خبير بيئي ينصح بنقل العاصمة إلي مكان آخر
الخرطوم (سونا) -نصح خبير دولي في مجال البيئة السلطات بنقل العاصمة إلي موضع أو مكان آخر أكثر تخطيطا وملائمة لعاصمة حضاريه وذلك تفاديا للانهيار الصحي والبيئي المحتمل علي غرار التجربة النيجيرية التي تم بموجبها نقل العاصمة من لاغوس إلي أبوجا بعد انهيار الوضع الصحي والبيئي فيها.
ونادي الخبير والدولي البروفيسور عيسى محمد عبد اللطيف في المحاضرة التي نظمها معهد الكوارث واللاجئين بجامعة أفريقيا العالمية اليوم حول الوضع الصحي والبيئي بولاية الخرطوم بأهمية وضع خطة إستراتيجية مستقبليه حكيمة واتخاذ قرار استراتيجي لتفادي التدهور البيئي وترتيب الأولويات وفق دراسات منهجيه وعلمية لتفادي الأوضاع الكارثية في العاصمة مشيرا إلي أن الكوارث والتدهور البيئي وجهان لعملة واحدة .
وأكد الخبير عبد اللطيف علي ضرورة العمل الجاد في إدارة النفايات والتخلص العلمي منها بإعادة تصنيفها ،ووضع نظام متكامل للتخلص منها .
واعتبر استخدام الأراضي كمصدر للدخل من قبل الدولة من أكثر الأمور التي أدت الي تدهور الوضع الصحي والبيئي في الخرطوم ، موضحا أن الخطة الإسكانية التي وضعت أسهمت بشكل كبير في تدهور الوضع الصحي والبيئي .
طالما الانقاذيين موجودين حيخربوا العاصمة ان وديتوها في سقط لقط فاولا اخرجوهم من الحكم ثم فكروا في تغيير العاصمة بلا يخمهم
جبتها ليهم من الاخر يادكتور عيسي هههههه كلام صاح لكن كيف يتنفذ ؟؟عاصمة جديدة معناتو مليارات الدولارات والدولة اصبحت مفلسة ويامولاي كما خلقتني…وبرضو البيضمن لينا شنو انو الفشل الفي الخرطوم ما ينتقل للعاصمة الجديدة……….يادكتور الخرطوم زمان في السبعينات والستينات كانت نظيفة ومامزدحمة لانو الولايات كان فيها مشاريع تنمية شغالة والناس ما كانوا بيحتاجوا يجوا العاصمة وكمان ما كان في حروب وتدمير في دارفور زي الحاصل في عهد الانقاذ
انقلوها دارفور.
طيب رايك شنو في كوستي ففيها كثير من المتطلبات التى تسهل عملية النقل
أظن سينقلوها الي مليزيا او دبي
اتمنى نقل العاصمة إلى (جوبا) او الابيض او الفاشر او بورتسودان
العاصمة البديله محدد ليها منطقة (السلمه) لكن المشكله في ناس الانقاذ ديل لا بنقلوا حاجه ولا أي شيء ….. وزعوا الأراضي بطريقه عشوائيه أسهمت في الشيء الحاصل في الخرطوم الأن …. الشيء الثاني لم تهتم الحكومه الفاسده بتنمية الريف علشان كده في ضغط كبير جداً على العاصمه …. وطبعاً بعد أن تم تجفيف الريف من الزراعه والرعي …
دى الكيزان ما حيعملوها و لا يمكن ينقلوا العاصمة لمكان تانى … تعرف ليه لان ليهم اراضى و عقارات داخل المزبلة اللى اسمها الخرطوم و هم اللى رفعوا اسعار الاراضى و هم اللى تاجروا فيها … يعنى اى قرار بنقل العاصمة حيمون كارثة عليهم و طبعاً ما يهمهم لو الوضع البيئى او الصحى تدهور او اصبح كارثى … المهم قروشهم و مصالحهم ما تنهبش … ديل بعد شوية ما راح يلقوا ناس يحكموهم …حيبقوا زى نيرون بتاع روما …. و الله مهازل
