البشير : خصومنا يريدون تحويل حملة مكافحة الفساد، إلى حملة للادعاءات الكاذبة، والاغتيال المعنوي للقيادات، والبرلمان.

Yes omer Albashir most sudanese people are ungrateful ..they are jealous cause you are the beast of the beast …where is corruption .everything is available …those people are knuckle head …if they lose you they will regret…

لسه بقول شبهة وقد ازكم الفساد الانوف والبعض من القياديين رفضو مراجعة المؤسسات التي يديرونها والبعض منهم طلب مهلة للسداد حتى البشير نفسه متورط في قضية الفسادوهو يتكلم كأنها بعيد عنه وهو غرقان لخصم قدميه في الفساد

سيدى الرئيس أبعدنا وأبتعد عن بؤرة الشك …
الروابط:

http://www.alrakoba.net/articles-action-show-id-19673.htm

البشير دا واضح انه رجل مستفز و دلوكة هو اكبر حرامي وإخوانه سماسرة وتافهين ورجال اخواته أسواء من العفن .. وخاله وابناء خاله وابناء إخوانه .. اسرة ابتلي الله بها السودان.. نسال الله ان يريحنا منهم.. علي اي فساد يتكلم الرجل سكر النيل الابيض ومديره حسن ساتي الامنجي الجبهجي الاخطبوط.. ام الأقطان وفضحية مديرها الجبهجي عابدين المتورط ام هاي كوم المملوكة ل علي حسن احمد البشير وادم التقلاوي جبهجي السعودية الذي تقاضي عمولة خمسة عشر مليون دولار التي نشرت مستنداتها الراكوبة قبل يومين في موضوع الحكومة الالكترونية.. اما فضايح زوجته وداد وسفرها وشرائها للفلل في دبي.. العفن يزكم الأنوف وما ذكرته قليل من كثير جله مرصود..والحساب ات وانتم ليس أقوى من القذافي ومبارك وبن علي وبقية الشلة من الحكام الفاسدين ونبشرك بانك واسرتك دخلتم مزبلة التاريخ من أوسع أبوابها .. وسوف يذكركم الشعب السوداني بانك افسد حاكم يمر علي السودان منذ الاف السنين 

من ساسها لى راسها لغف مصلح – الجماعة الكبار (والصغار) جوا أباطهم والنجم بقوا فوق لى النجم// قال مكافحة فساد قال// هو فضل فبها حاجة تتلغف // ما نشفتوها والرماد كال حماد!

بالله ؟ كدي أول حاجة رجع الـ 9 مليار دولار اللغفتهامن قروش البترول ليتم صرفها على الصحة والتعليم وخلي قادة المؤتمر الوطني الحرامية يرجعو الفلوس للبلد. وأرجع لبيت الطين بتاعك في حوش بانقا وتخلى عن المزارع والعمرات البنيتها يا حرامي يا (مجرم حرب).وسلم نفسك لمحكمة الجنايات الدولية ومعاك نافع وأبو ريالة وهارون بعدين نتفاهم.

يا سيادة الرئيس عفوا ان الفساد موجود ومنتشر ولا يحتاج لبرهان لذلك نرجو عدم تجاهل هذا الموضوع – اعني الفساد – لأن في هذا الكلام تقوية لرموز الفساد في البلاد وليزدادو فسادا وكلنا نعرف بعضنا البعض وخاصة في مجتمعنا السوداني الضيق ولا يمكن ان تقنعني بأن محمد احمد جاري والذي يعمل موظفا براتب بسيط اصبح يملك عمارة من عدة طوابق ويركب احسن السيارات ونحن في محلك سر هذا بالنسبة لصغار الموظفين وما ادراك ما يحدث من الكبار فلا تسكت عن هذا الامر لانك راعي هذه الامة ومسئول عن ما يحدث فيها فكن قدر المسئولية وقم بواجبك او تنحى بكل شجاعة واترك المسئولية لمن يقدر عليها وليس لمن يسكت عن الفساد المنتشر في بلده وينكر هذا الامر ارجوك ان تفكر الف مرة قبل ان تصرح بمثل هذه التصاريح لاننا نعرف الكثير المثير وشكرا.

