وزير المالية : نتوقع انخفاض قيمة الدولار50% أمام الجنيه..

يتوقع….حصلت على مورد مالي أجنبي ضخم….رافضا الإفصاح عن حجمه والجهة التي قدمته للحكومة…..
دا كلام وزير مالية ولا تاجر بيعمل اشاعة تاثر فى السوق

حركتك ما ظريفه ياسيادة الوزير مين بجازف يمول دوله منهاره.. حيل تستخدمها لكي تجني ثمارها في الأمد القصير ولكن تبقي المشكله قائمه وللاسف ليس أنتم من يحلونها ولا المعارضه.. كان الله في عوننا

ههههههههههههههههههههه
هههههههههههههههههههه
هههههههههههههههههههه

كلامك ده قولو لي زول ما إندو هديده قوم لف بالله

الوزير دا شغال بطريقة البصيرة ام احمد والتنجيم والدجل ، كفاية مسلسل الكذب والخداع الذى تمارسونه والذى لم يورثنا سوى الهلاك والدمار والفقر ، الحل الوحيد ان تتركوا السلطة برغبتكم او انتظروا العجاجة والكتاحة القادمة، مافى اى جهة سوف تقوم بدعم مجموعة من اللصوص الاغبياء الذين لاهم لهم سوى النهب وملئ كروشهم وتضخيم مؤخراتهم والشعب يتضور جوعا وفقرا

البيصدقك منو!!!!!!
والسؤال؟ خلينا نفترض انو كلامك طلع صح واحنا افترينا عليك هل سوف تقوم دولتك بضبط الاسعار بعد انخفاض الدولار ولا زي كل مرة ترفوا الدولار وننزل نحنا
يحرقك بلا يخمك انت ورئيسك العوير

الحكومة مجبورة على الكذب والشعب مجبور على تصديقها

مره إقولوا لينا والله عائدات الذهب بلغت حتى الان كذا مليون دولار…ولا أثر لذلك على الاسعار واحوال الناس المعيشية.
ومره إقولوا لينا والله حصلنا على قرض كذا مليار دولار من جهة اجنبية اجنبية ولا داعى لتسميتها الان اللهم إلا إذا كانت هذه الجهة المعنية بيت من بيوت الدعاره فى اوربا…واقسم بالله إذا كان هنالك إمكانية لذلك فلن تتوانى حكوتنا الرسالية الاسلامية الطاهرة النظيفة فى الذهاب الى صاحب اوصاحبة ذلكم البيت والحصول على القرض وممكن كمان يقضوا بعض الوقت(دواعى المتعة وكدا) طالما هى لله ومابعيد بعد داك تجينا إفتاء من هيئة علماء السلطان بجواز ذلك طالم ان البلد تمر بظرف إقتصادى خانق.

أخفاء السم في الدسم..المعلقون انتبهوا للدسم (مورد مالي ضخم) ولم ينتبهوا للسم (رفع الدعم عن الوقود)..؟..وزير المالية لن يقارق هذه النقطة..حتى يرفع الدعم..عن الوقود..والذي بدوره سيؤدى الي ارتفاع كل شيء..

زعم الفرزدق أن سيقتل مربعا —- أبشر بطول سلامة يامربع
الشفافية من أبجديات التعامل في عالم الاقتصاد – ووزير المالية راجل لايفهم ابدا هذه الجزئية واهمية تمليك الحقائق للناس – وهو يريد ان يقول انه حصل على عملة صعبة – ولكن متى ؟ وكيف ؟ الحكاية حلم في حلم ( وأحلامك أعلامك ) وهو حلم انو قابل ناس لابسين ملابس بيض وسلموه شنط كبيرة من دولارات يعالج بيها الميزانية (التي اصابتها عين حسود)
تفسير حلم الوزير (المصيبة ) هو أن الدولار الآن يستعد للصعود take of بعد ان حصل على إذن الطيران

حكاية أم ضبيبينة

اشاااااااااااااعةوتربيت علي اكتاف الغلابة بس . اخر مراحل الافلاس , الله يخزيكم ياشحادين……

يا جماعة ما تكضبوا الزول ساكت ! كلامو صاح .. البشير عمل (سفلي ) ..وقال ليك جن السفلي مبسوط خالص لانه بحب الزول العندو …. كبيرة ..قام اداهم 3 مليار دولار

يلا يا كيزان بعد دمرتو مشروع الجزيرة والبترول شالو باقان بعد ده مافي حل الا ( سفلي ) بالدور

ملحوظة : ابعدو اسحاق ده بعيد عشان الجن ما يزعل !!

