صحيفة ” الخال الرئاسي ” : القبض علي صقر اسرائيلي (جديد)!
كتبت صحيفة الخال الرئاسي امس الاربعاء: تمكن مواطنو منطقة خور السكر شرق مدينة زالنجي من القبض علي صقر اسرائلي كان يحلق في المنطقة من ثلاثة اخرين بعدما اطلقت عليه الاعيرة النارية وبعد فحصه تم التأكد انه يتبع لاسرائيل يحمل اجهزة “تنصت ” وكاميرا .
والجدير بالذكر ان هذا هو الصقر الثاني الذي تشير الصحيفة الى انه تم القبض عليه ” بالثابته ” متلبسا بالجرم المشهود بدارفور
وكانت الصحف الاجنبية قالت بشأن الصقر الأول : ” رفض عالم البيئة أوهاد هاتزوفي من سلطة الطبيعة والمتنزهات الإسرائيلية، مزاعم الحكومة السودانية، قائلا إن النسور، والتي يمكن أن تطير مسافة 600 كيلومتر في اليوم، كانت مجهزة بمعدات لدراسة نمط الهجرة.
وأضاف هاتزوفي إن “هذه الاتهامات السودانية غير صحيحة.. المعدات المثبتة على هذه النسور تخبرنا أنها فقط طيور، ولا شيء آخر.”
وتابع قائلا: “أنا لست خبيرا بأعمال المخابرات، ولكن ما الفائدة من وضع كاميرا على نسر لا يمكنك التحكم به؟ إنه ليس طائرة بدون طيار يمكن التحكم بها.. ما هي الفائدة من تصوير نسر يأكل جثة جمل نافق؟”
وعرفوهو كيف إنو صقر ( الله يكفينا شر الصقور والصقرجية )؟؟؟ واللا خلاص كتمت وبقوا بفتشوا عن حاجة يلهوا بيها الناس ؟؟؟ مرة الشريعه ومرة صقر !!! ياخى أقول ليكم حاجة أعملوا ليكم كاس سموهو كاس الفجر الجديد وفيهو لعبة واحدة بس هلال مريخ وبشرط البرنس وعلاء الدين يشاركوا حاتعملوا غاغة تنسي الشعب دهـ السياسة شهرين لى قدام !!!! قال صقر قال !!!
كدى خلينا من صقر اسرائيل وشوف دجاجة قوش ضبحوها وللا لسة
ياخي داهية في الخال الرئاسي وود اخته.!!!!!!
عليكم الله في زول بيتجسس بي طيرة في زمان القوقل ايرث و الستلايت؟؟؟
كل يوم تطير عليك آلاف الأقمار الصناعية منها 500 أمريكا لوحدها و إنت نائم في آخر نومك داير تقول الصقر اسرائيلي و ما لا قاه صقر من السودان و ين صقور الجو الغنينا ليهم زمان و وين صقريتنا و عكاكيزنا و سيوفنا و تلب يا صقر طير الرخم مني و الصقر إن وقع كترت البتابت عيب و زمان الشاعر قال للطير:
يا طير إن مشيت سلم على البتول ما تفوته
مطرق خيزران من السبيط مخروته
فوق للمدرسة و ورا لرفاعة بيوته
لماذا وجد الصقر الاسرائيلي في دارفور ؟ و لماذا جاء للسودان ؟ و ما هي الأجهزة التي يحملها؟ و كيف عرف أنه إسرائيلي؟ و كيف يتم توجيهه من على البعد إذا اقتنعنا أن الأجهزة للتجسس ؟ لا بد من Remote sensors على هذا الصقر يعني شرحوا حتى عضامه!!!
من الخبر ظننت أن اسرائيل دخلت و صقيرها حام.
أنا أقترح أن يتم التحقيق مع هذا الصقر حتى يقر ويعترف من الذي أرسله —
عالم وهم
وأضاف هاتزوفي إن “هذه الاتهامات السودانية غير صحيحة.. المعدات المثبتة على هذه النسور تخبرنا أنها فقط طيور، ولا شيء آخر.”
وتابع قائلا: “أنا لست خبيرا بأعمال المخابرات، ولكن ما الفائدة من وضع كاميرا على نسر لا يمكنك التحكم به؟ إنه ليس طائرة بدون طيار يمكن التحكم بها.. ما هي الفائدة من تصوير نسر يأكل جثة جمل نافق؟”
اهنا ناس قريعتي راحت فهمناها لاكن البيفهم الخال فاطمة اقصد خال عمر دا منو قال دكتور قال؟!!!!
