عبدالرحيم محمد حسين يصرح … التمرد نهايته قربت

إنت يا عبدالرحيم نهاية قربت ان شاء الله. التمرد الذي تتحدث عنه وعن محاصرته هو محاصر قواتك في نيالا وكل مدن غربنا الحبيب. كيف يقول هذا المعتوه أن نهاية التمرد قربت والحركات المسلحة تعلن الانتصار تلو الانتصار على قوات الانقاذ قبل يومين سقطت مهاجرية واليوم لبدو وغدا نيالا والابيض والفاشر بإذن الله….

فعلا هطلة ابوريالة العيطة ياخي يا عبقرينو ياطيش الفصل . اقسم بالله انت حلة ملاح ما تفركها كمان داير تبيد التمرد الله يبيدك بمبيد حشري يا حشرة

يا ناس الراكوبه حرام عليكم اللمبي المصري ممثل مبدع تقارنوه مع ابورياله الدلاهه ده شن جاب لي جاب .

الاجمل والاطرف هذه الصوره … (( اللمـــــــــــــــــــبى )) .. حفظا للحقوق نريد ان نعرف من هو هذا المبدع الذى اطلق هذا الاسم .. والله اسم على مسمى .. ومن شاهد هذا الفيلم يرى تماما مدى الشبه والشبه الكبير بين الشخصيتين .. فعلا اللمبى

عايزين عبدالرحيم يترجل؟ لكن الشماعة الكبيرة ح تكون علي منو. بس الناس ما عارفة تعمل شنو هو كان لمبي أو ابوريالة عرف يعمل شنو بس فضلنا نكتب وننعت ولكن لا نرى طحين.
يا المعلقين بالله يوم ما نكون زي عبدالرحيم ونعمل حاجة!!!
أنا من بكرة حتلقوني وأقف في ميدان ابوجنزير ولابس ذي ملفت للنظر علي عبارة الدفاع بالنظر وح أشيل معاي كرتونة أظلل بها رأسي لكي تعرفوني, تعالوا بكرة الميدان المعني وما تخلوني براي ح أكتب حضرت ولم أجدكم, اذ لم تشاركوا في الوقفة الصامتة احتجاجا علي غلا الأسعار. ح نبدأها صامتة ثم هادرة. الله يرحم نقد لقد أفتقدناه كثيراً.
ملحوظة: واحد كان شجاع أو قول متهور في المظاهرات السابقة, و هسع صار جبان زي الفأر.ما عارف السبب شنو؟ لازم أقابل دكتور نفساني يحلل لي المشكلة دي من شنو؟ الله يستر ما يقول لي بتعاني من مرض أنا سميتو بالأستدجان أي من التدجين- جاي من الجداد أوالدجاج – كلها زي بعض.علي قول (المدردم كلو صابون.)
كسرة صغيرة :
ما تنسوا الزول البركة دا لو فاتكم حركاتكم المسلحة كلها ح تتشتت وما ح تلقو ليكم حركة مسلحة في السودان. قلتو شنو؟

22 سنة نسمع اعلام الجبهة ومسئوليها يهتفوا بان التمرد في الجنوب خلاص غلى وشك ان يحسم (صيف العبور و الميل اربعين وووووووو) وفي النهاية انفصل الجنوب وجات اسرائيل استقرت فيه – حاليا لينا حوالي قرابة 10 سنوات بان معركة دارفور خلاص قربت نحسم – باقي 12 سنة وتبلغ فترة الحرب 22 سنة وبعدين ممكن يحصل انفصال وتجي اسرائيل وتستقر في الغرب – شعب وهم يصدق ناس زي ديل – يا عالم ما سمعتوا الحديث ((قال رسول الله صلى الله عليه وسلم: ” إن بين يدي الساعة سنين خداعة يصدق فيها الكاذب، ويكذب فيها الصادق، ويؤتمن فيها الخائن، ويخون فيها الأمين، وينطق فيها الرويبضة ” قيل: يا رسول الله: وما الرويبضة ؟ قال: ” الامرؤ التافه يتكلم في أمر العامة)) بالله ماسألتوا انفسكم كم خائن للذمة اتت به الانقاذ وائتمنته على معايشنا ومصالحتا بالله عليكم كم رويبضة في الجهاز الحاكم – دا رويبضات الدنيا اكثرهم يمكن عندنا والله اعلم

(تفعيل تنفيذ اتفاق التعاون مع جنوب السودان سيؤثر إيجابا على الأمن فى دارفور وسيمكننا من محاصرة المتمردين وإنهاء التمرد)

المصفوفة اضافة الى المردود الاقتصادى
لدولة الجنوب ..فانهم يريدون من خلالها
اقامة حدود آمنة ..وتصريحك هذا يقع على
النقيض من ذلك تماما..
وعند شروعك فى حملة الدفتردار هذه ستكون
حدود الجنوب مفتوحة على كل الاحتمالات من
دعم لوجستى او امداد قتالى ..
وعندها سيتوقف ضخ البترول ثانية .. ده
تقدير موقف لا يحتاج درس عصر او دفاع
جوى بالنظر..