من تبييض الأموال ولا من تجارة المخدرات .. ولا رجعتو أموال الشعب المسروقة من ماليزيا.. هههها نصدقك يا وزير يا تفتيحة

ماف دولة واحدة تمولك ياوهم في زول بمول ليو دولة داخلة في حروب وجبهات وكلها مولعة نار ..انت وزير ولا بتاع دعاية انا اقول ليك والله مابيصل كدا الدولار بل يترفع

دى زي كلام عمر محمد الطيب آخر ايام المرحوم نميرى
– نميرى جاي من امريكا وجايب معاهو حاجات كتيره
ياوزير السجم كفاية خداع ايران والله ما بتطولوا منها دولار واحد وهى فى نفسها مزنوقه بطل كذب .
قال ايه قال مابفصح عنها قوم لف لفاك قطر يامنافق.

اللهم فشل سياسات الإنقاذ سياسة سياسة, طالما كان فيها ضرر للشعب السوداني, وانتقم منهم متى ما كان الإنتقام عدل, وأنت العادل الملك. إلا في الإقتصاد اللهم نجح أي سياسة أقتصادية صالحة إذا كان من قام بها الكيزان أو غيرهم. ففي الإقتصاد بعد مشيئة الله سبحانه وتعالى معاشنا ومعاش أبنائنا, اللهم أجعل البلد رخاء وأمان وأكثر من الأموال الحلال والبضائع والأطعمة والمواد الضرورية والكمالية, بغض النظر عن من يحكم السودان. ومن يقول غير ذلك إما جاهل أو حاقد, ومن يعتمد على أن تسقط الإنقاذ على أساس أنهيار الإقتصاد وجوع الشعب السوداني لأنه مقترب أو مقتدر ماليا, اللهم لا تتمم نيته وأصلحها أو دمرها. فلن أعتز بثورة تقوم من أجل الأكل والشرب, وكل الفخر لأي ثورة تقوم من أجل الإنتقام لمن قسم البلد, قتل الأبرياء, شرد أهل دارفور, نهب الأموال, نشر الفساد, كذب ودجل بإسم الدين وأتى ما أتى من المنكرات, لكن ثورة على حساب بطن أولادي, الله لا يتما ولا يتم الدايرة تتم بالطريقة دي.

يا جماعه دي تكون زي ال2مليار الأدتنا ليها قطر
ولا قروش ايران ولا الصين

(وقال الوزير في تصريحات صحفية أن بلاده حصلت على مورد مالي أجنبي ضخم من أحد المصادر الخارجية لتوفير النقد الأجنبي ، رافضا الإفصاح عن حجمه والجهة التي قدمته للحكومة.)
– ما ضخامة هذا المورد المالي؟ هل ضخامته تجعل ابتلاعه مستعصيا علي تماسيح فسادكم؟
– ماالمقابل الذي قدم للجهة التي قدمت المورد المالي الأجنبي الضخم؟ مزيدا من البيع لما تبقي من أرض مثلا؟
– ما حادي المصدر الخارجي لتوفير المورد الأجنبي الضخم؟
– هل للحصول علي المورد المالي الضخم علاقة بذهاب علي عثمان مما يسمي بأمانة الحركة الإسلامية تمهيدا لتغيير البيادق؟ إن كان مصدركم هو قطر أخشي أن يكون موردكم المالي الضخم هو مال إعمار دارفور!! وتلك مصيبة مضاعفة الضخامة!!

ياها قطر تانى وين!! مقر القيادة العلياء لحركات الاخوان المسلمين, بس القروش كألعادة حتمشى فى جيوب غريقة وحفرة ما ليها نهاية وحيستمروا لمتين يضخوا قروش فى بلد مشتعلة فيها حروب ومستشرى فيها فساد مزمن وما فيها انتاج بألحبة.

