لماذا نؤمن بان الصراع والخلاف لا يحسم إلا بالبندقيه ولنا تجربه فى حرب الجنوب التى استمرت الحرب فيها لمدة ……. ولم تحسمها البندقيه وحسمها التفاوض والتصويت الحر فلماذا لا نستفيد من تجربتنا هذه ؟! والآن تمزق بلادنا الحروب التى استمرت طويلاً ولا حسم حروب عنيفه وصلت لدرجة اكل الاحشاء !!
فلماذ لا نتعقل وكما انتهت حرب الجنوب بالتفاوض ننهى هذه الحرب بالتفاوض واى اقليم يريد الانفصال فاليذهب ويقيم دولته فاذا ارادت اغلبية اهل دارفور او جبال النوبه اوشرق السودان … الخ ان الانفصال وان يقيموا دولتهم فما المانع لماذا لا نعطيهم هذا الحق وبسلام وبأسلوب متحضر اسلوب الانتخابات ؟ ولماذا تصر قيادات جيشنا وقياداتنا السياسيه ان يظل السودان موحداً ولو بالقوه وبحر من الدماء ؟ ومافائدة الوحده مع القتل والذبح واكل الاحشاء؟! .
وقد كررت كثيراً ان ماساة السودان فى قياداته السياسيه عديمة التجربه والخبره والتى تهوى الكراسى فقط ولا تنظر إلا الى الكراسى ولو فوق اشلاء ابناء وطنهم !! .
واسأل لماذا لا تجلس هذه القيادات مع بعضها عسكريه ومدنيه وتتفاوض بدل حمل السلاح ؟ وماذا يمنع من التفاوض وهم اخوه فى وطن واحد ؟!! ويطرحوا بطريقه حضاريه وعن طريق الامم المتحده خيار الوحده او الانفصال لكل اقليم فى السودان على حده وان يتم التصويت على الخيارات من ابناء الشعب فى كل اقليم تحت إشراف المجتمع الدولى ورقابته فى انتخابات حره تشرف عليها الامم المتحده للاختيار بين الوحده والانفصال ومن يختار الوحده فالوحده ومن يريد الانفصال هذا حقه وينفصل مثلما انفصل الجنوب فى هدوء وسلام وهذا هو الطريق الوحيد لصيانة دماء ابناء وطننا وللمحافظه على ارضنا فالنسلك هذا الطريق الحضارى وادعوا قياداتنا للاتصال بالأمم المتحده للتحضير لمؤتمر تحديد مصير السودان .
ومن سيحكم الشمال والوسط؟ اكيد الكيزان وجيشهم. اذا الحرب ح تستمر فى الخرطوم لاننا نرفض الكيزان وجيشهم وحكمهم الدكتاتورى.
يأستاذنا الفاضل ( هو السودان ده حق منو .. ؟؟ ) من يملك الأمر فى ماضيه وفى حاضره فى أرضه وفى سمائه ويكون له الحق ليمنح هذا أوذاك حق الانفصال .. ؟؟ يأ أستاذنا الفاضل هل تعنى أن السودان ملك لجغرافية وأثنية الوسط ومافوقها من من إمتداد لذلك الوسط أو قل دولة ( الننر والنيل ) فقط وبقية المناطق السودانية ماهى إلا عبء على تلك الدولة المزعومة فليذهبوا.. ؟؟ لا والله أجدادهم هم من صنع هذا المجد ( السودان ) وقبور أجدادهم ورفاتهم تحت هذا الثرى قدر مايرقد رفات أجدادك واجداد كل الوطن .. !! فيا أستاذنا هى دعوة مفخخة لإشعال نيران لن تنطفئ إلا بزوال هذا الوطن وإنسانه وقل لى بربك من يستطيع أن يتخلى عن تاريخه وماضيه .. ؟؟ فالكل الشرق والغرب الشمال والجنوب له الحق فى كل ذرة من تراب هذا الوطن الغالى وسيدافع عنها .. !!
نعم الحرب كريهة وعجزنا عن لجمها وخسائرها لا تعوض فمن الحكمة ألا تدفع البعض لليئس بل لابد أن يقف الجميع ضدها حتى ولو بترنا من يقف معها ولانبتر الوطن .. !!
