذاجة فضحتونا الله يفضحكم …الليلة فقط واليوم بالتحديد انا اتاكدت تماما ان حكومتنا قاعدة ساي ونايمة نوم ومتاخر تاخير ومتخلفة تخلف …وحسبنا الله ونعم الوكيل