نحن لو ما متأكدين أن البشير فيه خير للبلد والله كان طيرناه بعد 48 ساعة بس. لمنع توقيفه بجنوب افريقيا ذهبتُ لشيخ الأغبش وجلست معه 3 أيام ولم أرجع حتى عاد الرئيس
حوار ? محمد عبد الباقي
قطعاً، ليست هذه المرة الأولى التي يطل فيها بله الغائب عبر منبر إعلامي مقروء، فالرجل ظل هدفاً لأجهزة الإعلام المقروءة والمسموعة منذ ظهوره في منتصف سبعينيات القرن الماضي بتوقعاته المثيرة للجدل.
لكن المثير حقاً أن الغائب منذ أن عرفه الناس، أُطلقت عليه ألقاب مختلفة بعضها محبب صادر عن محبين ومقربين له، وبعضها الآخر تهكم وتقليل من شأنه، وقد قيل عنه الشيخ ومولانا والمنجم، فهذه الألقاب على الرغم من أن بعضها لم يكن لائقاً، لكن رحابة صدر الغائب جعلته وكحالة نادرة يتقبلها بصدر رحب ولم يذكر له التاريخ موقفاً واحداً ضد المُسيئين له، حيث لم يدون بلاغاً ضد أحد، ولم يعتد بيده، وظل يطبق مقولته المحببة (المسامح كريم).
والذي تجدر الإشارة إليه هو أن بله الغائب دافع في هذا الحوار الذي ينشر على حلقتين (كانت حلقته الأولى الأحد، وهذه الثانية اليوم الثلاثاء)، عن قناعاته وأفكاره السياسية باستماتة رجل لم يسبق أن خاض في الأمور السياسية بهذا الوضوح، فالشيخ بله الغائب كان دائماً يتحدث في حواراته عن ما يعتبرها أسراراً وإلهامات وأموراً غيبية، لكنه هذه المرة مزج بين الاثنين مستدلاً بمواقف شهيرة بعضها تاريخي وبعضها حاضر بين أيدينا، وإليكم مضابط الحوار:
* كم سعر جالون البنزين؟
(ضحك) أنا لا أشتري البنزين وممكن تسأل، لأن عربتي تسير (كدا بس).
* هذا سر يا بله الغائب؟
الحمد لله، فعلاً في سر.
* معجب بأشخاص بعينهم، والبعض يكرههم جداً؟
? شوف هذا البعض الذي ذكرته هم المغرضون، أنا معجب شديد بالبشير وأيضاً بأيلا الذي جعل الجزيرة تنافس الخرطوم، وبمولانا أحمد هارون والدكتور عبد الحميد موسى كاشا وصلاح قوش، فهؤلاء الرجال لو جاء عليهم أربعة بس زيهم، السودان دا حيتقدم ويتجاوز غيره من البلدان المجاورة.
* إذن أنت من دعاة أن تكون السلطة مطلقة بيد أشخاص محددين؟
? تقصد شنو؟، لو قصدك عمر البشير ياخ هذا الرجل عمل أشياء في السودان مفروض الشعب كله والمثقفين والمستنيرين يطلعوا الشارع في استفتاء ليكون البشير رئيس للأبد زي ما عمل الرئيس الصيني.
* لكن لدينا انتخابات في 2020م الفصل فيها للصندوق؟
طيب، أنا أقسم إليك بالله العظيم (ثلاث مرات) بما أعطاني الله البشير سوف يترشح ويفوز فوزا كاسحا، وهذه النقطة التي لم أكن أريد الحديث فيها، لكن إنت (زريتني) ووقعت ليك في الشبكة (ضحك).
* ولو?..؟
? (مقاطعاً بغضب)، لا يمكن، إلا الطابور الخامس والعملاء، لكن الشعب السوداني كله مع البشير ولو لم يحدث هذا على السلطة التي تأتي بعده محاكمتي بالردة، وأنا موافق.
* تبدو واثقاً؟
واثق تماماً، هذا الرجل فيه خير كثير ويمكن أن يخدم البلد، ونحن لو ما متأكدين من أنه فيه خير للبلد كان والله طيرناه بعد (48) ساعة بس.
