الخرطوم : عثمان شبونة
امتداداً لفساده المعلوم وتصرفاته اللا مسؤولة والمجنونة، تحصل دكتاتور السودان (سراً) على عدد من أعمدة الإنارة التي تعمل بالطاقة الشمسية لمزرعته الخاصة بمنطقة السليت.
وقال مصدر موثوق أنه بتاريخ 10 سبتمبر الجاري تم تركيب 17 عمود لمزرعة البشير كانت ضمن 200 عمود أُستجلِبت خصيصاً لمطار الخرطوم، استعمل منها 183 عمود للسور الأمامي، وتم تحويل البقية إلى رئاسة الجمهورية ليستولى عليها المشير مباشرة.
وذكر المصدر أن بعض الهمس يقول أن البشير اشترى العمود بقيمة 15 ألف جنيه، بينما سعره في السوق 8 آلاف جنيه، إلاّ أنه استدرك قائلاً: الكيفية التي تحصل بها البشير على الأعمدة ليست ذات جدوى باعتبار أنه يتعامل مع الوطن العريض كـ(إقطاعية خاصة)، وأن الأعمدة الـ(200) يدور فيها لغط وتحوم حولها شبهات الفساد، خصوصاً والمطار قد تحول برمته إلى مملكة أمنية (خالصة).. مضيفاً: إن الإستيلاء على بضعة أعمدة أمر هين مقارنة بالجرائم (العالمية) والمحلية المهولة للبشير وأسرته وحزبه.
البلد ما بلدكم و نحن كلنا عبيد فى ضيعتك الكبيرة الاسمها السودان ويعنى عمود كهرباء ولا شى بالنسبة الى صاحب السخرة والامر و الناهى و رجل الدين و التقوى و حلال العقد ورجل المهمات الصعبة و المنقذ للوطن حكمت و سرقت و اتهنيت و اتنعمته و شبعته من بعد جوع واسترته من التعرى ولبس الدمورية التى سببت ليك كاروشه وخلتك تخجل من نفسك يا هذا الزمن العجيب و الغريب والبلوة التى ابتلينا بها بشخص غريب الاطوار و ملى بالحقد و عينه قوية وما بخجل وعلى عينك يا تاجر تنهب و تسلب و تعتدى و ضيعته البلد وشردته البشر عليك اللعنه اينما حليت فى لاهاى و لا فى شالا و لا فى التوية و لا الهدى ولا كوبر ونشوف فيك يوم يا ابو جضوم .
يا عثمان انت راجل طيب..17 عمود شنو! دا سرق عمر بلد 24 سنة وسرق كم مائة الف ميل مربع من وطن تقول لي 17 عمود….! هو اساساً المزرعة جابها كيف ؟ والسليت كمان وطاقة شمسية انت عمك دا مفتكر نفسة ح يعيش لي متين؟
سير سير يالبشير …. خليها تضوى ليك اليوم ..لكن باكر الله اكبر عليك
ناموسة فى اضان فيل بقت على العواميد كان بتشيل عمود أكيد حتشيل خازوق القذافى المنتظرك
لو الخبر دا طلع كدا ولا كدا حتروح شمار في مرقة يا شبونة ..
شكراً جزيلاً فخامة السيد الرئيس لتركك 183عمود انارة للمطار…..
لو نال مشروع الجزيرة المكلوم واحد في المليون من الاهتمام الذي يوليه الرجل لمزرعته الخاصة، و(الدلع) الذي يدلعها به،لأصبحنا بحق سلة غذاء العالم!
النهب المصلح عرفناهو
النهب المضوي او مره نسمعه
بالله عليكم دي ما مهزله رئيس دوله يستولي على اعمدة كهرباء لا تسني و لا تغني من جوع بالنسبة لهذا العوير
هذا زمانك يا مهازل فامرحي
الساده إدارة الراكوبه المؤقره والمعلقين الكرام..عدت قبل يومين من إجازاه فى ربوع الوطن الحزين الذى لا يعرف أهله معنى الأبتسامه…وأبدأ بتعليقى الأول للأستاذ شبونه وأقول له:
ياخى خلى الرئيس فى حاله شويه لأنه الأعمده دى شالها لتجهيز المزرعه (للمولود) الرئاسى القادم لأنه نحن كلنا كشعب عايزين نفرح بقدوم ولى العهد ونشارك قائد مسيرة العزه والرخاء والأمن ونتمنى لسيدتنا الأولى وضوعا ميمونا…آآآآآآآآمين يا رب.
