غرايشن يطالب الخرطوم بعدم انتزاع حق المواطنة من الجنوبيين حال الانفصال
طالب المبعوث الأمريكي للسودان الجنرال سكوت غرايشن بحماية الجنوبيين الموجودين في الشمال ومنحهم حقوق المواطنة كاملة، وعبر عن قلقه من حرمانهم عن ممارسة حقوقهم،
.
وقال غرايشن في تصريحات مقتضبة عقب لقائه مستشار
رئيس الجمهورية د.غازي صلاح الدين إن هنالك تقدما واضحا في إجراءات الاستفتاء، وأنّ تواجده منحه سانحة للوقوف على مشارف التسجيل، وأضاف أنّه من الشكل العام بدا له أن التسجيل سيكون في موعده، ونبّه لأهمية تزامن عمليات التسجيل في الشمال والجنوب. وأوضح غرايشن أنه بحث مع د.غازي إمكانية ضمان سلام دارفور. من جهته اعتبر د.غازي في تصريحات صحفية أن الأمور تتسارع حول التسوية والتواصل للتشاور لحل أزمة دارفور، ونوّه إلى ضرورة ألا ينحصر توقيع الاتفاقية مع الحركات المسلحة مع أهمية التركيز على تشخيص أهل دارفور للأزمة.
أجراس الحرية
مواطنة شنو تانى بعد ماقرروا الانفصال اى قرد يطلع جبله
؟
لايمكن بعد الانفصال ان يعطى الجنوبيين حق المواطنة الكاملة . ولكن يسمح لهم بالاقامة بعد سحب جنسياتهم
يعاملوا ذيهم وذي أي أجنبي حسب القانون الدولي ويا غريب خليك اديب وتحنيس ودلع تاني مافي
يا جماعة ناس الانقاذ ديل انفنسوا للامريكان لدرجة مش عادية مواطنة شنو وكلام فارغ بتاع شنو الجنوبين اذا عايزين يقعدوا فى الشمال يصوتوا للوحدة ولكن اذا صوتوا للانفصال فما عليهم الا شد الرحال صوب الجنوب وعلى الشمالين اذا كان فى شمالين فى الجنوب الحضور فورا الى الشمال وكل زول يعرف قعدته على الرغم من انو فى بعض الجنوبيين حقيقة ما عايزين انفصال ولكن اذا الحصل الانفصال بتصويت الاغلبية فليست هنالك استثنئات الخير يخص و الشر يعم كما يقول العساكر.
هو غريشن دا وصي علينا ما الجنوبيين اختاروا الانفصال الداعي شنوا يعني للمواطنة في الشمال ولا السودان دا بقي خلاص حق الجنوبيين والله كمال عبيد كلامه صاح يعني الجنوبي في الشمال ليس لهم حق التملك وسوف يعاملوا معاملة الله وحده يعلم بها ونشوف غريشن يححميكم
والله دي قوة عين يا الأمريكان أي مواطنة وأي حقوق وهل هذه الحقوق ستحررهم من التصنيف المدعى على الشعب السوداني الطيب لا ولن نقبل بهم في حالة الإنفصال ولا نقبل من ساندهم من العاقين وإن قبلتهم الحكومة ناس إختاروا دولتهم ونحن لنا قوانين خاصة ببلدنا ونحن أحرارفيها نقبل من نشاء ونرفض من نشاء فعالجوا العنصرية البغيضة في بلادكم أيها الأمريكان وفاقد الشىء لا يعطيه وأنتم تبحثون عن مصالحكم وليس مصالح الجنوبيين .