* مُصر على نفي حق الآخرين في المنافسة؟
من هم الآخرون الذين تقصدهم؟ لو الأحزاب السياسية أقول لك بصدق لا توجد أحزاب بتاتاً وشوية الشرذمة الموجودين دول، هؤلاء (منتفعون ساي)، وكان ما عمر البشير رجل طيب وود ناس مفروض ما يكون هنالك شيئاً اسمه حزب، لأنهم عمرهم ما خدموا السودان إنما ظلوا يخدمون في أجندتهم بس.
* متى كانت آخر مرة غضبت فيها؟
ياسلااااااام، هذا موقف الله ما أعاده، تخيل يوم ذهاب عمر البشير لجنوب أفريقيا العام الماضي وحين طلعت تلك الشائعة المشئومة في ذلك اليوم أنا غضبت غضباً شديداً وطلعت من بيتنا في سوبا واتجهت لأبوحجار بولاية سنار وهنالك ذهبت لشيخ يدعى الأغبش وهو رجل ظل جالساً في مكان واحد لمدة (80) سنة وقد جلست معه لمدة ثلاثة أيام ولم أرجع حتى عاد الرئيس للبلد.
* هل أنت مقصود من جهة ما؟
جهات كثيرة لأنهم فاكرين أنا الواقف مع عمر البشير، وفعلاً أنا واقف ما مع الإنقاذ ورجالها كلهم بل واقف مع عمر البشير فقط لأنه رجل صالح وسوف يقود السودان لخير كثير قادم.
*هل أنت مسامح؟
ياخ أنا شعاري المسامح كريم، لكن من يعتدي علىَّ والله بطرشق براهو خلال (48) ساعة فقط.
* الوضع فات الحد يا شيخ بله؟
هذا ليس من عمر البشير كما تقصد (ضحك) دا كلو من ناس الأحزاب، ياخ ديل جابوا مليارات الدولارات من الخارج وشغالين بها خراب في البلد من الداخل، لأن هؤلاء الخونة لم يستطيعوا اقتلاع عمر البشير بالحرب ولهذا سلكوا طريق التضييق على المواطنين في معاشهم، وأقول لك بوضوح، سبب أزمة الوقود الحاصلة دي منهم وسبب غلاء السلع دا كلو من الأحزاب، والله لو ما أساليبهم الملتوية دي كان البلد هسي فاتت غيرها في كل شيء وكان الآن الرخاء عم الجميع، ولعلمك هذه الحرب هي الحرب الباردة تقودها الأحزاب ولابد من دحرهم وتشريدهم في أسرع وقت عشان البلد دي تمشي لقدام.
* هل تعرف عدد هذه الأحزاب التي تكُن لها هذه الكراهية يا شيخ بله؟
أعوذ بالله، تتخيل هؤلاء عددهم (98) حزبا، والله أنا أستغرب لماذا تم السماح لهم جميعاً بالعمل، ياخ (98) حزبا دا غير موجود في كل بلدان العالم إلا عندنا هنا في السودان، والمؤسف من كل حزب جاء وزير، بس فكر معي كم يكلف هؤلاء جميعاً خزينة الدولة؟!
وأنا بسأل ماذا قدم هذا العدد من الوزراء للمواطن السوداني غير الفقر لأن كل واحد منهم محتاج لخمس عربات على الأقل، هنالك عربة للخضار وعربة لترحيل الأولاد وعربة لزوجته، وعربة له هو تنقله للعمل.. إلخ، هذا إسراف وأن المسرفين إخوان الشياطين. والمُضحك حقاً هل تعلم مافيش حزب واحد من الأحزاب هذه كلها لديه (300) شخص يؤيدون، يا ابني هذه الأحزاب لو أحدها عمل ندوة اقسم لك بالله لن يبلغ عدد الحضور (300) شخص، اسم حزب بس لكن بدون أتباع، وهل تتخيل أي لقاء لعمر البشير بحضروه آلاف الناس من كل الأعمار.
