الجيش يرتكز على مسافة تقل (20) كيلو متراً،و الجنوب دخل في ورطة .. نافع على نافع: جوبا لو خرجت من هجليج (ووب) وإن قعدت (ووبين) ..عقب تحرير هجليج، سنحرير كل شبر وسنتمتر في البلاد،
الخرطوم: يحيى كشه
كشف د. نافع علي نافع مساعد رئيس الجمهورية، نائب رئيس المؤتمر الوطني لشؤون الحزب، عن معلومات جديدة بشأن معارك هجليج، وقال: المعركة بدأت قبل يومين بين قوات استطلاع من القوات المسلحة ونقطة متقدمة من المتمردين المرتزقة الخَوَنَة، وباهى بصمود الفرقة عدة ساعات لحد مطالبة المرتزقة بمدد في قبالة دعم قوة الاستطلاع من قاعدة خرسان، كما أزاح الستار عن معركة خاضتها القوات المسلحة مع حركة خليل التي قال إنه يستكثر فيها تسمية العدل والمساواة، وأسفرت عن استيلاء الجيش على دبابتين و(10) سيارات، وقال: بقية ما حدث يفهم من سياق الحديث. وأوضح، د. نافع أن القوات المسلحة تعمل لإحكام السيطرة على المعركة وضمان تحقيق الانتصار، وأكد ارتكاز الجيش الذي وصف معنوياته بالعالية جداً على مسافة تقل (20) كيلو متراً عن المدينة، وأبان عن نيتهم عقب تحرير هجليج، تحرير كل شبر وسنتمتر في البلاد، وقال: الجنوب دخل في ورطة، وأراد الغزو وسيكون وابلاً عليه، وأعرب عن ثقته في أنّ بقاء الجيش الشعبي بالمنطقة مدخله العنتريات، وقال: (إن قعدوا في هجليج ووب وإن خرجوا ووبين)، وأردف: من احتفلوا بدخول هجليج بعد سويعات سيحتفلون بالعويل والبكاء على خيبة أملهم ونقص الثمرات والأنفس. وفي السياق، وصف د. نافع، تحدي سلفا كير لـ (بان كي مون) بأنّه عائد لحالة الغيبوبة التي يُعانيها كير سواء كانت من نشوة النصر أو غيرها من مُذهبات العقل. إلى ذلك، حَملَ د. نافع على حزبي المؤتمر الشعبي والشيوعي، وكشف عن تفاصيل العلاقة الوثيقة التي تجمعهما مع الحركة الشعبية وحركات دارفور. واتهمهما بالاستخبار لصالح جوبا، ووصف د. نافع إدانة الشيوعي لهجوم الجنوب بالمتأخرة، وفرفرة المذبوح لاستغفال أهل السودان، وأوضح أن الشيوعي بكوادره جزء أصيل من الحركة الشعبية ومتمردي جنوب كردفان ودارفور. ونفى قدرة الشعبي التبرؤ من حركة خليل، وقال بأدوار فاعلة له في اختيار خليفة لخليل بمسؤولية مباشرة من آدم حمدون شخصياً، كما ولا يمكنه التبرؤ من جاموس وأبوبكر حامد، قال: (ما دايرين تقارير وكل خائن يأخذ حقو في محلو). وفي الصدد انتقد ما وصفه بعودة حزب الأمة القومي إلى خلط الأوراق ومحاولات استرضاء الناس، وقال: (الأمة رِجِل في المركب ورِجِل في القيف)، وزاد: (رَكّاب سرجين وقّيع).
الراي العام
الايام بتظهر الحقيقه غريبه ما قال ساعات و سوف نقوم بإسترجاعها ..
