قصيدة جديدة لمحجوب شريف
باب القلْبِ دقَّ
وقت فتحتو
دخل محمد
ثم غمَّد واستراح
لابس قميص نص كم مشجر بالهتاف
شفت فيو بدر الثبات الضاوي
طالع بدري من فلق الصباح
وشفت فيك إنسانه أم
وحمامه مشرعة الجوانح والجناح
رغم الهواجس والرياح ……
أولادنا هم أكبادنا تمشي
علي الجراح تِلوَ الجراح
أيضا علي جمر النجاح
الهمه طلبه وطالبات
وشباب شباب
مادين سواعدهم الفتيه سكك حديد
وضفاف ضفاف
ونشيد كفاح
لا السنكي… لا السكين
ولا البنبان وقعقعة السلاح
الفجرِ بان يا ديدبان
باب الحديد لو ألف باب
أنظر قفاك.. تلقاه لاح
والشْمسِ من خلف السحاب
تفتح شبابيك البراح
الشعب نِعم الوالدين
الدْين إذن ردوهُ… صاح
فالتشرئبْ… يا من نحبْ
يا أيها الشعب الذي
علمنا ننهض تِتْرِب
ونقوم كمان قُومة…. نَصَاح
*********
محجوب شريف
يوليو 2012
الفجرِ بان يا ديدبان!
لك التحية والتجلة والتقدير وإلاحترام ياشاعر الشعب وطاغور السودان يامهلم الشعب يامعلم والف لابأس عليك وشفاك الله وامدك بالصحة والعافية واطال في عمرك
صح لسانك يا محجوب ياابوى تمنيت ان اكون محمد صلاح
الحرية لمحمد صلاح الحرية لكل المناضلات والمناضلين
الخزى والعار لكلاب الامن والجواسيس
التحية لك ياودالشريف النظيف العفيف ياايها المناضل القديم يام من عشقت الزنازين من اجل الشعب .
أسال الله الكريم رب العرش العظيم ان يلبسك ثوب الصحة والعافية ويمد فى ايامك. امين امين .
لا السنكي… لا السكين
ولا البنبان وقعقعة السلاح
الفجرِ بان يا ديدبان
باب الحديد لو ألف باب
أنظر قفاك.. تلقاه لاح
والشْمسِ من خلف السحاب
تفتح شبابيك البراح
الشعب نِعم الوالدين
الدْين إذن ردوهُ… صاح
فالتشرئبْ… يا من نحبْ
يا أيها الشعب الذي
علمنا ننهض تِتْرِب
ونقوم كمان قُومة…. نَصَاح
تسلم يا غالي يا ابن السودان الغالي والله اشتقنا للكلام الزين وربنا يخليك لينا ويسعدك يحقق امانينا وامانيك
التحية لك صوت الشعب وضمير الامة السودانية محجوب الشريف العفيف
رد الله لك ابنك سالما غانما معافى فى بدنه وعقله! والتحية لصوت الشعب وصوت الاحرار محجوب شريف
هكذا انت ياود شريف حتي مع المرض وفي احلك اللحظات تعطر سماوات وفضاءات البلد وتكحل العين بيقيق كتاباتك واشعارك
لا اسكت الله فوهك
عفوا سيدي الحجاج
***************
***************
كلابك والأفاعي الحايمة من روتانا لي أمواج ..
كاورت البلد بي حالا ..
… ولا لقت اليقولها جر ..
في ناس جيعانة ما قلبت حرف في صاج ..
… في ناس عريانة ما لفحت هدم في الزيفة ..
ما طالت ايديها رغيفه ..
والسبب المعكر كيفا ..
دق بنوتا بالكرباج ..
ناس غلبانة بس دغرية ..
ما بتعرف تخت طاقية في طاقية ..
والدين الحنيف في شرعها الحرية ..
زدتها في الحرج احراج ..
وزدتها في الدجل دجال ..
عوج شفناهو ماسمعناهو في قول زول ..
قال بنات دقوها دق العيش ..
ولاد ما أندقوا في شبال ..
بقت في غصة الأيام ..
قيم غنيتا يا قدال ..
قيم شلناها عمة وتاج ..
رقيص الشامة بت حمدين ..
وخت الحنة لي يات من حضور ضفرين ..
ونمات العديل والذين ..
ورقصة جون مع أوهاج ..
مشينا نقدم البنوت على ضو الرتاين ..
خفت وهج الغنا الوهاج ..
ورحل صوت المغني حزين ..
ورطن صوت العنج هراج ..
سقط في غفلة نون النسوة ..
أخوان البنات والنخوة ..
ستار العيوب والرسوة ..