* هل تذكر يا شيخ بله الغائب أن هذه الأحزاب تنتظر انتخابات 2020م بفارق الصبر؟
يا ابني أنا قلت إن عمر البشير سوف يكمل (31) سنة و(25) يوما، وبعد هذه المدة سوف يترشح البشير مجدداً وسيفوز فوزا كاسحا، وإن أردتم أن تنفذوا بغير سلطان، فانفذوا.. كما في معنى الآية..
* المصلحة يا شيخ بله تجعل البعض قريباً من الحكام؟
لا حول ولا قوة إلا بالله، تقصد أنا بكسر تلج عشان مصلحة أحصل عليها من شخص معين؟ والله أنا بريء من ذلك ولعلمك كل العربات والأموال التي توزع على المتملقين وأصحاب الوظائف الوهمية، نبرئ أنفسنا منها أمام الله، وداك بيتنا لسة جالوص والحمد لله ما محتاجين لينا لزول يدينا إطلاقاً.
أنا أستغرب البلد فيها عشرات المستشارين وما قاعدين يقولوا رأيهم في الحاصل الذي نتج عن تدخل ناس الأحزاب وعرقلتهم لخطط البشير التي كان يسعى من خلالها لتقديم الخير للناس.
* ما هو الحل في نظرك؟
على عمر البشير شد اللجام شوية، لأن الذي نتج عن الأزمات المتلاحقة الأخيرة كشف بعض المندسين، وأوضح أن هنالك أناسا يقفون خلفها وأكثرهم من ناس الأحزاب السياسية ولهذا يجب الانتباه لهم، وإيقافهم عند حدودهم حتى لا تتضرر البلد، يا ابني هؤلاء عسل عمر البشير في خشومهم ويعضوا في يده.
* لم نرك يا شيخ بله مشاركاً الصوفية حتى حين يقدمون دعمهم للرئيس كما حدث في وثيقتهم الأخيرة التي طالبوه فيها بالترشح، لكن لم تكن ضمنهم؟
هم أصلاً تعبانين ليه؟ نحن قلنا دا هو الذي سوف يحصل، والبشير مترشح مترشح مترشح رغم أنف كل الأعداء وناس الأحزاب، لأن هذا السودان لو فقد البشير سوف يضيع شمار في مرقة وعشان كدا البشير ما عنده طريقة ولازم (الكوجنو دا يعوسو).
* لكن الحروب لم تنته بعد؟
مين القال ليك توجد الآن حروب؟، يا ابني دي تجارب منهم فاشلة وما بقدروا يقلعوا عمر البشير وأنا أقول لهم ما تقومون به من حروب هو عبارة عن (فسوة سكران) لا يودي ولا يجيب وحقكم ترجعوا لرشدكم.. واللهم إني قد بلغت فاشهد.
اليوم التالي
للأسف الشديد إن اللوم لا يقع على بلة الغائب أو بلة الحاضر ، بل يقع على من أجرى الحوار معه ومن يقرأ مثل هذه الخزعبلات .
أفيقوا يا ناس ، الدول لا تتقدم وتتحضر بالكلام والمقالات والحوارت، بل بالعمل الجاد ومساهمة شعوبها بسواعدها وأموالها .
ليس البشير وعصابته هم المسؤولين عن تدهور البلاد وحدهم، بل الشعب أيضا مساهم في ذلك، وبالأخص نحن المغتربين عنه.
كفاية جلوس خلف الكي بورد لكتابة المقالات والتعليقات والإنتقادات يرحمكم الله، إتحدوا لبناء الوطن إن كنتم تحبونه مثل ما تحب شعوب العالم دولها.
ههههههة..ههههههة…ههههههة…و الله جد كلامك صاح… عمر البشير فعلاً فسوة سكران ..عشان كدا قعدت السنين الطويلة دي..هههه ..ياخي أنا غيرت رأي فيك أنت جد راجل حكيم
طيب لو إنتو بتقدروا تطلعوا البشير من المحن والكوارث!! شوفوا الشعب شوية, طلعونا من دوائر الجوع والعطش والفقر والغلاء, ولا خدمة الشياطين للشياطين؟. وكمان ضامن الحياة للبشير لحدي ٢٠٢٠ خاف الله.
