وطن (قصيدة)
كم سهرت وكم تبقى منك ياهذا الظلام
قل لي فقد طال انتظاري للسلام
قل لي بربك ياخليلي
ان كثير قد انام
اسرجت فيك حوافر الافكار ثكلى في العتام
فتزاحمت افكاري من حولي غمام
فكرت ان لاعيش من دون احترام
فكرت في محبوبتي عشقي (سلام)
فكرت فكرت ولكن دون جدوى ياظلام
* * * * * *
فتشت ليك كل الدروب
الممكنه وماممكنه
وناديت عشانك ذاتي
في اوقات عذابي المزمنه
مليت خطاوي الوحده
الليك كنت بوازنا
دقيت علي بابك
ركز في ضلو هم وطني
الحكايتو مبشتنه
ايا وطنا عليك وقفنا في الاطلال
ويا وطنا عليك عايشين
ومالاقين نستر الحال
بفتش فيك عن ستره
وراحة بال
افتش فيك عن حالي
ادوزن فيك اشعاري
اناجيك في بشارة فال
افتش فيك عن روحي
وافتش فيك عن ذاتك
ومالاقيك في اي مجال
اقول جواك محبوبتي
الاقي حبيبتي منتظراك في شبال
وجع ترحال
ملايين البشر جواك
علي كيف القدر عايشين
وعلي كيف الملوك سجنا
وعلي كيف العلوج دايشين
مساكينك … مجانينك
وحات المولى راجينك
علي البطال
وانا ومحبوبتي
راجين المطر ينهال
ويغسل لي شرايينك
وينبت مهدي من ساحات ميادينك
يقيم عوج البلاد النازفه من نيلك
يصح الصاح
ويكسر حيط زنازينك
ونحلم بيك
تفرهد في بساتينك
بنحلم ياخي كان بي قروش
اريت حالك متل حالنا
بتحلم زي مواطنينك
بين قوسين (مساجينك)
(يصح الصاح
ويكسر حيط زنازينك
ونحلم بيك
تفرهد في بساتينك)
يسلم قلمك يا راقى ،،، وشكراً على حرفك الندى