قطبي: واشنطون تخطط لفتح جبهة جديدة في الشرق للضغط على الحكومة
الخرطوم: بكري:
اتهم المؤتمر الوطني اللوبي الصيوني داخل الكونغرس الأمريكي بقيادة مخطط يستهدف فتح جبهة جديدة في شرق السودان من أجل التضييق على الحكومة، مبيناً أن بعض الجماعات الأمريكية لم يعجبها الاستقرار الذي تحقق فيه بعد اتفاق الشرق، مبيناً أن الأطراف التي تكن العداء للخرطوم استضافت مجموعات رافضة لجبهة الشرق وحرضتها لإحداث مشاكل وتوترات بحجة عدم إنفاذ بنود الاتفاق الموقع بين الحكومة وجبهة الشرق، ووصف د. قطبي المهدي القيادي بالمؤتمر الوطني في تصريح لآخر لحظة أمس اتفاق الشرق بالإنجاز، مشيراً إلى أنه أحدث استقراراً وسلاماً في المنطقة، لافتاً النظر إلى أن الذين يتحدثون عن فشل الاتفاق مجرد مجموعات مناوئة لجبهة الشرق، واعتبر قطبي أن أمريكا تسعى من خلال استضافتها لتلك المجموعات لفتح جبهة جديدة للحكومة بغرض الضغط عليها لكنه قلل من الخطوة وقال إن الحكومة أوفت بالتزاماتها كاملة تجاه الاتفاق وإن أهل الشرق متمسكون به.
آخر لحظة
هو يا لص انت ليك عين تصرح تانى احسن ليك ترجع مال اليتامة
ماهذا التناقض في سياساتكم ياأيها الكيزان ؟!دا هنا قاعد يتهم وكرتي كان هناك قاعد يتوسل !
بعدين شنو اللخبطة دي حتى في الاتهامات اول شيء اتهم :
اللوبي الصهيوني داخل الكونقرس الأمريكي – بعدين بعض الجماعات الأمريكية – ثم مجموعات رافضة لجبهة الشرق – اخر شيء أمريكا كلها.
وأنا وبصفتي مواطن حر أتهم اللوبي الصهيوني داخل (الانقاذ) بمحاولة فتح جبهة جديدة في شرق السودان لعدم قدرة الحكومة على تنفيذ الاتفاق كاملا و لتشتيت وشغل انتباة الرأي العام السوداني , وأتهم مجموعات داخل (الأنقاذ) بنقض الأتفاقيات والعمل على ابقاء البلد دائما في حالة حرب.
والله يا قطبي بقيت تهضرب وتتكلم ساكت .؟؟؟؟ امريكا لو رفعت يدها عن حكومتك هذه اليوم لسقطت غداً..؟؟!!
ان حديث الكيزان عن المؤامرات الخارجية ما هو الا استخفاف بالعقول وزر للرماد في العيون.
يضغط على الحكومة فى شنو و لى شنو
ليه اختارو الشرق ما اختارو الشمال عشان يثيروا الفتن و يزعزعو الاستقرار ؟ الجواب و احد من اتنين : يا اما الحكومه مهمشه الناس ديل و ما نفذت الاتفاق و اكلت حقهم ، يا اما الحكومه ضعيفه و ما قادره تقيف ضد المخططات الصهيونيه و اللوبيات الامريكيه ، و في الحالتين الحكومه فاشله و ما تستحق تحكم يا قطبي يا عاطل اليوم كله قاعد في مقر الحزب انت ما راجل ؟ ما تمشي تشوف ليك شغل بدل قاعد زي الحكامات كده ، و بالمناسبه انت اكتر زول بتاع فتن و قلبك الاسود مليان حقد و عنصريه يا مرتزق ، كفايه انك من مؤسسين منبر السلام العادل ، ليك يوم مع العود المبارك يا ( بلدوزر ) عفوا يا قطبي الشرفان .
