ضابط بجهاز الأمن يرفض تنفيذ أوامر باغتيالات ويلجأ إلى النرويج
تقدم ثلاثة من ضباط جهاز الأمن السوداني بطلب لجوء سياسي في النرويج .
والنقيب أمن / علي بانقا أحد هؤلاء الضباط الثلاثة . وقد قابله الأستاذ محمد الفاتح وأجرى معه حواراً قصيراً على وعد بحوار مطول وشامل .
وقال ضابط الأمن علي بانقا أن السبب الرئيسي لهروبه من السودان عبر كمبالا عدم رغبته في تنفيذ أوامر تصفية واغتيالات .
وأضاف انه كره العمل في جهاز الأمن ( داير اعيش حياة نظيفة) وقال انه عند وصوله النرويج (اغتسل) لأنه يريد (حياة جديدة) .
وقدم علي بانقا مثالاً عن الحياة التي يريد الإغتسال منها ، فتحدث عن استسهال القتل لدى الأجهزة الأمنية ، وروى أن أحد زملائه ويدعى محمد شاكر برتبة ملازم أول ، كان مسؤولاً عن إعتقال شباب من دارفور بشبهة انتمائهم لحركة العدل والمساواة والتعامل مع النظام التشادي ، وبعد تعذيب شديد وتحريات طويلة اتضح أن هؤلاء الشباب ليس لهم أي علاقة بالحركات أو العمل السياسي ، فقام المتحري المسؤول من القضية ? ضابط برتبة مقدم ? بالاتصال بمحمد شاكر وقال له مازحاً ( ربنا ريحك منهم الفي الزنزانة رقم كذا) ، فما كان من محمد شاكر إلا وقام بتصفية جميع المعتقلين من الشباب الدارفوريين ، وعددهم خمسة. وفي صباح اليوم التالي عند التسليم والتسلم بين محمد شاكر والضابط النوبتشي الجديد وجد في دفتر الأحوال تصفية الخمسة معتقلين ، وبعد الرجوع لدفتر الاشارات تبين ان الإشارة المرسلة تقضي بالافراج عنهم ، وهذا ما كان يشير اليه المقدم بعبارة ( ربنا ريحك منهم) ، أي ربنا ريحك من تعب تعذيبهم والتحري معهم ، ولكن محمد شاكر في تسرع لم ينتظر وصول الإشارة المكتوبة وإكتفى باشارة مازحة لخطف خمسة من الأرواح البريئة .
والمفاجأة الأكبر أن عقوبة الملازم محمد شاكر ( مجلس محاسبة أوصى بلفت نظر) فقط !! ويواصل محمد شاكر عمله الآن كالمعتاد كنقيب في جهاز الأمن !!
وأضاف بانقا بأنه عمل في السفارة السودانية بكمبالا ، وكان مسؤولاً عن المصادر الأمنية في ( يوغندا ، رواندا ، ودول أخرى في المنطقة) .
وكشف انه كان مسؤولاً عن تسليم مبالغ مالية ضخمة لعناصر جنوبية لزعزعة إستقرار دولة الجنوب .
وقال ان من مهامه ايضاً إيصال الأموال إلى قائد جيش الرب جوزيف كوني ، ولديه صورة معه وهو يسلمه مبالغ كدليل إثبات لقيادة جهاز الأمن ، بحكم ضخامة المبالغ .
وأضاف علي بانقا انه تلقى دورات تدريبية في روسيا في فك الشفرات واللغة العبرية ، كما تدرب في ايران على العمل المخابراتي . وعمل لأكثر من تسعة سنوات قام فيها بمهام خطيرة ، منها دفع الرشاوي للقيادات التشادية المعارضة لإدريس دبي أثناء عمله بالقنصلية السودانية في أبشي ، وانه سلم ملايين الدولارات لهؤلاء ، وان اجتماعاتهم تتم في الجنينة بحضور عبد الرحيم محمد حسين وأحمد هارون .
وأورد تفاصيل مقتل القنصل السوداني في أبشي ، وهو ضابط في جهاز الأمن ، وقتل في هجوم على القنصلية من قبل الجيش التشادي ، وأصيب علي بانقا برصاصات في أماكن متفرقة من جسده ( الإصابات واضحة ? المحرر) ، وتم الاستيلاء على ملايين الدولارات كانت مخصصة لدعم المعارضة التشادية . وأفاد بان قيادات من الخرطوم كانت جاهزة للهبوط في مطار انجمينا عند إستيلاء المعارضة على السلطة .