والله ياجماعة الخبر مافى العملة المهداة من جهة ما يعنى ممكن قول واكيد حاتضخ وتنتهى ومن ثم ؟بس الخبر التانى هو الاهم بان عنده حزمة قرارارت اقتصادية سرية اظن دى كمان وله شنو مااصلا حاترفع الدعم وتزيد الاسعار واسه العيش زاد وثورة الجياع قادمة قادمة

ال نشوف !!!!!!!!!!!

اعتقد على ما يبدو باعو سوداتل عايرة وادوها صوت (شمار مؤكد)

اوعى تكون مشيت لى شريف .. والله تكون ميتةو…….

انتو ما عارفين – لكين الكلام ده بيني وبينكم – الوزير طلب من الصين مده بي مصانع عملاقة لانتاج الكسرة – قال ليك المصنع الواحد ينتج كميات مهولة من ال(كيلومترات) من الكسرة وكيلومترات دى انا ما غلتان فيها لانو الانتاج حيتباع بالمتر – عايز تتغدى انت والاولاد تجيب متر ونص كسرة عايز تعمل سخينة مترين يكفوك عايز تعمل فسيخ تجيب عشر امتار ؛ وستكفي هذه المصانع احتياجات البلاد ويصدر الفئض لدول الجوار – بس الكلام ده سر

ممكن الكلام ده يكون صاح في حالة واحده بس تكون الحكومة زرعت قطعه بالمخدرات مثل ما فعلت طالبان ودرت عليها اموال طائله وفي هذه الحاله الطريقه مجازه عند الاسلاميين لان الضروريات اباحت المحظورات هههههههه

علي الأيمان الوزير كذااااااب وعمل كدة علشان الدولار يرخص في السوق ويقوموا يجففوا السوق بشراء كل الدولار بدراهم معدودة ؟؟؟ ماهم أبالسة وستين تفتيحة

(..قال الوزير فى تصريحات صحفية-أنه قد حلم- أن بلاده حصلت على مورد مالى أجنبى ضخم !!!!
(..رافضا الافصاح عن حجمه والجهة التى قدمته)!!!!..بالله ده منطق وزير ولا رئيس عصابة!!!..طيب نحن شعبك المسكين ده نعرف كيف المبلغ اللى ح تلغفو انت من جملة المبلغ الأدوك ليه..ياخى ولدك ده أصلو أضانو دى فيها شنو..سفرتو أمريكا على حساب سفارة السودان فى واشنطن..قبل أسبوع وديتو هو والمرتين معاك المغرب(الرباط) عشان يكشفو عليهو وعلى المرتين الحامل أطباء فرنسيين..ولما رحعت مشيت للريس وقلت ليهو يطرشنى الحاصل فى هجليج ماسمعت بيهو الا وصلت الخرطوم..
انت ذاتك قبل شهرين مش قلت لينا قطر أدتنا 2 مليار دولار..بعدها بيومين جاك السيسى وقال لبك يللا سلمنا المكون القاعدى 200 مليون دولار دفعة أولى بتاعت صندوق تنمية دارفور قمت قات ليهو ده كلام جرايد..وبعدها صرحت فى الجرايد انو مافى جهة رسمية صرحت انو قطر أدتنا 2 مليار دولار..!
يعنى ياخى دى حندكة ولا شنو..واحد وزير مالية يقول لشعبه جاتكم قروش كتييييييرة لكن مابوريكم كمهن ولا الأدانى ليهم منو!!!
احتمال والله أعلم..لأنو مافى قروش كتيييييييرة وتجى بسرعة الا تكون قمار أو مخدرات..أنا اتذكر فى القضارف قبضو متين شوال بنقو وجابوها فى الجرايد..وبعدين يومتها فى الحاج يوسف عملو كشة على ستات الشاى ولقو عندهم 2 مليون حبة(كابتجون)!!
والقروش الكتيرة دى.. فيها حق ال 50 طن دهب ولا برة منها..وفيها ال 2 مليار دولار اللى دخلتها فى الميزانية وقلت ح تجمعها من عبور النفط الجنوبى بواقع 36 دولار للبرميل..واللا برضو ماداخلة فيها.. وفيها عائدات زراعة2 مايون فدان بشجرة ال(جاتروفا)..وللا ما فيها..وفيها عايدات ضخ 180 ألف برميل بترول يوميا بتاعت الراجل الأدوهو وسام (ابن السودان بتاع الابار وزواد العبار)..ولللا مافيها… وللا دى قروش بيع الدبابات ال200 الخردة بتاعت أبوريالة فرحان ديمة…ياعلى محمود..انت من ما بقيت تقضى كل جمعة مع بكرى فى شمبات كلامك بقا كلام الطير فى اسفنج الباقير!…وبعدين انت ليه ماداير تورينا القروش كمهن!!!كرم الله واستقال..تانى تخاف من منو!!!