يا قطبي يا ضال بطل هبال إنتوا غلبكم التسوو و تعلقوا فشلكم في شماعة بني صهيون بالله قل لي من فضلك ما الفرق بينكم و بين أبناء عمكم بني إسرائيل؟؟؟ من حيث السلوك و النفاق والظلم و المكر السئ و الحقد و هذه كلها من صفات اليهود غضب الله عليهم و عليكم؟؟؟
فى حل بسيط جدا وعملى لافشال كل مخططات بنى صهيون والامريكان وغيرهم وهو عمل مؤتمر شامل جامع لكل الاحزاب والفصائل ومنظمات المجتمع المدنى والشخصيات السودانية الحكيمة والمستقلة وحملة السلاح يعنى كل اهل السودان ومافى زول يفرض شروطه على احد والنقاش الجاد والحكيم لاخراج السودان من ازمة الحكم وعدم الاستقرار السياسى وبعد الاتفاق الناس تقرأ الفاتحة ويوثق هذا الاتفاق ويكون مشروع دستور يتكون من سبعة او تسعة مبادىء تقوم عليها الدولة والقانون ونعدل فيه حسب الحاجة وبآلية معينة متفق عليها وتانى لا شرق ولا غرب ولا شمال ولا جنوب بيقوم بمشاكل وبعد داك كل حزب يعرض بضاعته للشعب والشعب يختار ويفوز ويراقب ويحاسب من خلال برلمانه وصحافته الحرة والقانون فوق الجميع!!!!هل هذا الكلام صعب التحقيق وعايز ليه درس عصر؟؟؟ولا ابتعاد الانقاذ (الحركة الاسلاموية) عن السلطة والثروة والتفرد بالقرار ولا حسيب ولا رقيب هم خط احمر؟؟؟؟؟؟ يا جماعة ده كلام شنو ده!!!الخيار التانى هو التدخل الاجنبى والعراك بين السودانيين والاستعانة باى طرف!!!هل الانقاذ طرحت هذا الاقتراح على القوى السودانية ورفضت؟؟؟؟ هذا او الطوفان والتدخل الاجنبى وفقدان الاستقلال والكرامة الوطنية!!!(هم اصلا حاصلين الآن)!!!
شايف العمة بقت كبيرة زى عمة كمال ترباس … الظاهر أرباح الصرافة فى تصاعد.
حق الشرق معكم واضح 50% من ايرادات
الذهب
الموانى
الضرائب
القضارف
القاش الزاعى
حلف والرهد
حتى نسطيع إستخراج الغاز كما نطالب بإبعاد أخو البشير
…الزول ده طلع مواطن امريكى من الاغيار ..!..ما تكشف اسرار وخطط بلدك..!..ما تستبعدوا يكون ده الزول الطفأ النور اليوم داك..!!
السيد قطبي ياخي قوة الراس شنو ما ترفعو الراية البيضاء وتخطبو ود امريكا فاعمالة لم تعد عيبا ولا جريمة عقوبتها الاعدام رميا بالرصاص وكم من عميل اضحى بطلا في بلده وكلوا ببركات امريكا ثم ثانيا كغاكم ناس الاتحاد الاشتراكي اخذوا ستة عشر سنة وانتم الآن فوق العشرين كفاية ادوا الفرصة لغيركم واختشوا ماتوا عجبي
مسئول كبير يقول وقعنا اتفاقا مع حكومة الجنوب بعد ان فكت ارتباطها مع قطاع الشمال بموجب الاتفاقية الامنية الجديدة و مسئول كبير اخر يقول رفضنا التفاوض مع قطاع الشمال لانه لم يفك ارتباطه مع دولة الجنوب حتي الان فماهي الحقيقة؟
هاهاهاهاهاآآآآآى ,
خلاص قمت على الهضربة و الولولة !! موش كفاية حكاية شماعاتكم من الصهيونية و الإمبريالية العالمية ؟؟ أصلو إنتو لمن تنزنقو فى حاجة بتحاولو التخارج منها بمثل هذه الشماعات .. لكن لعبتكم دى بقت مكشوفة من شعب السودان , جيبو لينا شماعة تانى تكون جديدة .. و بطلو الضحك على العقول و الإستخفاف ب فهم الناس , ف لو لا أمريكا و بركاتها و إنبراشاتكم ليها لما إستمر نظامكم الفاسد لربع قرن يا وهم .. أسأل وزير خارجيتكم كرتة(بتاع الدفاع الشعبى قاتل أطفال العيلفون الذى ترقى و بقى وزير خارجية) و القاعد يتوسل لامريكا بالامس فى نيويورك و كابى الجِرسة ..
حكاية مجوجة حكاية أمريكا هذه التي تنفذون لها كل ما تريد هي تبقي عليكم ليتم تقسيم السودان المعلوم لدينا قبل مجيئكم للحكم وأصبح الجاهل يعلم أنكم من أسرعتم في مساعدتها في مخطط التقيبم يأسرع ما يخلمون فلا داعي لمثل هذه المقدمات السخبفة لما نعلم أنه سيتم بوجودكم وبركاتكم ومشروعكم الحضاري