الجمعية السودانية لحماية المستهلك : فشلنا في توفير خراف الأضاحي بسعر (500) جنيه،

يعجبني إنفعال د. ياسر واستماتته في محاربة طواحين الهواء حتي أصابه اليأس فقال (دولة لا تستطيع ضبط الأسعار هي دولة غائبة) وكان ذلك عندما سئل عن زيادة تعريفة المواصلات الولائية أيام الأعياد وبمباركة الدولة ؟؟؟؟؟؟؟ و بالمناسبة فقد زادت التعريفة ما يقارب 30% رسميا و بعد ذلك تحصل المفاجآت بزيادة أسبوع العيد وهي زيادة خاصة لاستغلال الفرصة و عصر المواطن في الزاوية واستنزافه.
حماية المستهلك و محاولة الحكومة الخجولة توفير سلع بأسعار معيارية كما زكروا وو الخ كله منصب علي العاصمة دون أدني ذكر للأقاليم، طيب نحن و جميع مواطني الأقاليم إذا لمينا عزالنا و جينا الخرطوم مش أحسن ؟

لن يستقيم الظل واعود اعوج

ايه البيحصل دا……هكذا خبر عايز ليه مخرج فنان عشان يعمل منو فيلم كوميدى يكسر الدنيا على قول اخوانا المصريين…….

مامشكلة يا ناس جمعية حماية المستهلك المهم انو تكونو وفرتو لنواب البرلمان سعر الاضحية بهذا المبلغ زي ماوفرتو ليهم جوالات السكر والمواد التمونية بسعر التكلفة في رمضان الفات اما المواطن البسيط ليهو رب العباد

ماثلا الخروف خروفي وانا مخير في ابيع او ما ابيع بخمسمائة بمليون – تعاون السلطات يكون توفير الخراف وتوفيره يتوقف على التقليل من كمية الصادر خلال الفترة التي تسبق عيد الاضحى لان الجري خلف الصادر قلل كمية المعروض فالسوق وما في داعي للفشخرة فهذه عبادة مربوطة الاستطاعة و لايكلف الله نفسا الا وسعها فلا تخزنوا ايها الغلابة فقد رفع الله عنكم وعلى المستطيعون ان يوزعوا الثلث نيئا والثلث مطبوخا والثلث الاخير للاسرة ويتقبل الله منكم صالح الاعمال

الذاد كان ما كفى اهل البيت حرم على الجيران ؟
سياسة التصدير الى الخارج مذبوحة و حيه ما زالت مستمرة و اصحاب المواشى مضحوك عليهم و المستفيد الاول و الاخير مصدرى المواشى و و كلاء المستوردين الذين يجويون السودان شرقا و غربا من أجل جمع اكبر عدد من رؤس الاغنام و بمواصفات عالية ؟
اذا كان لدينا راعى رعية و راعى غنم سيان كان اول قرار يتخـذ و بمرسوم جمهورى وقف التصدير فورا و اصدار توجيهاته الى الشرطة و حرس الحدود بعدم السماح بخروج اى نوع من الانعام برا او بحرا ؟
لكن هو ما عندنا راعى وخلانا سادرين و مشرقين و مغربين و مهاجرين و فى الوطن قاعدين المساكين جاعنين و عطشانين و مرضانين و الحاله شلش والراجل انضم او يقول كلمه بالدبشق فى رويسه و كان سلم من الموت مستشفى الامل جاهز ؟
يا خساره وا حسافه عل السودان اهل الكرم و اهل الرجولة واكرام الضيف و كان الصوانى يشيلوها اثنين لكن اليوم العلينا دا بقى الصحن و الصحين و كان ما بخاف الكضب الصحن زاتوا كان لقى ليه طريقه اشرد من البيت بسبب العطالة و القعده فى العنقريب الهمبريب ينتظر الدور و حيلك لما اجيه الدور اكون الغبار عشعش وغير لونه ؟
نترحم عليك يا السودان و ننتظظر خروف امير المستضعفين كان نطلع لينا بحتة جلد او كوارع ؟

الفرج من رب العالمين لكن الفى المسئولين انعرفت ديل ناس دنيا مصو دم الشعب مص كله وعود كاذبه مافيش حلول كان الهواء فى يدهم كان مسكو من الشعب مابخجلو سعر الخروف يفوت الف جنيه زى ما قال اخونا السيف البتار اهل البيت ماقضو يصدرو الى الخارج والناس قلاي تشترى فى الكيلو بـ 55 جنيه

ده خروف ولا تور الوزنو 43 كيلو؟

السودان بلد العجائب:
* مساحة السودان بالأمس (مليون) ميل مربع و 80% من أراضية صالحة للسكن ولكن به نجد أعلا أسعار للأراضي في العالمو إمتلاك قطعة أرض (300) متر ضرب من الخيال.
* الأمطار تهطل في فصل الخريف بغزارة لدرجة السيول و أرض الجزيرة تقع بين اعظم نيلين (الأزرق وا لأبيض) وتجد الزراعة تموت من العطش .. عجبي.
* عندنا ثروة حيوانية بمئات الملايين من الرؤوس و المراعي طبيعية .. شراء عدد واحد (خروف أو عمبلوق) للأضحية من سابع المستحيلات..
اللهم إنا لانسألك رد القضاء و لكن نسألك اللطف فيه.