السموأل : لهذه الأسباب طردني بكري حسن صالح من مكتبه.

فى جمهورية المشروع الحضارى تناطح تيزان …الكبير مسطول والصغير موهوم واحد داس النعمه فى جيبه والتانى شقق الحرمان دلاقينه الاول راكب السلطة بالبندقيه والتانى خدمها وكمان عنده اقدميه الاول بيجننه جدا همهمة الرعيه والتانى بيصبر فى الماكولين رجاله وبعين قويه ….المسطول جبد نفس وناصر وزير الماليه والموهوم حلف بالتقطعه الا يدوه المليارت وكمان فوريه المسطول اتخرب مزاجه رغم زيادة التعميره والموهوم اتكل على مجاهداته فى الحركة التمكينيه..ومرقت الطلاقات كميه اتصفع الباب واتشات بالبوت وليد الحركة الاسلاميه
هكذا يدار كنتين الانقاذ تاكل وتمزمز فى سكات وتلهط كبرى وتنهب مستشفى او دكان ده ما بيزعل زول فيهم بل اكتر تحاط بالاعجاب …لكن تتكلم و تستخدم الالفاظ النابيه على شاكلة حقوق وقانون فده دونه طوالى الكف والشلوت وهسه براكم شايفين الطفل المعجزة عامل له مصنع عديل للتلج وشغال تكسير والزول بتاع ابو شلاضيم بيحنن فى قلوبنا وبيشتكى من وجع الضهر وسهر السنين
شعبنا الطيب قرفنا قرفنا وعوووووووووووع مرقت مصارينا…….وقومو الى انتفاضتكم يرحمكم الله

والله يا شيخنا السمؤال أكلت الهوا براك .. شوف مافى زول وقف معاك ولا سألوا فيك بعد العملتو دا كلو عشانم انت الشلت وش القباحة ساي .. يا شيخ السمؤال ناس الازاعة والتلفزيون أمال قاعدين يتمسحوا ونازلين كسير تلج للسادة الوزراء ليل نهار والمثل بيقول الكلب بيحب خناقو .. غايتو الله يسترها معاك

الكوز المخروم عاوز يعمل فيها بطل

عندما (يتناقر تيسين ويلبلبو)ثم (يتناقران) ويتناطحان….هذه يوضح ان الشغلة عايرة وبايرة…وكمان نديها سوط….عن اي اعلام…وعن أي مهنية…وعن أي حقوق يتحدث مستلوطة المتأسلمة…؟؟؟!!!

هو نفسه ماذا قدم للسودان من خلال هذه الجهاز الحساس للأسف كلو اغاني واغاني واغاني الدور جاي لكل الخائبين من بكري نفسه الي اصغر مسئول يعمل ضد الوطن

اقول اتوكل علي الله بس وانقلع
انا الحتة المستغرب مؤهلك حتى تتربع على ادارة الاذاعة والتلفزيون وانت لو ما ضعيف ما شالوك

لا حول ولا قوة الا بالله……. رجل يطالب بحقوق العاملين معه يتم اعفاءه من منصبه

اي واحد يدو بالشلوت داير يعمل فيها بطل قوم ياانتهازي يامتصبين ياكوز يامقدود فرقك شنو من كمال الوزير البكاي بعد طرده من الوزارة كلكم عفن ..

على الطلاق تستاهل يطردوك…

والباقي شنو في البلد دي يا جماعة الخير؟؟؟؟؟؟؟؟؟؟؟؟في شنو غير الموت والظلم والجوع والمرض والتشريد؟؟؟؟؟؟؟؟اي شي انتهي خلاص…

جنس كضب؟ وانت احد من من امتلئت بطونهم و بطون اخوتك بسرقه مال الشعب – اذن فانت اخر من تتحدث عن حقوق العاملين فحساب الله ات بلا ريب فيه و حسبي الله عليكم سارقي مال اليتامى و الفقراء

