توقيع عقد تشييد طريق مدني الخرطوم المزدوج

هل ياتري هذا الخبر هو فقط مجرد هطرقات وتخدير لابناء الجزيره المكلومين ام هو حقيقه قد تري النور في القريب العاجل , واذا كان حقيقة لماذا لم يتم ذكر قيمة العقد , والاهم من ذلك ماهي الشركة المنفذه , فاذا كانت الهيئه القوميه للطرق هي التي تنفذ هذا المشروع فعلي الدنيا السلام لانها سوف تقوم بترسية العقد علي واحده من شركاتهم المتهالكه والتي يكون هدفها هو المأكله فقط ولن يتم المشروع حسب المواصفات والمقاييس الدوليه يعني نظام كلفته وخلاص وبعد عام واحد يصبح في خبر كان , وفي الخبر ان انجاز العمل سوف يستغرق 11 شهرا فقط , لا اعتقد ذلك لانه ليس من المنطق إنجازه في هذه الفتره البسيطه , اشك في صحة هذا الخبر ولكن حلم الجعان طريق مزدوج يقلل من حوادث المرور التي فتكت بمرتادي طريق الموت .

هل تم طرح المشروع في مناقصة عامة
ام تم التوقيع بليل واذا كان الامر كذلك فعيش ياحمار حتى تطلع النجيلة

اخيييييرا؟؟؟؟
سؤال. سيتم العمل خلال 11 شهر ام سيبدأ بعد 11 شهر؟

كان يجب طرح التصور العام للمشروع فى الاعلام حتى يعرف المواطن كم مسارا فى كل اتجاه و انو طريق يتسع للمستقبل لكن فى تصورى انو 2 ما حيتنفذوا شارع مدنى و مطار الخرطوم

ياطيبه يادوب ليكي طال الشوق علي

يا دكتره ود قسم الله رأيك شنو تتصلح السكه حديد ونأتي بقاطرات جديدة وسريعة جدا وتشتغل بين مدني الخرطوم . وناس الكاملين والمسعودية البتقول عليهم بهايم ديل يشربوا جردقة .. يا زول ما تفكر كويس الطريق لازم يمر بكل هذه المدن والقري التى بين مدنى والخرطوم لانها مناطق انتاج وكثافة سكانية .. كلا المشروعان لهما اهمية . ازدواجية الطريق وتأهيل السكة الحديد – مدني الخرطوم مبدئيا . ومن ثم كل سكك حديد السودان بس بعد مغادرة الكيزان

هل يعني ذلك اكتمال فصول المؤامره على والي الجزيره أيلا
و نجاح الفاسدون في ازاحة الرجل الذي احبه انسان الجزيره

مبروك لاباطرة الفساد في مدني نجاحهم الكبير
والعزاء موصول لاهلنا الصابرون بالجزيره
وستستمر ماكينة الفساد في الدوران
بمباركة بعض النافذين
فهل يصمت الصالحون ؟؟؟؟
وينجح الفاسدون !!!

اللهم عليك بهم فانهم لا يعجزونك

اللهم ارحم.من مات.ظلما.وبسبب هذا الطريق.او كما.اسميتها.((شارع الدموع))تيمنا.بما عندنا.هنا في كندا طريق يسمي بطريق الدموع الذي يختطف فيه.هنود الحمر

انا اقترح ان يسير الطريق الجديد غرب خط السكة حديد ليتم توسعته بشكل يستوعب حركة المرور لمائة سنة قادمة وعشان نبعدو من البهائم الساكنين المسعودية والمسيد والكاملين والحصاحيصا البقطعو الشارع كأنو قاطعين زقاق في حي

لازم يكون في شهود .. ديل ممكن يقسمو القديم زاتو ويقولو عملناه مزدوج

بتشريف دكتور عماد الدين الجاك والي الجزيره المكلف

اثبتت التجارب بأن كل الطرق المنفذه بواسطة الشركات الصينيه مخالفه للمواصفات وفيها لعبات كبيره ولقد تعلم الصينيون دفع رشاوي للمسؤولين السودانيين وقال لي مهندس صيني عمل بكوبري الفتيحاب المقلوز بان المسؤولين السودانيين كلهم علي بابا…طيب ياسيدنا الرئيس انت سرقت كرسي الحكم بالقوه وقلت انا رئيسكم في واحد عندو اعتراض ؟ قلنا لا لكن شرطنا معاك ياريس تحافظ علي اموال الدوله التي هي اموال الشعب التي هي اموالنا؟ قلت حاضر وذكرت قول الرسول صلي الله عليه وسلم (لوسرقت فاطمه بنت محمد لقطعت يدها) هي لله هي لله ويا مزيكا دقي والان نحن مشردين جائعين مرضي مجانين قابعين في السجون مهاجرين ثكلي اين نحن ياريس هل تسمعني وهل قمت بمحاكمة اللصوص ام وفرت لهم الحمايه وقلت العندو دليل يرفع يده يا جماعه طبعا لايوجد دليل لان الحرامي هو عضو في جمعية اللصوص فمن اين لنا بالدليل؟56

لو أقام ايلا هذا الطريق فقط لكفاه…..