شيال الحمول أبعاج ..
.. فيا حجاج أكل نارك ..
واتلفح بشاكيرك ..
مع طلعة شهر زو الحجة ..
وأحرم حاج ..
وطوف فوق الجثث طاؤوس ..
وشعبك لا أكل لا علاج ..
وحاج في شنو؟ ..
معاك كل البلد هاصت ..
وفار نحل الجباية وهاج ..
فيا فالق نواة الحبة يافراج ..
ويا باسط عجايب الإسرا والمعراج ..
ويا خالق الخلايا الحية .. أمشاج ابتلت أمشاج ..
طحنتنا طاحونة الفقر ..
طحنتنا سنواتا العجاف ..
يا الله تلزمنا الصبر والسترة ..
والعيش الكفاف ..
وترحمنا من صرة وشي ..
في وش وليداتنا الضعاف ..
…………..
غرقان بيرقص منتشي ..
ووطنا مقطوع من خلاف ..
وبأسم الله ما خلالنا شي ..
وفصلنا في آخر المطاف ..
يا ناسي أقدار الرجال ..
ما تخشى غدر الله وتخاف ..
كتر عوج الكلام والميل ..
وتحت الجزمة مليون ميل ..
تحت الأزمة طاحونة حوافر الخيل ..
سقط تلت البلد عفوا ..
سقط نص البلد لهوا ..
سقط كل البلد سهوا ..
فهل صحاك ضمير الأمة في هجعة هوايد الليل ..
على زبد الغنا الممحوق؟ ..
شنو الخلاك تنوم تحلم على على خرطة وطن مسروق؟ ..
وطن في السوق .. وطن أشتر ..
مرق من ذمة التاريخ على ذمة كلاب الحر ..
ينوم في جبة الدرويش ..
يقوم بي بدلة العسكر ..
.. فيا ويلك في يوم الويل ..
ويا ويلك .. تقوم تحتك قيامة الناس ..
أفواج الضحايا ..
ستات الكجيك والشاي ..
والناس البعرفو شليل ..
حشود الطلبة والعمال ..
وبنوت الغياب والليل ..
طفولة مشردة ونازحين ..
وكم حجاج .. يجيك من ديل يجيك من وين ..
أولاد الشوارع عووك .. المعدمة ومعدومة ..
قطامة وقرضمة وراندوك ..
لماضة وطرقت حلقوما ..
من كل حتة يجوك .. يوم التسود يوما ..
ناسات حكومة الجن .. وناس جنها الحيكومة ..
ما طالا الشوارع في .. في ولاد بعرفوا القوما ..
ولاد راقدين .. وأولاد اسمها المايقوما ..
ديل أولاد شريعة قوش .. المستضعفين في الأرض ..
يبنوا ويهدوا عروش ..
لا بتخون البعض لابتشتريها قروش ..
في كل حته وراك تمرق تلاقي جيوش ..
أصدق لسان الحال من نضمك المهبوش ..
نفس الولاد جايين من طينة حضارة كوش ..
حافظين شعر حميد ..
فاهمين قصايد الدوش ..
ما تمشي يا محجوب دايرين نظبط بوش ..
يا داب عرفنا الصاح ..
دخل الكلام الحوش ..
وشكرا .. شكرا سيدي الحجاج
دمت لنا حرا عفيفا شريفا ايها الشريف امد الله فى عمرك
ربنا يحفظك لهذا الشعب
الحريه لمحمد صلاح و بكرى الجمى و فيصل شبو
والحريه لكل ابطال الثوره
الحرية للسودان … من استعمار الجهبة الإسلامية …. وحرامية كافوري …..
عائد عائد يا أكتوبر … عائد عائد يا ابريل … مليون شهيد وعهد جديد..
يا شباب عليكم الله رددوا هذه الهتافات كل يوم داخلكم والثوره بتنجح .
التحية و التقدير لشاعرنا المخضرم السيد محجوب شريف الشاعر الوطني الملخص نسال الله العظيم القدير ان يمده بمذيد من الصحه و العافية ويسهل له في امورهه حتي يمطر سماء الثورة بمذيد من ابداعاته الشعرية العبقرية …..فدمت ياشريف ابدا نجما في سودانك…فانت….السودان…وانت النيل…وانت امدرمان…في امدرمانك يا شريفنا ياخالد ؟ياشاعرنا يا ذمخضرم؟
دمت لهذا الشعب مثل النيل فأنت ستظل دوماً ضمير لهذا الشعب ومشعل يضي الطريق على الرغم من الصعاب التي تواجهها – إلى الامام الثورة تضحيات وصمود فالنواصل المسيرة .