انتم شوهتم اسم البلد باعلامكم الموجه يا السيد الوزير زعن اى اعلام تتكلم انت ؟ كلنا نعرف ان الاعلام من اقوى الاسلحة ماذا استفاد منك السودان طيلة جلوسلك على هذا الكرسى ؟ .
السبب ليس مطالبتك بحقوق العاملين معك هناك سبب اقوى من ذلك و اعتقد تقصيرك فى عملك الموجه انك قصرتكتير فى تلميع احزية القادمين على الانتخابات المشؤمه اما اذا كنت صادق فيما تقوله و انا و غيرى نشك فى ذلك فلماذا لم تطالب بوقف الحرب فى جبال النوبه لماذا لم تطالب بمحاسبة قاداتك الفاسدين لماذا و لماذا كنت تملاء قمك بذه المطالب بدلا من على بالطلاق و كمان طلاق بعد القسم سبحان الله

ده يالسمؤال بكون لافيها ب كرت واحد لمان انت مشيت ليهو بعدين انت البوديك شنو ليهو بس الله ستر عليك والله لو زدت حليفتك دى تانى كان وداك الدروة طوالى انت مش عارفو كتا كتاه ده وانت مش عارفوا دفن الضباط احياء فى رمضان العظيم والتسوى كريت تلقى فى جلده كلكم سفله ومجرمين ونسال الله ان يجعل كيدكم فى نحركم امشى دبر ليك اى مكيده ليهو ياسافل انت ………………………………

اليوم بس احترمت المدعو بكرى حسن صالح الحلف بالطلاق جائز بسوق الحمير مثلا لاكن بمكتب نائب رئيس لا.وبعدين البلد البديروها بالطلاقات والزواجات والقتل والسرقة لاحقوق للاخرين وانت ومن معك بالمكتب الراسى اكثر علما من الغير فلما الجلبة. وانت يا نائب السفاح سفاحك يوم حلف بالطلاق اكان بسوق الناقة لماذ لم يتردة الشعب . يابكرى الحق حق والباطل باطل

اللهم اجعل كيدهم بينهم أينما كانوا حتى وهم في نار جهنم مخلدين فيها أبدا ….اميييييييين

قال المصطفبي صلي الله عليه وآله وسلم من كان حالفاً فليحلف بالله او ليصمت. ثم ثانبا دي سياسة دولة وغقاً المتاح وأسلوب التفاوض والنقاش وليس العنتريات.

انت عارف يا السمؤال انت تكون دخلت علي المسطول ده من الصباح و يكون ما اصتبح يعني كان خرمان و ما ضرب سجارة الصباح و مع الخرمة ديك انت جيت داخل يعني في المكان و الزمان الخطاطواااالي شاتك بره و لا تكون السجاره ما كويسة دوكو ساي فش

من مصادر موثوقه
…..

1/
عبدالله حسن أحمد البشير
الرئيس الهارب

يُسمي بـ ( حـقي كم ) …..
هذا اللقب أُطلق عليه لأنّ كل من يأتي إليه لموضوع يفاجأًُه عريس الهنا بجملة ” حـقّي گــم ” !
هذا الرجل سمسار جداً يسمسر في كل شيئ !

هل سمعتم بمريض واحد عالجه أو قابله الدكتور عبدالله البشير ؟ لايوجد بالطبع فالرجل كرّس حياته لنهب السودان والعمل الدؤوب علي تفليس خزانة الدوله بكل الاشكال ،، سمسره ،، واسطه ،، محسوبيه ،، سرقه … الخ

2/
د مروان الحلفاوي
مدير التدريب وزارة الصحه الاتحاديه
…..
المهمه: بيع خلو الطرف للاطباء

يقوم الدكتور مروان مدير تدريب الاطباء بوزارة الصحه الاتحاديه ببيع خلو الطرف للأطباء هو ودكتور آخر يُدعي الريّح ود أبي موجود،، ويقول المصدر ان جهاز الأمن كان بصدد استدعاؤه للتحقيق ولكن حال تدخل شخص ما * رفض المصدر الافصاح عن اسمه * بالتحقيق ،، ويقول المصدر :
جهاز الأمن يُراقب تصرفاته عن كثب وليس لديه حل سوي ان يتخذ وزير الصحه او وكيلها قرار بإزاحة كل من د مروان ود الريح من مناصبهم ،، بل ومحاسبتهم وارجاع الاموال للدوله !
الطبيبه (س) قامت بتوريطهم عبر والدها وشقيقها ! ويقول المصدر ثقتنا في وكيل وزارة الصحه متوفره لمحاسبة د مروان والاخرون معه وازاحتهم وارجاع اموال الدوله المنهوبه