وقال بانقا ساخراً بأن أموال الرشاوى التي قدمت للمعارضة التشادية كانت كافية لحل مشاكل السودان ( مش دارفور بس) ، نسبة لضخامتها ، وقال انها كانت تأتي (كاش) في صناديق وغالباً عبر الطائرة الرئاسية الى الجنينة .
وأكد ضابط الأمن علي بانقا أن جهاز الأمن مخترق من قبل المخابرات الاجنية ( من الساس للراس) .
وأضاف ان جهاز الأمن ( مقسم الولاء ما بين نافع وعلي عثمان ، وكل ضابط يدين بالولاء للقبيلة التي ينحدر منها كل منهما ) وانه أصبح جهازاً ( مهزوزاً) .
يا علي هبنقة يا مجرم ننتظر الكلب محمد شاكر حيقول شنو؟
بعدين لبس الشتاء دا جبتو من وين يا حرامي؟؟؟
نحن لما كنا طلبة في اوربا البالطو اشتريناهو بعد ما صرفنا المنحة يا لص..ء
يا بانقا لن بفيدك الاغتسال بثلج اوروبا ولن نغفر لك ما ارتكبته فى حق الشعب المسكين.. ولن تنال عطفنا مهما افشيت من الاسرار. وستطاردك لعنة المظلومين الى يوم الدين
يا علي بانقا ياخ ما بالغت عديييييل كده
ما هكذا تورد الابل ..
على كل حال
your case is nonwoven very well، we guarantee you to get status of political refugee, congratulations
اقسم بالله العظيم ما تصدقوه عااااااااااااااااااااااااااااااااااااارفو زي جوع بطني
الزول الشين الاسمو على ده انا بعرفو وهو زغاوى كان شغال معانا فى بنك النيلين وكان بنادوهو على زغبير .. مهاولاتو دى ما ممكن تخلى الشعب ينسى ويغفر ليهو .. ليكم يوم يا كيزان
لقد صدق فى ما قاله
فهذا هو المشروع الحضارى
هذا هو نتيجة التمكين
هذا هو استقلال الدين في السلطه
لقد صحي ضميرك متاخر ولكنك افضل من الذين ما ذالوا يمارسون اقبح الاعمال باسم الدين
نعم السفارات كلها اجهذة امن وحيوانات التمكين
نتمنى تسجيل كل الاعترافات
فالكيزان اوسخ نظام على وجه الارض
يا شعوب مصر و ليبيا و تونس واليمن والسعوديه و سوريا انتبهوا من الاسلاميين
اذا اعتقدتم بانكم في نظام غير ديمقراطى فهو افضل بكثير من الاحزاب الاسلاميه
ابعدوا الدين عن السياس و الا لحقتم السودان
يا امير قطر ابعد عن طريق الكيزان و الا طاردتك دعوات المظلومين واصبت بمرض عضال
انضموا الى كاودا لتقصير عمر الكيزان
يجب حظر هذا الحزب الاسلامي النازى في كل دول العالم
المدعو علي كان ساعيا لعلمكم
بغض النظر هل هذا الحديث صحيح ام لا فهو اعتراف في غاية الخطوره وتاكيد لما يقوم به هذا الجهاز ولا اظنك اتيت بالجديد,ولا اظن ان ذا سيعفيك عن كل الجرائم التي قمت هذا اذا لم تتم تصفيتك حتي ولو كنت في الواق الواق.
سؤال بسيط: يبدوا من شكلك انك تنحر من مناطق دارفور فمن اي قبيلة الرجلين انت؟(وأضاف ان جهاز الأمن ( مقسم الولاء ما بين نافع وعلي عثمان ، وكل ضابط يدين بالولاء للقبيلة التي ينحدر منها كل منهما). اتق الله يا شيخ فهذا الجهاز به كل من يدين بالولاء من الشرق والغرب والشمال والوسط وبنشوف يومي قدام عيونا في المظاهرات والاعتصامات ونقابلهم عند زيارة اوكارهم.
at leat the guy came out and expose the government ..and he revealed calssified documents ..
so those who are still in service better watch your back ..cause you can be hit from within.
