الفهامة..!!

يا اخي امش كمل علاجك وتعال بعدين اكتب ….

نحن كلنا داقسين وما بنعرف كلمة حكومة بس عليك الله خلي حكومتك دي ،وبالمعنى الذي لبستنا ليهو دا خليها هي توافق عليهو؟

يا عثمان ميرغنيى حكومتك دي لا عايزة هيكلة ولا عايزة حكومة ولا عندها نية تترك محلية او معتمدية واحدةولا عايزة تترك سفارة او وزارة يا اخي ديل لا يعترفون بحق اي واحد لا في الحياة ولا في الحكم وهؤلاء الكيزان يعتبرون السودان الذي سطوا عليه عام 1989م هو غنيمة باردة للحركة الاسلامية (انفال/غنيمة).

هؤلاء يرون من حقهم الحكم ومن حقهم المناصب الدستورية والوزارية والحكم باسم الدين متى ما شاءوا ومتى ما قرروا ومن حقهم ان تكون لهم جنات وقصور حدادي مدادي وحسابات بالخارج في ماليزيا ودبي وسويسرا وسنغافورة (ما شفت سبدرات قال قطع الاراضي في سويسرا اغلى من الخرطوم) دا كان وزير عدل ووزير تربية
عليك الله امشي اسأل واحد من محلية بليلة او عد الغنم او من محلية الدبة او محلية حفير مشو وقل ليه اغلى قطع الاراضي في الخرطوم ولا سويسرا؟؟؟؟؟؟

يا عثمان ان تجيت راجع سريع من العلاج اكيد جيت (against medical advice) يعنى جيت راجع بصورة مخالفة لنصيحة الطبيب

على نفس النسق فان قرار دقتك ما اتخذه مجلس وزراء اصحاب المصلحة وديل مشغولين دوما بمثنى ورباع ودفع رباع ولملمة فلول الدولار وان مغالطنى اسالو عمنا بلال…..ولكن هناك جهة ما واقفةوموقفة الحال بتجلد عثمان وبتسف التمباك وتركب الرباعى وتطرب لما فرفور يفرفر الاغانى ودى لازم نكشكش لها الودع ونضبح لها ضكر سحلية اعور عشان يتفضح امرها وتعرف المعارضة الغبيانه وين مصلحتها بدلا من الجرى وراء سراب وثبة الناس كل الناس ما عدا اخلاص ست الشاى
سعادتك بتكتب صحافة وقلبك خالى من الاحقاد ورصيدك المعنوى لا البنكى مليان وعينك المضروبه بفعل اصحاب السر الدفين بتشوف وراء الحجب وتستجلى المستور وحكاية حيكومة انتقاليه دى فزلكة سياسيه ما عندها قيمة واقعيه ومجلس وزراء ومجلس وطنى واحزاب الفكة(بتقبض بس فكةريق) دى عطالة سياسيه لا بتهش ولا بتنش لكن تعرف كيف تغش اما البغلة الداخله جوه الابريق فدى امرها عجيب والوصول اليها سره غريب…….ودى يا فرده دونها الغلمان وارتال من الجان راكبين عجلات ومواتروجمال وحصين وحمير ودفع ثنائى ورباعى وبيقبضو طوالى وديل بقى مقامهم عالى والكلام عنهم بيودر طوالى وديل رجالتهم ظاهرة فى اغتصاب الضكور والاناتى ….وديل زى نوعهم ده رباهم دكتاتور رومانيا شاوشيسكو وملك ملوك افريقيابتاع العود وديل الشعوب لما تخت الرحمن فى قلبها وتطرح جانبا دعاوى الانهزام ووقوقة الوقواق بتلقاهم مسابقين الريح وزى ما بيقول جيرانا فى الشمال فص ملح وداب فسعادتك نحن عارفين وهم عارفين ولا حكومة انتقاليه وحوارات اشباه الرجال بتصلح الحال…………والحل الخروج الى الشارع ده هو الدرب الصحيح للانعتاق من دكتاتورية اخوان الشيطان صنيعة المحفل الماسونى

نشرح لعثمان ميرغنى ..الحكومة هى الرئيس الدائم فقط وكل ما دونه طحالب تتعيش على فضلاته .
عثمان ميرغنى نسى ان انقلاب الجبهة الاسلاميه سلم البشير كل السلطة ليفعل ما يشاء ولا يسأل عما يفعل .اما اهل الجبهة فاكتفوا بنهب المال تحت رعاية الرئيس الابدى الذى يهمه الكرسى والخلود فيه .
اما حكاية المجلس الوطنى والله ياعثمان دى نكته .انت ما قاعد معانا فى السودان ؟..زريبة البهائم اهم من زريبة المجلس الوطنى كثيرا وافيد للناس .فالمجلس صورة ديكوريه لشكل الدولة . والدولة هى البشير واسرته فقط .
شكرا للخيش حسن الترابى الذى اهدى جمهورية كامله مليون ميل مربع لضابط نكره فى الجيش السودانى اسمه عمر حسن البشير .ليقيم له دولة الاسلام التى ستقود الناس للعدل والجنة .
آخر قرارات الرئيس الدائم امير المؤمنين هو الرضا عن حسن الترابى وسحب اتهامات تكفيره بعد ان وصل ارذل العمر وخرف ..مبروك عليك الجنة ياخيش حسن وما تنسونا من رضا ولى الامر ..مدد ..