تقول الطبيبه س أن خطوات تفاوض د مروان ومساعده معها قامت بتسجيلها بجهاز قلم تسجيل صغير دسته في ” كُم عباءتها ”
3/
ازهري خلف الله
قام ازهري خلف الله باعطتء تصاديق مباشره للدكتور الجاز والدكتور نافع بتمليك خمسين فدان لكل واحد منهما في السبيل وهو منطقه مجاوره لسوبا والحي الدبلوماسي ويبلغ قيمة الفدان فيها مليار جنيه ،، قام الامن الاقتصادي بايقافها ولكن لاندري الان هل تم اكمال التصديق ام لا

4/
ايلا والي البحر الاحمر

يقول المصدر ،، وهو مصدر مهم بالنسبة لي شخصياً ؛
قام ايلا بالتجهيز لبداية مطار دولي للولاية بتمويل قطري ،، ولكنه وقع في خطأ اشراك اخ الرئيس د عبدالله حتي يتمكن حسب قول المصدر من ادخال المواد بالجمارك، والانتفاع من الاعفاءات
قابل ايلا و معه شخص قطري مندوب من قطر بمقابلة عبدالله الذي احري اتصالات سريعه امامهم عبر الهاتف ولم يلبث ان وضع الهاتف امامه والتفت نحوهم قائلاً :
خلاص اعتبروا الموضوع ده منتهي ،، واكمل ببجاحه قائلاً :
( حقــّي كم ) !
بعد الانتهاء من تلك المقابله حلف القطري بالطلاق أن لايقوم هذا المطار ،، وبذلك يكون العريس الهارب شقيق المشير الهارب من العداله قد أضاع علي البلاد والعباد مطار بحاله

5/
اللواء ياسر مدير شركة الهدف
يقول المصدر :
يسكن اللواء ياسر في الطائف مربع 23 في منزل يفتح جنوباً ،، يسكن قبالته مهندس اسمه مصطفي ،، يعطي اللواء ياسر الكثير من الاعمال لهذا المهندس لدرجة ان حراس الهدف لهذين المنزلين يفوق الاربعة اشخاص
نناشد المسئولين في التحقيق في عطاءات شركة الهدف لوجود اسم المهندس مصطفي فيها بكثرة

الحلقة القادمه مهمه جداً ،، ترقبوها بالمستندات

لا لا كم كدى تصرف بكرى صاح مش يطردك بس يديك بالشلوت خارج المكتب،، يا حليل النميرى كان كفتك قبل ما يطردك.

لو تصرف بكري والبشير بذكاء
وتخلصوا من الاخوان سيء التربية عباد الشيطان والدنيا ارباب النفاق والاجرام لوجدوا كل الشعب حولهم كما حدث في مصر للسيسي
هؤلاء الزبالة هم أس البلاء
قال عامل فيها بطل وبطالب بحقوق العاملين ، ماهم عصابتك وعندك معاهم مآرب ومنافع شخصية
ماكان بكري يطردك وبس كان يديك شلوت وانت طالع

ياهوي عاملين فيها بطولات الم يحلف الريس من قبل بالطلاق لامريكا واليوناميد الا تدخل السودان
بلا يخمكم كلكم بلد هاملة تدار بالطلاق والزواج المثني والمربع واللواط

و دى بلد شنو دى الممشنها بحلف الطلاق !!
منتهى الجهل و التخلف والضلال ..

الحلف بغير الله منكر لا يجوز يا كوز والنبي صلى الله عليه وسلم قال : (مَنْ كَانَ حَالِفًا فَلْيَحْلِفْ بِاللَّهِ أَوْ لِيَصْمُتْ) ، وقال عليه الصلاة والسلام : (مَنْ حَلَفَ بِغَيْرِ اللَّهِ فَقَدْ كَفَرَ أَوْ أَشْرَكَ) , و عاملين بتعرفو الدين و عايزين تطبقوه على الناس !!

