اجتماع بين حمدوك وصالح عمار بحضور (بيتاي ودقلل)

يا جماعة صالح عمار ده المفروض يحل المشكلة دي ويتقدم باستقالته طائعا .. ويتم تعيين عسكري من ابناء الشرق او اي واحد تاني مدني .. الكوز محمد الامين ترك ..

وهو بالمناسبة لا كوز ولا اسلامي ولا يعرف صلاة الجنازة فيها كم تسليمة ولكنه اعتاد ان يبتز المؤتمر الوطني ويسكتوهو بكراتين العجوة والبلح والطحنية والراجل يشيل يوزع لي جماعته العطالة شيلو العكاكيز والعصي وامشوا اقعدوا في الطريق ما عندهم مانع لانهم عارفين كل واحد سوف يحصل على كرتونة بلح وكيس بن مطحون.

الناظر ترك عايز موطئ قدم لنفسه واستمرار الميري وكراتين البلح وصفائح الطحنية من الحكومة دي لكن الحكومة دي حكومة ديمقراطية وما عندها شي تقدمه للناظر ترك .. عشان كده بهدد ويرغي ويزبد ويتوعد..

زمان الكيزان كانوا بعتمدوا على الناس القلوبهم ميتة زي وبتاعين الميتات ويدخلوهم في مجلس شورى الحركة الاسلامية والمكتب القيادي للمؤتمر الوطني عشان لما الرئيس يجي يزور كسلا يجو باللواري والعصي ..

يا شيخ ترك ..زمان القروش والكروش والميتات انتهى ..

ويا صالح عمار استقيل
ويا الحرية والتغيير اصلوا حفاظا على البلد اقيلوا صالح عمار

ويا البرهان وحمدوك استخدموا صلاحياتكم واقيلوا صالح عمار وما تعطوا اكالين الميتات فرصة يخربوا السلام ويخربوا البلد
ويا المراغنة الحقونا وانجدونا وبينوا حوبتكم بجاه سيدي ومولاي السيد الحسن الميرغني اب جلابية