لا..يا أمين..الحكومة ليست رابحة..!ا

ابو الزفت . . . . .
أنا ما قلت ليكم الزول ده الأيام دى ( اتشفتن )
( اعنى الاخ صديق الوالى ود الخدر )
لكن يا باشمهندس شوف ليك فيل صح صح وأطعنو
أمين حسن عمر ده ما أمين مع نفسو عشان كده كلامو هبوب ساكت
المضحك المبكى انو متخيل نفسو مفكّر ويتقعد ليك كده فى الكلام كأنو دى طبيعتو مع انو نحن بنعرفو وعارفنو لجلاج وكوراك لكن دى حركات لزوم الكاميرا وكده

التغيير الذي تتحدث عنه يا اخ عثمان ولي زمانه , لان الذي لا يتغير خلال 22 عام لن يتغير فيما تبقي له من عمر …. ( لا تنفخ في قربة مقدودة ) , فكان الاجدي بك ان توجه الطغمة الحاكمة بان ارفعوا الراية البيضاء قبل ان تدور بكم الدوائر ……..

ما تقوله يا عثمان جيد ورائع وكل واحد في السودان يريد أحد أن يضع فيه شماعة أخطاءة — وأمين حسن عمر مالوا ومال القذافي خليه أشوف ناسوا اول شي وناس قطر تاني شي

أمين حسن عمر الكويز المتفلسف…..أسألو عنه ناس اتبرا زمان ؟؟؟ تلقو الإجابة الشافية التي تفسر الحاضر وما يحمل من كميات العقد والحقد على المجتمع !!!!!!!!!!

اخى عثمان ميرغنى
هكذا جبلت حكومة الانقاذ على تسير البلد – 50 لاعب يتبادلون المراكز والخانات داخل الملعب و32 مليون مشاهد يتفرجون – ماذا كسبنا من استراتيجية الانقاذ لانقاذ البلد ؟ هل هناك خطة واضحة للخروج من الازمات السياسية والاقتصادية والادارية وهل هناك رؤية لتجنب البلد من التمزق والتشرزم ؟
مثل تفكير امين حسن عمر أس البلاء لانه تفكير قاصر غير منطقى ولا يستند الى سند علمى او عملى
مشكلة البلد كل من ال 50 لاعب يريد ان يركب ماكينة رئيس وينفخ ويكون من برامكة البلاط حتى يتبوأ اعلى المناصب او حتى لا يبعد من منصبه .
علينا ان نفكر بجدية وبرؤية واضحه فاسألو المتفرجيين فانهم ما صاروا يصفقون كما اعتادو .
علينا ان نشفق على حال البلد

والله يا أستاذ عثمان مما أعطيت هذه المشكله إلى ذلك الاهبل المتغطرس البليد الذى يدعى أمين عمر ,, تعقدت المشكله لانه هو فى نفسه مشكله فكيف بالله أن تحل المشكله بمشكله الاهو هذا الاهبل البليد أمين عمر ,, شكرا لك إستاذى عثمان ميرغنى فأنت قمه من قمم بلادى الله يحييك ويحفظك يا قامه

يا اخ انا ما عارف المحيرك شنو امين قال انهم ربحانين من موت القذافي ودي اي واحد في السودان عارفا تفوت عليك كيف ارجو ان تكون زول منطقي ولا تكتب اي كلام والسلام ناس العدل ذاتم الان سافين التراب وناس البشير جاتم من الله

المعروف أن أكبر تهديد شكلته حركة العدل و المساواة كان بدعم من حكومة ديبي في تشاد .هذه هي الحقيقة و ما يقال غير ذلك هو كلام وهم لالهاء الناس الوهم.

حل مشاكل السودان هو أن تكون كل الاطراف واقعية و عقلانية . المشكلة أن البعض يعتقدون أنهم أذكياء و عندما يدركون قصر تفكيرهم و ضيق أفقهم تكون النيران قد التهمت الاخضر و اليابس.

( هل إلى هذا الحد يظنّ أمين حسن عمر سطحية المشكلة السياسية التي يعانيها السودان )… ( مشكلة السودان لم تكن أبداً في يوم من الأيام في يد الجيران أو الأقاليم من حولنا أو العالم ) … ( المشكلة هنا.. في السودان.. ولا تزال.. ولم تكن أبداً في يوم خارج السودان )… ( ولكن لو (جات على نفسها) الحكومة.. وابتلعت جرعة من دواء الصراحة المرّ.. ونقبت في ذاتها ومنهج تفكيرها )……. ( فقط لو غيرت من مسلكها وتفكيرها. ) ………………………………………….. بالواااااضح كده الحكومه نفسها هي ازمة السودان الاولي .. كيف تطلب من الازمه ان تحل نفسها يا عبقرينو ؟؟؟ بالله عليك انت ( اسمعنا مره ) الحكومه ليها اكثر من 22 سنه تلت وتعجن في كوجانا ونحن ما منتظرين منها خير ابدا لكن انت بتقتنع متين ؟؟؟ ام لا يزال لديك ( التزام تنظيمي صارم ) ؟؟؟