المصارف والمجاري حتى في شارع القصر والجامعة والجمهورية مقفولة ومسدودة وهذا يعلمه كلا من الرئيس والوالي وكذلك كل المجاري في الخرطوم مقفلة في الأحياء ووسط العاصمة ومشاريع قيام مصارف المياه والسيول كلها خاطئة منذ الإستقلال والتي إعتمدت على الحفر عند قرب الخريف ثم النسيان وعدم إنشاء مجاري ومصارف مثل العواصم الكبرى مثل القاهرة وباريس وتصميم مجاري دائمة ومجاري سيول وعدم التخطيط للمباني على خطوط الكنتور والتي توضح مجاري السيول والمنخفضات وضرورة تصميم وبناء الأرصفة والتي من صميم واجب المحليات ووزارة التخطيط العمراني وصيانتها وضرورة الإهتمام بالشوارع مع ضرورة قيام وزارة مختصة بالمجاري والسيول والشوارع والطرق الداخلية للمدن وفصلها من الطرق القومية .
أرشح الابيض عاصمة للسودان ،، ارض منبسطة سهلة بناء البنية التحتية ،، بشرط وضع الموانع اللازمة لقيام الانقلابات العسكرية المشسهورة بها الخرطوم،،، مع العلم ان هذا مجرد aspiration not anticipation
كتبت في احدى الصحف السيارة بنقل العاصمة الخرطوم الى اى مدينة اخرى يمكن السيطرة عليها , كان ذلك في العام 1993 حيث كنت وقتها طالبا بالجامعة . قوبل مقالي بالتهكم حتى من الصحفي الذي كنت اعطيه مقالاتي لنشرها ……
انتو دى عملتو فيها شنو عشان تعملو واحده جديده ؟؟؟؟؟؟؟؟
الصرف الصحى العملو الاستعمار ماذتو عليه بالعكس انتو خلال 25 سنه دمرتو العاصمه
وخلقتو المشاكل البئيه والصحيه بعقليتمكم المتخلفه وجايين تقولو عاصمه جديده
كونك بروف ما بعنى انك فاهم ما بالضروره …..
ربنا سبحانه وتعالى حبانا اجمل عاصمه فى العالم . ارض مسطحه ومياه عزبه وملتقى النيلين
ظاهره لاتتكرر فى اى مكان فى الدنيا .
بعدين تلوث اكتر من القاهره ..؟ ياناس الحل معروف وكل زول عارفو .يمشو ناس الانغاذ
الامور بتظبط
اولا اعرفوا العصمه في يد منو وبعدين فكروا في نقل العاصمة .
ودوها حوش بانقا او صراصر بالجزيرة او كافورى
نقل العاصمه من الخرطوم شى مستحيل ويصبح مجرد امنيات …وزى ما قلت ليكم امس فى تعليقى يجب على الدوله استثمار نزوح المواطنين للعاصمه لمصلحة المواطن نفسه .والنزوح فرصه ذهبيه يجب الاستفاده منها ..كييف .
اولا عددسكان السودان مابين ثلاثين الى اربعين مليون ..وهو عدد بسيط جدا اذا ماقورن بمصر مثلا ومساحه السودان شاسعة جدا رغم الانفصال ويمكن ان يعيش داخله مليار نسمه فى المستقبل.
ثانيا يمكن حصر جميع السودانين داخل مثلث ..لاعلاقة له بمثلث حمدى ..اضلاعه الخرطوم /مدنى /كوستى
ثالثا تركيز التنميه داخل هذا المثلث بعد تسكين المواطنين على ضفاف النيلين الازرق والابيض كتوفير الكهرباء لجميع السكان والمستشفيات والطرق والمياه من النيل والتعليم وكل احتياجات المواطنين الضروريه .
رابعا بعد تهجير اهل دارفور وجبال نوبه والبجا الى داخل هذا المثلث ..تنتهى مشاكل السودان كلها بضربه واحده ويصبح جميع السودانيون متساون فى التعليم والصحه والكهربتء والمياه وغيرها.
خامسا وهو الاهم استثمار مايقرب من 80% من مساحة السودان والتى من المفترض انها خاليه من السكان فى تربيه اكبر ثروه حيوانيه فى العالم …كما يمكن زراعة ملايين من اشجار الهشاب بالاضافه الى عمل محميات طبيعيه للحيوانت البريه بمواصفات عالميه لجذب السواح …العائد المتوقع من الثروه الحيوانيه والصمغ .والسياحه وحدهم كافى ان يجعل شعب السودان من اغنى الشعوب فى القاره الافريقيه…مع ملاحظة اننا لم نتحدث عن الذهب والبترول..وشكرا
عليكم الله هسه دي دايره ليها خبير ؟ اقل عتالي او عامل نفايات في الخرطوم مقتنع بالكلام ده ….خلو الضل واطعنو الفيل
في حقيقة الامر كلام البروف عين العقل الحكومة مشاركة في كل المشاكل التي طراءت خلال العشرين سنة في بلادنا العزيزة وفي الخرطوم العاصمة خاصة هل يعقل ان الدولة بكاملها تعتمد على دخلها في بيع الاراض حقا لقد هدم ما يسمى بالمؤتمر الوطني والذي في تقديري ليس هم بوطنيين كما يسمى بالوطني لما آلت اليه تردي الوضع الاتقصادي والاجتماعي والبيئي في الخرطوم العاصمة ولكن نقله الى مكان اخر يعني انهيار السودان نحن لانملك قوت اليوم ويعتبر السودان من افقر الدول حيث يجي في زيل الدول الفقيرة وكما صنفتها الامم المتحدة حتى اصبح من الدول المحتاجة للعون الانساني حيث اصبح كل مواطني السودان ليس لديهم قوت اليوم ما يعادل 7 مليون مواطن والله شيئ مؤسف ابحثوا عن كيفية معالجة مثل هذه الامور ليس بنقل العاصمة واتي يمكن ان يستنزف كل مقدرات الشعب السوداني ونحن جوعى لذلك يجب على المهتمين تقديم
قال ليهو أنا بقترح إنك تكون فنان تشكيلي وأنا أشكيلك –
ودوها حوش بانقا
هو نحن قادرين نبني مدرسة اومستشفي عشان نعمل عاصمه جديده، والعاصمة الجديده سكانه منو مش نحن ألما قادرين ننظف أمام بيوتنا يا جماعه نحن مقصرين شديد والحكومة تعبانه لانها قشلة في الحكم ولأنها مافاضيه من كذا وكذا وجيوش الفاشلين والولاء والنفاق لا يغير الله بقوم حتي يغيروا ما بأنفسهم مافي حكومه ومافي شعب تصالحوا مع أنفسكم وخلونا من الكلام الفارغ زهجنا من قرع الصفائح الفارغة قالوا عاصمه جديده قال
الدوحة كيف؟
خليج وبترول وعقال واخوان كيزان وكاس عالم وكده!!
