وزيرالمالية :اي تعامل مالي خارج التحصيل الالكتروني جريمة
(سونا) قطع الاستاذ بدرالدين محمود عباس وزير المالية والتخطيط الاقتصادي بعدم دفع المواطنين اموال لاي جهة دون الحصول على اورنيك تحصيل الكتروني مهما كانت الاسباب لافتا الى ان دفع الاموال خارج اطر التحصيل الالكتروني يعد جريمة يحاسب عليها القانون .
وقال وزير المالية خلال مخاطبته اليوم ختام اعمال الملتقى الثاني لامناء الحكومات والماليين والتقنيين بالولايات والمركز لتقييم مشروع التحصيل الالكتروني بقاعة الصداقة بالخرطوم قال انه بعد مضي ستة اشهر على مشروع التحصيل الالكتروني نعلن دخول البلاد مرحلة الدفع الالكتروني كخطوة تجاه تطبيق مشروع الحكومة الالكترونية .
واعتبر مشروع التحصيل الالكتروني خطوة مهمة لتحقيق الاصلاح الاقتصادي المنشود مشيدا بجهود العاملين بوزارة المالية والتخطيط الاقتصادى والعاملين بالولايات من امناء حكومات وماليين واداريين وتقنيين
واشار الي نقل العمليات الاساسية لحوسبة العمليات الداخلية بوزارة المالية والتخطيط الاقتصادي الي كافة ولايات السودان بذات قوة الدفع التى توفرت لمشروع التحصيل الالكتروني .
واعلن عن اطلاق خدمة السداد عبر الهاتف السيار خلال الربع الاول من العام 2016م بحيث تصل افادة للمواطن فى هاتفه السيار بانه قد قام بتسديد رسوم السلع والخدمات
ونوه الى سعي الوزارة لتحقيق نظام دفع قومي واحد يحدد مستوى الرصيد اليومي علي مستوى المؤسسات الحكومية والشركات الخاصة والافراد.
اليوم بس أصبح جريمة ،،، بالامس كان حلال !نقول بارك الله فيك ي النحصيل الالكنروني .
يا جماعة الخير برضو خطوة كويسة علشان زول تاني ياكل قروش الغلابة مافي بس عاوزين طريقة لي ناس الهبرة الكبيرة لازم نشوف ليها حل ولا رايكم شنو
تمام
كلامك صاح
بس اعمل حسابك من دولة الفساد العميقه جدا وتجنيب ايرادات الدوله
لا شك ان تطبيق الايصال الالكتروني جعل من النافذين اعداء لك ايها الوزير وبشوفوا ليك زي منكر ونكير زي ما قال النايب الاول تاني مافي عضه
ما زلت احذرك من الدوله العميقه التى تمارس الفساد كما تتنفس الهواء
شكيناهم لله
والله ينصرك
حاصرهم حاصرهم البلاء
بعد ده الكيزان ح يطلعوا مظاهرات خخخخخخخخخخ
تحصيل إلكترونى .. تحصيل إلكترونى .. وينو التحصيل الإلكترونى دا ؟؟ أنا شايف إنو الحاصل دا ما ليهو اى علاقة بالتحصيل الإلكترونى ..غايتو الشى البعرفو عن التحصيل الإلكترونى إنك تدفع ما عليك من مستحقات من خلال حسابك فى البنك إلى حساب الجهة المستفيدة بدون أى تدخل من اى جهة تالتة ..
ما يسمى بالتحصيل الإلكترونى فى السودان الان ما هو إلا إستبدال من تعبئة الإيصال بشخبطة باليد غير مقرؤة إلى إيصال يتم تحريره بواسطة الكومبيوتر بعد أن تدفع المبلغ للموظف (وما يرجع ليك الباقى لعدم وجود صرف ) ..
وارجو من أهل الإختصاص بالتكنولوجيا الحديثة تصحيح كلامى إن كان غير صحيح ..
قول والله
وزير المالية دا قالو من مدني …. الآن في المغتربين مدني تدفع 75 رسوم تاشيرة أورنيك 15 الكتروني و15 جنية بدون اي حق عشان يسلموك اورنيك التاشيرة.
نصب في نصب.
معظم الدول من حولنا يا وزير ماليتنا الفاشل طبقت هذا النظام منذ سنوات ، انتو فاضيين من المهاترات والنصب على المواطن .
انتم فاضين من السفريات والاجتماعات والدورات التي تاتي لكم بالنثريات عند كل سفرية ودا همكم الاول والاخير للاسف الشديد بل هم كل وزير او مدير النثريات.
ما شغالين شغل يفيد البلد .
اخجلوا يا سفلة من فشلكم المتكرر في كل وزارة ….