ياتو تمرّد؟
من تمرّدوا على الديمقرطيّة والدستور وأفسدو البلد؟
أم الجماعات المتمرّدة داخل المؤ تمر الكيزاني؟
والله بقيتوا زي الزول الشايلو حمار النوم
يلف في الحوش طول الليل لا من يقع في الأدبخانة

ولمن صرح كده كان خاتي طشت لريالته التمبول ده

المصفوفة الأمنية مع دولة جنوب السودان اتنفذت والجيش الشعبي لدولة الجنوب رجع مسافة العشرة كيلومتر المتفق عليها منذ فترة تزيد عن الثلاثة أسابيع , وبحسب قولك بان قواتكم المسلحة جاهزة وقادرة على محاصرة المتمردين وانهاء التمرد فان هذه الفترة التي مضت على تفعيل المصفوفة الأمنية كافية لذلك الا أن القوات (الباشبوزوق) المسلحة لم ولن تستطيع أن تحاصر المتمردين وانهاء التمرد كما تزعمون بل هي مهزومة ومتراجعة ميدانيا في كافة الجبهات القتالية مع قوات الجبهة الثورية المسلحة .فالمجلس الوطني (الغافل) انطلى عليه كذب وزير دفاع الباشبوزوق المسلحة وصدقوه لان الكلمات الكاذبة كانت تخرج من فاهه العريضة بقوة ونشاط وحماس متعمد لأنهم في العسكرية عندهم حاجة بتقول (النشاط والحماس بغطي على الخطأ) فاتوهم المجلس الوطني الوهم كما يفعل بهم هذا الأبله في كل مرة يمثل فيها لهذا المجلس ببزتة العسكرية والتي هي الاخرى تضفي المزيد من الوهم على الموهوميين وما أكثرهم .

والله نحنا الهبل. ابوريالة مرتاح منغنغ في النعيم من٢٣ سنة.

وزير دفاع
يصرح بأسرار حربية في الإعلام
يقول للتمرد اعمل حسابك حتى يجهز التمرد استراتيجياته
وزير دفاع لا يعلم أن استوزاره لم يتم لكونه عسكري
لأن العسكرية الحقة أحق بها أشخاص لديهم معارف ليس بينهم من يمشي على قدمين في السودان
قتلوا وسرحوا وماتوا بحسرتهم على المناصب التي تمنح ولا تتبوأ بجدارة واستحقاق
وبالطبع ليس بين الأحياء منهم هذا المستوزر
قيس على ذلك كل المناصب هل بين من يتبوأها جدير؟!!
الوزراء في جميع أنحاء العالم الحر يفرضون أنفسهم فرضاً
يقدمون لأوطانهم عصارات أفكارهم ثم يذهبوا مرفوعي الرأس ليأتي بعدهم من يقتدي بطريقهم
ذهب العسكريون الأفذاذ الذين هزموا الايطاليين وتشهد لهم العلمين وفلسطين وحتى المكسيك
وبقي بيننا مهندس دبلوم وزيراً للدفاع وبيطري على رأس الأجهزة السياسية وقانوني لم يمارس المهنة سوى سويعات يجلس على قمة الهرم الإداري للبلاد وطبيب أسنان في قمة النقابات وطبيب أطفال في قمة الزراعة وووووو الخ أماعلماء هذه المجالات الجديرون بها حقاًفهم يموتون من الحسرة!!
كيف تتقدم بلد برجل غير مناسب في مكان مناسب لآخر عالم ومتخصص وخزائنه ملئى بالخبرات العالمية والشهادات التي انتزعها في مجاله انتزاعاً؟ لو كنت أنا المسكين وزيراً للدفاع لقلت للمتمردين كفاكم عراكاً فالجيش الذي تحاربونه لم يهزم قط.

انتو يا خوانا الجيش بتاعنا دة وينو؟؟يعني من شهداء رمضان 1990 ما سمعنا بضابط و ﻻ عسكري ساكت عمل حركة….اما المسرحية اﻻخيرة دي كان يارجعت لينا الترابي يا رقت غازي يعني كانك يابو زيد ما غزيت
كسرة…
اللمبي دة اكتر وزير كج شفتو في حياتي ايام ضربة الشفا كان وزير شنو ما عارفو طلع اجعجع …مسك الداخلية وقع العمارات مسك الدفاع الجماعة جوهو في الخرطوم و هجليج و اسرائيل ضربتنا تﻼتة مرات ما عارف بشبش دة مصر عليهو كدة ليه؟؟؟: