إغلاق كبري القوات المسلحة لثلاثة أشهر
الخرطوم: حوازم مقدم
أغلقت وزارة البنى التحتية والمواصلات وشرطة مرور ولاية الخرطوم أمس كبري القوات المسلحة وغيرت مسار حركة المرور لأعمال الصيانة التي يمر بها الكبري، وشكا عدد من مواطني مدينة الخرطوم بحري من بطء حركة المرور وازدحام (الكباري)، وقال مدير العام للنقل والمواصلات إن العمل بكبري القوات المسلحة ابتداء أمس بالحارة الغربية للكبري ويتواصل لنحو ثلاث أشهر قادمات وبعد الانتهاء سينتقل العمل للحارة الشرقية مؤكداً أن حركة المرور ستنتظم خلال الأيام القادمة من خلال المعالجات الفورية ممثلة في تغيير مسارات الطرق وتحويل الاتجاهات.
وتمت معالجة فورية للزحمة الناتجة عن تغيير المسارات بمدينة بحري بتحويل المسار إلى كبري المنشية وكبري المك نمر وفك الاختناقات بشارع كسلا وتحويل مسار المركبات بعد الساعة التاسعة صباحاً من بحري إلى الخرطوم على الحارة الشرقية من كبري القوات المسلحة نفسه.
الجريدة
الامس طلعتا كالعادة كاشي علي الشغل و في مدخل الكبري فجأة لقيت الزحمة كمية من ضباط و عساكر المرور و و اوناش المرور و هيلمانة… قريب ساعة عشان اقطع الكبري… المؤسف انو جوة الكبري مافي أثر او اي حاجة بتدل علي انو في صيانة. لا عامل واحد لا أي ألية و الكلام دا بلاحظو كل يوك بحكم مروري اليومي بالكبري… مرات بلقا تلاتة اربعة صينين معاهم زي 8 عمال شغالين… حرام عليكم 3شهور كمان… انا الليلة لو لقيت مية ولا ميتين عامل شغالين متاكد اسبوعين تلاتة الكبري دا بيتصان..
لو في زول عندو معلومة عن الشركة المنفذة يدينا ليها
صحو النوم سنتان والكبرى تحت الصيانة والله ننزوى خجلا امام ناصحات السحاب والانفاق الضخمة والتى شيدت فى اقل من سنتين
زمان اختلفوا ناس كوبر وناس بري في تسمية هذا الجسر. فاقترح عليهم المرحوم حسن مختار (جريدة الصحافة) ياخدو الحروف الثلاثة الأولى من كوبر والحروف الثلاثة من بري ويسموه (كوبري) !!!! ولمن ما رضوا سموه كبري القوات المسلحة !!!!
ثلاثة شهور لصيانة كبري ومال لوعاوز تعمل مبري جديد عاوز 30سنة ممكن.