الا علام هو عين المواطن التى يرى بها فساد النظام اكان الاعلام كزاب القضاء هو الفصل والا اتو حراميه

انتو عفنتو بكثرة الفساد نعلة الله عليكم

يابشبش انت فاسد من راسك وحتى اخمص قدميك والحاجة دي فاحت في السطح ولو ما الشعب السوداني دا شعب كل حكومة وشعب مغفل ما كان سوط ليكم في الانتخابات دي حقيقة الشعب الوصلتوهو لمرحلة من الجوع والخوار ما يعلم بيها الا الله لكن الظلم ليلته قصيرة وقصيرة جدا انت فاسد ومرتك وداد دي كان النسوان بيقولو ليها يدك في العجين وكرعينك في الطين لانو في الخريف بتجي الموية تخش في راكوبتها اليلا وبقدرة قادر اصبحت مليونيرة واخوانك الاتنين حرامية ووووو بس الشعب اصابتو نوع من التمشي على الظلم والفساد لدرجة الواحد بقى يقول اي زول لو مسك كان حيعمل كدا انا عرفت ليه الشعب السوداني ما حيثور لانو معظم السودانيين بفترضو في نفسهم انهم حرامية ولو حكموا كان حيكونو حرامية يا خسارة شعب كل حكومة زمان عبود رحمه الله بعد شالوهو دخل السوق شالوهو الخضردجية ولفو بيهو السوق كلو ضيعناك وضعنا وراك ياعبود وملو ليهو عربيتو خضار مجان لوجه الله اليلا وين نحن من دا كلو ونميري كان حكاية تانية اسوا شيء يجي واحد جاهل يقارن ليك بين عبود ونميري والرقاص اب كرشة الحاقد دا القلبو اسود ووشو صاري طبيعي ياحليلك يا اب عاج )) الحكمة دي خلت الشعب نوعين نوع مسلوب هوية ومجنون والنوع التاني ضللة وحرامية وتوابع ووسخ وفطايس

وتعهد البشير لدي مخاطبته، أمس، فاتحة أعمال دورة الانعقاد الخامسة للهيئة التشريعية القومية ببسط العدل وتقوية الأجهزة العدلية وتبنى الشفافية ومكافحة الفساد، بشتى صوره وألوانه، وعدم التفريق بين فساد المؤسسات أو الأفراد أو الفساد الناتج عن خلل القوانين أو الإجراءات، حتى ينعم الشعب السوداني بحياة آمنة طاهرة، مبرأة من كل أشكال الضعف والقصور.

ياراجل !!! بالله عليك !!! يا خي مابصدق !!!

بعد 23 سنة يادوب صحيتوا من نومكم !!!

ياخي دي فاتت نومة اهل الكهف !!!

بعدين ليه في الوقت دة بالذات ؟؟؟؟

اللبيبً بالاشارةِ يفهمً !! وصاحب العقل يميِّز !!

اما (فبني كوز) ففي غيِّهم وطغيانهم يعمهون !!!!!

البشير يكذب ويتحري الكذب حتي يكتب عند الله كذابا

الراجل دا خرف والله شنو – بلاش الكلام عن اموال وداد واموال اخوان فاطمة وبلاش اموال اخوانه وما اعترف به من املاك وبلاش قصة (مثلث حوش بانقا في بحري ) نسى كلامو عن أموال الإنقاذ الغربي ( وعاملوا بيهم الله) ? نسى سوق المواسير (وشعار سبدرات تلتو ولا كتلتو ) نسى انو سلم بنفسه (التيار) وثائق فساد الأقطان – نسى تقرير التقاوي الفاسدة وكلام المتعافي أن التقرير سيطيح برؤوس كبيرة – حقيقة الاختشوا ماتو

طيب سؤال بسيط لو ما في فساد وكل ما يثار كلام جرايد وبهتان وإغتيال معنوي كما تقول وين راحت قروش البترول والجبايات والضرائب والجمارك خلال 23 سنة؟؟ وهل كل الذين حولك ومعك من بطانتك الذين كانوا في أدنى السلم الإجتماعي والإقتصادي أصبحوا أصحاب مليارات وفنادق في أرقى منتجعات العالم وأصحاب شركات عالمية بدون فساد.. يعني جابوا الحاجات دي من وين……… يا رجل إتقي الله وإحترم عقولنا