استاذ التلب كنت حريا بك تعرف الكثير عن تاريخ السودان.
وكاني بك لا تعرف ان دارفور لم ولن تكون جزءا من السودان.
عن اي سودان تتحدث وانت سيد العارفين عن اي سودان تتحدث الذي تزعم وانت تدري جيدا انه لم تكن هناك علاقة او اواصر تواصل بيننا وبين دارفور ان كنت تعلم شيئا لا نعلمه فلتخبرنا به. وعن اي اجداد صنعوا تاريخ السودان. هل هناك ادني علاقة بين دارفور وتاريخ كوش الباهر بل هناك اي علاقة بين ممالك دارفور و السلطنة الزرقاء المتعاصرتين.
اما ان كنت تتحدث عن دولة المتمهدي المهدوية الغاشمة فحدث ولاحرج لقد فتحت لنا حقبة المهدوية الغاشمة ابواب نيران غرب افريقيا فدخل بلاد النيلين من دخل من مناصري المتمهدي الكذاب الاشر.
اقولها لك لقد مللنا من حقدهم وليس هناك لتحمل المزيد يكفيك فقط مقولات الوليد.
يجب عليك ان تقول نحن ناس الشمال قررنا نفصل من السودان الحالى وإنفصلوا من الخرطوم لأنها صنعوها أجداد كل السودانيين وأحسن ان لا تتحدث عن دارفور لو عندك عزة نفس, الوجع المادايروا دا طالب انت بالإنفصال, والله النخب الشمالية هم بلاوى السودان حقد وكراهية موروثة من الإستعمار, وانا متأكد لو إنفصلت ولاية نهر النيل والشمالية عن السودان الحالى حتقود حرب طاحنة بيناتكم وتتفرقوا هروبا لمناطق أخرى فيجدها المصرين ساهلة يحتلونها كما الأن محتلين حلايب وشلاتين وابو رماد انتم ناس فتن بس ما أكثر.
استاذ التلب كنت حريا بك تعرف الكثير عن تاريخ السودان.
وكاني بك لا تعرف ان دارفور لم ولن تكون جزءا من السودان.
عن اي سودان تتحدث وانت سيد العارفين عن اي سودان تتحدث الذي تزعم وانت تدري جيدا انه لم تكن هناك علاقة او اواصر تواصل بيننا وبين دارفور ان كنت تعلم شيئا لا نعلمه فلتخبرنا به. وعن اي اجداد صنعوا تاريخ السودان. هل هناك ادني علاقة بين دارفور وتاريخ كوش الباهر بل هناك اي علاقة بين ممالك دارفور و السلطنة الزرقاء المتعاصرتين.
اما ان كنت تتحدث عن دولة المتمهدي المهدوية الغاشمة فحدث ولاحرج لقد فتحت لنا حقبة المهدوية الغاشمة ابواب نيران غرب افريقيا فدخل بلاد النيلين من دخل من مناصري المتمهدي الكذاب الاشر.
اقولها لك لقد مللنا من حقدهم وليس هناك لتحمل المزيد يكفيك فقط مقولات الوليد.