والله ياجماعة الزول داالكلام القالوا دا احتمال يكون صحيح ولو كان صحيح وتاب دي حاجة واحتمال يكون له دوافع تانية من انسلاخوا من الجهاز ودي في مصلحتنا لانو احتمال يفيدنا بمعلومات كانت تجري داخل الجهاز من اغتيالات واعتقالات واشياء اخري لم يعلم بها الا من كان داخل الجهاز ومنهم كمان ,والحكم علية ناو لسة بدري عليه لانو كلو احتمالات والايام الجاية كفيلة بتوضيح الامر
اميل لتصديق الروايه ولكن ليس قبل ان يدعمها بما يعضدها ، مثلاً
اولاً نبدأ بالبطاقه العسكريه واكيد ما زالت بطاقته معه
ثانياً وبما انه ضابط برتبة النقيب وكان مسؤلاً عن عمليات خطيرة وصلت حد تسليم مبالغ للمطلوب رقم واحد عالمياً (جوزيف كونى) هذا يعنى انه يعرف الكثير من التفاصيل وليس غريباً ان تكون لديه نسخ لمستندات خطيرة قد تكون مفيدة جداً
ثالثاً ننتظر تفاصيل اكثر وياحبذا لو كانت هنالك صور فنحن فى حاجة اليها مع الثورة القادمة
رابعاً نرحب بصحيان ضميره ولكن عليه ان يتذكر لابد من رد المظالم خاصة اذا كان قد قام بتعذيب وصل الى درجة التصفيه الجسديه
لااريد ان اقول ان هذا الشخص قال كذبا او ان كلامه كله كذب فهذا علمه عند الله ولكن لماذا اختار هذا الوقت بالذات لكي يكشف وساخات الامنجية المعروفة لدينا اصلا….انت يا امنجي شخص اصلا ماعندك اخلاق اطلاقا لانك قبلت الانتماء لهذا الجسم القذر ياهذا والمسمي بجهاز الامن…تريد ان تعيش حياة عادية انت الظاهر فاكر روحك جيسون بورن ياباشا
ياناس دارفور بقيتوا تسموا بانقا ولا الشفلانة فيها التباس وبعدين دا من جهاز الامن اكيد مطلع كل اوراقة من دارفور عشان يطمن كيسو في النرويج بعد ما قتلهم وشردهم واختصبهم وحرق قراهم يعني الكوز ده بالعافية كده بيكون قتل 200 وتعذيب حدث ولاحرج وبكل لسان طويل قال يعيش حياة كريمة يا اخي ضابط امن مرتبوا اكثر من ملكة النرويج تقول لي حياة كريمة ولا حسيت الجماعة دايرين يتعشوا بك قلت لازم نفضحهم ولكن في نفس عملتها حكاية الاختشوا ماتو عموما شوف لي شرطي سايد لافي في النرويج ناهيك عن قلت ادبكم البتعملوها في السودان اوع تقول لهم انت من دارفور والله بكره تلقاني امام مكت الهجرة محتج علي تشوهيك لسمعت دارفور بعد من حركتو فيها الاخضر واليابس
الخبر قنبله .والدليل الكتيبه الالكترونيه لجهاز الامن كلها علقت على تكذيبه .ووجعهم شديد خبر الضابط الصحى ضميره .نعم انا لم اندهش .هذا هو اسلوبهم وهذه ممارساتهم .الحفاظ على كرسى السلطه والامتيازات .ان جهاز بيوت الاشباح المتوحش لن يصمد امام المد الشعبى والزحف الثورى .اين جهاز السافاك .واين جهاز النميرى . واين جهاز الخابرات المصرى ؟واين .. واين ؟
صدقني انت اكلتها وركبت ماسوره في النرويج النرويج لا تقبل كل من حمل سلاح وقتل وح تاكل تلج نامن تشبع وترجع بي بي خوفاي حني بعد رقاد كامات في الشمال النرويجي وتدبرس دبرست السنيين
الكيس كده انت صعبتو عليك واكلتها يا بانقا علي وزن حوش بانقا واشلمون في وبودا في واكلتها يا عمك
نعم اخي وصديقي عبد الحق الخبر فعلا قنبلة العصر ..
وخبطة كبيرة في كشف جزء من فساد اجهزة الامن وخاصة جهاز الامن والمخابرات الكيزاني ..هو قطرة من بحر
جرائم هذا الجهاز الفظيع قنبلة اولى وستليها قنابل ستكشف جرائم كبيرة نعلم الكثير منها ونجهل بلاوي
متلتلة منها .. ستكشف بعد الثورة باذن الله بعد فتح ملف هذا الجهاز البشع ..
