بدر الدين محمد
يا بلدي اصبّح كيف؟
تعال يا زول
يا البتخطب في منابر الزيف
بتدق طبول الحرب ليش
ليش تزرع فتن بين ناس سوا
جمعتهم صلات دم وتزاوج ووديان وتضاريس
بتدعم ليش في اطرافها
وهم سايقين البلد للطيش
كلهم مافي فيهم زول واعي
واحد طمعان في السلطة
والتاني ناوي يجيب حكومة الكوز
بتنشر خطابات الكراهية ليش
بين شعب واحد
عرب وزنوج ومتخالطين
بتفرق بين اخوان ليش
وانتوا يا البتسمعوا ليهم
اما فيكم زول واعي
اما فيكم ضميره نضيف
يفكر قبل يتكلم
ويعرف وين جهات الحق
وما ينساق وراء التخاريف
وبرجع تاني بسال في أسى
ايا بلدي كيف حالك؟
ويا بلدي اصبّح كيف؟