هناك خبر في سودان تربيون عن اسقاط ميج29 في هجليج اليوم89
ده قلت الاداب بتاع نافع المانافع
ده ناطق رسمى جديد للقوات المسلحة ؟؟؟
والله يا جماعه الزول دا كضاب جنس كضب وين معنويات عاليه بعد تشتيت لواءين الاخبار جاتك بالتلفون الاحسن تمشي تشوف شوف العين يا بو عفين
اقتباس:
وأبان عن نيتهم عقب تحرير هجليج، تحرير كل شبر وسنتمتر في البلاد،
وحلايب وشلاتين والفشقه معاهم ولا كل شبر علي جهة الجنوب بس؟؟؟
تضامن جبرا:
اخبار خط هيثرو شنو؟؟
الكلام واضح ياخوانا… سيقود نافع حملة اعتقال وقتل وتصفية بدواعي “ثبوت النية” ولاداعي للتقارير كما قال. الرسالة التانيةهي انه المعارضة مهما تعمل وتتملق وتمثل انها مع الحكومة ضد احتلال هجليج برضو احنا كاشفنهم وحتفضلو اذلاء نستفيد منكم بالمكشوف وننبزك كدا بالمكشوف (يعني كسر عين زي اي علاقة بين اي رجل ومومسته يعطي ويمنع بدون حساب)… استفزاز ولئم وغرور ما عادي… ناس المعارضة كان ردو النبز حتبقى حرب كلامية وملاسنة وشغل رداحات… ولو سكتو كان خوف ولاتعقل حيبقى راي الناس فيهم انهم “ملطشة وما رجال”… ياهو والله على قولة نافع “كده وب وكدا وبين”.. بلا قرف!
حريقه تحرقك وتحرق الإرتكاز وخال الرقيص الطيب فضل الله والإسمو مصطفى اسحاق
اقترح التضييق اكثر على الجيش الشعبي الموجود داخل هجليج ومحاصرته بشكل محكم و لو رغبت الحركة الشعبية سحبهم من هجليج سواء بشروط او بدون شروط يجب ان يتركو ا اسلحتهم في الميدان والخروج بدون وبعدها يقرر الجيش السوداني هل يبقيهم اسرى حرب ام يتركهم يذهبون وشأنهم مقابل اسرانا .
ولو تم التوصل الى اتفاق يجب ان لا نفاوض او نقبل بالحريات الاربع فنلفاوض فقط على الحدود واببيي وطرد الحركات المسلحة ووقف العدائات اما ما عداها فلا
هذا الرجل اليافع يعتقد أن كل المشاكل في الهجليج .
خروج قوات الجنوب من الهجليج مسألة وقت لأسباب كثيرة وواضحة.
و لكن بعد ذلك ماذا سيفعل يافع و رفاقه,هل سيعودون للنغمة المعروفة
فهؤلاء أشبه بالشيوعيون الروس البلاشفة الذين جردوا الاثرياء من أموالهم و أمموا كل المشاريع بحجة اعطائها لعامة الشعب فاذا بهميستأثرون بها لمصالحهم الخاصة يسكنون أفخم القصور و يعيشون في نعيم.
و كل من انتقد ظلمهم اتهموه بالعمالة
تماما لما يفعل المؤتمر الوطني في جمع الجبايات و الضرائب و الزكوات وكله لهم
اولا التحية والتجلة لقواتنا البواسل الذين يدافعون عن ارض الوطن وهم يتركون اولادهم ومالهم . التحية لكل مجاهد ضحى بنفسه من اجل تراب هذا الوطن العزيز والتحية لاخواتنا البواسل وهم يقفون صفا واحدا مع اخوانهم المجاهدين . والحق اقول وف النفس حزن والم ويجلس على ارضنا من هم ليس اهل لها . والله والله شعب السودان يريدهجليج الان . ليس غدا .
شوف العغن ده ابو لسان زفر
انت مزنوق زنقة كلب فى بيت الجزار
سخنتو يا اولاد الهرمة!!!