والدليل على صحة ما ذكره بانقا هذه الجقلبة والبطبطة والجرسة التي تشاهدونها هنا من افراد الدجاج
الالكتروني ..!!
يعني لو الزول دا كضاب ومدعي ايه البخليكم تخرخرو وتولولو هنا !!
ما تخلوهو في كضبو وادعاو انت مش جهاز رسالي وما بتخافو الا من الله الخلقكم؟؟!!
انتو مش اطهار وعملكم دا لله .. وهي لله ؟؟!!
نحنا كان ممكن نفوت الخبر ونعتبر بانقا دا عايز يشتهر على حسابنا لكن بعد الخرخرة والثكلي بتاعكم هنا
اتأكدنا مليون في المية انو بانقا دا صادق وتاب وضميرو انبو والكلام القالو دا بسيط جدا قدام جرائمكم
وعفنكم والراجل ما قال الا ما يخصو هو بس … يعني اي فرد من فرد جزمكم العفنة عندو اكتر مما قالو
الزول دابكتير ..!!
واتأكدو بان الحساب ات ات ات ( اقصد في الدنيا هنا ) لانو حساب الاخرة داك تأكلو ناركم فيهو مع رب لا
يظلم عنده احد ..
بانقا نجا بنفسو من حساب الشعب ونسأل اللع ان يغفر له جرئمه وذنوبه لانوا انسان بشعر وحكم ضميرو وان
كان اتأخر لكنو نجا بنفسو قبل يوم قيامتنا هنا..
اما انتو فزي ما الصلاة ما بتفيد يوم القيامة ..جرستكم وتاحانيسكم لينا ما بتفيدكم يوم قيامتنا
أخخخخخخخخخخخخخخخخ
أسي عليك الله لو كنت اتخارجتا بي قوة من الأفراد أو سهلت اقتحام الشعب لمباني الجهاز يوم الزحف المحتوم ما كان أخير ليك من الصقيع القاعد فوقو ده !!!! مبالغ وتصفيات وخيانات وكلام كتير معروف ومكرر ,,,,, كان أقللها تعمل ليك شوية أكشن قبال ما تتخارج يا جنابو, مش تتملص ساااكت كده !!!
أن شاء الله بعد ده تقدر تفيدنا بمعلومات مفيدة تقررب بيها علينا المسافة !! أسي كان أقرب ليك كاودا ولا النرويج يا مان ؟؟؟ قصص !!
انا والله استغرب يعني كيف الواحد يقتل ليه بني ادم انسان بريءويعيش طالع ونازل ياكل ويشرب كانه ما حصل شيءده قلب شنو ده بالله ده يكون ازهق كم روح؟ والله انا متعشي بخرسانة لما شفت المخلوق ده بطني طمت قربت ا……….
لمن يعتقد انه من دارفور السؤال كيف عرفتو من دارفور؟اس المشكله في مثل هذه التخريمات تحديد الاتجاهات الجغرافيه او الاثنيه وفقا للمورفولوجيا و…….فلون لا يحدد اثنيه علي او غيره فمن حسنات اروبا ان كل السودانين فيها هم سود بالضروره .