أنا أقول لهم ما تقومون به من حروب هو عبارة عن (فسوة سكران)
اوسكار يا شيخنا
ياخي الواحد ضحك لمن إتفنقل
هذه مهزلة استهتار بعقولنا يجب جلد هذا البله والصحفي وإيقاف الصحيفة الله وحده هو الذي يعطي الحكم وينزع الحكم فهذا رجل دجال يجب إقامة الحد عليه
هذا الرجل يجب ان يوقف عند حده الذي نص عليه الشرع فهذا الرجل يروج لفكر منافي للتوحيد
كسير تلج ابو لستك … اذن العود جاهز يا بلة بتاع الشواطين .. اختار ليك عود ما زى حق القذافى ﻻنه البشير عوده محجوز .
عربيتك بتمشى بدون بنزين ؟!!! اليابان ما صنعت عربية زى دى لسسسة — دى مصنوعة فى جياد نصر شهادة ؟!!
( الحرب الباردة تقودها الأحزاب ولابد من دحرهم وتشريدهم في أسرع وقت ) … نشوف يا صاحب جهاز اﻻمن وتعليماته لوضع المساحيق على المكعوج افكارا وارجل .. اوووعك تقوم جارى حنلحقك انت وشواطينك ( وﻻ يفلح الساحر حيث اتى ) .. واوعك تقول الكلام دة انا ما قلتو بل ديل ناس اﻻمن قالوا لى قول كدة … تنكره حطب حتلقى الحطبة جوووة لمن تشهق يا ود ام زقدة … عشان نوريك الشيوخ الجد يا باطل .. مفتكر نقفسك بتغشنا بالشواطين ؟!! هم لو الشواطين كانوا ناجحين ما كان البشير وصل للمرحلة دى .. جاب كل سحرة الدنيا من هنود وافارقة وعرب وكجور ومااا نفع .. وسيظل من ازمة ﻻزمة لحدما نخشش عودنا .
كلامك دة قولوا لزول شحاد زيك … انتخابات فى عينك
رحم الله راسبوتين..
ويابله يوسف الرمالي وعمده ايدذ حكوا لي حكاياتك..
خلي الضلال والافك البتعمل فيه
خلاصة كلام الصحفي والدجال الكذاب بلة الغائب فسوة سكران!!
إنتو ناس فايقين ما عندكم موضوع!! بلة الغايب و بلة الحاضر!! بالله دي شخصيات تعملو معاها حوارات و تزحمونا بي الخزعبلات البيقولوها؟
يا محمد عبد الباقى ارجوك أن تبعد عنا هذا القذر و الأذى بعيدا. حديث شركى مقرف يُنزل من فمه بولاً و برازاً و حيضاً و صديداً أرجوكم ريحوا البلد دى شوووية من الشركيات و الكفريات و الكلام الما راكب عدلو.
طيب يا عمك بلة ما تجتهدوا شوية وتلغوا قرار الجنائية دا مرة واحدة.
محن والله .. قال بلة الغايب قال.
قال 31 سنة 25 يوم (ونضيف من عندنا) وثلاثة دقائق ونصف ثانية) اعوذ بالله ؟
المؤسف بله انسان جاهل بالدين وجاهل بالدنيا وشكله ما مريح زي بعض الصوفية القاعدين في مسايدهم لا ليهم بالعير ولا بالنفير ويعبدون الله بطريقتهم اما بله لا لحية وشكله مخلوع مخلوع.
ونقول لي بله ان الأحزاب الكثيرة التي تذكرها هي من تأسيس البشير وليس من غيره وان أحزاب عبود جابر التابعة للبشير 58 حزب وان الذي قسم حزب الامة الى سبعة أحزاب هو البشير وان البشير نفسه عنده حزب وعنده حركة إسلامية فيها عدة أحزاب متصارعة
وان الذي قسم الاتحاديين هو البشير يعنى الأحزاب دي كلها الشايفها وصاب عليها جام غضبك دي من تأسيس البشير.
وما في رئيس دولة في العالم الان بقى في كرسي الحكم 31 سنة ولا من العدل والحكمة ان يبقى رئيس بهذه المدة يا بلة الغائب المغيب واذا كان 30 سنة ما جابت خير تاني الخير يجي من وين
أمثال هؤلاء الأشخاص يجب ان لا يعمل معهم لقاءات صحفية لانهم يضللون الناس .