ثم ثانياَ انت تعلم بأن الإذاعة و التلفزيون التى ترأسهم ماهم إلا أداء للغش وللنفاق وللتطبيل لهذا النظام المستبد الفاسد و لتكريس حكم البطش و الإستبداد , و الآن جاي تعمل لينا فيها بطل ؟ إنتو فعلاً “عالم تخاف ماتختشيش” زى ماقال عادل إمام

جاتكم نيلة انت و مسطول ديمة بتاعك دة , جاكم بلاء يخمكم و يريح السودان منكم ومن نتانتكم يا ملاقيط ,

تلفزيون السودان ده خصخصو بعد ده لحق سودانيير في العجز والديون. اصلا مافي زول بحضرو جيبو بدلو النيل الازرق

ياسماعيل الرسن ازيدك فى الشعر بيت
من مصدر موثوق جدا جداجدا من داخل شركة بن لادن السعودية

تقدمت شركة بن لادن قبل عدة سنوات لبناء مطار الخرطوم الجديد وجاء مندوب لاستجلاء الامر ومقابلة المسئولين وفى صباح يوم جاءته مكالمة معرفا بنفسه(معاك د.عبدالله حسن احمد البشير)(بلاخجلة)واود ان اساعدكم فى تنفيذ هذا المشروع وبالطبع هذا المجهود يتطلب بعض التسهيلات المالية.
وبالفعل اتصل المندوب برئيس الشركة من اسرة بن لادن ونقل له مادار فقال له رئيس الشركة خد اول طائرة وارجع فورا واعتبر هذا العرض ملغى.
وبالمناسبة كان فى نية شركة بن لادن ان تنفذ هذا المشروع باقل التكاليف مساعدة للسودانوذلك حسب افادة المصدر

يحلف للوزير بالمالية بالله اما بكري الكبير فيحلف له بالطلاق خسئت يارجل

راجع ايمانك بالله ان كنت مؤمن بدل البحث عن بطولة جوفاء

سبحان الله عندنا عادة مكفرة هي الحلف بالطلاق اقوي من الحلف بالله

قلنا جيبوا لينا موضوع تدشين نداء السودان في دار حزب الامة .هذه لها اولية علي بتاعين لتلفزيون الكضابين . الاهم الاهتمام بمن في الاقاليم فهم بالملايين . علي الاقل مكنوهم من المشاركة حتي ولو بالتوقيع .

اذاعه شنو تلفزيون شنو مابتذكر متين فتحتهم وهذا حال كل السودانيين اقفلوها وريحونا بعد ما فشلت في الوحده والسلام
وبقت ابرز من يحض للاحتراب وتاجيج القبليه فشلت يا سيدي عمر بكامتك واترك الشعب السوداني لله