والله كذاب وابن كذاب ولم يحصل على فرطاقة ولو نزل سعور الدولار كما قال أحلق …..

(وقال الوزير في تصريحات صحفية أن بلاده حصلت على مورد مالي أجنبي ضخم من أحد المصادر الخارجية لتوفير النقد الأجنبي ، رافضا الإفصاح عن حجمه والجهة التي قدمته للحكومة).
دا كلام ما يقولو وزير يحترم عقول شعبه وبعدين منو العارف يخلو الوزير يتكلم بالطريقة دي ويلقوه بكرم الله عباس لأن كلامه يمس أمن الدولة ؟!!!!!!

الوزير ده طبور خامس

النصيحه لك يا.وزير الماهيه اذ كنت شاطر.التجار فى قرى اطراف الخرطوم اشطر منك وهم تجار عمله عندما كنت بتدرس . خلاصه الكلام فى نظرتهم لك انت جمل صفيح ساكت.

الوزير دا بعمل زي اخوانه في الله واخواته اخوات نسيبة وهو ليس باقل من كرتي وعبدالرحيم ومصطفى اسماعيل وابوالجاز والمتعافي ياخى ابوالجاز قال السودان يعوم في بحر من البترول والمتعافي وما ادراك ما المتعافي مرة في مقابلة تلفزيونية لما ساله مقدم البرنامج عن اسهمه في شركات بالنيل الازرق قال انه مش بليد يسجلها باسمه لانه عارف القانونكويس وما بقع بالساهل انا من شدة ما مكشن هذا المتعافي من زمن ما كان والى بالنيل الابيض اكل رواتب المعلمين قال بستثمرها ليهم قال ,انا عندى اخوى اظنه 6 شهور ما صرف مرتبهوهكذا قيس على جميع هؤلاء الوزراء والمستشارين والتنفيذيين ومن راس الهرم الى اقل مسئول يا اخوان السودان فقد القدوة ما قدوة والكل ياكل في هؤلاء الغلابة

وزير الغفلة في زمن الغفلة

اعوذ بالله منكم

احلام زعوط …

برضو مصر على إنه يتكلم عن رفع الدعم
ياخ الله يرفعك من منصبك ده وينزلك في مرتبة سرير في بيتك عشان انت ترتاح ونحن نرتاح منك
يعني أتخيل لو الواحد عاوز يغش روحو ويفرح بي الخبر ما يخليك تكمل فرحتك
معناها كلام اسحق أحمد فضل الله فيك كلو صاح

اسوا وزير مالية مر على السودان منذ الإستقلال والغريب فى الأمر إنو عاجب عمر البشير معجب به أشد الإعجاب الشعب قال الروب وبرضو تانى يرجع لينا لحكاية رفع الدعم عن المحروقات يرفعك إنشاء الله بى ونش لى المقصلة

الكلام دا مقصود بيه فقط تجار الدولار فى السوق الاسود …. يخافوا يشتروا و يقوموا جماعة المؤتمر بشراء المطروح فى السوق … وبعدين طيران يا دولار …. دعاية ليس الا … ما فى حاجة اسمها دعم … فى حاجة اسمها مصدر دخل … القروض و الهبات حدها معروف لا تستمر الى الأبد .