دا انت الما بتعرف تاريخ السودان ومنذ متى بدأ وحري بك أن تعلم ذلك! قال دارفور لم تكن جزءا من السودان قال! ألم تدرس أن دارفور كانت هي التي تحكم السودان قبل التركية السابقة أكثر من مملكة سنار التي كان نفوذها ينحصر شرق الضفاف النيلية فقط وان باقي السودان غرب النيل الأبيض إلى وادي المقدم وسوبا وأن مملكة تقلي كانت عهد تحكم فقط جبال النوبة؟ ألم تحكم دارفور شمال السودان في عهد المهدية وأندولة المهدية التي حكمت كل السودان وسقطت في كرري شمال أم درمان للحكم الانجليزي المصري عدا دارفور التي أسرع سلطانها علي دينار لاستردادها ومواصلة قتال الغزاة الجدد من هناك بعد هزيمة كرري التي كان مشاركا في القتال فيها مع خليفة المهدي؟ وقبل ألمهدية ألم يكن لسلاطين المسبعات مقاديم في غرب النيل وكردفان هم الذين لاقوا جيوش الغزو التركية السابقة ومعلوم قصة المقدوم مسلم في بارا؟ ألا تعلم أن سلطان المسبعات أحد سلاطين دارفور مات في ودفن في شندي وهو يتعقب أحد المتمردين عليه؟؟
يا راجل ما زلت على جهلك بتاريخ السودان وحدوده وأنت طالع لينا كلما جات سيرة الانفصال فالقنا بشوية الهباب المكرور دا ناعقا كالبوم فينا وأنت لا تدري بأن دارفور كانت وما زالت جزءا مهما من السودان بل كانت هي التي تحكم السودان ضمن مملكتي سنار وتقلي قبل ١٨٢١ أي التركية السابقة أجري اقرأ تاريخ السودان من جديد لتخجل من نفسك وانت تهرف بما لا تعرف في جرأة الجاهل الذي لا يستحي لأنه لا يدري بأنه لا يدري جهالة ما يهرف به في إصرار و
انا ضد فكرة الانفصال رجاء عدم الخريف فى التاريخ
يا كوج انت واقع من جمل مهرول ؟ السودان قبل التركية كان عبارة عن ممالك و سلطنات في الشمال و الوسط و كردفان و دارفور كل مملكة و سلطنة قايمة بذاتها و الدولة المهدية هي التي وحدت السودان تحت راية المهدية لطرد الاتراك.
الانفصال يعنى تفتيت الوطن وجعله لقمة سائغة لكل طامع . مشكلة السودان هى وجود الاخوان المسلمين كتنظيم فاعل وحاقد ورافض للآخر المختلف . وقد سيطر التنظيم على العقول ببيع الوهم وتحويل الدين الى مخدر لقيادة القطيع والتحكم فيه . وفيروس الاخوان يعمل فى كل بقعة ولن نتخلص منه بتفتيت البلد . فأنا مثلا من امدرمان ولن ارضى بالاخوان او العيش معهم ولن اتبع ملتهم ابدا فهل ستقسمون بيننا سوق الموردة وشارع الاربعين وحديقة الريفيرا التى سرقها كهنتهم من اصحاب الجيوب الكبيرة وعلقوا عليها يافطة باسم كلية القرآن الكريم وتدار منها جميع الجرائم والمؤمرات وتصدر لكل العالم .
معقول دا مستوى كلام تطرحه على العام وعامل فيها صحفي ومثقفاتي وعامل خنفس ياخي امشي احلق راسك عشان تفهم انت عاوز تنشر الجهل ولا شغال تشعلل في الحرب ومنو القال ليك الجنوب استقر ولا انحنا ارتحنا من الانفصال انت متابع وعايش في السودان ولا بتتحدث عن وطن اخر كم تبلغ طول الحدود بينا وبين جنوب السودان كم كيلو متر اذهب احسبها ؟؟؟؟؟؟ كم نقطة خلاف معروفة والغير معروفة ؟؟؟؟؟؟؟ انت زرعت اشتغلت مزارع تعرف الاراضي تعرف التقند هو عبارة عن كوم من التراب ينشاء لتحديد فواصل للري او لارض اخرى جار هل انت تعرف تقند اي ولاية الفاصل بين اي ولاية اخرى ؟؟؟؟؟؟ هل سرحت رعيت بالابل الضان البقر هل الحيوان يعرف حدود ؟؟؟؟؟؟؟ ياخي السوادنيين قطعوا بحر ابيض البحر الابيض المتوسط عشان ما تفهم بحر ابيض بحر ابيض النسوان بيقطعوهوا عوم او بالفلوكة زول يركب السمبك عرض البحر عاوز تقسم ليه وطنه ما بتخجل ياخي انت وامثالك اذهبوا انت وغيرك ما بتقدروا على العمل العام ولا مشاقه ولا الصبر عليه ولو كان بيفكر الناس بجهلك دا ما كان لقيت سودان زاتوا تتحارب عليه
