دخول مشروع مطار الخرطوم الجديد المرحل الأخيرة للتنفيذ
كتب مركز حزب البشير الصحفي (smc)
أعلنت إدارة مشروع مطار الخرطوم الدولي الجديد أن عمليات التخطيط بالمشروع قطعت شوطاً مقدراً خاصة في مجال الأعمال التحضيرية كالطرق والتسوير والمياه والكهرباء والبيئة.
وقال الأستاذ صلاح الشفيع محمد مدير إدارة الإعلام بمطار الخرطوم الجديد لـ(smc) إن إدارة المشروع إستطاعت حتى الاَن الإنتهاء من الطريق الرابط والمؤدي إلى داخل أرض المطار بطول (10) كيلو متر وسفلتة الطريق الخدمي حول سور المطار بطول (18) كيلومتر بجانب المجهودات في معالجة تطبيق حصاد المياه والسعي لزراعة مليون شتلة، موضحاً أن المشروع سيتيح فرصة استثمارية جاذبة بإعتباره أهم المشروعات الاستراتيجية والتنموية في السودان، مبيناً أنه سيكون له أثر أقتصادي كبير ينعكس على المنطقة بصورة خاصة والبلاد بصورة عامة.
وأشار صلاح إلى أنه تم حفر خمسة آبار تكفى لاحتياجات المطار بالإضافة إلى قيام محطة الجموعية سعة (200) ميقاواط ومنشآت مكملة للمطار تتمثل في محطة وقود رئيسية بالمطار ووحدة تموين إضافة إلى طرق رئيسية وفرعية تربط المطار بالمدينة، مؤكداً أن المشروع دخل المرحلة الثانية والأخيرة المتمثلة في الأعمال الرئيسية للمرحلة الأولى التي بمجوبها يتم نقل الحركة الجوية إلى موقع المطار الجديد.
وين السور …. وين الأسفلت …
إذا الصورة قديمة .. ما في داعي تتوهونا ..
وإذا الصورة جديدة … الظاهر المصور خايف الحسد ..
وإذا المرحلة الأولى .. سور وأسفلت وآبار ومحطة توليد .. ومحطة وقود ..
طيب وين الصور ..
ايه الإنجاز الرائع ده …. سفلتة طريقين في خمس سنوات .. طيب المباني الرئيسية للمطار (ح) تعملوها في سنة كم !! سنة 3010م (التشغيل التجريبي للمطار مفروض في 2010م!!!!) … وكمان (ح ) تزرعوا مليون شتله (إنتو عاوزين تعملوا مزرعة ولا مطار) …. مفروض أنو تزيين المطار بالزراعة يكون في آخر مرحلة من إنشاء المطار … شكلكم أنتو بديتوا من الآخر !!!! … وبعدين الجماعة في الصورة المرفقة شكلهم ديل جماعة (خليل ) جايين بالمطار …… بس بالعربيات ….
غايتو …. ميزانية المطار … ضربوها من زمان … وزعوها بينهم قبل ما يستلموها…. فساد … فساد ….. فساد …. فساد … والله المستعان …
ههههههههههه دى زى كذب الانتخابات
قالو واحدة سألت زوجها يعنى شنو كلام البشير فى الانتخابات دة قال ليها زمان انا لمن خطبتك قلتة ليك حا اسوى واسوى واسوى وما سويت حاجة قالت ليه ايوة قال ليها دة بس ياهو كلام البشير ، يا اخوانا المطار البقولو فيهو دة داير ليهو تانى على الاقل 150 سنة بعد كل مسؤل ياكل ويشبع من ضهر المطار هههههه
لا تعليق
لله درك يا وطن
ابـــــــــــوعــــــــــــمــــــــــــــــــر
طيب وين الصور
يا خفيف شوف كان كبف ولو عشت حتشوف بقت كبف ما تستعجل على رزقك
الانجاز اهو واضح فى الصورة عدد العربات اكبر من عدد الناس.بلا مطار بلا اللة ادانى معاكم.
ده بذكرني بقصة واحد مستجد من الجماعة سأل صاحبو غنيت كيف؟ قام ساقوا قال ليه شايف الكبري ده، اها شوال هنا وشوال في جيبي. بعد كم سنة جاهو المستجد غنيان اكثر منه قام سألوا من وين؟ المستجد أشر لواطه فاضية قال ليه شايف السد ده؟ قال ليه: لا. المستجد ردها: اها كلو هنا!