الله ينعلك يا الطيب و يصقر راسك كمان و كمان
الأقمار الصناعية تصورك في الحمام يا الخال ، انت لسه من زمن دخلوها و صقيرا حام ؟ يا حليلك … الله يشفيك … يا ربي الناس الكان بيركبو العجلة زمان نسوا ركوب العجلة ؟
ده شكلو صقرك يا خالو الحايم بي كمرتو ده
هذا دليل على مدى حالة الافلاس كما يدل على جهل المتلقي لمثل هذه الاخبار الضاربة في الصطحية والجهل والتجهيل ولا تختلق كثيرا عن اساطير قصص البعاتي . كما يدل على مدى النزعة الاستغلالية لدى صحيفة (عجوبة)…ويبدو ان اخبار الجنوب والقوى الثورية اصبحت رتيبة..؟؟!!
صقر الم فيك واكنكش فيك زي كنكشتك انت ود اختك كنكشكم بلا اخمكم وبعدين هلوسة الصقور دي شنو والرجفة شنو دا مرض نفسى مزمن
الصقر دا طوالى مفروض يرسلوا لشيخ الترابى هو الوحيد اللى بيقدر يعرف نواياه و يجيب ليكم الخبر اليقين.
صقراً يعاف جتتكم.
بالله اتفرجو على قناة ناشيونال جيوغرافيك واتثقفو شوية شوف العالم بعمل في الشنو ، عادي جدا كميرات مركبة في طيور في سمك في سلاحف لغرض البحث
متعودين من عموعبدالرحيم الهترشات دي ومن عمو عمر الخطرفات دي كمان يطلع لينا خالو.يا اخوانا كلموهو يحضر قناة اشيونال جيغرافيك عشان يتعل حاجة
ده صغرك خليك منتبه هههههههههههههههههههههههههههههههههههههه
يا ترى متى سيتم القبض على صقور البحر الأحمر و اليرموك؟
مشكلة الصقور معانا شنو صقر داير يطير بمنو بعداك حقو الصحف دي تحترم عقلية القاري ولا بكون كلام عيال والصحيفه لو اتناولة مشكلة جبل عامر كان احسن
الطيب مصطفى شأنه وشأن بقية الكيزان يخاطبون الناس من علي وكأن الشعب السوداني يعيش في العصر الحجري (إنها جنون العظمة واستغفال الناس). أيها المنافق المتحاذق عندما كنا طلاب في الثانوية وكان ذلك في أواخر السبعينات عندما كان المنهج منهج جامع يزودك بالمعرفة في كل مجال درسنا في كتاب المعرفة في اللغة الإنجليزية هجرة الطيور وكيف يتابعها علماء الطبيعة من مكان إلى مكان بالوسائل التقليدية إما بربط طوق حول رقابها أو في جزء من أجسامها أو أي علامات أخرى . الآن تقنيات العصر تطورت ولا غرابة في حمل مثل هذه الطيور أجهزة للمتابعة.
(صقر) عديل وزالنجي فيها شنو.
انتو الصقر الحايم ده .. وروه هيئة علماء السودان ب وين ؟
كدي خلونا من صقر اسرائيل
صقركم الاتحرش بي 26 تلميذ علملتوا ليه شنو ؟؟؟؟
انتم هنا عندكم آلآف ابو طيرة كن جاء صغر واحد بسوي ليكم شنو ، ولا ابوطيرة دول بغاث الطير .
انتو طبعاً لو جات ريح شديدة بتقولوا استهداف خارجي طيب امس اسرائيل فجقتكم عديل اي واحد داس ضنبه تحته الداعي شنو بتسب اسرائيل بدون اي فعل وانتو ماتستهدفوا امريكا وسرائيل .طيب ابوعصاية والحاج ساطور كرسوا لي شنو .
خلونا من صقر اسرايئل العنصرية يا طيب مصطفي الما طيب اهون من الصقور المدعاة تريدون بالعطف الشعبي والله ناس دارفور ما بقتنع بكتابات الي يوم الدين.الان كرهت اهل الجنوب وانفصلوا والان استعد لنحر الجمال الي اصلاً جدك ولا ابوك ما ملكته.الان اهل دارفور في مقام اهل الجنوب الاصليين.