هذا الرجل يتخوف من الديمقراطية كما يخاف البشير من الجنائية ويعلم تمام العلم أنه وأمثالة لا مكان لهم تحت كنفها ظل يهاجم قادة الجبهة الثورية ويصفها بأبشع الأوصاف أبان عجز المرتزقة عن صدها فتحول لعرقلة الحوار الغير مجمع علية أصلا بين المعارضين الغريب فى الأمر أن مبادراته المزعومة ظلت محل سخرية وإستهزاء من قبل الجميع ومن أمثلتها (شاشات البلازما _ وديمقراطية البرلمان)

انا شدك يا اخ عثمان ، لو فضل عنك ذرة من الاخلاق و الزوق ، ان تكف عنا صورتك هذه التي تجلب لنا الهم و الالم و تذكرنا بابناءنا الصغار الذي قذفتم بهم الى الموت في غابات الجنوب و فيافي دارفور و بيوت الاشباح و القتل بدون محاكمات جدية و و الاف الجرائم . ريحنا و اكتب في الصحف الورقية و خلينا نشم شوية هوا بعيدا عن عفنكم الذي يزكم الانوف. داهية تاخدك و رئيسك الخصى. ليك خازوق مستنيك و مكتوب عليهو اسمك يعني محجوز ليك.

ياترى لماذا يسوق هذا العث..مان….ميرى..غنى؟؟؟!!؟؟

اقتباس (ما معنى (حكومة انتقالية).. بالتأكيد الأحزاب تقصد مجلس وزراء (انتقالي).. ليفعل ماذا؟؟ صدقوني لا أحد فكر في الإجابة.. لأن الذي في مخيلة كثير من الأحزاب هو تقاسم السلطة و(الثروة) عن طرق تقاسم الحقائب الدستورية لا أكثر..)

يا اسحق نيوتن انت جادي وبالتهظر؟

يا سي عثمان و القاليك منو نحن عشمانين في خير برلمان النوام ( سواء كان نصفي أو كلي ) حسب نظريتك المهببة .. و انت تعلم أن برلمان ( الحزب الواحد ) ذاهب لا محالة في حال تفكيك الانقاذ و الارتضاء بحكومة انتقالية تعمل علي كتابة الدستور و اجراء انتخابات برلمانية و من ثم اعتماد الدستور بعد تنقيحه من البرلمان المنتخب لينتهي الأمر باجراء انتخابات رئاسية .. و بلاش حكاية أم ضبيبينة دي و التمديد لانقاذ أخري ببرلمانك النصفي ( المعيب ) .

يظهر عليك صنف ما يجي الا بالضرب ! اذ صرت انقاذيآ أكثر من نافع و غندور .

آل ايه .. يبقي البرلمان بعد مناصفته ! خلاص يالظافر .. باقي حسين خوجلي يتم الناقصة .

وسعتها كتير يا ولدنا عصمان….. الحكومة بمعناها الحقيقى اتنين بس…. البشير وبكرى…..
المساعدين والمستشارين بدوهم الكرتة يقزقزوبيها…
اما الوزراء ديل علاقتهم بالحكومة علاقة موظف ومرتب بس

عثمان ميرغنى الغواصة الإخوانية الماسونية .. ياخى رجاءا إذهب و استفرغ بعيدا عنا فلا أنت(م) منا و لا نحن منكم و الحساب لن يترك أحدا بقانون أو بدونه

الاهم ثم الاهم تفكيك كل السيستم العظامي الرميم وحرقة من رئاسة الجمهورية الي دواوين الدولة *كل من تعين في اي وظيفة* عامل موظف الي السوق وسماسرتة هؤلاء يجب ان يخرجوا من حياتنا وحياة البلاد هم الازمة والكوارث المقبلة فلا صلاح ورجاء منهم غير التنطع وقلة الادب يجب اعادتنا الي يوم 29 يونيو89 ب علاتها

الظاهر العلقه خلخلت عقله وخلاه محتاج فهامات مش فهامه واحده
منو القال ليك انه معارضه لمن طالبت بحكومة قوميه كانت عاوزه مجلس وزراء لابهش ولابنش
حتي حبايبكم الامريكان لمن عرضوا مقترحهم بتشكيل حكومه مشتركه اشترطوا ان تكون الصلاحيات لمجلس الوزراء الذي تشكله المعارضه علي ان يبقي البشير رئيسا بصلاحيات محدوده يعني زي ماكان عليه الامر ايام الديمقراطيه رئاسة الوزراء للصادق ورئاسة الدوله للميرغني
وقع ليك ياكوز
فماتحاول تشتت افكارنا بمخك المضروب ده

مصطلح (حكومة) هنا في السودان يجب أن يعني فقط مؤسسة الرئاسة (الرئيس ونائباه ومساعدوه ومستشاروه) تماماً كما هو الحال في الإدارة الأمريكية.. هل سمعتم في أمريكا باجتماع مجلس الوزراء..

وهل سمعتم أنتم فى أمريكا برئيس جلس خمسة وعشرين سنة فى كرسى الرئاسة؟؟