السمؤل خلف الله نعم هو كوز لكنه كوز راقى ونضيف
والكل يعلم ان السمؤال اى محل اشتقل فيه نظمه وكان له لفضل عندما كان امين الطلاب بالقاهره السمؤال اول شخص يعمل سكن خاص للطالبات بعدما كن يسكن فى مناطق بعيده ومناطق سيئه فيها كل شى قبيح فالسمؤال عمل نظام داخليات وعمارات كامله فقط للسكن الطالبات فى القاهره والاسكندريه وبعد المحافظات التانيه
السمؤال كان الملحق الثقافى للسفاره السودانيه بالعراق وكان له اداء ممتميز ايضا مع الطلاب والطالبات
السمؤال هو من اسس مؤسسه نمارق للاداب والفنون وكانت من اميز الفرق المسرحيه والغنائيه
وكان على راسها الممثل صلاح الان بالتلفزيون والممثل والمخرج حسن كدسه والممثل حسن جرسه والممثله خليفه وبها الان العديد من يعملون بالتلفزيون القومى وغيره
السمؤال اول من قام بتنشيط ملتقى الزكر والذاكرين ومنها ظهرت اولاد البرعى ووالكثير من المادحين على مستوى عالى من الجمال واظهرهم هو بنفسه عندما كان مدير ادارة البرنامج الثقافيه بالتلفزيون وكان يعمل سهرات النجوم التى يدعو فيها كل الفنانين والممثليين والمسرحيين
ايضا يا اخوانا كان امين عام مجلس الاداب والفنون وقام بطباعه دواوين وكتب تخص كبار الشعراء والمؤلفين وكان الكثير من الشعراء ليست لديهم دواوين
ايضا كان السمؤال يعمل المهرجانات ويعمل الليالى والثقافيه ومعارض الكتب وغيرها
السمؤال يا شباب صاحب انجازات وكلما تجده تجده بشوشا وجميلا رغم انه امام وخطيب مسجد ببرى ولكنه انسان متفتح
وللحقيقه السمؤال افتقده الاعلاميين كافه لانه صاحب خبره وانسان حقانى يحب عمله ولو سالت جميع العاملين بالاذاعه والتلفزيون سوف تجدهم ندمانين على خروج السمؤال من هيئه الاذاعه والتلفزيون
ولامانه هذه بعض الاشياء الجميله التى اعرفها عن السمؤال خلف الله
لكن صدقونى سوف تجدونه فى موقع اخر

I wish if he had maintained silences? Poor justification

معقوله مرقته ساى كده لاكف لابنيه لاشلوت؟!
محتاجين لمصدر محايد..
اللهم عجل بالفتنه بينهم وأجعلهم أعداء لبعضهم..

بالله يا جماعة الخير ضيعتو كل هذا الوقت فى التعليقات عن هكذا موضوع!! موظف دوله اخطأ فى حق النائب الاول وفى حق مكتب الدوله واقيل من منصبو! هو ضاق الرفتيه قبل كدا لما كان وزير “سغافه”
* بس الراجل ما افصح عن اسباب الاقاله الاولى!
* ايه المشكله؟ موش جايز محمد حاتم سليمان يرجع مكان السموءل ..كوللو وارد!؟ موش جايز محمد حاتم ياخدلو “سالفه” على اخوه وصاحبو ياسين ابراهيم يرشحو للريّس ليوليه منصب “ابن عاديا” او ياخد محلّو هو ان اعيد الى التلفزيون ومعاها الاذاعه كمان!
* بس الصبر يكون معاكم.. وكل شى وارد وهيكون فى السليم ان شاء الله سبحانه وتعالى.
بس سموءل ما كانش حصيف وختاهو الراى! كان حليفتو دى تكون ان ناس التلفزيون “احتسبوا” مستحقاتم .. وكان كسب الجوله باعلان تبرعهم بيها للجنة دعم الاستحقاق الدستورى بانتخاب الرئيس!!

يجماعة السموؤل غلطلن غلطان اولا
1- الحلف بطلاق دا حدى زاتو مصيبة وعدم احترام للمطلقة وزول على راس ثقافة كات يحلف بالله
2- والمبلغ كبير جدا والاداء ضعيف فلابدا من جدولة والا مان زول مسؤول
3- والاحترام مطلوب واللياقة كمان
4- وهذا التصرف سمة عامة للسياسيين السودانيين فى البداية لاسم ولاثروة ولا جاة وبعد البلوغ للغاية
يمثل فيها بطل ودى ليس بطولة انماهى فشل

بدون شك الخطأ هو خطأ السمؤال الذي يطالب بحقوق الموظفين بطريقة غير حضارية وتنم عن الضعف، وما كان له أن يحلف بالطلاق في مكتب نائب رئيس الجمهورية لأن الرئيس ونوابه يعرفون حقوق العاملين بالإذاعة والتلفزيون جيداً قبل تعين السمؤال مديراً. هناك ضائقة مالية تعاني منها الدولة ولا تستطيع حالياً الإيفاء بجميع الإلتزامات المتراكمة، والحقوق لا تؤخذ بحلف الطلاق في مكاتب المسؤولين.