كون كل أفراد عائلة رئيس الجمهورية يتقلدون مناصب رسمية رفيعة وحده كافي لإثبات الفساد دع عنك ما يملكونه ومآل حالهم من البؤس إلى النعيم والنغنغة أمال كافوري التي تحولت لحوش بانقا دي وقعت من السما يعني

إن نفي كل ما يثار وعدم الإعتراف بجزء من الحقيقة هو أكبر إثبات بأن الفساد منهجي ومنظم ومتفق عليه وكمان موزع بين أفراد الحزب الحاكم

فى المقارنة بين الكافر مسيلمة الكذاب و أمير المسلمين عمر البشير: الكافر مسيلمة يكذب على الناس و أمير المؤمنين البشير يكذب على الناس وعلى نفسه و يصدق كذبه.

بالمناسبة انجوتي برطانتنا الحلفاوية يعني ولد الخال و المغزي من الاسم معروف نفط سطر و نبدا السطر التاني الفساد و ما ادراك ما الفساد اخونا الصحفي القرنتي ابو كرش امام محمد امام كما قال اخونا نص صديري سكتوه بقطعة ارض في الجزيرة فاكيد منو البنقل كلام البشير غيرو زيما هو و بدون تعليق حتى من جانبه نشوف السطر التالت البشير قال نحنا مستهدفين من خصومنا سبحان الله السودان بلد التسامح و الناس السمحة الرئيس بقول فيهو خصومة و خصوم ياخي ما في ناس غيركم جابوا ثقافة الخصومة في البلد و الخيار و الفقوس و سياسة التمكين و الولاء قبل الكفاءة و التي اعترف بها البشير نفسه انه سوف يكون التمكين بعد الان للشعب السوداني و ليس لفئة معينة بعد شنو يا ريس بعد كتلتو الدجاج او الجداد على قول اهلنا و خميتو بيضو و على منو يا ابو جاغومة و هذا هو لقبه بين وزرائه اصحاب الحظوة و خاصة الحرامي بالقانون سبدرات و لا كيف يا سبدرات اظن انت و الريس عارفين قصة النياق اللي اصدرتوا ليها استثناء من القرار الجمهوري بمنع تصدير النياق ( اناث الابل ) بمبلغ تافه شديد بس 50 مليون جنيه رشوة نصيب الريس منها كان 30 مليون و سبدرات و بكري عشرة عشرة و دي عارفها القاصي و الداني بالله تفاهة اكتر و فساد اكتر من كدا شنو يا ريس و لا كيف ..
السطر الرابع براهو ابو جاغومة اعترف بعضمة لسانو انو عندو مزرعة في السليت و وصفها بالنموزجية و معلوم ان تربة السليت فقير جدا غذائيا و دا بيعني انو مزرعة الريس بتنتج الخضار و المحاصيل بتكلفة عالية جدا فكيف يقول بتجيب ليهو تلاتة اضعاف مرتبو الا لو الانتاج بيبيعوه لرئاسة الجمهورية و القصر و الوزارات طبعا الانتاج فيهو بركة البشير و كمان قال بيت في الطائف و شقة في مجمع ما بعرفوا شنو و بيت تاني دي براءة ذمتو في اللقاء التلفزيوني المباشر على كل قنوات السودان الفضائية طيب انجوتي بيسال القانون بيقول الاعتراف سيد الادلة و انت قلتها بلسانك و نحن بنسال من اين لك الملايين لشراء هذه العقارات و المنقولات و ارجع لسنة 1989 سنة الشوم الجيتو فيها شوف صورك كانت كيف و انت كان عندك شنو الوقت داك انت و اهلك كلهم و اخوانك طبعا اخوك الطبيب لواء او اللواء طبيب ما فارقه كتير كان في المنطقة الشرقية بالسعودية مغترب زينا كدا يعني ما كان قادر يبني بيت عادي و لا يساعدك مما يعني انكم كنتو اسرة فقرانه زينا كدا من وين جبت القروش دي يا عمر .. عارف سيدنا عمري الخليفة العادل عمل لسيدنا ابو هريرة شنو