اما عن توبته واغتساله باالماء والبرد والتكفير عن سيئه عمله بجهاز الامن فلا يكفي إفشاءالاسرار وفضح ممارسات جهاز الامن بل هي اول مايجب على المكلف
فقط فليعلمو ان لاحقيقه او نفاق
او وثيقة او وفاق
تخفي عن الاطفال عوره من دفنتم من رفاق
وان غدا حتما لناظره قريب
عملت 9 سنوات يامفتري طيب منو الدفع ليك أكثر لتغير ولائك أم أنت من الساس غواصة وحان وقت خروجك الله ينتقم منكطم جميعاً بهذه السهولة داير تعيس نظيف لا بد من تطهيرك ومحاكمتك وأمثالك من الطواغيت والظلمة جرائم الحقوق والنفس لا تنتهي بالتوبة التوبة بينك وبين ربك لا نتدخل فيها إن شاء غفر وإن شاء عذب لكن لنا حكم الدنيا من قصاص ورد للمظالم وذلك حتى لا يخرج إلينا كل طاغوت وظالم بعد ما اقتربت من الحلقوم ويقول داير يتوب باب التوبة مفتوح ولكن كما قلت إننا لن نتنازل عن حقوقنا ودماء الأبرياء سنقتص لهم إن شاء الله ومن كل من تورط في ذلك مهما علت قدمه في الدولة
(( وروى أن أحد زملائه ويدعى محمد شاكر برتبة ملازم أول ، كان مسؤولاً عن إعتقال شباب من دارفور بشبهة انتمائهم لحركة العدل والمساواة والتعامل مع النظام التشادي ، وبعد تعذيب شديد وتحريات طويلة اتضح أن هؤلاء الشباب ليس لهم أي علاقة بالحركات أو العمل السياسي ، فقام المتحري المسؤول من القضية ? ضابط برتبة مقدم ? بالاتصال بمحمد شاكر وقال له مازحاً ( ربنا ريحك منهم الفي الزنزانة رقم كذا) ، فما كان من محمد شاكر إلا وقام بتصفية جميع المعتقلين من الشباب الدارفوريين ، وعددهم خمسة. وفي صباح اليوم التالي عند التسليم والتسلم بين محمد شاكر والضابط النوبتشي الجديد وجد في دفتر الأحوال تصفية الخمسة معتقلين ، وبعد الرجوع لدفتر الاشارات تبين ان الإشارة المرسلة تقضي بالافراج عنهم ، وهذا ما كان يشير اليه المقدم بعبارة ( ربنا ريحك منهم) ، أي ربنا ريحك من تعب تعذيبهم والتحري معهم ، ولكن محمد شاكر في تسرع لم ينتظر وصول الإشارة المكتوبة وإكتفى باشارة مازحة لخطف خمسة من الأرواح البريئة .))
لا حولة ولا قوة إلا بالله
هؤلاء ليس أدميين، هؤلاء وصلوا من الاحطاط إرزله
الزول ده خشمو مبرص من العرقي دخل جهاز الامن كيف؟
ما أرخص الانسان فى عهد الانقاذ، خمسة شباب راحوا فيها بدون وجه حق و أكيد غيرهم مئات الآلاف ان لم يكن أكثر، قتلوهم بدم بارد فقط للتسلية، مما يدل على أن مجرد الاشتباه كافي فى عهد الانقاذ لتصفية أي انسان، و ضابط الأمن يعلم انه لن يتعرض لاي مسائلة و لذلك ما كلف نفسو حتى يتأكد من الأمر الصادر اليه هو هو أمر لتصفية الشباب أم لاطلاق سراحههم و قام بقتلهم لارضاء أمراض و عقد نفسية متأصلة فى نفسه و نفوس رؤسائه جميعا بما فيهم نافع و عمر البشير و عبد الرحيم محمد حسين و الدليل على ذلك مجرد لفت نظر هو كل عقابه، مما يدل ان تصفية الخصوم أو حتى المشتبه في كونهم خصوم هى ثقافة سائدة لدى جهاز الأمن، اذن “هي لله” و الاسلام يحرم حتى قتل الحيوان الا لحاجة مثل أكله أو ان كان الحيوان مؤذيا و لا يقتل لمجرد ارضاء أمراض و عقد نفسية مثل ما يفعل جهاز أمن المؤتمر الوطنى، ثم أنظر الى أموال الشعب السوداني التى يبددونها بدون فائدة واحدة تعود الى البلد مثل الأموال التى قدموها لجوزيف كونى زعيم جيش الرب و المعارضة التشادية أنظر الى السفه المبالغ فيه و الافتقار الى الرشد و الحكمة، انا لله و انا اليه راجعون.
عواليق هو ذاتو من شكلو
ووسخ زي الانقاذيين
ياترى كم روح بريئة ذهقتها
وكم سجيناً اغتصبت
وكم عملاً فاسقاً فعلت
هل عند توبتك وغسلك لنفسك
استسمحت كل من فعلت به فعلة
الواضح ان هذا البانقا قد اختلس جزء من اموال هذا النظام السئ من القنصلية السودانية بكمبالا وشعر بدنوء ااجل النظام واختار افضل الدول ( النرويج) في مستوي الدخل وفر هاربا اليها ليجمع المزيد ويستمتع برغد الحياة هنالك
ونقول لهذا البانقا ان من ينشد العدالة فاليأتيها بايادي نظيفة وانت تنشدها واياديك ملوثة ونحن منك براء ونناشد السلطات النرويجية بعدم منحه اللجوء السياسي لانه قد يكون غواصة
سبحان الله
اخيرا ..
الاحتراف بالزنب فضيلة..
