الـ “زول” السوداني “زول” العام 2014 العالمي بلا منازع…

الـ “زول” السوداني “زول” العام 2014 العالمي بلا منازع…
في العام 2014م القرب يكمل الحكومة وناسها وتانيين دايرين يحتفلوا بالاستقلال وماحصده السودان كوطن “وزول” علي النحو الاتي:-
جاء السودان فى قائمة أسوأ الدول من حيث معيار القيم الاسلامية..
جاء السودان في المرتبة الثالثة للدول الاكثر تعاطي للمشروبات الروحية والكحول…
جاء السودان في المرتبة الثالثة للدول الاكثر فساداً في العالم علي حسب منظمة الشفافية….
جاء السودان في المرتبة الخامسة للدول الاكثر انتشاراً للفايروسات الناقلة للامراض……
جاء السودان من ضمن اكثر 5 دول قمعاً لحريات الانترنت والنشر الاكتروني ومراقبة المواقع وحجبها..
السودان الوطن الوحيد في البلدان العربيه بنغسل لمريض الكلي مرتين في الاسبوع ونسبة زيادة مرضي الكلي 33% والسبب المياة الملوثة وبرضو عندنا أطول نهر و80% من المياه العزبة بالوطن العربي..
جاء السودان ضمن الدول الـ 5 الاكثر خطورة للعمل الانساني بدارفور والاكثر مصادرة للصحف وتوقيف الصحفين..
السودان لم يحظي ولا بدرجة واحدة في مقياس البلدان الافضل للحياة والرفاهية… عادي ممكن تقراء وتلقي أنو “زول” السودان جاء في المرتبة الاخيرة من .. ووووو “سلك سلك ذي ما الله خلق” ، السودان أصبح بلد “ملطشة” وبلا وجيع وماشي أمفكوا ساكت وزولو التقول ما “زول” ، لو سالنا الحكومة الزول السوداني بجيب الترتيب دا في كل السنة والنجاح الحقق دا من وين بتقول ليك “هدية من الله” والخلاص كدا صادق بيقول ليك “أمتحان رباني” و”الله بريدنا” ، ولوسالنا الشعب السوداني والمواطن السوداني “الزول وين” دا وين كل “زول” بتلفت للزول الجنبو بسالو عن “الزول” السوداني .. علي قول صديقي عوض ميدان دي دراما ذي دراما “زول” سوداني وخليجي .. سوداني ينادي خليجي بكلمة “زول” .. يرد الخليجي بأنه “ما زول” .. فيكتب السوداني “قصيدة طويله مؤثره” .. معددا فيها الصفات الجميله- العظيمه- “الاستثنائيه”- للشعب- “الاستثنائي”-السوداني .. ذاكرا فيها الاخلاق/ والتاريخ /والنيل/ والحضاره/ والتعليم /والثقافه.. هذه “القصيده العصماء” سارت بها “الجوغة السودانية الاعلامية اذاعة وتلفزيون” ردحا من الزمن .. فرحة و منتشية لهذا الرد الذي “اراح النفوس المغبونه ” بأن جعل هذا الخليجي هو الخاسر الوحيد من كونه “مازول” …… ومتين ياوطن ترفرف اعلامك ويكون الزول السوداني “زول” حقيقي وما خيال “زول”..

[email][email protected][/email]