فاتو تتسلم مذكرة سودانية أسترالية تطالب بعدالة ناجزة وسريعة ..سنحيل الأمر الي مجلس الأمن في يونيو المقبل
تقرير خالد عثمان
قدمت الغامبية ، المدعى العام الجديد للمحكمة الجنائية الدولية محاضرة في كلية القانون بجامعة ملبورن ، مساء أمس وكانت المحاضرة بعنوان " 10 أعوام على نظام روما الأساسي : المحكمة الجنائية الدولية الي أين؟"
هذا وقد شارك عدد كبير من السودانيين بطرح الاسئلة على السيدة فاتو بنسودة ، وتم تسليمها مذكرة وقعها عدد كبير من الناشطين ومنظمات المجتمع المدني تطالب بسرعة تحقيق العدالة فيما يخص دارفور ، وأجابت السيدة فاتو على عدد كبير من الاسئلة بعد محاضرتها واوضحت بأن القبض على الرئيس يمثل تحدي للمحكمة الجنائية الدولية وان الطريق الوحيد للقبض عليه ممكن فقط بتعاون الدول الاعضاء.
وفي سؤال لاحد الناشطين حول موقف المحكمة من الاحداث في جنوب كردفان والنيل الازرق ، قالت فاتو بان إختصاص المحكمة لايتجاوز اقليم دارفور حسب قرار مجلس الامن ، ولايمكن ان تقوم المحكمة بنظر أي قضايا جديدة في مناطق أخرى من السودان ما لم تحصل على تفويض من مجلس الامن الدولي. وقالت بأن نشاط المحكمة مازال متواصلاً في دارفور وسيتم توجيه تهم جديدة حسب الادلة و البراهين.
وفي سؤال لصحيفة المهاجر حول امكانية تحريك دعوى قضائية ضد سوريا فيما يخص الجرائم ضد الانسانية ، قالت بنسودة بان سوريا ليس عضوا في المحكمة الجنائية ولايمكن للمحكمة عمل أي شيء بدون مجلس الامن الدولي
وقالت المدعي العام بانهم سيحيلون ملف السودان مرة أخرى لمجلس الامن في يونيو القادم لإستخاذ الخطوات الكفيلة بإعتقال البشير ، واوضحت بانه لاتوجد قائمة ب 51 سوداني مطلوبين للعدالة ولكن لم تنفي امكانية اضافة أسماء أخرى للاربعة المطلوبين حالياً،
وفي نهاية اللقاء إجتمعت السيدة فاتو مع الناشطين السودانيين وتم تسليمها مذكرة مصحوبة بالصور خاصة بمنطقتي النيل الازرق وجنوب كردفان.
والله يوم ما تلقي القبض على المجرمين ديل يكون يوما ابيض وحا نسميك فاتو "بنبيضة" !!!
كان الحل عند فاتوا خلوا الكيزان يطلعوا زيتنا بلا فاتوا بلا لمه
الغريبة انو مجرم نمره واحد مامطلوب قبض عليو نافع علي نافع
يلا همتك معانا يا بنت سودة عشان نخلي لياليهم سودا
تتخيلو يا شباب بشير واعوانه ما بستاهلوا الجنائيه ديل اى مواطن يجى ياخد حقو بيدو امام الملاء حتى يلقو عقوبات رادعه وبعدها الى الجحيم
.
الجنائية الدولية دي برنامجها طويييييييل و لو منتظرنها تقبض ليها طيرة ساى واطتكم اصبحت! الجواجات ديل خالطين السياسة بالقانون زي الفول بالجبنة!!!!
خاب ظنك ايتها ……………….
:mad: :mad: :mad: الناشطين السودانيين …. يا اخوى ما ينشطوا فى حاجة تفيد البلد …. هؤلاء مرتزقه فى الغرب … محكمة جنائية ايه … هذه المحكمة غالبية نشاطها فى افريقيا … وهناك من يستحقونها فى بلاد الله الاخري اكثر من افريقيا …. فلتلحس المحكمة الجنائية كوعها فالبشير أسد افريقيا والعرب وسيظل رمزا للوطن والتاريخ سيشهد له أو عليه وليس هذه المحكمة التى نحن ليس طرفا فيها مثلنا مثل امريكا
وبعد ماعين اخوها كمان احسن يعين معها امها للشؤن الداخلية و هبوبتها للشئون المنزلية؟ ماهو بقت فوضي؟
أفوووو يالجعلى مره حاتجيب أجلك ! أنا متفائل بفاتو دى حاتحسم لينا موضوع العوير دا ! تحباتنا القلبية للناشطين السودانيين ولاتهتموا فبعض الكيزان سوف ينعتوكم بأشنع الألفاظ وسوف يتهمونكم فى وطنيتكم حتى ! الظاهر الموضوع قررررب ! الليلة ياكديس إفريقيا شد حيلك !
السودان ليس عضو ولكن احيل القرار من مجلس الامن
.
