موظفو قناة الشروق : نحن الآن نلوك القرض
الخرطوم: عبد الرحمن جبر
ضربت عواصف الأزمة المالية العاتية قناة الشروق الفضائية مجدداً، بعد أن هدأت لفترة قصيرة وتجددت بعدها معاناة العاملين فيها.
وقال عدد من العاملين بقناة الشروق : «نحن الآن نلوك القرض» حيث لم نصرف مرتبات الشهر الماضي حتى هذه اللحظة، ولم نستطع بذلك الايفاء بالتزاماتنا الأسرية، وبتنا نعاني كثيراً من مسلسل تأخر مرتباتنا الماسخ الذي استمر لعدة شهور، ولم تجد له إدارة القناة حلاً جذرياً حتى هذه اللحظة، وهذا الوضع المالي المؤسف غريب جداً على الشروق وظهر على السطح قبل ستة شهور من الآن، فالقناة منذ انطلاقتها لم تمر بها أي ضائقة مالية، ولكن الآن الوضع تغير وأصبح حالنا شبيهاً بحال موظفي التلفزيون القومي، فلو استمر مسلسل تأخير المرتبات بالشروق على هذا النحو، فمن المؤكد سوف نخرج للتظاهر ضد الإدارة.
وأشار الموظفون إلى أن هذه الأزمة المالية انعكست حتى على مستوى البرامج، وتوقفت عجلة الإنتاج بداخل القناة فنحن الآن شبه عطالى، فالشروق للأسف الشديد هي القناة الوحيدة الآن في الساحة التي تعيد برامج رمضان!!.. فهل هناك منطق في ذلك سوى «الفلس»؟!!
أخر لخظة
هو جمال الوالي فاضي ليكم من احتفاﻻت بطولة المجاعة سيكافا
حقت منو هي الشروق ده ؟؟؟
ان شاء الله تلوكوا الجمر. فالقناة كيزانية وسخة
جمال الوالى تطير عيشتو عندو رازتين المريخ اكلو مخنا بى سيكافا دى ما عارف لو شالو كاس الابطال يسوو شنو ووالى الجن دا مصدق انو دا إنجاز ويحلب فى القروش والرازة التانية قناة الشروق التى يمتلكها كمان جابت ليها عدم رواتب هو يا الوالى الراتب دا حقهم ما فى مدارس ,مستشفيات , لحمة , خضار , ايجار , هدوم من سوق اللفة ( ما قلنا من شارع الجمهورية) , مواصلات , كهربا + موية ربطوها فى رقبتا ….. خاف الله فيهم وخليك من طرطشة الكورة دى لانو دى ارواح ربنا بيسألك منها والله .
كسرة جبرة : ما مر عليك حديث شريف ما معناه – أعطوا الأجير أجره قبل أن يجف عرقه –
قال ليكم حديث (العارف عزو)
سآل ربي التلوكو ما تلقوا عشان تاني تنافقوا وتطبلوا للكيزان
بوق نفاق وتقبش وعى اخرسها الله
يعني سلمي السيد ما قبضت راتب الشهر الفات
جمال الوالة راح اشترى كاس سيكافا بباقى القروش وقعد .. خليه ينفعو الكأس
فيها كثرة وجوه نان هى ما خلت مذيعة حايمة ما ضمتها للقناة …
الجاب سيكافا مع عدم صرف المرتبات في قناة السودان الاولي الشروق شنو شنو شنو شنو والدخل جمال الوالي في هذه المرتبات جمال المالك لهذه القنات اين ادارة الاستثمار اين المدير اين مدراء الاقسام اتقوا الله في جمال الوالي
المحيرني في مذيعة بتتكلم بنخرته والمشكلة انها بتقرا الاخبار وهى اكرام ممكن تبقى في المنوعات
“نحن الآن نلوك القرض”
و الناس البتفرجوا علي قناتكم مرارتم إتفقعت وما لاقية القرض عشان تلوكوا.
بس دلونا من وين بتجيبوا القرض … الناس من زمان ما لاقية القرض البتلوكو فيهو دا.
و ?نتوا زعلانين ليه مش بتطبلوا للكيزان زي الحيران … القرض البتلوكوا فيهو دا هو التحلية بتاعت الكيزان وهو اليومين ديل القرض بقي نادر و معدوم و ما بيلوكو غير الطبالين لأن مرحلة لوك القرض دي الناس إتعتدتا زمـــــان إنتوا كنتوا وين الزمن داك؟
وبعد ما تلوكوا القرض .. التحلية حنضل و حبسوا بعصير شجر النيم يعني تاكلوا نيم.
و إنتوا بتطبلوا للكيزان كنتوا فاكرين مع الكيزان حتلوكوا شوكولاته؟
فلتعرضونها للبیع، و هل هنا? حل أفضل من هذا
الذى اعرفه ان هذه القناة انتهى دورها المرسوم لها , وقد انجزته بامتياز
اما ماهو هذا الدور , يتوب علينا ربنا
هي قناة الشروق .. مترهله.. زي الحكومة السودانية ماعاوزنها تفلس ..