هجم النمر …..هجم النمررر ….هجم النمررررررررررررررررررررررر

مااحنا عندنا قنابير وكده

هاهاهاهييييييييييييه

مافي اقتصاد دولة في الدنيا نما على الاعانات والاغاثات
لا اؤيد وزير الماليه فيما ذهب اليه
يااخي الاميه صحيح 76% في السودان
لكن ما للدرجة دي
ارجو ان ننضبط ونقول الممكن يتقال
بعدين البدي قروش قدر دي كان انت ماتكلمت بيها هو بيتكلم
ولاشنو ياسيادة الوزير

كذب الانقاذيون ولو صدقوا .. الحرب عدوة الاقتصاد . حرب مدوره تساوى اقتصاد منهار .. الامدادالعسكرى .. حفرة الحرب تحتاج لعمله حره للذخائر والسلاح والشاحنات والوقود والطعام .. من وييين ياحسره ؟ قالوا فى حوالى ثلاثه مليار دولار حايمه فى السوق .. اهااا دايرين يشتروها بثمن بخس .. وبجنيه مطبوع فى شارع الغابه لا يسوى قيمة الورق الذى يطبع به .. كسره .. فى عساكر فووووق حارسين مطبعة جنيه البشير فى شارع الغابه كان وقفت تطلع موبايلك ينهروك .. مساكين ما عارفين الحراميه لما يجو داخلين بيفتحوا ليهم البوابات الكبيييره نص النهار ..

ميزان المدفوعات مختل رأسا على عقب في السودان فكيف للقروض والمنح أن تحل مشكلة الميزان التجاري ، وهذه دعاية مجانية لمحاربة السوق السوداء كما حصل في شهر فبراير الماضي بأن قطر قدمت هبة بمبلغ 2 مليار دولار .. أين صادراتنا لكي ينخفض الدولار أمام الجنيه بنسبة 50% .. ديون السودان الخارجية كانت 19 مليار دولار فى 1989م والآن 43 مليار وكل المشاريع والكباري والمصانع التى يتغنون بها هي حمل على الشعب السوداني بمبلغ 24 مليار دولار فى حين أن المشاريع والكباري لم تصرف عليها أكثر من 10 مليار والفرق في جيوب البشير وأعوانه ..

طيب يا دكتور على محمود لو جبت قروش تنزل الدولار للنص البخليك تسعى لرفع الدعم عن الوقود شنو

انا واخوى ملوال كل واحد قال مافى شمال بدون جنوب و مافى جنوب بدون شمال
وبرضو مافى زول بيديك حاجه بدون مقابل والحاجه البيدوها بالدس دى تمنها دايما غالى
يعنى مثلا لو اسرائيل او اى واحدة من دول الاستكبار عصرت لينا يكون المقابل شنو
وزمان جماهيرية العقيد رشرشتنا بشوية بترول وبلعت منا حديقة الحيوان بككوها وشيخنا القطرى دفع الدفعه وغطس حجر النقل النهري اما عمنا مبارك عمل من شغلة اديس ابابا مسمار جحا وشال منا حلايب رجاله وحمرة عين وبلبصنا له بالهدايا لفريق الاهلى المصرى وسد مروى لفلترة الطمى الاضعف سعة بحيرة ناصر ونحن اولويتنا تعلية خزان الروصيرص البتخل لينا اكتر من مليونين حواشه رى دائم وتنتج نفس كهربة خزان مروي لكن اخوان نسيبه وفى سبيل السلطه والجاه مستعدين يعملو العمايل البتطرش الشيطان ودى حيكومة شنو البتخلى وزيرها يجيب لها قروش ومصدرها متكتم عليه و زمان اجازو فى مجلسهم الوطنى القروض الربويه فى سبيل خدمة الخديوي مبارك الكان قاطع قليبهم بمخابراته ام ايد طويله