المشارك حسن عبد اللطيف والله يبدو عليك أنك أنت كوز ومرتزق وحا يجوا يوم تلحسو أنتو كوعك أنتو يا ………:mad:
اقتبس
فيما يخص الجرائم ضد الانسانية ، قالت بنسودة بان سوريا ليس عضوا في المحكمة الجنائية ولايمكن للمحكمة عمل أي شيء بدون مجلس الامن الدولي
اها وتانى :D :D :D :D :D :D :D
السودان عضو:D :D :D :D :D :D ؟؟؟؟؟؟؟؟؟؟؟؟؟؟
انتى طلعتى لى ياحجة:D :D :D
لما تقبضو عليه لازم تلحسوا كوعه قبل كل شي, وبعد داك حاكموا يا فاتو
ماعندنا مخرج الا الجنائية تشيلوا وتلحقوا صدام والقذافي الغريبة هؤلاء ما بيتعظوا ولازم ما تنسوا نافع علي نافع وعلي عثمان الضب والبشير العوير
حسن عبد اللطيف انت الإنسان الوحيد الذي له مصلحة بوجود هذا النظام
من خلال تعليقك الكله نفاق وكذب دا
اسد افريقيا بتاع شنو؟؟؟ دا يموكن ان يكون نعامة افريقيا
بالله خليك انسان حقاني لا يمكن كل هؤلاء المعلقين تعلقاتهم خطا وانت الصاح
الذين تقول عنهم مرتزقة ديل والله اشرف ناس ما منافقين ولا كذابين ولا متملقين زيك كدة
انت عارف اذا تغير النظام دا الا تشوف ليك بلد تاني
المعلق حسن عبداللطيف اولا غير اسمك الى حسن البشير لانه جزار يشرفك لاننا كمسلمين لا يشرفنا قاتل اطفال وشيوخ ولا المحتلون لارض السودان والناشطون هولاء هم نوبه وفونج وفور ومحس ودناقله وزغاوة وبجه وداجو اي ببساطه هولاء اهل السودان ارجع الى مرتفعات الحبشه التى فر لها المك نمر موطن اجدادكم وشيخكم الهارب استقر به المقام ولم يعد لانه ادرك ان السودان بلد الرجال وليس موطنا للوافدون واخيرا من انت .
اها يا زول ساكت ملف دارفور احيل لمجلس الامن ومجلس الامن كلف المحكمة بالنظر في القضية, وقرار المحكمة حيعاد للمجلس عشان يتخذ الخطوات الكفيلة بألغاء القيض على المتهمين وكده——-كلام واضح ومافي مقارنة بسوريا خالص.;) ;) ;) بعدين كعبة لاهاي ولا عصاية القذافي؟
البشير ده بتخيل لى لو كنتو عايزين تقبضوه كان الموضوع ده تم من زمان وسلفك الان موجود بالدوحة ولاكن قبضتوه خليتوه تأكدى بأنو فى حاجة واحدة شعبنا طيب وكريم ومسامح لكن المرة دى لا لانو مذكرة القيض عليه ماطلعت مع الثورات العربية مثلا مذكرة قزافى ومذكرة اولاده والان بصدد مذكرة بشار لان مذكرتنا حقيقة ودائما الناس تحاول تخفى الحقيقة لانو فى يوم من الايام الناس لازم تعرف الحقيقة قبضتوا البشير ومجرمى الانقاذ نحسبها لكم ماقبضتوه نحن يوما ما سنقبضه وعندها ممكن محكمتكم دى يظهر لها شكل تانى ومذكرة قزافى ممكن تطلع ادانة وكذلك مذكرة بشار التى فى قبد الاصدار
طال الزمن ام قصر سيذهب هذا البشير واعوانه من المهرجين والراقصين والكيزان الى الجنائية الدولية وغيرها من المحاكم داخليا وخارجيا.
اليس غدا لناظره قريب…….!….. بلى.
احسن الجنائيه و لا عود القذافى…والله بعدين تبكى زى الطفل واى ودونى الاهاى القذافى عندو دولارات ت اكتر منك قبيله اقوى من قبيلتك(على فكره الجعلين ما كلهم كيزان منهم اشرس المعارضين) …عشان كده ضحكوا عليك الكيزان ورطوك..و بعد ما شبعوا بدو يتملصوا..شد حليك المظاليم وراك وراك..حتى يجبوا خبرك……يوم ما الشعب السودانى يقطع النيم اعرف قطع رقبتك قرب
اسمحو لى اقول ليكم كلكم عايشييين فى وهم حتى الغامبية طلعت ماسورة ذى اوكامبو
اداة جديدة من ادوات التغيير في السودان ….
انضم الان وسنعمل معا من اجل التغيير الشامل والكامل لكل ما هو فاسد ومغلوط ومقلوب في السودان ابتداءا بالنظام الفاسد الذي ضيع البلاد والعباد …
https://www.facebook.com/uneplyedunion
وفي سؤال لصحيفة المهاجر حول امكانية تحريك دعوى قضائية ضد سوريا فيما يخص الجرائم ضد الانسانية ، قالت بنسودة بان سوريا ليس عضوا في المحكمة الجنائية ولايمكن للمحكمة عمل أي شيء بدون مجلس الامن الدولي
هههههههه المراءة دي مجنونة والسودان العضو رقم كم في نظرك يا سجم
ولا سوريا معاه الصين وروسيا نحن برضوا معانا الصين وروسيا يعني ديل ببقوا شوكة حوت للدول الغربية ومافي حاجة اسمها المحكمة الدولية
لم توجد المحكمة الدولية إلا لاعادة الاستعمار وبصورة اخري فلماذا لم يحاكم بوش وهو من اشعل حربين في وقت واحد
اما ان ضحاياه كانت من البهائم فقط
نحن لا نعترض علي العدالة ولكن ان تسيس المحكمة فهذا مرفوض
طيب يا جماعة الخير مجلس الأمن ده ليه ما يحول أمريكا وإسرائيل للمحكمة الجائية ولا ديل اولاد المصارين البيض ولاهم خط أحمر لأنهم أرفع من البشرية ويحق لهم أن يعوثوا في الأرض فساداً قتلاً ونهباً وإحتلال