✍️ محمد الربيع
————
“أرذل ضروب العبودية عبودية نختارها بأنفسنا”
،،،، إبراهيم الكوني،،،،،
🩸سانكا الذي يزعم بأنه من أنصار حركة البان آفريكانيزم، ظهر في بداية الحرب وبعد سيطرة قوات الدعم السريع علي معظم المواقع العسكرية في العاصمة المثلثة وكشفهم لبعض الأسرار الدفينة للكلية الحربية ، ظهر سانكا في فيديو متحدثاً عن كتابٍ يُعَدّ من أسرار وزارة الدفاع وهو بحثٌ تكميلي لنيل البكالوريوس من جامعة كرري عن فعالية إستخدام الطائرات المقاتلة في دارفور المنكوبة !!
🔥قدّم سانكا الكتاب موضحاً بأن دارفور كان حقل تجارب للإجرام من قبل عصابة دولة ٥٦ واصفاً الكلية الحربية بأنها (كلية الأسرة) في إشارة إلي الإنتقائية في دخولها لقبائل معينة فقط وقال: هذه الحرب كويسة يا زول (لأنها كشفت المستور)،،،، لكن مع مرور الأيام وبعد فك المشتركة للحياد ودخولها في الحرب لمصلحة الجلاد التاريخي في خطوة وصفناها حينها “بالردة النضالية والغباء الإستراتيجي” والتي كانت مثار دهشة وصدمة لكل المراقبين ومفاجأة حتي للجلاد الذي لم يكن يتوقع هذا السقوط بهذه البساطة ، ثم بعدها تحول سانكا إلي داعم لمعسكر الحرب وأصبح بلبوسياً متأثراً بسردية الفلول ومبرر قادة المشتركة “المرتزقة” وإرتدي زيّهم العسكري في تحول دراماتيكي!
🩸عندما لا يرتكز الوعي النضالي علي ثقافة تاريخية وزخيرة معرفية ولا يقف المناضل علي أرضية صلبة من القناعة والثبات يسهل تضليله وقيادته ألي الهاوية بسردية مزيفة أو ترغيبه بالمنصب الديكوري وشوية دولارات كما جرت مع رفاقنا في المشتركة فأبادوا جنودهم ودمروا وطنهم وحصدوا الحصرم ،،، والقادمات أسوأ … وهذا ما سماه المفكر الإيراني علي شريعتي الفرق بين النباهة والإستحمار
وهكذا إنتهي الحال بسانكا كما إنتهي بالدكاترة محمد جلال هاشم وعبدالله علي أبراهيم (الذان خانا تاريخهما من أجل القبيلة والجغرافيا) وبما أن المصائب لا تأتي فرادي فقد خسر موقفه التاريخي وخسر إقامته في ألمانيا ثم رُحّل إلي بورتسودان ليجد شباب البجا في إنتظاره لما بينه وبينهم من ملاسنات سابقة وصفت بأنها كانت عنصرية وساخرة ضد مكونات الشرق فأخذ علي إثرها علقة ساخنة قبل أن يحال إلي نيابة جرائم المعلوماتية ويُرمَي في السجن ذليلاً ولم تنفعه المشتركة او تسانده الجيش وبين عشية وضحاها هبط من ثريا الوعي والنضال إلي ثري الغوغائية والإرتزاق
قبل الختام:
“هناك من يناضل من أجل الحرية وهناك من يطالب بتحسين شروط العبودية” ،، د. مصطفي محمود”
👌
ساكنا ما أخطأ مثلو مثل كل الناس كانوا ضد الجيش بعد ما القحاته عملوا للناس غسل مخ عن الجيش والحكومه ولكن كويس انو رجع وواقف مع الجيش وحكايه انو خسر اقامته في المانيا اكيد دي بي فعل فاعل وكذلك يجد شباب البجا في انتظاره لكي يتم جلده اكيد دي بي فعل فاعل كان مرقب كل تحركاته من المانيا لغايه بورسودان ورسل فديو او صور ليه من داخل الطايره عشان كدا شباب البجا تعرف عليه وقبضوا وجلدو وهو مفروض يفتح بلاغ ضد حكومه السودان والطائره وكذلك يفتح بلاغ ضد الحكومه المانيا لانها رسلتو السودان وهو خطر عليه ومفروض يطلب تعويض كبير بي الضرر الحصل عليه من حكومه السودان والطائره والحكومه المانيا ويفتح بلاغ ضد شباب البجا ومن وراءهم ومابعيد يكون(ذو النون ) وراء كل دا العبث اظن واحتمال لانو زعلان منه لانو رفع صوره زوجته قال طيب هو ماكان يفعل نفس الشي ويرفع صوره زوجته ساكنا او اخواته او امه مش الجزاء بنفس الفعل وليس ضرر مبالغ فيه ينهي حياه الشخص نهائيًا لا لا دا غلط ولانو ذو النون عند علاقات كما قال في كل مكان يضر الناس كدا حررررا عليه لو فعل هذا يمشي من الله وين ولكن الله في شوفوا كلام ذو النون دا ما اثبات في حقه https://youtu.be/Zj2-3-m8O_I?si=O5urY9-IdZGULJwf
شباب اليجا شغالين في المطار وميناء سواكن..وموجودين في حدود الاقليم من اريتريا ل شلتين وما محتاجين ليهم زول يوريهم.
دا شغل بلطجيه ماشغل ناس محترمه عشان انتو ناس البجا موجودين في كل مكان هل من حقكم تمشي جو الطايره وتقبضون علي الناس منو الذي اعطاءكم هذا الحق واذا شخص لاباس نقاب كيف عرفتوا من المشي ولي التسريحه يعني وحتي الجيش ليس من حقو يقبض علي سانكا لانو مافي قضيه مرفوعا ضدوا بي اي حق بيقبضوا علي الناس ومافي قضيه او ادله وماتحققوا من القضيه دا شي غير قانوني وكان مفروض شباب البجا يقدم الشكوي للبوليس ويتركوا كل شي للبوليس يتحقق ويتحرك وبعد داك حتي مالمفروض هو يقبض عليه مفروض يرسل ليه زول يدعوه للمحكمه والقضاء ويجيب معاه محامي وحتي بعد الحكم اذا في سجن يسجن مش يسجن ويقبض عليه قبل و لانو لو كان في قضيه عليه البوليس كان ذهب للمطار وسلموا دعوه المحكمه بي الحضور وكان هايكون عندوا علم ان سانكا في تلك الطايره وهو البوليس بذات نفسو ماكان عارف انو سانكا في الطايره دا كيف ياشباب البجا انت عرفتوا لالا القضيه فيها بلطجيه وين ناس حقوق الانسان وين المحاميين يقيفوا مع سانكا ويشوفو مسجون ليه وقبضوا عشان شنو طالما البلاد دي فيها بلطجيه ومابتخاف من الله ما هالتقدم ابدا ابدا