ليس حقدا.او كرها فى شخصية الوزير..ولكن بكل امانة..انت لا تصلح فى ادارة (بقالة) دعك من وزارة مالية..رغم ان الحزب او التكتل الحائز على الاغلبية في الانتخابات البرلمانية…يقوم بتشكيل الحكومة..رغم معرفة الجميع بالفوز الكبير والكاسح لصالح المؤتمر الوطنى في الانتخابات المزورة الاخيرة التى شهدها الجميع..والتى حاز فيها على اكثرمن ٩٠% من اصوات الناخبين..وكيف يفوز حزب فى انتخابات..ولا يوجد لديهم مؤهلين لقيادة اهم الوزارات؟…فى الدول التى تمارس الديمقراطية والشفافية…تقوم الاحزاب بوضع خطط و برامج..لاقناع الناخب على التصويت لصالح برامجهم وخططهم..و تتصدر هذه الخطط (الخطة الاقتصادية) لانها العمود الفقرى للدولة..ومن اهم البرامج التى تهم الناخب…ولان نجاح الخطة الاقتصادية يعنى نجاح جميع الخطط..من برامج سياسية وغيرها..لا بد من وضع الشخص المناسب فى المكان المناسب.. (الاقتصاد)..(وزارة الاقتصاد…وزارة المالية..وزارة التنمية) هى اهم الوزارات فى الدولة..وتتسابق كل الاحزاب فى هذه الوزارات..فى الدول الديمقراطية تتنافس الاحزاب من اجل هذه الوزارات..ليس لمصالح شخصية..ولكن من اجل تقديم افضل الخطط الاقتصادية.اضافة الى وضع اقوى الكوادر الاقتصادية المؤهلة والمشهودة لها بالنزاهة والشفافية لقيادة هذه الوزارات(الرجل المناسب فى المكان المنسب) في الحزب او التكتل واثبات ذلك للمواطن..وكسب اصوات الناخبين.وفى حالة النكوث بالوعود المقدمة اثناء الانتخابات أو الفشل..يُعاقب الحزب فى اقرب انتخابات برلمانية من قبل الناخبين..هذا من ناحية..السيد الوزير وحزبه لا يملكون اى خطة اقتصادية يطمئن المواطن السوانى فى اقل تقدير فى معيشته اليومية فى المدى القريب..دعك من المدى البعيد..ثم سؤال واضح لسيد الوزير وحزبه الذى انتخبه الشعب كما يدعون..هل هذا هو جزاء الناخب السودانى الذى صوت لكم كما تدعون..؟ وقال الوزير في تصريحات صحفية أن بلاده حصلت على مورد مالي أجنبي ضخم من أحد المصادر الخارجية لتوفير النقد الأجنبي ، رافضا الإفصاح عن حجمه والجهة التي قدمته للحكومة!!!.اليس من حق الناخب الذى صوت لكم كما تدعون.معرفة المورد المالى الاجنبى الضخم (ومن احد المصادر الخارجية) وحجمه والاتفاقات التى تحصل بموجبها على هذا المورد المالى الضخم؟ واذا كان الوزيروحزبه صادقين.ويحترمون الناخبين الذين صوتو لهم..ما المانع ان يحيط الحزب ووزير ماليته المواطن بما يدور؟ اليس هم المواطنون السودانيون من صوتو لكم كما تدعون وبموجبه تحكمون الشعب؟ ولماذا لا يجوز لمن انتخبوكم وتحكمونهم الحق فى معرفة ما يدور؟ انا مواطن سودانى بسيط جدا..ولم احظى حتى بتعليم جامعى…وافتخر كثيرا بكل السودانين المؤهلين المتعلمين الوطنين..و لكن الحالة الاقتصادية والسياسية والوضع الراهن للسودان يحتاج حتى للمواطنين البسيطين..نناشد كل السودانيين المؤهلين المتعلمين الوطنيين الغيورين على مصلحة السودان..بنبذ الخلافات والتحرك السريع لاحتواء الاوضاع السيئة التي أوصلتنا اليها الحركة الاسلامية منذ ٢٣عاما من الحكم بقيادة الاب الروحى للحركة (الترابى) واعوانه…ووضع حد سريع لهذا العبث..و ستجدون كل الشعب السودانى ملتف من حولكم..ولا ولن ينسى احد بما تقومون وستقومون به من اجل السودان..وبتقديمكم مصلحة السودان فوق كل المصالح..ستكونو مفخرة للسودان والسوانيين..نتمى التوفيق لكل من وضع مصلحة السودان فوق كل المصالح..

المورد المالي الذي توفر للحكومة هي عبارة عن قرض كبير من دولة غنية تضاف الى الاربعين مليار ديون و طبعا سيتم نهب هذا القرض وهذة الدولارات من قبل الكيزان وتحويلها في حساباتهم في ماليزياوبأسرع وقت ممكن لانو الحكاية بقت بايظة معاهم جدا الايام دي والوضع مامطمئن بالنسبة ليهم ,,..وانتو يالشعب المسكين تقعدو تسددو الديون +فوائد الديون 150سنة لي قدام …………. الى متى هذا الاستغباء ياشعبي الكريم؟؟!!!!