كنا نعيش مع بعض أخوة كرام ، و أنتشر الأخوة الجنوبيين في كل أرياف و مدن الشمال جراء الحرب في الجنوب ، أغلب من نزح من الجنوبيين نزح إلي الشمال لم يضروا أحد و لم يتضرر منهم أحد إلا في لحظات قليلة و عصيبة دخل فيها شيطان الأنس و خلق فتنة أنتهت في وقتها ، و لكن هناك قضايا لا ينفع معها العواطف و مطالبة الأمريكان ، الحركة الشعبية تدفع الجنوبيين دفعاً ، ترغيباً و تخويفاً للتصويت للإنفصال ، فإذا تم لها ذلك لأبد من إعادة ترتيبات البيت السوداني ، لأبد أن يؤمن الداخل جيداً ، لا يمكن أن نكرم أناس رفضوا جودنا و كرمنا ، الفترة الإنتقالية بعد الإنفصال كافية جداً للفصل الكامل بين الجنوب و الشمال ، عندها كل دولة تعرف حدودها و مصالحها الأمنية ، بعد الإنفصال أي وجود للجنوبيين في الشمال هو وجود أجنبي له قوانيين محددة تنظمه و كذلك الأمر بالنسبة للشماليين المتواجدين في الجنوب فهم أجانب في دولة الجنوب ، فلذلك لا سمعاً و لا طاعة للأمريكان الذين يريدون الإنفصال للجنوب و مواصلة القلاقل و عدم الإستقرار في الشمال ، بعد الإنفصال لن تكون هناك حقوق للمواطنة الكاملة للجنوبيين في الشمال ، سوف نعاملهم معاملة كريمة أشتهر نا و عرفنا بها سوف نعاملها كما نعامل كل الوجود الأجنبي الموجود في الشمال .
لو كانت السودان دي أمريكا كان طالب بانتزاع رقابيهم مش مواطنتهم وبس، كلام فاضي واصطياد في الماء العكر. لكن الحق على الشعب السوداني اللي ما واقف وقفة واحدة وشاطر بس يحاكم الحكومة في الوقت الما وقتو،وشمتان في الحكومة وما عرف إنه (على قول أخواننا المصريين) هو اللي هيشيل الليلة كلها..يا جماعة الرجاء من الجميع التكلم بعقلانية وموضوعية في هذه الفترة الحرجة(جدا) من تاريخ السودان وتأجيل تصفية الحسابات مع الحكومة حتى تمر العاصفة
بعد الانفصال من يبقى من الجنوبيين يعمل إقامة….لأنو لو اخدو الجنسية تاني بعد كم سنة حيقومو تاني الشريعة و التهميش و شنو ما عارف وتدخل أممي تاني
الامريكان يريدون انفصال وفى نفس الوقت لا يريدون عودة الجنوبيين من الشمال حتى يخلو الجو للاسرائيليين بالتمركز فى الجنوب وبعدها يجىء الدور على الموجودين فى الجنوب نفس سيناريو فلسطين. لايحق للجنوبيين الموجودين خارج الجنوب من تاريخ 5/1/2011 حق الاستيطان.وهذا ما سيحصل.