بعد الاتهام الخطير من احد رموز النظام المتمثل في بله الغائب والذي وصف فيه نضال وحروب التمرد (بفسوة سكران) فاننا نحن القادة الميدانيين لحركات التمرد نعلن باننا قد قررنا رفع حالةالتاهب الي (زرطة سكران)….الناطق الرسمي باسم التمرد
صدق شيخا بله الغائب
دة بلة الغائب بتاع الدبايب ولا زول تاني
يا محمد عبد الباقي انتا تعبان ساي
هذا الرجل كضاب وفاشل حتي كساحر
اسأل عنه من يعرفوه جيداَ
بلة شنو وكلام شنو مفاتيح الغيب جميعها بيد الله والله لا يعلمها الا رب العرش العظيم قوم امشي الحمام يا نجس والله نؤمن بالقران ان الغيب عند الله فقط
الي صحيفة الراكوبة ان استمر هذا الهزل من الصحفي التافه بنشر هذه التفاهات علي موقعكم فهي مشاركة من صحيفة نحترمها في جهل هذا الصحفي الذي ينقل إلينا اخبار الدجل التي لا تناسب لا عقل ولا دين. وكل الشعب يسئل البلد مالها دون العالم راجعة خلف. ان كان هذا صحفي ينشر هطل دجال . لماذا لم يطلب الصحفي الهمام من الدجال رفع اسم السودان من قائمة الاٍرهاب و دعم الجنية السوداني مقابل الدولار. وعمل جلب للمستثمرين الأجانب يستثمرو في السودان. وارسال قوات جنية مدعومة بصواريخ شيطانية لتحرير حلايب والفشقة. ويشرط محاية في النيل تشفي كل السودانيين الذين اضناهم المرض. ويوقع مع شركة الجن للنقل وينقل لينا بترول الخليج. ولا جنه تخصص تعرضة للسلطان فقط.
جزء كبير من مشكلة السودان الايمان بالاساطير والايمان بالمشعوذين امثال هذا الافاق
النبي الكريم عليه السلام قال (كذب المنجمون ولوصدفوا) صدفوا بالفاء مش بالقاف , يعني لو صادف كلامهم الحقيقة. معنى كلام بله أن البشير يحكم 31 سنه و25 يوم يعني يفوز بانتخابات 2020 بكده يكون كمل 31 سنه بعدين يحكم 25 يوم ويموت أو ينقتل أو يروح في داهية, آمين. لكن حكاية الراجل القاعد في كرسي 80 سنة دي قوية شوية وعربيته البتمشي بدون بنزين وبيته الجالوص وحبه للإنقاذ ورجالها وتحليله للمجاعة واسبابها تنم أن الرجل إما ممسوس أو منافق أو مجنون سمها ما شئت لأن ما في مجنون ما بيرضى ببقاء الإنقاذ.
امبارح القريبة دي يا بلو اقول ليك الصنف دا ردئ غيرو تمشي تصقع باوسخ وأرخص منو وتجي تفضحنا قدام الناس بجنس فسوه سكران والكنجو دا ؟
يا راكوبة دا شنو الكلام الفاضي دا
اي شي متعلق بالوهمي دا ما تنزلوا لينا هنا رجاء
دعاية انتخابية للبشير وسط شعب اغلبه جاهل لايعرف معنى التوحيد ولامعنى الايمان ارجعوا يا ا مة الى ربكم ووحدوه حق التوحيد حتى يرفع عنكم هذا البلاء واعلموا ان الله مثلما قال سبحانه لايغير ما بقوم حتى يغيروا ما بانفسهم ونحن للاسف منحدرين الى الاسوأ فى علاقتنا مع الله سبحانه وتعالى فى تصديقنا لهذه الخزعبلات التى لايعلمها إلا هو لذا فلنبشر بلاسوأ وسوف ترون ليس علما بالغيب ولكن وعدا من الله الذى قال (ومن اعرض عن ذكرى فإن له معيشة ضنكا ونحشره يوم القيامة اعمى ) اتركوا هذا الدجال الغائب وابحثوا عن امور دينكم الصحيحة حتى يرفع الله عنكم هذا العذاب .