والله ما ليكم الا ايران وح تبقى علينا البقت على سوريا وكل شئ بمقابل

تتوقع ؟؟؟ هل أنت فعلا وزير ؟!!!!!

يا وزير الهناء انت اسمك وزير لكن شغلك شكله شغل بورصات لانه قائم على التوقعات

يا وزير ناس قريعتي راحت الوزراء يا يتكلمون بالتوقعات الوزراء يتكلمون بالارقام والتخطيط

كيف ينخفض الدولار وانتم دمرتم كل المشاريع التي كانت تورد الدولار لخزينة عمر بابا والاربعين حرامي ؟ !!
لم تتركوا مشروعا ناجاحا الا دمرتوه ، لم يعد هناك ما تصدرونه لكي يجلب لكم العملات الصعبة فعلى أي اساس تتوقع ؟ يبدوا انك من ممن اشتروا الشهادات المزورة من جامعة الخرطوم او السودان او الفرع او الاسلامية وما اكثرها انتشاراً في العالم يا حكومة التزييف

امشي البورصة المهترئة حقتكم دي يا حثالة المؤتمر العفني وتوقع هناك ودعوا هذه المناصب والحكومة لمن هو اهلا لها تعليماً وامانةً وكفاءة يا من فقتكم احبائكم المصريين في النصب والاحتيال لعنة الله عليكم الى يوم الدين ونسأل الله ان يريكم اياته في انفسكم بما ظلمتم واستبددتهم وكذبتم وبما اكتسبت ايديكم من الباطل وان ينفر منكم الناس

آهههه يا مواطنينن الجماعة ديل أول ما يطلقوا إشاعة (كذبة كبيرة) تأكد تماماً بأنهم ناوين على طباعة كتلة نقدية جديدة ولتغطية إلتزاماتهم اتجاه المرتبات والحوافز والاغراءات لزوم تجيش الشعب.

طبعا حديث وزير المالية عن توفر موراد نقدية جديد يأتي في إطار سياسة الطمئنة والتخدير والتحوط لانفلات سعر الدولار مع كل عمليات طباعة للكتل النقدية وهي نفس الفكرة التي سوقها الوزير عوض الجاز عندما أعلن عن إعادة ضخ البترول من هجليج في بداية هذا الشهر، مع أنو الحقيقة والواقع على الأرض ليس هناك ضخ ولا يحزنون، بل أن من شدة الدمار في منشأت هجليج قامت الحكومة بصرف النصر عن فكرة إعادة تعمير هذه المنشأت وهي تخطط لبناء منشاءات جديدة في اماكن جديدة.

لكن السؤال الذي يطرح نفسه إلى متى الأعتماد على سياسة الكذب والاشاعات التي يطلقها وزراء الحكومة؟؟

الحاصل كالاتي السيد / الرئيس عنده مزرعة زرعها حشيش وبنقوا وكوكا وصدرها وجاب الدولارات اودعها بنك السودان ما هو قال مزرعته تدر عليه دخل احسن من رئاسة الجمهورية في مقابلة تلفزيونية معاه ودي هي الرؤيا الحقيقية لواقع القروش اللي جات ادخلها الرئيس في بنك السودان ودعم بيها الاقتصاد هو اكثر سوداني وطني عرفه السودان علي مر العصورة والحكاية اصلها بيته لابد ليه من ان يصرف عليه وفي النهاية هو حقه مضمون بالعملة المحلية وقت ما ينصلح الحال يردوه ليه دولار وكده يكون عمل الغسيل اللي هو (فاد واستفاد ) بكره نسمع اصلوا نعيش كثير نسمع كثير في ده الزمن .

قالو لقو كنز كبير مدفون من زمن عجوبة وباعوهو …….حلوة مش كده

الجماعة اتعاقدوا مع سفلي ولا شنوا…نحي ونشوف

الليلة جبتهاكبيرة بالحيل ياو(زيـر)
ابصلعة مابهزهو ناس سوق المواسيــر
الجنيههم خف طار وجاتــو بواسيـــر
ما بنديكم قروشناان دفناهن تحت زير

رافضا الإفصاح عن حجمه والجهة التي قدمته للحكومة
هاهاهاهاها
الظاهر ح يجيبوا لينا الدولارات بتاعة زيمبابوى باللواري والشاحنات