اما آن لهذا التافه ابا العفين أن يصمت
الله اكبر الله اكبر يادكتور ياريت نسمع منك خبر تحرير هجليج كاملة ما دايرين أخبار بالقطاعي
سوف لن ننس هذا التصريح البتة يا نافع وسنحاسبك عليه قريبا(عقب هجليج سنحرر كل سنتمتر من البلاد)
واحب اذكرك بان هذه المناطق من بلدي الحبيب مازالت اسيرة وبيد الغير:
1- مثلث حلايب ومحتلة من قبل المصريين
2- مثلث المى ومحتل من قبل كينيا
3- اراضي الفشقة ومحتلة من قبل الاحباش
4- جبل العوينات ومحتلة من قبل الليبين والمصريين
5- عدد 2 مليون فدان للسعودية دون التصديق بذلك من نواب الشعب
6- عدد مليون ونصف فدان للحكومة المصرية
7- عدد مليون فدان لحزب الوفد
وبالرغم من ان سلفا صرح مرارا وتكراراً بان دخوله لهجليج لاتعدوان تكون الا دفاعا عن النفس وايقافالهجوماتكم الغادرة بل وطالب بوجود لجان مراقبة محايدةوما عنده مانع من الخروج….وندري بانكم يا نافع سائرون في حرق هجليج زبما فيها وفي هذه الحالة ستخسرون كل البني التحتية الخاصة بالبترول
دا كلام نظري و كذب حسب المنهج بتاعكم و عيدانك جاهزة
يانافع عليك الله اسكت
يا جماعة أخبار حمودي ود نافع شنو
جندي القوات المسلحه ياخذ راتب شهري 133 جنيه وراتب جهازالامن 590 جنيه .جندي القوات المسلحه بياكل ويكه.وجندي الاستخبارات والامن بياكل معلبات فيها مالذ وطاب .وزول بياكل حرام ويشرب حرام ما يقدر يحرر نفسو ٌ.قال حلايب اقصد هجليج.
نحنه مع السودان نحنه مع الوطن – الله ينصرك يا وطن – ولكن نأمل المساواه بين الأغنياء والفقراء – والمغتربين ديل تدوهم أعفاء سياره بعد الخروج النهائي حرام كده وظلم – يعطى كل مغترب أعفاء سياره ويسجل أسمه في الكمبيوتر لمره واحده بدون خروج نهائي لأنهم مظلومين – ارحموهم بسرعة لأن مشاكلهم كثيره من تعليم أبنائهم ومعاونة أسرهم بالداخل ووقوفهم مع الوطن في كل محنه ومشاكله لماذا هذا التهميش والظلم لهم .
ما صحة هذا الخبر يا ناس الموتمر الوثني
قى تطور دراماتيكى و بخطى متسارعه آفادت مصادر الغرنوق من المجلد بان مواطنى المجلد قاموا مساء اليوم بكسر ونهب كل الاسلحة الثقيله منها و الخفيفة من مخازن الجيش بالمجلد كما قاموا بنهب كل المواتر من محازن الجيش و يخططون لنهب كل مقار الشركات و المنظمات العالمية العاملة بالمدينه هذه الليله الامر الذى الى قرار تلك المنظمات باجلاء كل موظفيها مع طلوع شمس صباح الغد الى الابيض و الخرطوم
يارب الطف وارحم وهون علينا جميعا…..
تصريحات … تصريحات .. تصريح ..تصر ..تظ
زمان وزير اعلامكم مسار السمسار قال كلها ساعات ومليشياتكم تدخل هجليج
الان انت يا نافع وبعد عدة ايام من كلام مسار تقول الجيش ارتكز علي بعد 20 كلم
لماذ ارتكزتم … لماذا لم تحررها … لماذا ولماذا …. ولماذا
واضح ان هذا كذب وكلام سياسه وكلام للاعلام فقط
وعاوزين تبيضوا وجهكم فقط بعد ان صارت سودا من كثرة الكذب والتصريحات المتضاربه
هذا الكلام له ما بعده وهو العكس تماما لقولك هذا يا نافع
الله واضح انكم بقيتوا في ورطه
الحقيقه حسب ما هو مفهوم من كلامك هذا ان هجليج صارت عصيه ولم تسطيعوا تحريرها
الشعب السوداني قاطعكم وما لاقين ناس تودوهم يحاربوا ليكم
الان تحاربون لاكثر من 5 ايام ولم تصتطيعوا تحرير هجليج
بعد ان قلتم ان مليشياتكم سوف تحررها في غضون ساعات