وامثالك كثر..
والكيزان ..اتفضحوا اكتر
أبسط شي في المصداقية أن ينشر الأستاذ محمد الفاتح صورة لبطاقة الضابط المزعوم.
لزوال السماوات والارض اهون عند الله من قتل إمرء مسلم بغير حق ،يابانقا رحمة الله اوسع من ذنبك ، لكن هنالك ارواح أزهقت وظلامات وقعت على كثير من الناس ،انت شاركت فيها،لايكفى ماقلته ،عليك ان تسلم نفسك لجهة عدليه وتكون شاهد ملك حتى يظهر الحق ولايفر الجانى بجرمه .
والله العظيم علي بانقا ده كزاب ومنافقا ده مجند في الامن لايصلح والله يا منافق اعطوك كم علي شان تقول الكلام ده تبيع بلدك بي القروش يا عمليل
نواصل العرض
السؤال للسيد بانقا لماذ تم طردك من كمبالا
الي القارئ الكريم افتحو صفحة الفيس بوك فتشو عن هذا البانقا خصة المبوم الصور
ولا تغمض عينيك
(سبحان مغير الاحوال) اذا افرضنا انك احد افراد جهاز القمع الانقاذي فكم قتلت من الانفس؟؟؟؟؟؟ طبعاً حتقول انك برئ براءة الذئب من ابن يعقوب فرضاً انك برئ !!!!! فلماذا مكثت كل هذه السنين وانت تعمل بجهاز كما ذكرت يقوم بتصفية البشر كالنمل او الذباب – فاللمعلومية الشعب السوداني شعب ذكي بطبعه ولا يمكن ان يقبل اي شيء يقراءه الا بعد اخضاعه للتحليل العقلي والمنطقي ومن ثم يقرر قبوله ام رفضه واتوقع ان كل الحكاية انك تحصلت على مبلغ لا باس به وقررت ان تبيع بهذا الثمن 0
رد للزول الاسم ادم انت جابتك موجه ياوهم النرويج البعرفك شنو عن حق الحمايه اكيد جاي من لبنان والموجه جابتك ياجاهل
تعبير شنو يا رجل
الزول ده عنده صفحة في الفيس بوك عليك بالذهاب اليها
ان لم تكن مصدق ان ذلك يحدث في ظل التوجه الحضاري والدولة الرسالية
يا جماعة الداير اتاكد من الراجل دى اخش الفيس بوك الاكاونت بتاعو Ali banaga
الموضوع تجدوه في الفيس بوووووووووووووووووك في صفحته علي بانقا و وافتحو صفحة الصور تجدو العجب العجاب ولو يريد حق اللجوء لديه الف طريقة ولو قلت ليكم الزول ده بعادي الحكومه ما بتصدقوني من اجل اللجوء بتقولو انا مؤتمر وطني ولا كوز والله العظيم لا هذا لا ذاك بس انا جاره عشان الساده القراء ما يحرقو اعصابهم ويصدقوه انا صالح عام للعلم وعلي السيد الفاتح ان يساله لماذا طرد من كمبالا وبسو وماذا يفعل قبل مغادرته وكيف خرج اشك عن طريق كمبالا كما ذكر
سبحان الله انا لله في خلقه لشئون انا طبعا ضد اي انتهاك للانسان السوداني من اي قوة كانت نظامية او غيره , ووالله العظيم الذي سيسألني يوم القيامة علي بانقا ده انا بعرفو معرفة شخصية وهو ليس عضو في جهاز الامن وهو فرد مراسلة في وزارة الخارجية , وعشان تتأكدوا من كلامي ده أكيد كثير من المعلقين هنا عندهم معارف في وزارة الخارجية وأنا متأكد بس اتصال تلفوني عليهم وسياتي الرد او حا يدوكم المعلومات الكاملة عنه, وانشاء الله تكون عندكم الشجاعة وافادتنا عاجلاً بصدق كلامي