تحدي السمؤال للفريق أول ركن/ بكري حسن صالح هو أكبر خطأ سياسي إرتكبه السمؤال في مسيرة حياته، وهو يعرف تمام المعرفة أن سيادة النائب الأول يتميز بشخصية قيادية صارمة ولا يحب الثرثرة.

كما أن رئاسة الجمهورية لا تملك خزائن قارون حتي تعطي السمؤال شيكاً علي بياض، والناس يحاولون بشق الأنفس إدارة آلاف بنود الصرف وترتيب أولياتها بينما السمؤال لا يهمه سوي بند الصرف علي التلفزيون فقط.

قرف الانقاذ في كل مكان ، كل علج عامل بطل في الفارغة.
كل منسوبي الانقاذ اهداف مشروعة، طالما ظل الانقاذ مستمرا في قتل الناس افرادا و جماعات. على خلايا المقاومة السرية بالاحياء التربص بالكيزان وكلاب الامن. وعندما تنظف كل خلية حيها من انصار المخبول البشير ، يكون كل السودان نظف. اجعلوا الحياة غير امنة لهم ولاسرهم وانصارهم. نحن نعرفهم بالواحد و هم في وهمهم و غيهم تأهون. سنجعل الواحد فيهم يخاف من ظله.
حرب عصابات حتى النصر.

العصيان المدني الشامل المترافق والمتزامن مع (التمديد) المسمى بالانتخابات .
لا تخرجوا الزموا منازلكم فقط .. لمدة ثلاث اسابيع .. اوقفوا المواصلات واغلقوا الشوارع بمتاريس لشل العاصمة والطرق السريعة
بعد نداء السيد الصادق للقبائل ننتظر نداءه لاعلان العصيان المدني .

يعجبني الرجل الذي لا يتلجلج امام اي شخص خاصة امام اكبر دقن و من الذين يحترمون مناصبهم وانفسهم ليس من حق بكري او البشير طرد اي مواطن هي مكاتب دوله و هي ليس بيوتهم خطا السمؤال كبير لا يغفر له ونتعاطف معه م هي الاسباب التي تجعلك تنضم لسلكهم التنظيمي ونحن علي حسب معاملاتنا ومشاهدتنا ممارسات سلوكهم المعيبة الفضيحة وضعنا حاجز بيننا وبينهم ما بالك وانت منهم وتعرف اكثر مننا لو كان هدفك خدمة الاسلام ف الاسلام لم ولن ينتشر بواسطة هؤلاء الصعاليك بل يوف ينكمش ف احترم نفسك وصلي صلاتك ف بيتك ما لك ومعشرة اللئام

والله يا السمؤال يا أخوي علي الطلاق دى الواحد ما بيسمعها الا عند التجار .. ومين القال ليك الدولة بتمشى بعلي الطلاق .. هي بقت كشك جزار .. وبعدين انت داقس وللا شنو .. دى جماعة السمع والطاعة العمياء زي العسكرية تنفذ وبعدين تحتج .. عموما أكيد ثم أكيد بكرة بنلقاك فى مكان تانى يمكن أحسن من ده وبيرقوك كمان وأكيد انت عملت الحركة دى مخصوص

انا عمرى ما بصدق كلام كوز ولا يمكن فى يوم من الايام اصدق كلام كوز ، المهم الراجل دا عايز يقزل انو هو حريص على حقوق العاملين بالاذاعه والتلفزيون بل وحقوق الانسان ، السؤال : ابن كنت يا ابن خلف الله حينما ابتدعت الانقاذ الصالح العام ؟ واين حقوق المحالين للصالح العام ؟ اليس انت جزة لا يتجزاء من الذين ابتدعوا الصالح العام عشان كل الوظائف تكون لبنى كوز؟ ما قلت ليكم عمرى ما بصدقكم يا بنى كوز( الما عندو قديم ما عندو جديد).

والله ياخي مع طلعت من بكري بكف دا أحسن حاجة

اللهم اجعل كيدهم بينهم

يعني الناس لا بعجبا العجب لا الصيام في رجب. الناس خلو السمؤال الطالب بي حقوق عمال وموظفي التلفزيون مع ان الحادثة لها اكثر شهود بالمسجد المذكور..وخلو نائب الرئيس…دي افهموها كيف؟؟

لقد شرب السموءل الآن من الكأس الذي ظل أصحابه من حزبه الأنتهازي يذيقونه لكلّ من يصدع بكلمة الحق في وجوههم. لن ينفعك الحلف بالطلاق ولا بغيره!! وبلاش عنتريات في الفاضي!!