الكاتب عايش فى امريكا جسب علمى
الاخ كاتب المقال رجل عقلاني ومنطقي وقد اصبح الكثير من السودانيين على قناعة تامه بحل الانفصال ونحن لسنا اول من يفعل ذلك انظر الى دول البلقان ويوغسلافيا كانت تعيش في ماضي ملئ بالحروب فكان الانفصال هو الحل انا القوميات السودانيه فكل قوميه ارضها معروفة ومحددة منذ مئات السنين مثلاً لايمكن للهدندوي ان يدعي له ارضاً في دارفور ولا يمكن للرزيقي او الزغاوي ان يدعي له ارضاً في الجزيرة او الشرق اما مسألة ان يحكمنا الكيزان او غيرهم
هذه قضية يحسمها صندوق الانتخابات اما السودان بتكوينه المتنافر الحالي لن يكون دولة موحده الا في العواطف والخيال فلابد من تقسيمه الى دول متجانسه
ودا سوف يحصل قريبا وسوف يوزع ل٦ اقاليم تكون دولها وبلاش فلسفة سودانيين الكل يجلس مع مكونة ناس الغرب مع بعض وتاش الشمال مع بعض وناس الجزيرة مع بعض وهاكذا باقى الأقاليم ونرتاح من الحروب
فاقد الشيء لا يعطي زول تفكيره لا يتعدى حدود القبيلة ويتحدث عن وطن ماذا ننتظر منك دا ياهوا مشروعك لوقف الحرب يااخي امشي شوف ليك شغلة او امشي اقعد في حلتكم واترك السودان
بكل اسف يا معشر السودانيين المثقفين والمتعلمين دعوني وبكل احترام اقول ان المثل الشعبي :( القلم لا يزيل البلم ) الي حد كبير صحيح في الحالة السودانية . اذا لا يعقل ان اساتذة وحملة دكتوراه وكتاب كبار ينتهي بهم المطاف الي المناداة بأن حل مشكلة السودان تكمن في تفتيته الي دويلات ، يا خسارة ان كل هذا العلم لا يمكنهم من حل مشكلة اي راعي غنم شايف حلها واضح كالشمس في رابعة السماء . يا استاذنا الفاضل تجرد ولو لحظة واحدة من النظرة النمطية الموروثة تجاه مشاكل السودان واسمح لنفسك بطرح السؤال التالي : لماذا تتمرد الاقاليم علي الحكومة المركزية ؟ واجعلها مشكلة بحث وادرسها دراسة مستفيضة ستجد السبب الحقيقي للتمرد و الذي يصر السياسيون والمثقفون الأ يروها الا من زاوية تصورهم النمطي اللامنطقي فاذا عرف السبب بطل العجب ، وما اسهل العلاج بعد تشخيص المرض . هذه مشكلة المثقفين والسياسيين مؤمنون بقوالب جاهزة يصبون فيها مشاكل الاقاليم الثائرة حسب زعمهم و يصرون ان لا مشاكل غيرها . ببساطة هم يرون ان هذه الاقاليم ليس هنالك اي سبب يدعوها الي التمرد ويجب ان تسكت وتعيش كما هي لان البلد كله متخلف ومهمش ودا في الماضي بحكم انتشار الجهل بالحقوق الدستورية ممكن ، لكن في عصر المعلوماتية التي نعيشها مستحيل . الشباب يرون دولا لا تملك 1/20 من موارد السودان وشعوبها تعيش في رغد من العيش وسلام فيقولون لماذا نحن هكذا برغم مواردنا الجمة ! ولما تأتي الاجابة بحملة عسكرية لاسكاتهم سيتحول الي حرب ضروس كما نعيشها اليوم . صدقوني لا احد يهوي الحرب ولا مآسيها التي تأتينا اخبارها في كل لحظة بخبر تقشعر له الابدان . يا اخواني انزلوا من ابراجكم العاجية واجلسوا الي شعبكم واسالوه ماذا يريد وكيف نحقق ذلك وعندها سوف يسكت صوت البندقية والكل يمد لاخيه كفه الابيض في سلام و وئام . وا اسفاه ان نصل لمرحلة بعضنا يري ان السودانيين لا يستطيعون ادارة انفسهم ولو بلغوا السماء علما ويطلب الانضمام لدولة اخري لتديره , حقا مؤسف واهانة للسودانيين وكوادرنا خارج السودان هم الانجح بين شعوب العالم .