الاخوة المعلقين الكرام الذين انتقدوا هذا الشخص . الرجل فدم لكم ادانة واضحة لجرائم هذا النظام وادلة لبشاعتة و فسادة لتبديد اموال الشعب بملايين الدولارات لامور تافة زادت من معاناة هذا الشعب واوصلتة الى هذه الحالة التي نحن فيها الان من وضع اقتصادي سئ وحروب و انفلات امني في كل مكان . بدلا ان تشجعوه على صحوة الضمير والعودة الى الحق وحتى يتشجع غيرة بفضح هذا النظام. تحاسبوة على ماضية ماذا تستفيدوا من محاسبتة الان وانت غير قادربن على اسقاط النظام ومحاسبة الرؤس الكبيرة وايقاف هذا النزيف وشكرا
ياخي النقيب لابودي لابجيب ؟؟ معقووولة بي رتبة نقيب ويدوك مهامه ا إيصال الأموال إلى قائد جيش الرب جوزيف كوني ،معقووووووولة بس وبعدين تعال ياسعادتو جوزيف كوني دة غبي للدرجة دي حتي يتصور معاك وهويستلم مبلغ الرشوة ومبلغ ضخم وقال دليل اثبات ؟؟؟
ماوريتنا حسب كلامك انو الجهاذ مقسم الي مجموعتين علي عثمان ونافع انت تبع ياتو فيهم ؟؟؟
علي العموم انتظر ليك سنة ونصف في الكام لحدي ماينظر ال UDI للكيس بتاعك وتاكد رفض لانك عملت عمائل في حق الشعب وباذن ربك تاخد رفض ياكوز . آمين
و الله العظيم الراجل دا انا بعرفوا معرفة شخصية , بعدين دي مكنة يا عالم , إن شاء الله تتسهل معاك يا علي , كويس يا علي بانقا كشفت لينا الناس الحاقدين ديل بجوا بردو ساكت ويفشو غبينتم مع انه اي زول قدم لجوء في اوربا فاكي مكنة وبالذات ناس النرويج ديل, الراجل ده ان شاء الله تتسهل معاهو ,,, يا ناس اوربا بالذات افهموها يا عالم…..
ارجو بان نصدق كلام هذا الرجل حتى لو كان كاذبا فهذا ما يجري من وراء الكوليس فى سجون النطام فهذا كلام حقيقى وليس مهد افتراء كما يقول بعض الاخوة المعلقين
بسم الله الرحمن الرحيم
السلام عليكم ..
تحليل ع السريع .. ركزو معاي .
في الصورة الأولي يظهر الظابط المنشود .. وهو مبتسم وده ما حال زول في الحاله القلتوها في الخبر ده ..
والصورة الثانية ممكن نقول انو فيها نوع من الحزن والهم ..
بس الصورة الأخيره دي كان في مكاتب الجهاز ببحري موقف شندي وتقريباً (الطابق الرابع) أو الخامس
فالطابق الرابع والخامس هما الطابقان الأكثر شؤماً بالنسبة لي .. فقد كنت في قضية .. وتم التعامل معي بقسوه و تمسع كل انواع الشتائم التي تهز كيانك وشويه وتقوم تمسك الضابط وتقع بي من فووق ..
ديل أحقد ناس وكلاب شديد ربنا يأخذهم .. وريحينا منهم (“آمـــــــــــــين”)
السودان الصراحة بقا ما مفهوم انا قبل شوية قريت لي خبر في شبكة ماكس نيوز حيرني مره وحده بقيت ما قادر استوعب الاحداث الحاصلة
http://www.smaxnews.com/2012/03/19/%d9%85%d9%88%d8%a7%d8%b5%d9%84%d8%a9-%d9%82%d8%b5%d9%81-%d8%a7%d9%84%d9%85%d8%af%d9%86%d9%8a%d9%8a%d9%86-%d8%a7%d9%84%d8%b7%d8%a7%d8%a6%d8%b1%d8%a7%d8%aa-%d8%a7%d9%84%d8%ad%d9%83%d9%88%d9%85%d9%8a/
هذا رابط الخبر ..