انت وكت خطير قدر ده خليك من الكلام الفاضي بس نزل لينا الدولار لي 6 جنيه…
والله كان ياها دي المعارضه العايزه تحكم
وخاتين رئيسها الصادق المهدي
فأبشر بطول سلاامة يالبشير
قال كنا طيرنا خلال 48 ساعة ؟؟؟ يعني البحصل ده كلووووو عاجبك ؟ في هذه فأنت واحد من اتنين إما أنك مستفيد من هذا النظام مثل كثير من المستفيدين أو إنك لاتفهم مايجري في البلد وأنت عائش فيها . ثم إنك يابله الغائب كنت راجل محترم في نظر الكثير من الناس الدخلك هنا شنو عشان تمدح البشير بمديح هو زاتو غير مقتنع به وتسعين في ال 100 من الشعب السوداني يعرفون الحقيقة .
والله دائما اقول يما تكون مسطول او تسمع كلام المساطيل حكام و محكومين و على كل حال الحمد لله رب العالمين.
تطير عيشتك
ويبلك فى برميل بنزين ويولع فيك نار
عااااالم وهم
لعنة الله تغشاك والبشير وكل من سهل لك الظهور والحديث
للأسف الشديد إن اللوم لا يقع على بلة الغائب أو بلة الحاضر ، بل يقع على من أجرى الحوار معه ومن يقرأ مثل هذه الخزعبلات .
أفيقوا يا ناس ، الدول لا تتقدم وتتحضر بالكلام والمقالات والحوارت، بل بالعمل الجاد ومساهمة شعوبها بسواعدها وأموالها .
ليس البشير وعصابته هم المسؤولين عن تدهور البلاد وحدهم، بل الشعب أيضا مساهم في ذلك، وبالأخص نحن المغتربين عنه.
كفاية جلوس خلف الكي بورد لكتابة المقالات والتعليقات والإنتقادات يرحمكم الله، إتحدوا لبناء الوطن إن كنتم تحبونه مثل ما تحب شعوب العالم دولها.
ههههههة..ههههههة…ههههههة…و الله جد كلامك صاح… عمر البشير فعلاً فسوة سكران ..عشان كدا قعدت السنين الطويلة دي..هههه ..ياخي أنا غيرت رأي فيك أنت جد راجل حكيم
طيب لو إنتو بتقدروا تطلعوا البشير من المحن والكوارث!! شوفوا الشعب شوية, طلعونا من دوائر الجوع والعطش والفقر والغلاء, ولا خدمة الشياطين للشياطين؟. وكمان ضامن الحياة للبشير لحدي ٢٠٢٠ خاف الله.
أنا أقول لهم ما تقومون به من حروب هو عبارة عن (فسوة سكران)
اوسكار يا شيخنا
ياخي الواحد ضحك لمن إتفنقل
هذه مهزلة استهتار بعقولنا يجب جلد هذا البله والصحفي وإيقاف الصحيفة الله وحده هو الذي يعطي الحكم وينزع الحكم فهذا رجل دجال يجب إقامة الحد عليه
هذا الرجل يجب ان يوقف عند حده الذي نص عليه الشرع فهذا الرجل يروج لفكر منافي للتوحيد
كسير تلج ابو لستك … اذن العود جاهز يا بلة بتاع الشواطين .. اختار ليك عود ما زى حق القذافى ﻻنه البشير عوده محجوز .
عربيتك بتمشى بدون بنزين ؟!!! اليابان ما صنعت عربية زى دى لسسسة — دى مصنوعة فى جياد نصر شهادة ؟!!
