5 مليار دولار كلفة خطط النقل والمرور بولاية الخرطوم
الخرطوم: حوازم مقدم
أجاز مجلس وزراء حكومة ولاية الخرطوم آخر مراحل المخطط الهيكلي للنقل والمرور في مرحلته المتعلقة بملخص المشروعات المطلوب تنفيذها للفترة من (2016م ـ 2035م) وأوضح وزير البنية التحتية أحمد قاسم أن التكلفة الكلية لمشاريع مخطط النقل والمرور تبلغ 5 مليار دولار موزعة على تكلفة الجسور النيلية 694,9 مليون دولار، تشييد وتطوير الطرق 659 مليون دولار، الأنفاق والجسور عند تقاطعات الطرق بتكلفة قدرها 274 مليون دولار، تشييد شبكة قطار الضواحي 439 مليون دولار تشييد شبكة طرق البص السريع 518 مليون دولار تشييد شبكة الترام 2,4 مليار دولار النقل النهري 103 مليون دولار، أنظمة النقل والمرور 102 مليون دولار وقال قاسم إن متوسط الميزانية المطلوبة سنوياً لهذه المشاريع تبلغ 225 مليون دولار مضيفاً أنه تم تقسيم هذه المشاريع إلى فترتين قصيرة المدى بدأت في عام 2011م وتستمر حتى 2016م وتشمل تكملة جسر الدباسين وسوبا وتوتي بحري وإنشاء (15) نفقاً وكبري طائر عند تقاطعات الطرق الرئيسية وتنفيذ مشروع القطار المحلي للمواصلات وتنفيذ الطرق المفصولة التي تعمل فيها البصات السريعة وكذلك تنفيذ مشروعي الترام والنقل النهري.
الجريدة
سؤالين فى منتهى البراءة:
المجارى وين من المشاريع دى؟؟؟
والسؤال التانى:
انتو قاعدين لغاية 2035 ؟؟
this is called the utmost exaggeration of the dream
5مليار !!!!!!احلام زلوط ههههههه الافضل انو نعمل عاصمة جديدة للسودان الخرطوم دي مانفعت تاني ببصلة
الخمسة مليار دي من جيبنا ضرائب ولا علي حسابنا قروض..وفي الحالتين نحن ضايعيين..قايتوا بختكم الكرة في ملعبكم..
الحيكومه قادرة تسير الدوله وقت عندها الدولارات المتلتلته دى ما تصلح المدارس والمستشفيات وتصلح معيشه المواطن والا تكون بنود ماكله للمحظوظين من الكيزان
ما دام انتم يا اسوآ من يمشي علي وجهه الارض مقاطعين امريكا ليه ميزانيتكم بالدولار ولا ما عندكم عمله يعتمد عليها في وضع الميزانيه؟ والله نحن عايشين في دوامه مع الناس ديل نحن ما عارفين هم بيعملوا شنو؟ وطبعا بالنسبه ليهم ده شيء مخطط له حتي يتلاعبوا بالميزانيه ويجنبوا الدايرنو!!! الله لا كسبكم ولا زادكم. الا لعنة الله علي الظالمين