ماذا بزالنجى حتى تتجسس علية اسرائيل وكمان بواسطة طيرة وهى القادرة على ارسال الطائرات تسرح وتمرح بسماء الخرطوم
ياخوانا الجماعه ديل طاير ليهم صقر فى راسهم ده ومالاقينو ولاشنو …كل يومين طالعين بقصه صقر
يمكن ده إسرائيل بقول ليكم دخلوها وصقيرها حام
هي البلد ناقصه صقور عشان اسرائيل ترسل صقورها ؟
زالنجى؟؟.. دا صقر ما عندو موضوع ساكت.. مالو ما حام فوق جدادة الانقلابية السمينة ام سواسيو مدغلبين ديلك كان يطلع بى فايدة.. صقر خيبان، هسى لو كان تابع لبتاع الترحيل ابو 11 وللا الاستاذ ابو 26 كان نقول اعدموه طوالى!!
بالله دى جريدة محترمة او تحترم عقول القراء؟؟؟
اسرائيل هى الآن فى حدودكم الجنوبية وعندها سفارة فى دولة جنوب السودان وتستثمر فى كل شىء هناك فهى واجهزة استخباراتها ايها المخابيل لا تحتاج لصقر لا يمكن التحكم فيه!!!
هى اسرائيل دى ما ضربتكم عديل كده ثلاثة او اربع مرات فى ولاية البحر الاحمر والاخيرة فى الخرطوم عملتوا ليها شنو؟؟؟
بس فلا حتكم فى السودانيين فقط ايها الفشلة؟؟؟
انتوا ذاتكم ماعندكم الرجالة لمحاربة اى اجنبى ايها الجبناء الغير وطنيين عكس جيوش بنى قريظة وامريكا والغرب والدول الديمقراطية التى لا يفكر اى اجنبى على الاعتداء على شبر من اراضيها عكسكم انتو بالضبط جيشكم وامنكم ما عندهم شغلة غير الحروب الداخلية!!!!!
عليكم الله ما بتخجلوا من نفسكم ابدا؟؟؟
صقر وقابضنوا بالثابتة ومتلبس كمان !! دة اعدموا طواااااااااالي انشاء الله في شهود ولا الصقر اقر بجرموا !! انا خائف اسرائيل ترسل قوات خاصة ( كمندو) لإطلاق سراح الصقر ( عالم غجر)
ياشباب انا موجود في زالنجي ولتوضيح الحقائق اصلاً الصقر ده تم اصطياده من قبل الصيادين ولما شافوهو غريب شوية قاموا جابوهو لينا في البيطري وبعد الفحص تم التاكيد بانه صقر عادي تم اعداده لدراسات علمية ولكن ناس الامن مااقتنعوا بالكلام ده المهم اتفاجانا الصباح انو جهاز الامن اطلق اشاعة انو قبض صقر عن طريق رادراته الخاصة والصقر رائد في جهاز الموساد ولابس كاكي ومزود باجهزة تصنت وتصوير حديثة وحاجات تضحك
يعني كل يوم نثبت للعالم انو نحن ناس عايشين في عالم متخلف هذه الثلة التي تحكمنا في قمة التخلف والغباء اين علماء البيئة اين علماء الكائنات الحية الا يدرون ان العلماء يضعوا اجهزة لمعرفة حركة الطيور لدراسة هجرتها وكيف تتحرك للمحافظة عليها من الانقراض ولن حاكومتنا الرائعة حطمت الانسان فما بالك بالحيوان ردو يا علماء البيئة وفهمو هذا الخال وجريدته .
ىهر النيل
عاشق السودان
**************
بالله اها وتاني شنو كمان ؟
ده كل القدرتو عليهو !!!!!!!!! وخبر الطيارات الكندكت وجوهكم بالرماد
ورجعت سالمة الى قواعدها ما وريتونا خبرها شنو لى هسي ولا فاكرين نسينا
اخخخخخخخخخخخخخخخخخخخخ خخخخخخخخخخخخخخخخخ تفو على وجوهكم ياعفن ياوسخ يامنافقين .
الفجر الجديد جاكم
هذا سخف ومحاولة للتضليل من الجبهجيه اولاد أم …
صقر؟؟!!!!! زالنجي؟؟!!!!! والله تمااااااااام يعني خلاص الاستخبارات امنت الخرطوم تماما …….. ياخ بالله ياالطيب الماك طيب اسي الجماعه ديل لو نزلو مشاه عديل كده في زالنجي ناسنا ديل بجيبو خبر….طيب الصقور الضربت بورتسودان والشجره خبرا شنو؟؟؟ ولا الكلام ده بتكتبو عشان تكسر بيهو تلج لصقور(كم).