لو علي الاعمده بس انا وحق اسرتي واهلي عفينه ليك ياااااااااااخ دا سرق الوطن كله
لمتين حانقعد ونقول البشير شال والبشير سوى وعلى عثمان عندو ونافع ادى يتو نسيبه مرت مصعب ود الزبير قصر هديه
نطلع الشارع ولا ننسى الفكرة ونكون منبطحين
والله أن لم يتعظ هذاالرجل فسوف تكون نهايته القتل و سوف يسحب جسة عارية في شوارع الخرطوم…
الهم اني قد بلغت
ما قصر معاكم … ركب 183 في المطار وشال لمزرعته 17 بس
حكمت فعدلت يا عمر وسير سير يال
حنحاكمك قبل المجكمة الدوليه
اللهم ارنا فيهم جبروتك و عزيز سلطانك اننا ضعفا ولا حول و لا قوة لنا الا بك الهم لا تاخذنا بذنوبنا و ارفع عنا غضبك يا الله يا كريم
سبحان الله ياعمر ود حسن السموك عمر البشير….. انت ما كنت بتحقق مع عمر محمد الطيب حول مزرعته قي 1985 ولم تجد عليه شيئا والان ما كنت تزعمه تطبقه على نفسك …دي من علامات ساعتكم
يا قوم رئيسنا غلبان حتى المزرعة فيها كلام
الحكاية موش بس سرقة أعمدة كهربة .. الحكاية هى عدم الأمانة و إستغلال النفوذ و هى جرائم يُعاقب عليها القانون فى كل دول العالم ما عدا فى هذا البلد المُحتل الذى يُسمى السودان ..
عدم الأمانة و إستغلال النفوذ ظاهرة يتميز بها مسئولى و أرزقجية هذا النظام المستبد الفاسد دون غيرهم ..
لقد ظلت السرقة والنصب و الإحتيال و عدم النزاهة هى ماركة مسجلة عند كل منتسبى النظام من أكبرهم إلى أصغرهم و متأصلة فيهم ..
و حسبنا الله و نعم الوكيل .
والله لو بقت على الاعمدة حينة
يا جماعة أنا بخاف ربنا — وما عندي زول يورثني
برضو مااااااااااااااااااااااا مرتاح
كان سرقت عواميد بس مسامحنك وعافين عنك لكن كان سرقت اي شي تاني من حق الشعب السوداني انشاالله في زمتك ليوم القيامة ويدخل عليك بالساحق والبلاء المتلاحق ويبقي ليك ورم سرطاني في حلقك وتتعذب بيه في يوم القيامة عذاب لم يعذب به الله احد قولوا آمين
الزول القال ولي العهد
دي عملها كيف
زرعوك وين يا العنب
حكمه العاقر من الوليد ياخبوب وبليد
يا الشنو داك والانابيب ههههههههههههههههههه قال ولي عهد
عهد اران هيييييي يكا
الاعمدة دي موقعها وين في ماجستير الشريعة ..
الهم ارنا عجائب قدرتك للطغاة
ههههههههههههههه,,,والله الزول ده مقطع
انشالله المزرعة السعيدة دي تقوم ليك رمان …. و قوب برضو
لك التحية والود
مع الاسف ليس من حقنا ان نطلب من المعلق المذكور تغير الاسم
يمكنك ان تطلب ذلك منه عن طريق الرد على تعليق من تعليقاته
هذه الاعمدة سوف لن تنير لك قبرك ولو سرقت مثلهاعددا, حق الشعب سوف يؤخذ منك يوم تلتف الساق بالساق
ودخل جنته وهو طالم لنفسه
الحرامى ما عندو قشة مرة القدامو بيلفحو
بس رئيس هفات زى ده ما سمعنا بيهو بتاع كلو ..
المزرعة الوحيدة الرابحة فى السودان . ومزارعها رغم انه فقير فى كل شىء الا انه انجح مزارع يتفوق على مزارعى الشمالية والجزيرة وكردفان ودارفور كمان ..
انتو زعلانيين ليه على واحد نجح فى حياته مرة واحدة وفى الزراعة كمان.ناس حاسدين بشكل على عسكرى ناجح فى الزراعة
السراق حرامي العواميد ، أكال السحت ، كرشك وجضومك وأردافك الكبيرة كلها من خيرات بلدنا،، الحرامية البتلبوا بالليل أشرف منك لأنهم بيتعبوا ويعرقوا عشان يأكلوا وليداتهم ، انت ساكن في قصر وتتغدى وتتعشى بالخرفان والمطايب وضارب الهمبريب على حساب شعبك الغلبان وبرضو تسرق في العواميد ،، أكلك مجان وشرابك مجان وكهربتك مجان ومويتك مجان ومواصلاتك مجان وبنزينك مجان وكل حاجة لاقيها ببلاش وبرضو تسرق في عواميد المطار ، ناس تلب والحرامية الصغار المساكين خليت ليهم شنو؟؟؟ الله يجازيك يا الحرامي العوير أبجضوم
يا جماعه عسكرى بليد .. والله محيرنى فساد العساكر ده
واحد سرق الأسمن بتاع الرباط وإنهار البناء وقتل الغفير بقى فى روح !!!!!! طيب ما تسرق المال كله وتريحنا ما أصلك حرامى
واحد مسطول وعامل برضوا جنيننه حدادى مدادى للمزاج وما معروف يمكن فيها قمار كمان
والتالت عذبنا بالسرقة .. قلنا براه بالله عليك العائلة كلها طلعت تشبه بعض
مافى عسكرى فى الدنيا ينفع فى حكم وعليكم مراجعة التاريخ
يا جماعة بدل ما نقول البشير سرق وعلي عثمان شال خلونا في المهم، اخبار الانتفاضة شنو خلاص ماتت، نقنع منكم يا رجال ويا شباب الوطن….