سمعنا انكم منتظرين ناس حماده نافع وهيثم وسامح وو وبقية الحناكيش عشان يحرروها ليكم
والناس عارفين الحقيقه ان ابنائك مختفين في مزرعتهم الحدادي مدادي عشان تعمل تمويه بانهم في الحرب
هل سمعت يوم بان حناكيش حرروا حشره عالقه في شجره خليك من هجليج او غيرها
يبدوا انكم سوف تنتظرون طويلا
انتظروا انا معك من المنتظرين
وأبان نافع عن نيتهم عقب تحرير هجليج، تحرير كل شبر وسنتمتر في البلاد
وطيب ليه تركتم تلكم المناطق والاشبار قاعده محتله حتي الان
كده ورونا … حرروا هجليج اول بعد داك نشوف …. ؟؟؟؟
يعنى حسب تصريح نافع البسنتمتر ده نترقب اخبار عن تحرير حلايب والفشقة؟
قد كان يا ما كان
كان هنا سودان
من خيرة البلدان
خضرة وجمال وجنان
شعب من الشجعان
سمح هو السودان
حلو بلا كيزان
الحطمو الانسان
الهدمو الاركان
للدين والاوطان
الهجرو الحبان
وشردو الاخوان
لا ونسة لا جيران
لا جبنة لا فنجان
سودان مع الكيزان
رجس من الشيطان
لا شكل لا الوان
لا طعم لا ريحان
سجمان كمان رمدان
لا اسم لا عنوان
كم نام هناك جعان
والنيل كمان عطشان
الزارع الحيران
الطالب العدمان
العامل التعبان
المصنع العطلان
النازح العريان
الخايف الهربان
من قذفة النيران
والراقص الخيبان
يرقص وسط نسوان
لا هام ولا دريان
كم كم أهان نسوان
بالجلد بالسيطان
وكم كم قتل انسان
بالضرب في المليان
وكم كم اباد شبان
في محرقة طرشان
وكم كمم الافواه
بالمال والطغيان
وكم كم كمان وكمان
اسرار طي الكتمان
محفوظ بلا نسيان
ليوم حساب كربان
لا عفو لا نسيان
لا رحمة لا غفران
لا ماما بتحل كوز
لا ولولة نسوان
لا واي ولا لاهاي
لا جقلبة غلمان
حتشوفو لحس الكع
شاهد عيان وبيان
مش زي نفش ريشا
زي نفخة العفنان
اخخخخخخخخخخخخخخ
حريقه فيك وفى إرتكازك وفى خال الرقيييص الطيب فضل الله ومصطفى اسحاق اسماعيل وابوريالة
الجيش يدفع ثمن حرب المؤتمر الوطني : اعداد القتلي الكثيرة تجعل من المستحيل دفنهم او اعادة جثامينهم
April 17, 2012
( وكالات ? حريات )
قال نيال دينق وزير خارجية جنوب السودان ان بلاده علي استعداد لسحب قواتها من هجليج ، اذا تأكدت بان حكومة الخرطوم لن تستخدمها كمنصة للعدوان علي بلاده .
واضاف في مؤتمر صحفي مع وزير الخارجية المصري بجوبا امس ان رئيس الجنوب الفريق سلفاكير امر باطلاق سراح اسري القوات المسلحة السودانية .
وقال ان استعداد حكومة الجنوب لسحب قواتها من هجليج بادرة حسن نوايا ولا تعني التنازل عن حق الجنوب في المنطقة التي تقع داخل حدوده .
ومن جهة اخري اتهم جيش جنوب السودان الخرطوم بمحاول فتح جبهة جديدة للقتال في شمال شرق اراضيه في منطقة لم تطلها المعارك الدائرة بين البلدين في الايام الاخيرة .
وقال الكولونيل فيليب اغوير الناطق باسم جيش جنوب السودان ان ( القوات المسلحة السودانية هاجمت كويك في الساعة السادسة (3,00 تغ) من الاحد (?) وتقدمت داخل ولاية اعالي النيل ) .
وتقع قرية كويك شمال ولاية اعالي النيل عند الحدود مع ولاية النيل الأبيض السودانية.
واضاف اغوير أن ( الجيش الشعبي لتحرير السودان تصدى للهجوم وتمكن من صده ) .
وقال ان الخرطوم تعمل علي ( تأجيج التوتر في بحر الغزال الغربي) الولاية الواقعة في شمال شرق الجنوب والمجاورة لجنوب دارفور، عبر تشجيع قبيلة الرزيقات العربية على التمركز فيها.
