الحكومة السودانية تستضيف مليشيات سليكا الافرووسطية.
خلال الاسبوع المنصرم قامت الاجهزة الامنيه في مدينة نيالا باستئجار عدد من المقار لقواعد معارضة للحكومة في جمهورية أفريقيا الوسطى والتي تعرف بتحالف سيليكا , وقد وقع اختيار هذه المقار في أكثر المناطق استراتيجية حيث يقع المقر الاول بالقرب من مكاتب برنامج الاغذيه العالمي واستراحة بنك السودان بحي المطار ., وهذه القوات مستقرة بكامل عدتها وعتادها , علما بأن هذه القبيله خليط مابين قبائل سودانيه وآفروسطيه.مع ملاحظة وجود أعداد كبيرة من أفراد القبيله الحدودية في قيادة المليشيا.
الراكوبه ومن خلال رصدها لما يدور هناك لاحظت أن الدعم والتشوين يتم مباشرة من جهاز الامن ولتسهيل مهام هذه المليشيا فان أفرادها يحملون بطاقات قوات (الدعم السريع) وهي احدى المسميات التي ابتدعها الوالي (الكاسح الماسح) أحمد هرون لاجهزة الامن الخاصة , وكانت قد صدرت الاوامر لافراد هذه المجموعات بضرورة اخفاء هويتهم الافروسطيه عن السكان المحليين , احد افراد المجموعة اقر بمشاركة قواتهم بعدد خمسين عربه لاندكروزر فى العمليات العسكرية ضد الجبهة الثورية كعربون إيواء للحكومة السودانية لهم.
الكلام دهـ جبتو من وين يا ناس الراكوبة يا مفتحين ومسلطين ؟؟
6
حتجي القوة الفرنسية تغدمن طافي النار
لا حول ولا قوة الا بالله العظيم . يعنى الديش السودانى خلاص بقيتو ما بتثقو فيهو جبتو المرتزقة ديل ؟ خلاص شيلو شيلتكم مع حكومة افريقيا الوسطى وفى نفس الوكت بختنا نحن الغلوب على امرنا يعنى بالواضح كدا ناس الجبهة الثورية حيلقو محل يلبدو فيهو (و ي…..كم اهلكم !!!!!!!) حكومة غبية ما بتعرف مصلحتا وين . يعنى احتضنتو معارضتم عشان هم كمان حيعاملوكم بالمثل و يحتضنو الجبهة الثورية … هى هى هى هى
انا من ابناء نيالا لا يوجد مثل هذا الكلام افيدونا بوثائق مشكورين لتعميدكلامكم
بارك الله في الحكومة اذا فعلت ذلك……يتعرض المسلمون لابادة جماعية من مليشيا مسيحية في افريقيا الوسطي و دور المسلمين مساعدة المسلمين ول موش كدا…….بعدين يا ناس الراكوبة انتو بتقولو في الكلام تعاطفا مع المليشيات المسيحية و راعيتها فرنسا ول الفهم شنو؟ يعني شنو مشكلتكم مع المسلمين في افريقيا الوسطي و في اي مكان..مثلا انتم ضد حماس و تؤيدون كل ما تقوم به اسرائيل ضد المسلمين بما في ذلك حصار غزة…و ها انتم ضد مسلمي افريقيا الوسطي الذين تحدثت الامم المتحدة علي لسان سكرتيرها بانهم يتعرضون لابادة….و اعتقد انه لو تم استطلاعكم حول وضع المسلمين فيبورما سيكون تعاطفا مع البوذيين مع ان المسلمين يتعرضون لابادة هناك…..راجعوا ايمانكم و لا تأخذكم العزة بالاثم.
مافي كلام زي دا الراكوبه دي بقت مقدده ياناس الحقو راكوبتكم دي بي شوالات قبل ماتقع لكن هي أظنها
وقعت زاتو