حلم الجعان – قصيدة
حلم الجعان
حلم الجعان يا نيل
ما بس يشوف عيشة
ولو جنت الدنيا
ونفشتلو لي ريشا
حلم الجعان يحلم
زي كل دراويشا
ويسلك سبيل الله
والخير أكيد بغشا
وان عارت الدنيا
وقلبتلو لوشوشا
يديها تطنيشة
ولوحوشا ما يخشي
وفي دنيا من الطيش
أحسن يكون طيشا
ما يباري يوم لجداد
ولا يمشي للكوشة
لايباري غنم ابليس
لا سلطه لا دوشة
لا طبلة السلطان
لا فتوي مغشوشة
حلم الجعان يا نيل
ما بس يشوف عيشة
حلم الجعان أعوام
بالفرحة منقوشة
ومن صندل الأيام
لاميها تحويشة
لعُشة من أحلام
بالريدة مفروشة
لأسرة من أحلام
مستورة في حوشا
في جنة طول العام
بالطيبة معروشة
وب… بلسم الأحزان
مكتوبة معليشا
ول… فلذة الأحلام
كشكول وكشكوشا
لا غربة لا أسفار
هيهات أبو قروشا
بس كيف تكون أوطان
والرحمة مافيشا
وهرجت قلوب غلفا
ومرجت عقول طرشا
وكل النجوم خامدات
وقمر البلاد أعشي
وكيف بس تكون أوطان
كترن خفافيشا
كيفن تكون اوطان
لو جيشا ما جيشا
وكيف تسلم الأوطان
ودخل الكلام حوشا
_ _ _ _ _ _
ضياء الدين مدثر رجب
برلين
[email][email protected][/email]
الكوز السوداني إشرب
يعرف قطاع عريض من الإسلاميين بالكيزان في السودان وذالك لأنو الترابي قال ذات مرة في
مجمل حديث له نحن كالكوز نغرف من الدين ومنذ ذالك الحين سموهم بالكيزان لكن الآن الزمن تغير وحصلت تطورات بدل ما تقول كوز تقول جردل ولا طشت ولا برميل وكله في الآخر غرف
اما حكاية دولة الكيزان اللي إنقسمت على نفسها كإنقسام الخليه فيها تعدديه معنويه ومعارضه ذاتيه ملهمه وموجهه للذات الكوزيه فالجرادل ال…حديديه أو البلاستيكيه متكاتفه ومتراصه أما الطشوته المبسوطه فاتحه والضحك شرطه لماً دفقت والبراميل المليانه بالمواد الملونه من مويه زرقه أو زيوت مستوردة أو بترول محرر وغير مكرر ده كلها عناوين مختارة لدولة الكيزان الزعلانه والكوز والكوزه لما حققوا المستحيل وحكموا الناس بحكومه ذات سيادة ونضال زعامات الكيزان والجرادل والطشوته والبراميل كانت فعلاً دولة بين المتكوكزين إجباري والسلام .