الانفصال وحق تقرير المصير ل ٥ اقاليم بيعني انو كل إقليم أمامو خيار واحد يا يجتهدوا أبناءه للتعمير النهوض بأنسان واقتصاد الإقليم او الفشل والجوع والتشرد والجوء للأقاليم المجاوره بس كلاجى اجنبي.
اها هنا حنكتشف عظمه كل إقليم وانسانو ونرجع نقارن بعد ٢٠ سنه منو الشاطر ومنو الفاشل. داير تاكل ازرع في منطقتك، داير تلبس صنع في منطقتك، داير تتعالج ابني مستشفيات منطقتك والخ. دي المنافسه السليمه مش شويه عطله وهمباته مختصرين دوله حدادي مدادي في كم حزب وهمي وكم حركه قطاعين طرق ودواعش مخانيث (كيزان) عاملينها حرب وترويع ونهب لخلق الله. الداير يحارب يحارب والدار ينمو بأهلو ومنطقتو كذلك عندو الحق. حق تقرير المصير وتقسيم السودان ل ٥ دول افضل الحلول. بدل المهزله الحاصله دي ودوله المركز قاعده تحت حمايه دوله شرق السودان.
إنت عميل إماراتي عريق. قال نوبي قال!! توفيق صالح ضرار نوبي ، محمد وردي نوبي ، جمال محمد أحمد نوبي ، خليوت نوبي ، طرهاقا نوبي ، بعنخي نوبي. لكن إنت عميل إماراتي جاسوس مندس.
لم افهم قط ماذا يريد السودانيون ؟؟؟ والي اين هم يساقون ؟؟!!! الي الديمقراطية ؟؟!! قطعا لا. الي الحكم بالشريعه ؟؟!! قطعا الف لا . الي العدالة ؟؟! لا ، الي التنمية والتقدم ؟؟!! مليون لا .,
اصبح الشعب في حيرة من أن العربة التي تقلهم متجه مسرعا الي البحر والسواق لا يبالي ، يتحدث لهم عن مصالحه الشخصية .!!!!!
اولا: # اصلا مافي دولة اسمها (السودان) # السودان هو اسم لمنطقة جغرافية شاسعة تمتد من البحر الأحمر شرقا الى المحيط الاطلسي غربا وتضم عدة دول حوالى ١٢ دولة. # مايسمي جمهورية السودان الان هو عبارة عن دولة مصنوعة صنعها المستعمر الانجليزى من ٤ دول و٤ شعوب مختلفة كالاتي:- ١. دولة وادى النيل (مملكة كوش) ودى بتاعت الشماليين وبس وهى دولة وحضارة عمرها اكثر من سبعة آلاف سنة ٢. دولة دارفور وهي كانت سلطنة دارفور سابقا وهي دولة مستقلة لها سفاراتها وتمثيلها الخارجي وضمها لوادى النيل المستعمر الانجليزى في يوم الاثنين الاسود الموافق ل ١يناير ١٩١٧م. ٣. جبال النوبة وضم لوادى النيل في ١٩٠٠م بعد ان رسم المستعمر الانجليزى الحدود بين وادى النيل ودولة الجنوب الان ٤. اقليم الفونج وهو اقليم النيل الازرق حاليا. ثانيا: مشكلتنا هى اننا شعوب ودول مختلفة تم وضعنا قسريا في هذه الدولة المصنوعة بالقوة والخريطة المشوهة الاسمها السودان. بسبب هذه الوحدة المصنوعة واسم السودان هذا كل من هب ودب من دول غرب افريقيا الان شايل جوازنا ورقمنا الوطنى اكتر من ٦ دول من غرب افريقيا قدموا الينا عبر دولة دارفور واستلموا جوازاتنا واوراقنا الرسمية قريبا سيكون عدد حاملي الجواز السودانى من ابناء دول دارفور وبقية غرب افريقيا اكتر من ١٠٠ مليون غرابي افريقاني علي الجلابة ان يعلنوا دولتهم المستقلة وان يصدروا جواز جديد ويراجعوا جميع الاوراق الثبوتية وان يحمل الجواز الشماليين فقط. يوغسلافيا كانت دولة مصنوعة من ٨ دول وكانت في حروب مستديمة ولم تسنقر الا بعد ان تفككت الى مكوناتها الاصلية وعادت ٨ دول مرة اخري والان عايشين في امن وسلام. الحل في اعلان دولة وادى النيل ودولة دارفور ودولة جبال النوبة ودولة الفونج نريد ان نوقف هذه الحروب المزمنة اللانهائية نريد ان نوقف قتل اهلنا في هذه الدول المختلفة