واضاف إن هذا الأمر ( يمكن أن يضر بأمن السكان المحليين ).
وقال ان (طائرات الأنطونوف والميغ (التابعة للخرطوم) واصلت قصف كل منطقة هجيليج ومحيطها بدون تمييز) .
وأعلن وزير الإعلام في جنوب السودان بارنابا ماريال بنجامين أن الطيران السوداني استهدف البنى التحتية النفطية خصوصاً في المنطقة.
ونفى وزير الإعلام السوداني عبدالله علي مسار قصف البنى التحتية النفطية، في بيان بثته وكالة الأنباء السودانية الرسمية. وقال ( ننفي أن يكون السودان قصف البنى التحتية النفطية في هجليج ) .
وفي السياق ، ذكر مصدر مطلع لحريات ان ضحايا القوات المسلحة في معارك هجليج بلغ حوالي الثلاثة الاف قتيل وجريح .
وقال جندي من جنوب السودان لوكالة فرانس برس إن ( هناك عددا كبيرا من القتلى على خط الجبهة إلى درجة تجعل من المستحيل دفنهم أو إعادة جثامينهم ) .
واحصى صحافي من فرانس برس مئة جندي سوداني جريح على الاقل خلال زيارة الى المستشفى العسكري في الخرطوم.
وسبق واعلن جيش الجنوب عن اسر 14 من القوات المسلحة ، مؤكدا وجود اسرى اخرين لكنه لم يحدد عددهم .
وقال احد هؤلاء الاسرى الرقيب خالد حسن احمد ( ارسلوني لمعالجة الجرحى في منطقة المعارك وقد اسرت خلال الهجوم ) .
وقال اسير اخر يدعى مورور مالك ان الجيش السوداني ( اجبرني على القتال وقد اصبت برصاصتين في ساقي )
لا صوت فوق صوت البندقية التحية للابطال فى القوات المسلحة رجال فى المعركة
فلتسقط رايات الاختلاف و لنتوحد خلف راية السودان من اجل وطن يسع الجميع
والتحية لهولا النفر الذين يضعون الوطن فى حدقات العيون
التحية لجنودنا البواسل وهم يقدمون الغالى والنفيس
الرحمة والمغفرة لشهدائنا الابرار
و عاجل الشفاء للجرحى والمصابين
وإنت قاعد منتظر شنو ولا ماعايز تستشهد ، ولاخايف علي مال الشعب السوداني اللهطو .
يلا يا حلوين بعد هجليج شدو حيلكم كده وحرروا لينا حلايب والفشقة ، ولا تبقي المسئلة حقارتي في بقيرتي .
أ ﻭﻋﻰ ﺍﻟﻤﻈﺎﻫﺮ ﺗﺨﺪﻋﻚ …. ﻭﻻ ﻛﻠﻤﺔ ﺣﻠﻮﺓ ﺗﻮﻗﻌﻚ ….. ﻭﻻ ﺻﺎﺣﺐ ﻧﺪﻝ ﻳﻀﻴﻌﻚ ….. ﻭﻻ ﻋﻴﺸﺔ ﻣﺮﺓ ﺗﻐﻴﺮﻙ ….. ﻭﻻ ﻗﻠﺐ ﻋﺸﻘﺘﻪ ﻳﺤﻴﺮﻙ ….. ﻭﻻ ﻧﺎﺱ ﺣﺒﻴﺘﻬﺎ ﺗﺪﻣﺮﻙ ….. ﻭﻻ ﻏﺮﺑﺔ ﺻﻌﺒﺔ ﺗﻜﺴﺮﻙ …… ﻭﻻ ﺣﺒﻴﺐ ﻣﺨﻠﺺ.
قال عشيرين كيلو من هجليج ….. عشرين سنة من هجليج
نائب الرئيس بقي ناطق رسمي ….. مساعد الرئيس ناطق رسمي …. سناء … مسار …. الصورمي … ارحمونا يرحمكم ما في السماء
نت واحد كلب ندل دجال منافق راجيك يوم سوا من عصاية لقذافي؟
خلاص كملت كل البذاءة بقيت على ووب ووبين؟؟!!
انشاء الله يا نافع كلامك كلو يكون صح
قال ارتكزنا على بعد 20 كيلو مترا طيب لماذا الانتظار يالك من هزيمة تاريخية مازال السيد المانافع يتحدث وكان الشعب السودانى فى غفلة اما يجرى فى جبهة القتال يا المانافع العالم كلها فى قرية القوقيل والقنوات الفضائية ولن تستطيع الضحك على الدقون بعد اليوم فامر منطقة هجليج انتهت والقتال انتقلت الى مناطق خرسانة وبحر العرب بقيادة ابناء المسيرية الذين رفضو الاسنتفار الذى اعلنه الحكومة
فعلا القلم ما بزيل البلم!!!!!! مثل ينطبق على هذا الرجل الملقب بأبو العفين……
اتخنقنا خلاص من تصريحات وعنترياتك يانافع دى العنتريات التى ما قتلت ذبابه ماخد بالك
جيشك ده القائد هو حماده المانافع و لا كيف؟
يا اخوانا الجيش بياكل كووجه يعني فتريته بي ملاح ام شعيفه واولاد نسيبه بالهطوا ما لز وطاب وبعده كمان بتشكي يا ابو الحصين
اظن ان ما يمارسه المؤتمر الوطنى محاوله فاشله منه لالهاء الشعب السودانى من الحاله الاقتصاديه الخانقه
بعد النفصال(المفاجئ للمؤتمر الوطنى)اللى معروف لكل سودانى دخل السودان فى ازمة النقد الاجنبى وكعادة الحلول الانيه سحب النقد من المشاريع القائمه وتعطيلها زى المطار مثلا وسرقة كم برميل من بترول الجنوب وتصدير الاطباء و(النبق) والدهب لم تصمد كثير فى سد الثقره وعند ايقاف الجنوب لتصدير البترول زاد الطين بله فلم يعد هنالك بترول يمكن سرقته.وذلك على مدى السنين الفايته استطاعت الانقاذ ان تدمر كل اركان الاقتصاد السودانى زراعى حيوانى صناعى حقيقى واصبحنا نبيع البترول لنشترى كل شئ من الخارج وكلام نزع ما ونبس شنو ما عارف معليش شعار من الشعارات الكتيره اللى اتنست
المهم المازق خانق وخوف اكتر من الشارع خاصه مع الربيع العربى فكان التفكير فى الحل الانى كالعاده
افتعال حرب لكسب الشارع وتجنب ثورته وكل من يتكلم بعد ذلك يكون عميل
استفذت الحكومه السودانيه جنوب السودان بقذف مناطق البترول وسمحو لهم التدخل فى هجليج بذلك يظهرو للعالم ان دولة الجنوب غازيه ويكسبو صف الشعب
لكن اقول للشعب ان حكومة الانقاذ ادعت انها جاءت الى السلطه ل دحر التمرد فى ذلك الزمان وانتهى الوضع الى الانفصال فاذا كان الشعب يحرص على الوطن السودان لابد من الخروج الى الشارع وازاحت الانقاذ
حتى لا يتفتت السودان زى حلاوه هريسه
وي ريت لو تقدرو زى ما قال البنى عامر فى النكته تحن محل ما انخستونا رجعونا وقت كان السودان مليون ميل
لابد من طرد الكيزان للحفاظ على ما تبقى من الوطن لانو جدودنا زمان وصونا على الوطن ولا نستو؟!!
والله غايتو عندك خشم كمان تصرح بيهو انتو اله ما جاب باقيكم يا من جعلتمونا مضحكة عند الشعوب اذهبوا الى مزبلة التاريخ واتركو الشعب يقررررررررررررررررررررررر
المؤتمر الوطني والمؤتمر الشعبي والعدل والمساوة كلكم واااااحد ابوكم الترابي كلكم منافقين والمنافقين في الدرك الاسفل من النار ..يومها ستسالون ما سلككم في سقر ستقولون كنا وكنا وكنا………..الخ
طبعا سعادتك إنت ما (شفت) بس ( سمعت) و كل ما ينقل لك من أخبار قد يكون ملفقا أو صحيحا ..