لما رجع من البحرين و هو غرقان في الديباج و الحرير سالوا من اين لك هذا قال اهدوني ليهو في البحرين قال ليهو اما جلست في منزلك و اهدوك الديباج فلترجع كل هذه الي بيت مال المسلمين و عزله ليه لانو اثار النعمة ظهرت عليهو ما يعني انو ميزان العدل اختل عند سيدنا ابو هريرة و هو اكثر من روى عن سيدنا رسول الله و دا بيعني انو كان المقرب من سيدنا رسول الله صلى الله عليه و سلم دا كلوا ما شفع ليهو عند سيدنا عمر لانو بيعرف انو الاسلام نضيف و داير زول نضيف عشان يتحقق العدل بالله ما بتختشي يا جعلي على دمك مرتك وداد تمشي مع الوالي في طيارتو الخاصة 7 ساعات طيران الى لندن عشان تفتح ليها حساب بنكي و رفضوا ليها لانها غير مقيمة و لو كانت تحمل صفة زوجة رئيس جمهورية السودان لانو الانجليز بيحترموا نفسهم و قوانينهم ياخي وزير كوري استقال من الوزارة لانو قسم من اقسام وزارتو ما قدر يسعف ناس في طلب نجدة في الوقت المناسب استقال يا ناس لانو شعر بانو مقصر شخصيا و ما حاسب المدير المباشر للقسم او المسئول التالي وين نحن من جنس دا .. السطر الخامس مثلنا السوداني بيقول اتنين لو قالوا ليك راسك مافي اتبنو بمعني اهبشوا فيا ريس الناس بيقولوا و بيكتبوا عن الفساد و بالاشخاص الرجولة و الدين و الاخلاق تجبرك انك تحقق و تتحقق و لغاية ما يطلع الزول براءة بيتم وقفوا من العمل هكذا كانت قوانين الخدمة المدنية و لما تثبت براءته بيرجعوه مكانو او لو ثبتت ادانتو بيتحاكم بس نقول يا منو لو خربانة من كبارا و عرفنا ليه اللولوة حاصلة منك نحنا مستهدفين و خصومنا عاوزين يثبطونا و يستغلوا الموقف طيب وقت الفساد واصل للدرجة دي ما تستقيل اكرم لك و لو ما قادر تقلع الفساد من جزوره القاعد ليها شنو و لو سلمنا جدلا ان الشعب فوضك و اداك 69% من الاصوات لقيادة البلد دا يتطلب انك تكون قدر المسئولية دي يا ريس و تكون راجل ملو هدومك و تقول للمفسد لسجن كوبر و للمحسن احسنت بس نقول يا منو لانك اكبر المفسدين و الساكت عن الحق شيطان اخرس كما جاء في الاثر ..
سطر سادس بمناسبة قصة ادم تقلاوي و عمولة الخمصاشر مليون دولار اعرف ادم تقلاوي شخصيا مما كان ساكن في شقة من ثلاثة غرف في حي الفاروق بمدينة الرياض و متزوج مرتين زي كل الجبهجية و مرتو التانية فلبينية قال اتزوجا في الفلبين لانها مسلمة و عشان هو محصن .. و .. استغفر الله العظيم من حقوا و الزول دا كان شغال بقؤوش الحكومة و بيفتح اعتمادات لتوريد بضايع و حتى بطانيات للجيش السوداني و بيلفوا على العقوبات الكانت مفروضة الوكت داك فما تستغربوا انو يلهف 15 مليون دولار في عمولة من عملية انا بعرف انو نصيبو منها ما بكون كل المبلغ لانو بتكون موزعة على الكبار و هو تجيهوا الفتافيت يعني كلام الوثائق كلو سليم و صحيح مية في المية بعد دا كلو البشير عاوز ادلة و براهين ..
السطر الاخير يا اخوانا ما تتعبوا نفسكم البشير دا لا حيحارب الفساد و لا يقدر لانو هو نفسو وسخان و ملان فساد عشان كدا بتكونو كالمستجير من الرمضاء بالنار و سلامتكم قال يحارب الفساد قال نضحك فعلا نضحك مما نسمع …