في تاريخنا الحديث
منذ أخر أيام الإستعمار المصري الأنجليزي للسودان
قامت حرب في الجنوب، قاموا بينها جنوبيين قالوا إنهم مظلومين في بلدهم
وأعتقد أنهم كانوا علي حق لأنهم أخوتهم في الشمال كانو بيقولوا ليهم يا عبيد
ومنتهي الأستحقار والأستحفاف بهم
دا شوف عين ما قالوه لي
وحاربوا الحكومة
فيهم ناس كان مطالبيين بالإنفصال
إنتهت الحرب معهم بالتفاوض وأدوهم حكم ذاتي
وأستجيب لكثير من مطالبهم
وكالعادة نقض الحكام في السودان العهد
وتخلوا غن إتفاقهم للسلام هذا
وتاني دورت الحرب في منتصف التمانينات
وإنتهت بإتفاق سلام أدي لإنفصال الجنوب
ودورت حرب اخري في دارفور وجبال النوبة والنيل الأزرق
من ناس بيقولو إنهم مهمشين
أهم حاجة الناس ديل طالبين العدالة
وهي من حقهم
وما طالبوا بالأنفصال
وهؤلاء الناس المهمشين أستجابوا لنداء الثورة
بالتفاوض عشان السلام
وتم ذلك في جوبا
وبعد ذلك تعقد المشهد في السوداني
ليس بسبب السلام
ولكن بسبب أساسي وهو محاولة الكيزان للعودة للحكم
وحصل إنقلاب ضد الثورة
وحصلت حرب بين الناس الضربوا ودايرين يضربوا الثورة
أها طوال هذه الحرب ما في زول طالب بالإنفصال
يحيك واحد زي دا بيفتكر إنه المشكلة في ناس دارفور ولا جبال النوبة ولا النيل الأزرق
وأحسن الإنفصال
طيب قول السودان أتفرتق حتة حتة
حتعمل شننو للكيزان سبب كل هذه المشاكل
منذ الديمقراطية التانية وحتي الآن ؟
حتفصلهم كيف ؟؟؟ وحلولك كلها إنفصالات ؟؟؟؟
هذه صراعات مجتمعية بين الشعب السوداني والفاشية
وليست صراعات مناطقية
بتحسم بمواصلة الثورة ضد الفاشية
وستجدوا في مهمشي السودان وخاصة المضطهدين من القبائل السودانية كل السند الممكن
المثقفين السودانيين لانهم كسالي ما بيجتهدوا يشوف حلول لمشاكل بلدهم
طوالي يشوفوا الشعارات الشعبوي الرنانة ويمسكوا عشنان يكسبوا ود الغلابة والمساكين
أفصل دارفور وحتجي تلقي العدو قاعد ليك في كافوري
وما نيل المطالب بالتمني لكن تؤخد الدنيا غلابا
أجتهدوا ليكم في حلول
واصلوا الثورة
الأخ الذكر تجربه يوغسلافيا افضل نموذج ذكر.
صربيا دي كانت عامله فيها الساس والراس ولما باقي الأقاليم قرروا الخروج من ما يسمى يوغسلافيا دورت فيهم ذبح وترويع.
اها صربيا دي حاليا أفقر وأكثرهم تخلفا وباقي الأقاليم الأخرى في يوغسلافيا (كرواتيا، سلوفينيا، الجيل الأسود، البوسنه والهرسك، مقدونيا) متطورين بسنوات ضوئيه اكتر من صربيا.
صربيا دي وسط السودان بي بشيرو وبرهانو وحتى حميتي يحسب لعرب الوسط أكثر منه لبنى دارفور أفريقي السحنه واللغه. وباقي اللمه المضيعه أكبر بلد بقاره أفريقيا سابقا قبل ما ينجو الجنوب. والشئ بالشئ يذكر علاقه وسط السودان مع الجنوب ابدا لم تكن افضل من الآن، حيث تذهبالقيادات (مجرمي الحروب) بحثا عن الأمن والتفاوض بهوتيلات جوبا وقبل ١٠ سنين من الان او اكثر كانوا يسيرون قوافل الموت والمستنفرين لترويع الأبرياء بنفس جنوب اليوم.