سمعنا منكم و من القيادات السياسية و على مدى يوم كامل أن مسألة إستعادة هجليج ماهي إلا مسألة ساعات و لم يحدث ذلك ثم خرج إلينا الناطق بأسم الجيش و هو ( يتلجلج ) في الكلام قائلا بأننا لم ندخل هجليج و إن قواتنا تحاصرها ؟؟؟ !!!! ما قلتوا نوبة و أن هناك أخبار سارة وأن الأمر لن يتعدي الساعات لكن الأيام تخطو نحو ( 7/4 ) الأسبوع و يمكن تطول !!!
و حقيقة ( حتطوووووووووول ) لأنك لن تجروء على دخول هجليج ( عنوة) إلا عبر نسف حقول البترول و ناس الحركة باقين ليكم زي ديك العدة و أعلنوا عن شروطهم التي كان من الممكن أن يتم التباحث حولها لولا إعلامكم ( الموتور ) ..
يا سيد نافع و الله لو خفت الله فينا بأمكانك ترجع هجليج و تعتمد ملكية أبيي و يمكن كمان ( تشيل البشير) كتافي و تمسك البلد لكن سبحان الله فيكم ( أسد علي و في الحروب نعامة ) و كلوا عشان شنو ؟؟ إرضاء للبشير؟
أرحموووووووووووووووووووووووووونا يرحمكم الله ..
المهم الساعات مرت و الكلام بتاع وووب و وووبين ما بيبرر ورطتكم لكنه يؤكد ما ذهبنا إليه بأن إكتساح هجليج ممكن جدا جدا ، لكن المهم كم ستكون كلفته ؟؟؟ أقعدوا واطة و أحسبوها صاح و بعدين تعالوا أدلوا بتصريحاتكم لأنه وقتها ستكون عقلانية و مبلوعة ..
ضد الحرب و ضد الإستبداد بالرأي و ضد التفريط بأراضي و مقدرات البلاد بسبب الحمق السياسي …
كل شبر وسنتمتر من الوطن هل تشمل حلايب وشلاتين والفشقة
اخرجوا الوطن من جيوبكم ايها الصوص حتى نتعرف عليه ونحميه
هههههههههه هههههههههههه
يانافع الجراب بتاعكم بقي فاضي مافيهو شئ غير الخوازيق كل يوم خازوق شكل……. ياناس اتحركوا رجعوا هجليج وارجعوا غيروا حكومة الاجهاز الوطني 23 سنة تنظروا والوطن ينادي كفاية عقوق للسودان
سلفاكير عائد لحالة الغيبوبة التى يعانيهايعنى شنو؟؟؟؟؟؟؟؟
يعنى سلفاكير و هو سكران أحتل هجليج..طيب لو كان واعى كان عمل شنو!!!!!
المشكلة في الغير نافع ده انو حيعمل تشويش للقوات المسلحة بتصريحاته عن الطابور الخامس والخونة وحقو يخلي التصريحات عن المعارك دي لناس الجيش …. ويبدو انه مزنوق مع جماعته في زاوية ضيقة وضهره للحيطة عشان كدة بيقول الكلام دون وعي …. والجيش السوداني لم ينهزم طوال فترات معاركه السابقة ابدا ولم يفر رجاله من معركة ابدا الا بعد ان تم افراغه من محتواه لصالح مليشيات المؤتمر الوطني وجهاز امنه…. وجنود القوات المسلحة اليوم هم يشاركوننا المعاناة من الجوع والمرض والغضب والحنق على شرزمة المؤتمر الوطني … وجيش واحد وشعب واحد والمؤتمرجي يطلع بره.
الولد نافع هجليج ما مهمه بالنسبه له
ولكن المهم ان يظل البشير رئيسا
وبعدين ح تصلوا فى هجليج متى اقصد كاودا
ولا دى نسيت تصرح بيها
سوف تطاردك ارواح الشرفاء ودعوات الارامل والايتام
والى الامام ياثوار كاودا
نافع داير تفتح حرب مع كل الجهات في مثل هذة الظروف والله انه اليأس بعينو والله لسان حالكم يقول ما قلته في حق الحركة الشعبيه إن إستمسكنا بالحكم أوووب وإن فكيناها أووبين علينا.
ابو العفين (ضار علي ضار) يتفلسف…. هاهاهاهاهاها و الله زماااااااااااااان..