اللهم لا اعتراض على حكمك وليت امرنا هذا المخبول وعصابتة فامنحنا الصبر على احتمال سخافاتة حتى لا نموت بسكرى او صغط او سكتة دماغية

سوف يظل هذا الرئيس ينكر وجود فساد في حكومته لأن من مصلحته النفي والشينه منكوره !؟؟

للاسف الشديد من هو على راس النظام جاهل والجهل مصيبة وحواء السودان انجبت من العقول والساسة لا يوجد لهم نظير فى كل دول الجوار وليس هذا بالمبالغ فيه والتاريخ يشهد على ذلك و مؤتمر القمة العربية بعد انتكاسة اكتوبر 1967م واللاات الثلاث والجمع بين الملك فيصل رحمة الله عليه و عبدالناصر عليه الرحمة والرحلات المكوكيه التى قام بها المحجوب عليه الرحمه اتت بنتائج مرضية وازالة الخصومة بين الادة العرب وهذا دليل لحكمة و فطنة و مكانة الساسة و اصحاب الكياسة والفطنه من الرعيل الاول ؟
واما هذا البلية التى ابتلينا بها لا يحسن القول ولا يجيد تدبير شؤون الدولة و لا يهتم بعلاقاتنا الخارجية و يكترث للعواقب بل ينافق و يكابر و يكذب ويمنى الشعب بالمستقبل والايام القادمات و نحن ننتظر عقدين من الزمان و كل يوم يمر علينا نعود خطوه الى الوراء وسف نصل الى العصور الحجرية فى ظل هذا النظام انشاء الله ان لم تسعفنا عناية ورعاية الولى عزا وجل ويصيبهم بداء ليس له دواء وتتلاشى الافساد و يرتاح العباد من التكبر و الاستبداد و نعيش احرارا كما ولدتنا امهاتنا .
من هو المدعى كذبا ايها الدجال الضال اسأل نفسك وراجع كل كلمه خرجت منك منذ ان اصبحت رئيسا .
هل المعنويات تغتال ايها المحتال انه سياستكم و منهجكم و كلاب امنك يفعلون ما لا يخطر على قلب بشر ؟
اغتيلت النزاهة و ازهقت فى عهدكم و تلاشت وفتحت الثغرات لمن هم حولك و يشيدون بك و يخططون لمصالحم و اهلهم و انت لا تراعى حقوق الشعب المقهور وتمادى فى غيك و طغيانك ويكفى ما ال اليه الوطن وانك محاسب عند العزيز المقتدر بعد ان تجد العقاب الدنيوى لما فعلته و زمرتك فى هذا البلد الامن و المتسامح شعبه .
الفساد الذى استشرى وبدأ من بيتك و بالادلة الدامغه والمشفوعات الم يكن فسادا ولا لديك راى فيه ايها النبيه العاقل الحليم الحريص على الوطن والمواطن ودون دليل لا يمكن ان ترمى بالاتهامات جزافا ؟
هل انت خالدا مخلدا لا والله نظر الى التاريخ وثورات الشعب وانتفاضاته انها كانت النموذج للثورات واسقاط الطغاة وبين ليلة وضحاها وسجن كوبر فى انتظارك جهز وزارك ويمنع اصطحاب النساء والزيارة والانجيرة و ارجله المطبوخه فى صفيحة الزيت وبدون عدس فى انتظارك اشبع منها و تزوق طعم العلقم الذى ازقته الشعب عقدين من الزمان .