التحية و التقدير لشاعرنا المخضرم السيد محجوب شريف الشاعر الوطني الملخص نسال الله العظيم القدير ان يمده بمذيد من الصحه و العافية ويسهل له في امورهه حتي يمطر سماء الثورة بمذيد من ابداعاته الشعرية العبقرية …..فدمت ياشريف ابدا نجما في سودانك…فانت….السودان…وانت النيل…وانت امدرمان…في امدرمانك يا شريفنا ياخالد ؟ياشاعرنا يا ذمخضرم؟
أولاً تحية طيبة وتقدير لهذا الرجل البطل الذي قال كلمة حق أمام سلطان جائر وفاجر وقليل أدب
1- فليعلم الشعب أن أموال الزكاة تصرف على محسوبي العصابة الرباطة دعاة المشروع الحرامي
2- شوف البلد فيها كم شركة إتصالات بتطلع زكاة بالملايين وتصرف على كلاب الامن لحراستهم
3- كذلك أموال الضرائب تصرف لرسملة منسوبي العصابة … حكى لي شاب يعمل في ديوان الضرائب
فقال: نجمع القروش ونقسمها على الكيزان الجيعانين الجدد ويعملوا شركات ويكونوا سند للعصابة
إذا قامت القيامة … وحتى أموال الزكاة يسرقوها والشعب يموت من إنعدام المضاد الحيوي والشاش
والعام الماضي رئيس هيئة الحج والعمرة لا أذكر اسمه أكل قروش الحجاج والمعتمرين ( بالله شوف )
والغريب أن الخبر كان في الصحف ومر عادي كأنه لم يفعل شيئاً وكمان تمت ترقيته لمنصب أعلى
وراتب أحلى وزوجه جديدة لزوم التجديد … وبعد كل هذا أن نافع والبشير مستمرين في الكذب
والرقيص … ديل ماعندهم ذرة حياء … فعلاً من أين أتى هؤلاء ؟؟؟؟؟
ســلمت وســلم لسانك …. لسان حال الشعب السوداني الفضل
أنت ..أيها الرائع الإنسان
أنت وطن بأكمله وكماله
هذه القصيده مهداة لشاعر الوطن الكبير محجوب شريف ومناسبتها كما معروف ان والدة الشاعر عليها الرحمة 00(الوالده مريم)توفيت وشاعرنا الكبير كان في غياهب السجن .والف الشاعر قصيده لوالدته باسم (يا والده يا مريم) . وهذه القصيده بلسان حال الوالده للابن محجوب شريف . منذ ذلك التاريخ وهي لاول مرة تخرج للعلن . مع التمنيات لك حبيبنا حبيب الشعب شاعر الغبش بالصحة والعافية….
(من الوالده مريم ,,للابن محجوب ,,,)
يا وليدي يا محجوب *****
حجبوك من عينيئ *****
يوم وسدوني الطوب *****
كان العشم فيني *****
اشوف قرنق وادروب *****
شايلين مشاعل ضيي *****
لي كل زول مغلوب *****
من الهموم والكي *****
لكن قدر يا وليد *****
يا روحي ضيي عينيي *****
انا عافية منك يوت ****
يا فريد الزيي *****
العسكري الفراق *****
فرقنا ما نتلم *****
شال من عيوني صباح *****
شال النفس والضيي *****
واليله هو البندم *****
لكن قدر يا وليد *****
لي فراقي لا تهتم *****
بكره البلد تنعم *****
بكرة البليد يندم *****
بكرة البلد تتلم *****
في قبايل العيد *****
بوشاحها تتهندم *****
انا عافية منك يوت *****
يا وليدي لا تندم *****
بكرة الوطن ينجم *****
يعيش وليك يسلم *****
فلتكن الجمعه القادمه للشباب والشابات ولجميع المعتقلين في بيوت اشباح النظام
تحيه لهم وتضامناً معهم و تأكيداً لاطلاق صراحهم ، ولتكن التجمعات امام مكاتب الامم المتحدة والمنظمات المهتمه الاخرى ،
ثم الاتجاه صوب بيوت اشباح النظام المعروفه لإقتحامها كما فعلت جماهير إحدي اقاليم السودان الابية ، او الاتجاه لمنازل منسوبي الاجهزه الامنيه .
يجب التعميم للاهميه ، وعلى النشطاء في الميدان تبني الفكرة .
هؤلاء مع رفاقهم هم الذين اشعلوا الشرارة الاولى والمهمه لثورتنا المنتصرة .
والتحيه لمحجوب شريف (الشريف) ، و لزينب بدر الدين (الصامده) ، ولمحمد ورفاقه الحريه .