يتضح ان الجدال كان قائما بين مدير التلفزيون ووزير المالية ولم يكن النائب طرفا فيه حتى خروج مدير التلفزيون عن اصول اللياقة ومهاجمته لوزير المالية

نفترض جدلا انه استطاع الخروج بالاموال التي يطالب بها للتلفزيون والاذاعة هل فعلا كانت ستدفع للعاملين حقوقهم كاملة ام بالنقاطة؟؟

فصل من فصول مسرحية المسيرة الفاسدة لا اصدق هذا ولا هذا !!!

والله ما قصرت يا السمؤل .. ربنا يجعلها في ميزان حسناتك
اي زول يسعى في حفوق المظلمومين يستحق التحية .. مها كان اختلافنا معاهو
انا شايفو من الكيزان الكويسين

دا الكلام يا[مشكاح الموضوع ماحقوق العاملين الموضوع ديون الاتحاد العام لكرة القدم للمواسم السابقة ومقدم العقد للموسم الجديد لبث الدورى الممتاز

قالوا ان السيد السمؤل عندو زوجتين احداهما صغيرة وجميلة ربنا يخليهما له سؤالي للسيد السمؤل لو حلفت طلاق مرتين هل كنت تقصد بهما زوجتيك ام احداهما لكن مؤكد ما كنت حتطلق الصغيرة لانها سمحة خاصة وانك عندك منها ولد سميح ربنا يخليه لكما، ثم ان الحديث مع كبار المسؤولين له اصول وبروتوكولات لا يعقل ان تقسم بالله ثم بالطلاق فى حضور الرجل الثاني فى الدولة ثم ان حقوق العاملين االتى تطالب بها لا يمكن ان تقتلعها اقتلاعا من وزير المالية الذى يعرف البئر وغطاءها اى يعرف حال اقتصادنا المتهالك ومع ذلك نتعاطف مع المساكين الشغالين فى الاذاعة والتلفزيون، وانا شخصيا لا استبعد ان يعيد المؤتمر الوطني تعيين السمؤل فى منصب رفيع قريبا اسوة بما جري للسيد محمد حاتم سليمان مدير التلفزيون السابق الذى اصبح مستشارا اعلاميا فى القصر الجمهوري خلاصة القول ان السيد السمؤل لم يحسن الادب فى حضرة النائب الاول الفريق بكري حسن صالح ولا اتفق مع من ذهب الى ان السيد بكري طرش السمؤل كف حار ذلك ان بكري لو صقع السمؤل كفا حارا كان قلع او خلع ضروسه لأن يد هذا الدنقلاوي ثقيلة وطرشة ، المؤتمر الوطني فشل فى اختيار قامة اعلامية مرموقة لادارة التلفزيون فمحمد حاتم سليمان وعوض جادين وابراهيم الصديق والسمؤل وغيرهم من كوادر الجبهة الاسلامية القومية فاشلون فيهم من اتي من الدفاع الشعبي ومن الشرطة الشعبية والمستشارية الثقافية الايرانية وهم جميعا اعلاميون فاشلون على كل حال نتمني للسيد السمؤل التوفيق فيما هو مقبل عليهم بس ننصحة بان لا يحلف بالله والطلاق فى امور العمل اللهم الا ان كان راغبا فى ان يكون تاجرا يشبه تجار السودان الذين يحلفون بالله وبالبطلاق فى كل كبيرة وصغيرة شكرا واتفق مع من انتقد السمؤل لتنويره العاملين من مسجد الاذاعة فالمساجد لم تنشا لكي يصفي المسؤولون خصوماتهم مع بعضهم ، بقي ان نعلم اننا لم نسمع افادة السيد بكري حسن صالح ولا السيد وزير المالية في موضوع استقالة السيد السمؤل خلف الله