الله يستر مايكون مطار سندس
الله يستر ما يكون مطار سندس —-
حافلة واحدة ما كان ممكن تخم الكوم ده كلو ؟؟؟؟؟؟؟
كل واحد يقدل باللاند تقول وارث ؟؟؟؟
بكرة تمشي السفارة ولا المغتربين تلاقيهم واضعين ليك رسم جديد
تسال حق شنو طبعا الرد مطار جديد ؟؟؟؟
19 ريال الفضائية لسه حارقانا
ادخلوا قوجل و شوفوا كذب الجماعة كلام كيزان حراميه!!!!!
المدير الفعلى للمطار هو شقيق القاتل المجرم البشير ويدعى العباس غير ظاهر فى الصوره وكل عطات البناء له وحده
سؤال برئ…الصورة المرفقة دي بتاعت مطار ولأ مقابر؟؟؟:lool:
سد مروي ومطار الخرطوم الجديد . ده كل أموال منهوبة من بترول الجنوب
والله ياناس انتوا مستعجلين ساكت ماشايفين المطار القدامكم دا هو قالوا ليكم المطار دا كيف ماشويت خلاء واسفلت تنزل فيهو الطيارة ههههههههه وتقوم
تقوم قيامتكم خلوا عيونكم مفتحة هم يسرقوا فيكم ماشفتوهم عايزين تشوفوا المطار اسى ;) ;) ;)
ترعتى كنانة واللرهد
مشروع سندس الزراعى
تشغيل الخريجين
ناكل مما نزرع ونلبس مما نصنع
الوزراء والرئيس البشير يعملون من غير مخصصات
انخفاض نسبة الفقر
الطاغية الامريكان ليكم تسلحنا
سنسلم الاجيال القادمة سودان موحد
4شركات يملكها الطيب مصطفى
اللهم لانسالك رد القضاء ونسالك اللطف فية
قبل كده شبكونا المدينه الرياضيه كوم اسمنت حوله كلاب ضالة وسكن شماسه ويوسف عبدالفتاح زمان لبع قروشهم مع قروش ميدان الامم المتحده وسد مروى والتكلفه الباهظة والليلة المطار وطريق الغرب يعنى نحن مانثق فى كوز لانه لو عملتم مشروع تكلفته 10مليون عند الكيزان بكلف 150مليون يعنى كلهم حرامية والمطار ده نقاطه جديده وانسو مشروع مطار ده الى ان يدخل الجمل فى سم الخياط
خلونا من المطار
ايه اخبار المدينة الرياضية بتاعت الحرامي يوسف عبد الفتاح؟؟؟؟؟؟؟؟؟؟
القافله سايره والكلاب تنبح
المطار سوف يتم لكن مابنزل انتينوف وبنعرف المعلومة دى بعد الافتتاح لسبب واح سوف يتم وسريع لانهم ارض المطار الحالى سوف توزع لهم قطع سكنية ومن اسع تجدون الخرط والتخطيط جارى والله يكضب الشينه لانه الكيزان عينهم وقعت على المطار القديم وموقعه الاستراتيجى
دى صورة المشروع ولا .. دعاية لاندكروزر …!!!
الصوره توضح بأن الاخوان دفنو المطار إلى مثواه الاخير.. اذا أمعنتم النظر تجد (الاخوان) بعد الدفن توجهوا إلى عرباتهم إلا واحد انتو عارفين بفكر في شنو بقول في خاطره (والله يالمطار انا بفكر في الواطه الدفناك فيها !! بس كيف استحوذ عليها ياربييييييييييييي..)
المطار ده لو إنتهى وبقى جاهز طبعا بعد ما لغفو بي وراهو ما لغفو .. حا تكون رسوم المغادرة والقدوم فيهو بالملايين استعدوا يا ناس .. االلصوص ديل ما بيعملوا اي حاجة من وراها خير للشعب السوداني ولا لضيوف البلاد وعلى بالطلاق لو جات جرادة ساي طايرة فوق المطار ينزلوها ويشيلوا منها رسوم