والله ياريت لو كان عسكري بليد وحرامي وكذاب ومنافق وفيه نخوة من الرجولة كان ممكن يكون في أمل في توبته وإنصلاح واستقامة حاله
والخبر وتعليقاته تطمن ع الآخر !!
يا أخوانا الكوز الصغير بيضرب أكتر من كده. ده رئيس ما يلفح ليهو 17 ولا 18 عمود؟ بعدين هى العماويد دى(آى مقصودة)لمن جابوها ما كانوا عارفين محتاجين لى كم عمود؟
ههههههههههههههه
جابتلها سرقة عواميد كمااان
ههههههههههههههه
والله يا جماعة لو ما كتبتو أي تعليق أسماءكم براها تكفي وتحكي عن حال البلد ههه واحد داير العرس وواحد شبشبو مقطوع وواحد موجوع والتاني عامل تفتيحة وناس البشير خمو كل شئ ويا ربي تريحنا من هؤلاء القوم الحياتن كلها فضيحة ويخلو لينا العمارات المكندشة والمزارع الفسيحة ذات الأعمدة الملطوشة والثمار المرشوشة نقدل فيها بى جزمنا الجديدة مع حرمنا الأمينة …
المزرعة تديرها مجموعة نوبلز وهى مجموعة تابعة للرئيس شخصيا ورئاستها في برج الفريق نور الهدى الشفيع زوجة عز السودان عبدالله حسن احمد البشير بشارع 55بالعمارات والمزرعة هى ملك للسيد احمد قاسم صاحب وقف مستشفى احمد فاسم في منطقة بحرى وهنالك بلاغ تعدى علي ملكه تم التحفظ عليه سنة 2009 والبلاغ بالرقم 144لسنة 2009 بمحكمة شرق النيل علما بان المزرعة تمت زراعتها بالبرسيم الحجازى واشرف على ذلك عبدالحليم المتعافي الذى له ايضا مزرعة للبرسيم الحجازى بالقرب من مزرعة اسامة داؤؤد ويصدر برسيم الرئيس للملكة العربية السعودية وهو معفى من كل الرسوم كما ان عائد الصادر يورد في حساب شركة الاتجاهات الاربعة التابعة لشركة جياد ببنك البحرين الوطنى هذا مالزم التنويه 0
لكن ياجماعه مش شي غريب البشير دا بي الظلمه الحولو هو والايراني الوحيدين الما تبعو الامريكان واليهود
ياسيد الاسمك الباشا انت انا لما قلت انو البشير ما تابع للامريكان نسبة لي انو في الدين ربنا قال انو النصاري واليهود لما يعملو تحالف ما يوالوهم الناس وبس
وبعدين والله كان سودان كان غيرو كلو حكم من الله ما جبناهو نحنا ولله الامر من قبله ومن
وبعدين لا يغيرالله ما بقوم حتي يغيرو ما بانفسهم وانت زنوبكم واعمالكم وقطايعكم في الناس فايتا الحد حيتغير نظامكم كيف ختفضلو كدا الي ان يقضي الله امرا”كان مفعولا
والله كلكم كذااااااااااااااااااااابين والبشير ما حرامى انتو عارفيييييييييين منو الحرامى
اول حاجه البشير ضدد امريكا وكمان ضدد اسرائيل والله بالجد كدا نحن راضيين عن رئيسنا ونحن نؤكد ليكم من هنا اصلاً انتو ما تعرفو عن السياسه حاجه كمان تقول ليا خلو الدول التانيه وخليكم فى بلدكم يا باعوضه الواحد فيكم عرف يطبظ فى الحاسوب خلاص عامل صانع الحاسوب والشبكه يا اخونا احترم وضعك انت قبل البشير ما يمسك البلد دى كدى شوف انت احصائيات كانت شنو فى العالم
البشير تماام التمام نحنا الكعبين والله نحنا وامثال نافع والله اعلم