هسه خلي الشتائم والكلام الفاضي ده .. إنتو قلتوا حتطردوا الجيش الشعبي من هجليج في ساعات .. طيب لما لقيتوا نفسوكم ما قادرين تسووا القلتوه بقيتوا على الشتيمة والكلام الكتير زي النسوان .. ما تركزوا وتبقول رجال زي ما قلتوا ..
وبعدين عندما وصفت دارفور (الفور وبقية الزرقة) وجنوب كردفان (النوبة) والنيل الأزرق (أنقسنا وأجناس زرقة) بأنهم أعداء للسودان .. طيب عن أي سودان تتحدث بخلاف هؤلاء .. تقصد السودان هم الجعلية والشايقية وبس ؟؟
قبلت ولا ما قبلت ديل جايين يدخلوا الخرطوم يقلعوك من كرسيك ده ويحاكموك ويجردوك من أموالك بتاعة الحرام المسروقة دة ويدخلوك السجن .. وبعدين يحكموا السودان مع القوى السياسية الموجودة في الساحة وفق نظام ديمقراطي يساوي بين الناس .. وإنت حتفضل في السجن لغاية ما تموت وتبقى بترول .. البترول المجننكم ده.
والله والله يااااابو العفين وووب عليك انت وووووووووبين عليك انت برضو ومليون ووووووووووب على السودان الفضل الذى اصبحت فيه انت من قادته السياسيين ، ومليار ووووووووب على الشعب السودانى الذى اصبحت انت تتصدر قادته وتصرح يشلاضيكم باسوء الكلمات التى تفضح مستواك الفكرى والاخلاقى ، الكل يعلم ان التباكى والثكلبة والعويل ليس من اجل هجليج فى حد ذاتها ولكن من اجل مافى باطن ارض هجليج ، ولو كان هذا التباكى من اجل وطن الجدود الذين وصونا به لما قمت بفصل الجنوب بدم بارد ولم تغضوا طرفكم عن حلايب وعن الفشقة ، انتم مجموعة من اللصوص والكذبة مارستم ابشع انواع القمع بحق الشعب السودانى وقمتم بنهب موارده وامواله ولم تشبعوا بعد منها، افرغتم القوات المسلحة من رجالها الذين خبروا الحروب والقتال وجعلتوها مليشيا تابعة لمؤتمركم الوثنى وها انتم تحصدون ثمار فعلكم ، لن ينخدع احد بكذبكم وعليكم باسترجاع هجليج وحدكم اذا استطعتوا الى ذلك سبيلا ، طالما سرقتم كل الموارد البترولية ابقوا رجال واسترجعوها بدون عوعو وثكلبة وعويل ، والله لو دخلت قوات سلفاكير الى الخرطوم فسنرحب بها ونستقبلها بالورود والاغانى وانت ليس الشخص المؤهل لتوزيع صكوك الوطنية بل انت ابعد مايكون عن الوطنية والوطن ، قال جعلى قال ، الجعليين منك براء وانت لا تنتمى اليهم ولا تنتمى لكل الشعب السودانى ، انا اقول هذا الكلام وسوف اقولها لك بنفس السم الذى نشرتوه فى الشعب السودانى وعملتوا على تغذيته عن القبلية والجهوية فانا جعلى اكثر منك ولا اعترف بك كسودانى دع عنك انك جعلى ، لعنة الله عليكم جميعا
من العار ان يحكم امثال هولاء الصعاليك شعب يجمع الدكتور والمهندس والمثقف والفنان والمزارع و …….. الويل لكم من الايام القادمة يا بغاة الانسانية
والله نقول الحمد لله بقينا مسخره بدل المفخره .
نافع الما نافع انت قاعد تتبجح وتتكلم ما تمشي ترمي قادم في الصفوف الامامية بدل ما قاعدفي المكيفات . وعشان تحافظ على الكرسي ولو يوم بيوم تيتم اطفال المساكين المرابطين وانتوا ضاحكين عليهم .
والله انتوا تقتلوا في الواحد حب الوطن ولو نحنا عارفين انكم عندكم غيره على الوطن كان تلقونا قدام .
الحكومه في ورطه وهذا واضح في تصريحاتهم الغير منسقه