( الحرب الباردة تقودها الأحزاب ولابد من دحرهم وتشريدهم في أسرع وقت ) … نشوف يا صاحب جهاز اﻻمن وتعليماته لوضع المساحيق على المكعوج افكارا وارجل .. اوووعك تقوم جارى حنلحقك انت وشواطينك ( وﻻ يفلح الساحر حيث اتى ) .. واوعك تقول الكلام دة انا ما قلتو بل ديل ناس اﻻمن قالوا لى قول كدة … تنكره حطب حتلقى الحطبة جوووة لمن تشهق يا ود ام زقدة … عشان نوريك الشيوخ الجد يا باطل .. مفتكر نقفسك بتغشنا بالشواطين ؟!! هم لو الشواطين كانوا ناجحين ما كان البشير وصل للمرحلة دى .. جاب كل سحرة الدنيا من هنود وافارقة وعرب وكجور ومااا نفع .. وسيظل من ازمة ﻻزمة لحدما نخشش عودنا .
كلامك دة قولوا لزول شحاد زيك … انتخابات فى عينك
رحم الله راسبوتين..
ويابله يوسف الرمالي وعمده ايدذ حكوا لي حكاياتك..
خلي الضلال والافك البتعمل فيه
خلاصة كلام الصحفي والدجال الكذاب بلة الغائب فسوة سكران!!
إنتو ناس فايقين ما عندكم موضوع!! بلة الغايب و بلة الحاضر!! بالله دي شخصيات تعملو معاها حوارات و تزحمونا بي الخزعبلات البيقولوها؟
يا محمد عبد الباقى ارجوك أن تبعد عنا هذا القذر و الأذى بعيدا. حديث شركى مقرف يُنزل من فمه بولاً و برازاً و حيضاً و صديداً أرجوكم ريحوا البلد دى شوووية من الشركيات و الكفريات و الكلام الما راكب عدلو.
طيب يا عمك بلة ما تجتهدوا شوية وتلغوا قرار الجنائية دا مرة واحدة.
محن والله .. قال بلة الغايب قال.
قال 31 سنة 25 يوم (ونضيف من عندنا) وثلاثة دقائق ونصف ثانية) اعوذ بالله ؟
المؤسف بله انسان جاهل بالدين وجاهل بالدنيا وشكله ما مريح زي بعض الصوفية القاعدين في مسايدهم لا ليهم بالعير ولا بالنفير ويعبدون الله بطريقتهم اما بله لا لحية وشكله مخلوع مخلوع.
ونقول لي بله ان الأحزاب الكثيرة التي تذكرها هي من تأسيس البشير وليس من غيره وان أحزاب عبود جابر التابعة للبشير 58 حزب وان الذي قسم حزب الامة الى سبعة أحزاب هو البشير وان البشير نفسه عنده حزب وعنده حركة إسلامية فيها عدة أحزاب متصارعة
وان الذي قسم الاتحاديين هو البشير يعنى الأحزاب دي كلها الشايفها وصاب عليها جام غضبك دي من تأسيس البشير.
وما في رئيس دولة في العالم الان بقى في كرسي الحكم 31 سنة ولا من العدل والحكمة ان يبقى رئيس بهذه المدة يا بلة الغائب المغيب واذا كان 30 سنة ما جابت خير تاني الخير يجي من وين
أمثال هؤلاء الأشخاص يجب ان لا يعمل معهم لقاءات صحفية لانهم يضللون الناس .
بعد الاتهام الخطير من احد رموز النظام المتمثل في بله الغائب والذي وصف فيه نضال وحروب التمرد (بفسوة سكران) فاننا نحن القادة الميدانيين لحركات التمرد نعلن باننا قد قررنا رفع حالةالتاهب الي (زرطة سكران)….الناطق الرسمي باسم التمرد
صدق شيخا بله الغائب
دة بلة الغائب بتاع الدبايب ولا زول تاني
يا محمد عبد الباقي انتا تعبان ساي
هذا الرجل كضاب وفاشل حتي كساحر
اسأل عنه من يعرفوه جيداَ
بلة شنو وكلام شنو مفاتيح الغيب جميعها بيد الله والله لا يعلمها الا رب العرش العظيم قوم امشي الحمام يا نجس والله نؤمن بالقران ان الغيب عند الله فقط
الي صحيفة الراكوبة ان استمر هذا الهزل من الصحفي التافه بنشر هذه التفاهات علي موقعكم فهي مشاركة من صحيفة نحترمها في جهل هذا الصحفي الذي ينقل إلينا اخبار الدجل التي لا تناسب لا عقل ولا دين. وكل الشعب يسئل البلد مالها دون العالم راجعة خلف. ان كان هذا صحفي ينشر هطل دجال . لماذا لم يطلب الصحفي الهمام من الدجال رفع اسم السودان من قائمة الاٍرهاب و دعم الجنية السوداني مقابل الدولار. وعمل جلب للمستثمرين الأجانب يستثمرو في السودان. وارسال قوات جنية مدعومة بصواريخ شيطانية لتحرير حلايب والفشقة. ويشرط محاية في النيل تشفي كل السودانيين الذين اضناهم المرض. ويوقع مع شركة الجن للنقل وينقل لينا بترول الخليج. ولا جنه تخصص تعرضة للسلطان فقط.