وحقيقة السودان وضعو مؤسف ولا تزال جمعة الصمت تأتي كل جمعة
هذا الامنجي لابد ان يخضع لفحص وتحقيق من قبل مختصين حتي لا تنخضع المعارضة في الخارجة ويصبح لغم.. هذا الدور قام به عميل الامن الصحفي والملحق الثقافي في دبي المأفون محمد محمد خير ( ود الجزار) صاحب عامود ( من أقاصي الدنيا )الذي كان عميلا مزدوج مع امن نميري و الجبهة الوطنية ومن ثم مع امن الانقاذ وقد اجريت له عمليات في ظهره حتي يعتقد الناس انها آثار تعذيب . المأون محمد محمد خير اخترق التجمع الوطني في القاهرة وسرب اخطر المعلومات للامن .. يجب علي القائمين علي الامر حصره في دائرة ضيقة علي ان يقوم بكشف المزيد من عناصر الامن العاملة الان وعناوينهم
لعلمكم علي بانقا العامل ليكم زوبعا ده , انا بعرفه من السودان , يا جماعة انا عارف الزول ده منو و الله العظيم الموضوع ده ما بيستاهل النقة دي كلها و أقسم بالله و المصحف الشريف انه علي بانقا ده من اولاد احد الاحياء الفقيرة في السودان وامشو اسألو من اهله , في زول بيعرف اكتر من اهله ؟؟ الواحد ممكن يقول كلام كتيرة عن الزول ده لكن انتو يا ناس النرويج و اوربا عارفين انو المعلومة بتعمل شنو , فالذلك احسن نسكت وما نضر عباد الله .. أقصد أن المعلومات بتصل لي ناس جهاز الامن وممكن يضروا اهله .. اما الخواجات ديل ما بيشتغلوا بي كلامكم ,, يعني الزول بيدهو الاقامة حسب الكيس و الانترفيو القالو ..
وبعدين يا ناس النرويج أظنكم عارفين إنه عارفين إنه الـ ما بيقبل بي اي كلام و اي تعرصة حول الاشخاص , يعني علي بانقا ده الـ حايرد عليه بحسب المعلومات القالا في الانترفيو , البعجبني في النرواوجة ديل إنه ما بيقتنو بي اي تعرصة وبيدينو صاحباها.
شايف في بعض الخرافين في سودانيز اونلاين برضو قاعدين يخرفو بدون علم , غايتو يا ود بانقا بقيت مشهور , و احيييك على ذلك.
ههههههههه و الله العظيم انا القدامكم ده زمان قبل 9 سنوات لمن جيت , الصعاليق “اللي رفضو ليهم الاقامات” القاعدين في اوسلو لمن جيت النرويج جديد اتعرصوا فيني وكانو عايزين يخربو لي التقديم لكن اقسم بالله ربنا احبطتم ونلت الجنسية رغم عن انفهم وكلهم اصيبو بالصدمة وما زالو في رفضهم و حقدهم وحسدهم يعمهون.
ياخي ديل عالم قذرة بشكل عجيب جدا (أقصد المرفوضين وبعض مدمني الخمر ) , غايتو انا انصح اي زول جاي النرويج من اي دول لنيل الاقامة و الحياة الكريمة انه ما يكشف نفسه لي ناس النرويج ديل , و الله العظيم ديل لمن عرفو إنه احد اقرباءي جاي يقدم برضوا حاولو يضروهو لكن ربنا احبطم واخد الاقامة
العضو الحاقد حمزة [hamza] , الله يسامحك يا حاقد , كلامك ده اسع نعتبروا حسد ولا شنو ؟؟ اول مرة أشوف لي سوداني بيتنى الشر لي اخوهو !! يا [hamza] انت زاتك تلقاك اخدت اقامة بسبب كذب ولا احتمال كبير تكون اخدت رفض من الـ UDI عشان كده حاقد على الناس ..
نحنَ في النرويج وكلنا بنعرف شمارات بعض فالذلك مافي داعي يا ايها الحاقد حمزة [hamza] انا لي 9 سنة في النرويج دي شوفتا ناس حاقدين لكن اصلا ما شوفتا لي زول حاقد زييك كده يا حمزة [hamza]
الاخ علي بانقا انا متأكد انك حا تاخد الاقامة , إذا ما ادوك انت يا ود بانقا يعني حايدو منو (حسب قانون جنيف ) ؟؟ الكلام القالو علي بانقا ده اسباب وجيهه لنيل و الحصول على الاقامة , وبعدين الزول ده ما قتل زول ولا شال سلاح , الزول ده قال انه رفض تعذيب سودانيين , (افهمو يا وهم معنى الكلام ده وبعد داك تعالو علقو)
علشان خاطر دعوتوالدتك و اخوانك المحتاجين يا اخوي على بانقا تأكد إنه ربنا حا يكرمك , البلد دي دايرة صبر بس وما تشتغل بي تعليقات المضللين دي ..
اللهم أشهد أني قولت الحق ولا شيء غير الحق اللهم أخرص هؤلاء اللذين يخضوض ويتحدثون عن اعراض الناس بغير علم وبمالا يعلمون , اللهم إنك اعلم بحال و اسرار عبادك فجازنا بحسب نيتنا