المؤلم انو التشريعات الوعد سعادة الرئيس باقرارها فى الفترة القادمة والتى ستمهد لانطلاقة السودان
– ده عشان يفهم الناس انو ما كان فى قوانين –
وانو عشان كده البلد اتسرقت وانو ما كان قادر يحاسب حد لانو ما عندو قوانين .
وطبعاً الناس كلها عارفه انو الكلام ده مش صحيح القوانين كانت ولا زالت موجوده . لكن تم تجميدها او تجاوزها .
المؤلم — انو الكلام ده بحصل بعد ما تم تجفيف البلد تماماً . والطفره الايرادية الحصلت والجمعت فيها البلد مبالغ كان يمكن ان تجعل من السودان جنة افريقيا .
قروش البترول 51 مليار (ودى المعلنه)
بيع اراضى البلدومؤسساتها (الخصخصة)
الجبايات والضرائب والجمارك والزكاة
القروض المليارية
اموال الصادر
وما تنسوا
انو فى نفس الفترة الاتحققت فيها الايرادات دى . الحكومة ما كانت بتقدم اى خدمات للمواطن . يعنى تكاد تكون المصروفات منعدمه .
الآن وبعد ان ضاعت وجفت كل منابع هذه الايرادات . ما فائدة الحديث عن القوانين والتشريعات التى ستقرها الحكومة .
حجم الدمار والنهب الذى حدث للبلد لا يصدق

أيها الجاهل الجهل الجهول الشريعة تحكم بمن أين لك هذا فأبدأ بأهلك ,اسألهم من أين لكم هذا

هلا جلستم فى بيوت أبيكم وأمكم وجائكم هذا المال ومنهم خالك الرئاسى الذى يتقول بما يشاء وصحيفته

فى الحفظ والصون من كلاب أمنك لا يتجرأون عليها لقد سمعتك بالأمس أيها الكذوب تدعو لمحاربة الفساد

ولكن محكمة الله يوم القيامه أيها الغافل شهودهالسانك ويدك هلا حكمت فينا شرع الله لتكون أول من يحاسب؟؟؟

يا ناس الراكوبه اصمتوا /الريس قال مافي فساد يعني ما في فساد ما تكترو الكلام ساكت والعندو دليل (يجيبو حي)

قال سيدنا على رضى الله عنه(الراضى بفعل قوم كالداخل معهم وعلى كل داخل فى باطل إثمان أثم العمل به وإثم الرضى به)

هجووووم!! الرجل بهذا التصريح أكد انه فى أضعف حالاته، وأقسم بالله من لم يستفد من الحالة التى يعانى منها الرئيس سوف يندم ندامة (الكسحى)وربما لا يجد فرصه اخرى ومن لم يفهم تعليقى هذا عليه إعادة قرآة التصريح أكثر من مره وأن يستخرج من بين السطور مكامن الضعف فيه حتى يستفيد من إعداد هجومه على دولة الرئيس بشكل صحيح،والرجل بعد الخيبة التى واجهها فى مصنع سكر النيل الابيض تبين له بشكل واضح أن الفساد صار أكبر من ان يعالج بالتصريحات والوعود التى كان يطلقها فى إتجاه إنشاء مفوضيه للفساد على حد زعمه!! وقد تبين له أن أهله المقربون بصفه خاصه ضالعون فى الفساد وهذا ما كان ينفيه عنهم طوال الوقت، وفى اعتقاد واهم منه أن هناك برلمان يراقب ثم يحاسب والمسكين ربما لايدرى حتى الان وهذه خيبه تتضأئل أمامها خيبة مصنع السكر لانه ببساطه أن برلمانه وحزبه وحكومته وعشيرته هم الحاضن والمفرخ الرسمى للفساد!! وكما قلت أن الرئيس فى أضعف حالاته وينبغى على الشعب ممثلا فى تنظيماته المختلفه الهجوم الفورى والكاسح على نظامه ولا ينبغى إضاعة الفرصه000اللهم قد بلغت فأشهد0

الشئ الغريب الذي لا اجد له تفسير ان هؤلاء المتاسلمين ومن والاهم يخاطبون الشعب كانما يخاطبون اطفال او متخلفين عقليا ــ

هو في فساد أكثر من قبول نيفاشا وبيع الوطن عشان وعد الأعفاء من لأهاي ولأئحه الدول الأرهابيه وأعفاء الديون ..وهو ذاتو في مواسسات حكوميه أوخدميه تابعه للمواطن عشان تاكلوها ..ماكلها خصخصتوها لأنفسكم وشردوا الناس..سبحان الله الناس ماقبيانه للدرجه دي

اشكركم جميع ادارين وصحفين ثم كتاب وقراء صحيفة الراكوبة بجميع الوانهم ، سوف اكون من ضمن هذة الصحيفة.

ولكن أين هذه الحملة الكاذبة ضد الفساد؟