وهل كان للشمال
وجهة نظر ناهيك عن قرار فى إنفصال الجنوب؟؟ قرايشن دة فاكة منو ولا عايزة تفك؟؟أى حقوق هذه التى يتكلم عنها ؟؟
كنا عايشين اناواخوي ملوال كل زول سودان حتي عملتو ليهم غسيل مخ و بقوا عايزين يفضو الشراكه وينفصلو منا واتبنيتوهم يا غرايشن فادوهم الجنسيه الامريكيه ولا ديل ما مالين عينكم عايزين تشدوهم سرج والسلام ياخونا اذا عايزنهم سودانيين فمن شاننا وحدنا والجوه جوه والبرا برا
وين حكاية مواطنييييييييييين درجة مليووووون ؟؟؟ الان نسيتوها ؟؟
مافي جنسية ولا في مواطنة ومافي خرابيط ؟؟؟ نحن من سوف نرفض مواطنة الجنوبيييييين ؟؟ وطيب ايه مهمة باقان اذا كل الجنوبيين قعدوا في الشمال ؟؟
اليوم الجنوبيون يقولون انهم متهضين وانهم مواطنون من الدرجة الثانية كيف يكون الحل بعد الانفصال اكيد مقيمون من الدرجة العاشرة اذا رغبنا في وجودهم اصلا
اولا التعامل بالمثل والعدد يعنى كم من الشماليين فى الجنوب يكون عندو جنسية مذدوجه وهل الجنوب يقوم بنفس الخطوة وهذا ينطبق على كل دول الجوار وغيرها من لا يعطى جنسية مذدوجه فى بلده لا يسأل عنها فى السودان —– بالنسبة للجنوبيين يأخذوا فترة بين خمسة الى عشرة أعوام لنوفيق اوضاعهم فى بلدهم وبعدها الاقامة بالشروط التى تحددها الدولة ويعاملوا كأجانب فقط
لقد كان الجنوب والشمال منذ بعانخى قبل ان توجد امريكا وستذهب امريكا كما ذهب الرومان ويبقى الشمال والجنوب هذه علاقة لا يستطيع قريشن اوغيره ان يقرر فيها ( السودانيين وحدهم الذين يقررون )
حقوق الجنوبيين في الشمال ما بعد الانفصال.
الحقوق و الواجبات هذه هي احد القوانين التي تنبني عليها المواطن في الدولة العلمانية وهذا يضع الجبهة الاسلامية في موقع لايحسد عليه فكريا او اسلاميا ففي الاسلام او في الدولة الاسلامية كما يتوهم الكثير و الكثير من المسلمين لا تقوم الدولة علي مبدا المواطن
وان المواطن في الدولة الاسلامية تحكمه الشرائع القرانية, و لا يوجد اي تشريع قراني يسمح للمسيحي او الاديني بالتدرج داخل مؤسسات الدول ان وجد طبعا؟ هذا علي المستوي الاسلامي اما علي المستوي الفكري فنعلم جميعا ان الجبهة الاسلامية لا تتمتلك ادني مقومات الفكر لادارة الدولة السودانية و قد ظلت تمارس في فشلها حتي وصلت الي فصل السودان جنوبه عن شماله و غربه هو المستقبل القريب؟.
فاي حقوق للمواطن يمكن ان نتحدث عنها اذ ان الحصول علي هوية يحكمه اللون؟؟؟؟؟؟؟؟؟؟؟؟؟؟؟؟؟
والله يا سكوت غرايشن، إنت طلعت فيك وطنية سودانية أكتر من جماعة المشير الراقص
كتر خيرك يا راجل
الجنوبيين في الشمال شماليون
والشماليين في الجنوب جنوبيون
وتباً لجميع الفئة المتأسلمة التي مزقت وطننا وتعمل جاهدة الآن لتمزيق نسيجها الإجتماعي
تباً لهم ولمن شايعهم:mad: :mad: :mad:
وصلت للمرحلة البيتفرض فيها على دولة إنها تدي مواطنين دولة أخرى الجنسية باسم الجزرة الممدودة والعصا المرفوعة؟!!
ما هذه الانبراشة يا حكومة الانقاذ .. اين العزة والأنفة الزمان أيام الطاغية الامريكان ليكم تدربنا.. كله خلاص بح.. الحصل عليكم شنو ؟!! عملوا فيكم شنو الناس ديل؟!!
ما باقي الا يجو يسموا لينا شوارع الخرطوم ويحددوا لينا نمشي من أي طريق ودا كله لشنو؟ ونحن خايفين من الأمريكان كدا لشنو ؟! وبأي صفة نسمح ليهم يتدخلوا في شؤوننا الداخلية إلى هذه الدرجة كأن السودان ولاية من الولايات الامريكية .. مافي سوداني أصيل بيرضى بهذه الوصاية الأمريكية على السودان التي بدأت تأخذ شكلاً سخيفاً ومهيناً وما باقي الا يحددوا لينا ناكل ونشرب شنو ؟!