جزء كبير من مشكلة السودان الايمان بالاساطير والايمان بالمشعوذين امثال هذا الافاق
النبي الكريم عليه السلام قال (كذب المنجمون ولوصدفوا) صدفوا بالفاء مش بالقاف , يعني لو صادف كلامهم الحقيقة. معنى كلام بله أن البشير يحكم 31 سنه و25 يوم يعني يفوز بانتخابات 2020 بكده يكون كمل 31 سنه بعدين يحكم 25 يوم ويموت أو ينقتل أو يروح في داهية, آمين. لكن حكاية الراجل القاعد في كرسي 80 سنة دي قوية شوية وعربيته البتمشي بدون بنزين وبيته الجالوص وحبه للإنقاذ ورجالها وتحليله للمجاعة واسبابها تنم أن الرجل إما ممسوس أو منافق أو مجنون سمها ما شئت لأن ما في مجنون ما بيرضى ببقاء الإنقاذ.
امبارح القريبة دي يا بلو اقول ليك الصنف دا ردئ غيرو تمشي تصقع باوسخ وأرخص منو وتجي تفضحنا قدام الناس بجنس فسوه سكران والكنجو دا ؟
يا راكوبة دا شنو الكلام الفاضي دا
اي شي متعلق بالوهمي دا ما تنزلوا لينا هنا رجاء
دعاية انتخابية للبشير وسط شعب اغلبه جاهل لايعرف معنى التوحيد ولامعنى الايمان ارجعوا يا ا مة الى ربكم ووحدوه حق التوحيد حتى يرفع عنكم هذا البلاء واعلموا ان الله مثلما قال سبحانه لايغير ما بقوم حتى يغيروا ما بانفسهم ونحن للاسف منحدرين الى الاسوأ فى علاقتنا مع الله سبحانه وتعالى فى تصديقنا لهذه الخزعبلات التى لايعلمها إلا هو لذا فلنبشر بلاسوأ وسوف ترون ليس علما بالغيب ولكن وعدا من الله الذى قال (ومن اعرض عن ذكرى فإن له معيشة ضنكا ونحشره يوم القيامة اعمى ) اتركوا هذا الدجال الغائب وابحثوا عن امور دينكم الصحيحة حتى يرفع الله عنكم هذا العذاب .
انت وكت خطير قدر ده خليك من الكلام الفاضي بس نزل لينا الدولار لي 6 جنيه…
والله كان ياها دي المعارضه العايزه تحكم
وخاتين رئيسها الصادق المهدي
فأبشر بطول سلاامة يالبشير
قال كنا طيرنا خلال 48 ساعة ؟؟؟ يعني البحصل ده كلووووو عاجبك ؟ في هذه فأنت واحد من اتنين إما أنك مستفيد من هذا النظام مثل كثير من المستفيدين أو إنك لاتفهم مايجري في البلد وأنت عائش فيها . ثم إنك يابله الغائب كنت راجل محترم في نظر الكثير من الناس الدخلك هنا شنو عشان تمدح البشير بمديح هو زاتو غير مقتنع به وتسعين في ال 100 من الشعب السوداني يعرفون الحقيقة .
والله دائما اقول يما تكون مسطول او تسمع كلام المساطيل حكام و محكومين و على كل حال الحمد لله رب العالمين.
تطير عيشتك
ويبلك فى برميل بنزين ويولع فيك نار
عااااالم وهم
لعنة الله تغشاك والبشير وكل من سهل لك الظهور والحديث