ما يسمى بالسودان اليوم لملموهو الانجليز لاغراض تجاريه وعسكريه ادري بيها المستعمر.
الملاعين في الداخل و الخارج أدخلوا فينا اليئس لدرجة المطالبة بتفتيت السودان فالحرب القايمة الآن لها عدة اهداف و من ضمنها فصل دارفور و ما يحدث الآن من مرتزقة تشاد و النيجر و مالي و ليبيا و افريقيا الوسطي و خلافهم من قتل و نهب و تشريد و اغتصاب لم يحدث في تاريخ السودان هو عمل ممنهج و ( مقصود ) لكي نيئس و لكي يخرج امثال عبدالرحمن عمسيب و حياة عبدالملك و غيرهم يطالبون بفصل دارفور و إقامة دولة النهر و البحر.
يا إما نبقي رجال و نحافظ علي وحدة البلد عبر نظام فيدرالي و ( العدالة ) و دولة القانون و المواطنة و المؤسسات و يا إما نلبس ( طرح ) و لعنة الاجيال القادمة تلاحقنا.
انفصال دارفور هو الحل .المشاكل كلها جايه من هناك .
ياتو مشكلة ؟؟؟
فحتي الدعم السريع حاجة عملوها الكيزان عشان يضربوا بيهو أهل دارفور
والآن اهل دارفور يحاربون مع الجيش في هذا المصيبة
فكيف يكون دارفور هي سبب المشكلة
مشكلة السودان سببها الكيزان
والكيزان ديل ما جو من دارفور
من الكرفاب ومن مروي وشندي وود الترابي
ناس دارفور لمن شالوا سلاح لأنهم مظلومين
والبشير قال ما بيتفاوض إلا مع من يحمل السلاح
فوروهو الطفي النور منو
مشكلتنا واضحة وهي سبب هذه الحرب
الفاشية الكيزانية الحرامية القتلة العنصريين تجار المخدرات
انا اول من علق على مقال الاستاذ محمد حسن. لماذا لم ينشر تعليقي؟؟؟؟؟؟ سوف لن اعلق مرة أخرى على اي خبر أو مقال…………
فشل الدولة السودانيه كامن في انعدام الوطنية وانتماء الكل وولاءهم المطلق للقبيلة و الاقليم، الكاتب جاب الكلام من الاخر، بلد تبحث عن هويتها بعد سبعين سنه من استقلالها يعني شي واحد هو فشل الصيغه الحالية للدولة. اما ان نناقش مشكلة الهويه الان ونتفق عليها ونمشي للأمام او ندفن ريسينا في الرمال زي ما حصل مع الجنوب وفي النهايه انفصل بعد ٥٠ سنه من الحروب الداميه. ام مقوله ان ما تبقي بعد الانفصال من دوله حيكون ضعيف فده كلام فارغ لان الان السودان الموحد الان اضعف ما يكون كدوله، لا جيش ولا حكومة بل ملشيات وحركات عسكرية وفوضي وحرب وقتل ضد المدنيين في كل مكان .
نرجوا من ادارة الراكوبة عدم نشر أي مقال او تعليق يدعوا الي نشر خطاب الكراهية والتفتت المجتمعي( وهي اصلا ما ما ناقصة) واتمني من الجميع التصالح مع النفس اولا …التصالح مع النفس اولا…التصالح مع النفس اولا…..السودان بلد واسع وشاسع وبه من الخيرات ما يكفي العالم اجمع وهذه حقيقة لا يتناطح عليها عنزان… سبحان الله بلد عدد سكانه لا يتناسب مع الخيرات والموارد الموجودة فيها يعني السودان دة عايز زيادة في عدد السكان ضعفين تقريبا يعني المفروض عدد السكان يتجاوز المائة وخمسة وثلاثين مليون لاستغلال هذه الموارد ورغم هذا الناس غير متصالحه مع نفسها ولا ترضي بالآخر…..تصالحوا مع نفسكم اولا…