جميعا ليس لديكم ضمير الخرطوم ستظل هي الخرطوم فهي متحتاجة لتصحيح ضمائر لا تصحيح بيئي فعندما تنصلح وتتصحح ضمائرنا فستنصلح وتتصحح بيئتنا
فأختيار الخرطوم عاصمة لم ياتي من فراغ بل من أختارها له بعد نظر
في حقيقة الامر كلام البروف عين العقل الحكومة مشاركة في كل المشاكل التي طراءت خلال العشرين سنة في بلادنا العزيزة وفي الخرطوم العاصمة خاصة هل يعقل ان الدولة بكاملها تعتمد على دخلها في بيع الاراض حقا لقد هدم ما يسمى بالمؤتمر الوطني والذي في تقديري ليس هم بوطنيين كما يسمى بالوطني لما آلت اليه تردي الوضع الاتقصادي والاجتماعي والبيئي في الخرطوم العاصمة ولكن نقله الى مكان اخر يعني انهيار السودان نحن لانملك قوت اليوم ويعتبر السودان من افقر الدول حيث يجي في زيل الدول الفقيرة وكما صنفتها الامم المتحدة حتى اصبح من الدول المحتاجة للعون الانساني حيث اصبح كل مواطني السودان ليس لديهم قوت اليوم ما يعادل 7 مليون مواطن والله شيئ مؤسف ابحثوا عن كيفية معالجة مثل هذه الامور ليس بنقل العاصمة واتي يمكن ان يستنزف كل مقدرات الشعب السوداني ونحن جوعى لذلك يجب على المهتمين تقديم
انا اقترح نقل العاصمة الى الحاج يوسف او امبده او القماير او كوالالامبور فعلا اقرع ونزهى الناس ما لاقية تاكل والبلد مفلسة روحه طالعة فكرو لينا اولا فى كيف نقل هذة الحثالة الحاكمة الى لاهى ومذبلة التاريخ قبل ان تنتقل العاصمة وسكانها الى الاخرة
كُلّ المعنيّين
يعلمون علم اليقين
بأنّ هضبة الشرقيْن الأوسطيْن
الغنيّة بالثروات الباطنيّة الناضبة المعين
والغنيّة بالثروات السطحيّة المُتعدّدة المواعين
قد شطرها الأخدود الأفريقي الأحمر إلى هضبتين
هما هضبة الجزيرة العربيّة ثمّ هضبة الأفارقة الشماليّين
وأنّ الأنهار والوديان والمنخفضات هنالك ليست للقاطنين
إنّما هي للمزارع المختلطة الحديثة أو للرعاة المُتجوّلين
توجد بينها مرتفعات محردبات واسعات للقاطنين
حيث النسيم العليل والهواء الصالح للمُتنفسّين
لا ذئاب ولا ذباب ولا باعوضة لها طنين
إنّما تجمّعات حضريّات للمُنتجين
يهندسها كُلّ الإختصاصيّين
لكُلّ السودانيّين
رايكم شنوا فى الخرطوم 2
اجمل خبر انقلوها حجر الطير وارحلوا عن مدينتنا الحبيبه الخرطوم
ما تستعجلوا في الكلام عن نقل العاصمة وننتظر تبلور الصورة النهائية للسودان لانو احتمال دارفور وجبال النوبة تنسلخ من السودان يبقي السودان القديم في الحالة دي ما محتاج لنقل العاصمة
انقلوها ﻷي مكان يكون مناسب
I WONDER ABOUT THIS CALLED HIMSELF A PROFESSOR> ALL PROBLEMS OF THE COUNTRY EMANATED FROM SUDANESE INTELLECTUALS WHO ARE VERY FAR FROM THE REAL DISASTERS OF THE INHABITANTS.LONG TIME AGO I READ AN ARTICLE TRANSLATED TO ONE SAWAHILI EDITORS WHO SAID THAT THE PROBLEMS OF AFRICA IS THE EDUCATED PEOPLE WHO DO NOT CARE ABOUT WHAT IS GOING ON IN THEIR COUNTRIES.ONLY THEY ARE BEHIND THEMSELVES.MANY WRITERS ARE TALKING ABOUT THE SHIFTING OF THE CAPITAL .WHAT IS THE BENEFIT OF THE PEOPLE IF THE CAPITAL IS KHARTOUM OR ANY WHERE IN SUDAN…THIS IS NONE SENSE…THE MOST IMPORTANT HOW TO PROVIDE THE LEAST HUMAN LIFE.THIS IS NOW NOT EXISTING……