نجاة مشرف مقابر حلة حمد من محاولة اغتيال
: مي علي آدم:
نجا فوزي النعيم المشرف على مقابر حلة حمد بالخرطوم بحري أمس من محاولة اغتيال داخل منزله، وذلك عندما حضر له شخصان في وقت متأخر من الليل وطلبا منه مدهم بكفن وأدوات حفر لتجهيز قبر، وعندما طلب منهما إعطاءه بطاقات للتأكد من هويتهما قام أحدهما بعطنه بسكين وفرا هاربين من أمام منزله واستنجد فوزي بأسرته التي قامت بالاتصال بالشرطة التي أسرعت لمسرح الحادث وقامت بتدوين بلاغ بقسم شرطة بحري تحت المادة (139) الأذى الجسيم في مواجهة مجهولين وقامت بإسعاف المصاب إلى مستشفى بحري بموجب أورنيك (8) جنائي. وعلمت «آخرلحظة» أن الأطباء قاموا بإجراء عملية عاجلة للمجني عليه حيث استقرت حالته الصحية وغادر المستشفى. وما زالت الشرطة تواصل تحرياتها لكشف غموض الحادث والقبض على الجناة.
آخر لحظة
مشرف مقابر؟ انا عمرى 55 سنة و لم ارى فى حياتى هذه الوظيفة؟ العطالة كترت و الله يستر بكره الشعب السودانى كلوا يشتغل وظيفة ميت..؟؟؟؟
السودان تكساس بقت احسن منو
كل يوم لا يخلو من طعن وقتل …
الحصل للناس دي شنو
والله زمان الواحد حمامه متربيه في بيتو او عتوت مابقدر يضبحو خليهو البشر …
زي ديل يقولو عليهم شنو….زول عملو عمل اخرة يحفر القبور وينتظر الاجر من الله .يجو زي ديل يكذبو يقولو عايزين كفن ويطعنوهو..وبعدين( ياكارلوس )هذه المهنة او المشرف ما بالضرورة تسمع بيها لانو صاحبها ماعايز اعلام(يرجو الثواب من الله تعالي)وبمجرد ماتحصل الوفاة تذهب الناس (لفلان)لانو معاهو العدة.اويشيلو العدة من مكان اخر ويتصلو به لكي يذهب معاهم للحفر لانو حفر القبر ماكل الناس بيعرفوفو…يعني قبل ماتجي الجنازة يكون حفر القبر .لم الناس تجي يلقو القبر جاهز الحفرو منو ؟هم ماعارفين..وهذا هو المطلوب..يعني حفر القبر مازي حفر صيوانات الاعراس…
السودان – هجليج – الوطن – الدفاع – النصر – الشهادة – الاستبسال – القوة – الصمود – الاصرار – التقدم – التنمية – المشير عمر حسن احمد البشير
كل هذه اسماء للسودان العظيم
القصة ماواضحة ومبتورة
يا كارلوس بدل أن تقول للرجل حمد لله على السلامة تقول أول مرة أسمع بهذه الوظيفة ، إنت فاكر المقابر دي زريبة أي حد يدخلها ويدفن فيها ، لازم أوراق ثبويتة وشهادة وفاة وخلافها ثانياً منو قال ليك هذا الرجل بيصرف راتب أكيد وظيفة لوجه الله تعالى ، إذا فلتقل خيراً أو تصمت
الف حمد الله على السلامه من الحاقدين والمارقين يا صاحب المرووه والشهامه وليس غريباعلى فوزى ان يمر عليه الليل ولم يقم بدفن جنازه فهنيئا لك بالثواب من الله ونتمنى لك دوام الصحه والعافيه
ربنا يجعل هذا العمل الظيم في ميزان حسنات الأخ فوزي النعيم
يا اخى عملوا منظمة اسمها حسن الخاتمة وهاك يا اعفاءات من الجمارك بالله دى امة لعنة الله على الكيزان يتاجروا حتى فى الاموات …