ضبط تاجر يبيع أحشاء دجاج (تالفة) للمواطنين
دار السلام ? منى ميرغني
ألقت السلطات بمنطقة دار السلام سوق (4) على تاجر يبيع أحشاء الدجاج (قوانص، كبد، كلاوي) للمواطنين دون ترخيص، حيث اتخذت الشرطة في مواجهته الإجراءات اللازمة وفق الأوامر المحلية، وتمت إحالة المعروضات للفحص بواسطة الطب البيطري حيث تم إحضار إفادة في الحجر الصحي بأن اللحوم متعفنة وتباع بصورة غير صحية، وعليه وبعد إكمال أوراق البلاغ حول أمام محكمة دار السلام الجنائية، ووضع ملف القضية أمام مولانا سليمان خالد موسى فتم تحويله إلى جهات الاختصاص بمحكمة النظام العام للفصل فيها.
المجهر
إنتو الجداد عندو كلاوي ؟! أفيدونا أفادكم الله
والله حيرتونا
سبحان الله هى الحاجات ده بتتاكل وبتتباع كمان
ياجماعه مولانا سليمان خالد مو،سي دا راجل وود رجال والله مفروض يعملو وزير عدل- باقي القضاه ديل ما درسو القانون ذي الزول دا اللهم كثر من امثالو وربنا يطول عمرو ويدي الصحه والعافيه
زمان كان في قاضي في النهود زول ضكران ذي مولانا دا – لمن شاف التجار ما همتم الغرامه بدا يجلدهم – مره واحد من الناس الحاضرين الجلد احتج بصوت عالي ،وقله ادب علي جلد قريبو- القاضي قال للعساكر حيبو الزول دا اذو عشره جلدات طبعا ماصدقو علي طول جبطك جبطك ادوهو العشره قام يكورك وقال انا عضو في الاتحاد الاشتراكي- القاضي قال للعساكر عشان الاتحاد الاشتراكي ادوهو تاني عشرين جلده علي طول الجماعه رفعوهو وادو عشرين جلده وحاتكم علي بيتو عديل لااتلفت لااتكلم- اها اسع دايرن قضاه رجال يجلدو الكيزان طابق ومطبق
وكلاوينا ومصارينا الباعوها ناس الانقاذ ديل وقطعوها مافي زول بسالهم يسالهم اللا سهي ولا نام ولا ضاق الطعام
الله يتولانا برحمته…اذا كان هناك من يبيع احشاء الدجاج الفاسدة فمعني ذلك هناك من يشتريها وياكلها..
كيف تلاقي ربك يا عمر…حاول ان تكذب عليه وقل له ان شعبي الذي اطبق شرع الله عليه كان ياكل احشاء الدجاج الفاسدة المتعفنة تقربا اليك..